一生懸麵

營業中

休息中

行過花園街看見這家櫻花蝦沾麵好像蠻澎拜的無論拉麵還是沾麵，價錢也非常抵玩，就來吃！✅櫻花蝦沾麵 $83視覺效果非常震撼！滿滿的一碗櫻花蝦豬骨濃湯底，配上的火炙厚切叉燒，是我在香港吃過最好吃之一。跟師傅談過，叉燒是用了好的五花腩肉。果然味道還是首先要靚料開始。可惜麵條沒有想像中的彈性，這裏有扣一點分。看看周圍其他顧客，每一桌基本上都有點這一份。✅辛辣拉麵 $78用的一樣是豬骨湯底，但加上辛辣的味道就更過癮了。而且叉燒和麵的份量很多，食完非常滿足。✅小食：唐揚雞$32 燒餃子$28炸雞溫度控制不錯，但本身沒有太多調味，要沾醬才好吃。餃子不過不失，個人覺得餃子皮可以烤得更脆一點。✅飲料: 波子汽水 $15兒時必點的回憶飲料。

【近排出新款雪糕拉麵🍦】食開沾麵嘅話相信對呢一間度唔會陌生😆呢一間真係成日都排長龍，除咗有沾麵之外🍜佢近排仲創新地出咗期間限定拉麵雪糕拉麵🍦所以大家應該都係IG成日見到佢嘅蹤影🤣但係我係之前食，當時仲未有雪糕拉麵😭.🍴魚介豚骨沾麵湯底真係有魚嘅鮮味😙幾濃郁，食落有少少偏鹹，沾麵嘅硬度啱啱好幾彈牙😝你可以選擇揀凍麵❄️或者熱麵🔥今次我叫咗凍麵🧊就算叫凍麵，配上熱湯，食落去都唔會好凍，啲麵仲好掛汁🥳叉燒厚切，屬半肥瘦，食落去好淋，有火炙味道🤤食完仲可以叫店員加清湯飲晒啲魚介湯🍲.🍴唐揚炸雞炸雞外皮好脆，即刻食真係會辣親個口仔💩雞肉炸得幾嫩滑又多汁🤤啱啱好👍推介❗️.🍴雞軟骨棒雞軟骨不過不失😉-🔖佢仲有其他款嘅沾麵、拉麵🍜.💡店舖比較細，通常都要排隊🙋‍♂️-💎推介指數: 💎💎💎💎💡性價比:✨✨✨✨🍴ENCORE指數: 💛💛💛（想試佢雪糕拉麵🍦)-

我真係好怕排隊..所以一直都無動力食一生懸麵😆今日的起心肝去，去到竟然唔洗等位😍拉麵平均7-80蚊一碗，價錢合理。重點係佢既叉燒都係用肥叉😍😍燒香左比起一般叉燒香口同軟淋☺️☺️.海老沾麵有好多櫻花蝦，湯底比想像中香濃；豚骨拉麵中等，食落有少少膩。最後.筍有少少味。不過都推薦❤️.海老沾麵 ⋆ $83

最近雪糕拉麵掀起左熱潮 🍦🍜嗰日就特登去咗試吓伏唔伏～個雪糕係花生醬味🥜甜甜地嘅雪糕溶咗之後 可以中和湯底嘅辛辣味🌶食落好有擔擔麵嘅感覺！味道出奇地夾！可以一試！

呢間拉麵🍜店算係排隊長龍店，成日都見到好多人，特別係假期。店內細細，不過坐得都ok嘅。叫咗3樣嘢，總括而言，幾抵食但味道唔係特別好，唔係要特登嚟食果種😂。睇在咁抵食都可以一戰🍜算幾推介海老沾麵（$85）🍜，算幾推介呢款，主要因為佢個湯加咗好多櫻花蝦🦐🦐🦐，好香濃好有鮮味，差唔多食每啖都有蝦，好足料。麵條揀咗較硬，幾有彈性同掛到湯汁。但叉燒同溏心蛋🥚一般般，叉燒有啲乾。朋友叫咗雪糕拉麵（$98）🍦，試咗少少。淨係咁食個雪糕都幾好味，濃濃花生味🥜🥜🥜唔錯唔錯。本身嘅湯底叫咗少辣，辣辣哋，雪糕溶咗之後，個湯汁淨係得返甜甜嘅花生味。麵條溝花生味嘅湯汁都ok，不過唔算特別好味，朋友仲話食多幾啖已經有啲濟。仲有唐揚炸雞（$32）🍗，份量好多，完全超出預期，好抵食。新鮮熱辣，外皮香脆，入面嘅雞肉好嫩滑多汁，正👍🏻💁🏻‍♀️服務唔錯，唔係話特別有禮，但唔知點解感覺好親切。🌟如果經過見到呢間拉麵舖又唔係好多人排隊，都可以一試。。我都想再試吓其它湯底。

香港閑閑哋食個沾麵拉麵，人均都要過$100，但呢間黃店真係非常抵食，人均只需70幾蚊，仲要唔使加一😱！味道仲好高質，唔怪之得勁受歡迎，成日排長龍～▪️特濃豚骨沾麵 $78▪️湯係我哋最愛嘅魚介豚骨湯😽食咁多沾麵都係覺得魚介味最正！湯入面有幾粒瘦啲嘅豚肉粒，都係正宗沾麵做法～我哋食旺角店就冇爐加熱啲湯嘅，但見餐廳啲FB post好似其他分店有，可以keep住沾麵汁嘅熱力再正啲！沾麵同拉麵表面會見到有一粒粒咁，睇返佢哋之前啲訪問先知，呢種係「全粒粉」拉麵，用全麥粉製成，比較健康～但食落其實味道完全唔怪，啲麵仲好掛汁👏🏻！配料方面有叉燒、半熟蛋、竹筍等。叉燒係厚切、肥瘦相間，表面輕輕燒過好好食🤤 半熟蛋睇圖都見到，真係好流心！食晒沾麵記得叫店員加清湯落沾麵汁到，可以飲埋啲魚介湯😏▪️辛辣拉麵 $78▪️之前食過一啲沾麵好出名嘅店舖，佢哋嘅沾麵同拉麵水準可以好參差🤣 但係呢間一生懸麵就唔會，沾麵同拉麵同樣有水準！辛辣味嘅湯唔會過辣，恰到好處😍 配料叉燒、溏心蛋同埋麵條，其實同沾麵都係一樣，愛好拉麵嘅你都值得試吓💛▪️煎餃子 $28▪️呢個價錢有5隻餃子🥟真係幾抵！個皮煎到金黃色脆脆地，咬落有啲肉汁，cp值

一大早滿懷希望黎排隊等開門，等咗一個鐘終於開門，開12點遲咗好似5分鐘左右先開門，不過唔緊要，重點係食物嘛！雪糕辣拉麵，$98，誤聽友人話雪糕溶咗個湯唔會好辣，點知辣到飛起，雪糕溶咗同未溶我都只係食到辣味，亦無其他人講話雪糕溶咗有種特別味道。雪糕未溶前咬咗啖，其實支雪糕幾好味，反而放咗落拉麵溶哂我覺得有啲可惜。另外本來以為雪糕係一支，點知係得半支😅 另外令我好困惑嘅係網上話呢支係花生味雪糕定湯底有花生味，我一啲花生味都冇食到 ，總之就係得個辣字。個麵質唔錯，叉燒亦都幾肥美，睇你鐘唔鐘意食肥，佢塊叉燒有一層都幾肥下，我個人黎講幾鐘意佢塊叉燒，燒得幾惹味。雞軟骨捧，$28，無咩特別，比較鐘意食一粒粒嘅雞軟骨。煎餃，$28，呢個煎餃反而煎得幾出色，入面嘅料就無咩特別，一般餃子，但煎得幾好。炸雞，$32，本身無叫，見其他人叫望落幾靚仔，又叫黎試下，因為費事下次試要再排隊🤣 食落有啲失望，炸雞粉好厚，炸皮偏硬，唔係脆口，雞肉唔算滑，不過32蚊可以試一次嘅，一次好了。總括黎講，唔洗排隊都可以再食，要排咁耐就不了，因為真係無咩特別。

人氣雪糕拉麵！之前日本新興雪糕加拉麵嘅食法，香港呢間拉麵店仿效推出雪糕拉麵，令顧客人龍絡繹不絕，我哋下午五點幾六點去到都要排隊等候入座，因為店舖隔離裝修緊，排隊都有啲麻煩，初頭會有少少混亂。而且拉麵即點即製，都等咗二十幾分鐘先有得食。雪糕拉麵$98- 呢個期間限定嘅拉麵其實係花生醬味雪糕加辛辣湯底。首先飲咗一啖湯，都幾重豬骨同辣味。然後重點食花生醬味雪糕，雪糕雪到硬冰冰，就算影咗相幾分鐘都未融。雪糕有濃濃嘅花生醬味道，面頭有花生碎，增加口感同花生嘅味道。為免雪糕筒浸到林晒，我都特登就咁食咗個雪糕筒先，一夾起先知道原來餐廳將雪糕橫切左一半，見到雪糕筒嘅橫切面覺得好治癒，味道都有少少花生醬味。唔覺唔覺就咁食咗好多雪糕，剩返好少撈落個湯底度，所以湯底都仲會有啲辣。另外想讚一讚呢度嘅拉麵，有少少粗度，有咬口彈牙，掛到湯。雪糕拉麵味道唔錯又適合打卡，推介！特濃豚骨沾麵$79- 朋友話沾麵同微辣嘅湯底都好夾，唔會太鹹太重口味。

今次試咗呢間好出名嘅拉麵～～-雪糕拉麵湯底係辛辣湯底，店員話係譚仔5小辣嘅程度，食開辣嘅我覺得還可以～～因為雪糕融化之後其實辣度就會相對減少。雪糕係花生醬口味，旁邊撒滿花生粉，花生味香濃而且口感很順滑綿密。兩者融合有啲似擔擔面。雪糕嘅甜中和了湯底嘅辣，湯底嘅辣也化解了冰淇淋嘅膩，幾match，有啲驚喜😂😂其他配料係常規拉麵裡有嘅：日式厚叉燒、溏心蛋、筍片、芽菜，青蔥。麵可以自己選擇軟硬度，真材實料，係水準之上👍🏻👍🏻

💡第一時間想提醒大家，如果想成功食到雪糕拉麵，除咗早啲到舖頭排隊，仲可以留意下佢哋Instagram，佢哋會不斷更新供應情況，咁就唔洗撲空喇😉-🌟花生醬雪糕辛辣拉麵 $98呢款拉麵我有幸食到2次，第一次因為上菜時雪糕已經半溶狀態，加上連甜筒都裂開了❤️‍🩹其實當下未察覺有大問題🫣-追求岀品高質嘅老闆睇唔過眼🤣覺得雪糕狀態未如理想，決心再邀請我哋再去食過，為我哋送上一碗完美拉麵🤤果然再去食過，先知道效果差很遠呢，然後最近佢哋仲喺拉麵加上花生碎🥜令花生香氣再度提升🆙 花生雪糕口感紮實，溶化之後融入新辣湯底，令湯底嘅質感更加濃厚有奶油感，亦都令到辛辣嘅味道變得柔和😋有種上海擔擔麵嘅感覺，加上配料有平時少見嘅椰菜絲，原來同拉麵一齊食會有少少清甜同爽脆，冇咁膩口😛-而佢哋嘅叉燒都好香好肥美，加上用火槍燒過會多咗一陣焦香味，叉燒入口即溶，非常滋味🍖-🍗雞軟骨棒 $28-🍜一生懸麵 ——旺角店🏡地址: 旺角通菜街73號地下☎️電話: 27481001🕙營業時間: 12:00-22:00 (Mon-Sun)-🍜一生懸麵——九龍灣店🏡地址: 牛頭角牛頭角道3號得寶商場地下121號舖☎️電話:37058766🕚

出發之前已經有排隊等位嘅準備，由於而家嘅女人街檔口同人流都少咗好多，所以排隊嘅位置都尚算鬆動，都唔知咁樣係叫好彩定唔好彩，店員不時有過嚟提醒大家盡量唔好擋到其他店舖門口，雖然態度確實不太友善。當排到開始接近目標時，店員會派點餐紙，一心打算去食沾麵嘅我，拎起點餐紙就比一個名吸引咗，花生醬雪糕拉麵！！！仲係限定的。雖然呢個組合望落有啲邪惡，但係唔洗思考2秒就成功揀咗 XD 碗麵上枱真係要第一時間比相機食先，成個雪糕放喺熱辣辣嘅辛辣湯麵嘅中心，未食入口已經喺嗅覺同感官中感受佢嘅多層次，先食一啖純辛辣湯麵，再黎係雪糕+辛辣湯麵，然後係花生醬加辛辣湯麵，最後全部混埋一齊湯麵。後3個組合都係開心仔嘅味道，就算而家望返相都想再回味呢。據說呢個限定拉麵每日每間分店都係數量限定，真心覺得自己太好彩了。

近排睇YouTube留意到一種日本依家好興嘅拉麵新奇食法，就係將一個凍冰冰嘅雪糕加入一碗熱辣辣嘅拉麵到😳 一開頭聽都覺得應該伏伏哋，但竟然見到唔少人話好食，最緊要係香港有拉麵店都出咗呢個新食法，所以前排趁住週末即刻去試吓🤪🍦 雪糕拉麵 $98因為雪糕拉麵係限量發售嘅，喺佢未開門之前就已經去咗排隊，未開門營業就已經排咗長長嘅人龍🤣 準時入到，即刻嗌左兩碗雪糕拉麵！不得不提一下佢嘅雪糕係由另一間黃店想甜嚐甜出嘅花生醬雪糕😳 個麵嘅湯底係一個偏辣嘅湯底，加埋個雪糕，應該係想做到擔擔面嘅效果🤪 原來加埋一齊又唔係好奇怪，雪糕嘅奶香味融入咗偏辣嘅湯底，中和咗個辣味之餘，仲有少少牛奶香味，不過花生味就因為撈埋一齊而少咗，其實就咁食個雪糕都好好食，我會prefer食一住麵，咬一啖雪糕多啲🤣而佢嘅麵係粗身麵質地，非常彈牙煙靭，係我都幾鍾意食嘅口感☺️ 兩塊叉燒係厚切，微微燒過嚟，仲有啲啲油香🤤 煮得非常軟腍，鍾意食半肥叉嘅你就啱晒！而最鍾意嘅係佢隻溏心蛋，煮得剛剛好，超流心，好滿意！🍢 雞軟骨棒 $28另外我哋亦都嗌咗呢款小食，因為掛住食唔記得咗影相🤣 佢嘅雞軟骨棒都幾唔錯，雖然食得出係出邊買返嚟嘅雞軟

🍜魚介豚骨凍沾麵 -$78魚介湯雖為清湯底，但味道清新，帶有淡淡魚鮮味。不過如味道更濃就好啦😆豚肉厚切卻煮得軟稔易入口；連平時不好荀嘅我都all kill晒啲荀，整體味道不過不失～🍜海老凍沾麵 -$83濃郁櫻花蝦湯底，加上青檸汁，令蝦鮮味更為突出。建議重口味人士選擇海老>魚介🤣

晚巿可以堂食，行完街就走去食一生懸麵勁多人，等左大半個鐘先入到去白湯豚骨拉麵加半熟蛋豚骨湯好濃郁，灸燒叉燒半肥瘦，肉質細嫩半熟蛋流心，一口食滿滿幸福感配埋木耳絲，荀同紫菜，好足料。魚介豚骨沾麵加半熟蛋沾麵湯滿滿魚的鮮香，麵質軟硬適中，唯獨掛湯力就麻麻地半熟蛋真係必加，食隻半蛋無問題只係$12一隻蛋稍為貴左少少，唔係太親民。灸燒叉燒好厚，食落好香，好好食其實我仲叫有餃子，不過掛住食唔記得左相機食先餃子味道一如以往，餡料普通。

第二次過嚟食，公眾假期午餐嗰條龍比起平日嘅晚飯仲要長多一倍，等咗差唔多有一個鐘，終於輪到我食。大約1:30 p.m.左右已經冇晒限定嘅雪糕拉麵。知我哋等咗好耐出面又熱，所以一上枱唔洗1秒就已經放定好凍冰冰嘅飲品比客人，值得加分。我叫咗一碗白湯豚骨拉麵。飲咗一啖湯先，有非常濃郁嘅豬骨湯味，麵相對係幼身少少，叉燒半肥瘦偏肥，所以好多人鍾意食。另外有木耳、荀、紫菜兩塊、流心蛋半隻。撈埋一齊，食落去非常好食。另外亦叫咗一碗魚介豚骨沾麵。我係加咗$15叉燒，所以你見叉燒嘅份量比平時多。同樣都係有流心蛋半隻、荀，不過就冇紫菜。沾麵的湯底比起啱先我覺得係比較鮮甜，冇咁濃郁但係甜味重啲，兩款口味都好好食，各有千秋。而且睇得出佢份量都唔細，食完真係好飽。埋單HKD 183，如果路過見到唔駛等咁耐，一定會再嚟食。