うまい鮨勘

營業中

休息中

有朋友來香港旅行，同佢去尖沙咀行街，大家都行到好攰，所以順便喺海港城食埋晚飯，難得朋友捧場，當然要食餐好嘅，朋友想食日本野，所以特登搵呢間裝修行高檔路線的日本餐廳。餐牌上有好多選擇，有丼飯，壽司，同刺身，我同朋友一人點左一款丼飯。餐廳即點即製，等左差唔多10分鐘終於有得食啦，大家都好肚餓。海膽帶子三文魚丼＄200，論賣相一流，海膽色澤靚呈金黃色，三文魚厚切，脂肪分布平均，旁邊帶子好大粒。將Wasabi混入豉油，撈埋一齊之後將去倒入飯入邊，珍珠米上面亦有橋妙，有雞蛋絲和菇，增加米飯香氣，再將海膽混入飯中，海膽非常鮮甜，食完真係完全唔記得行街嘅攰，帆立貝略嫌解凍不夠，仍然凍左少許，但係都非常鮮甜。朋友點左三色丼＄250，賣相都非常吸引，五顏六色，有吞拿魚蓉，三文魚子和海膽，三文魚子放入口好多汁，口感好得意，將吞拿魚蓉混理飯入邊食，增加口感，好有滿足感，呢個價錢食到咁高質，絕對超值。

食完先知咩叫好野 每日日本新鮮直送刺身知道今日黎呢到食，已經期待左好耐，不嬲日本野都深受我歡心所以個日已經咩都唔想做，只想快d有得食乾淨簡潔既日本和風，7點幾黎到已經坐滿哂人，內地人、香港人、外國人全部都有～宜家仲有優惠，半價可以食350克吞拿魚，又可以dl app免費送蟹籽沙律，真係覺得超值，所以即刻dl個app，即刻有得送，勁happy呀喂先黎呢個軟殻蟹牛油果卷，真係好食到嘩嘩聲⋯⋯⋯⋯中間好大棵菜裡面都有軟殻蟹的放心放心，呢間係我食過最鮮既軟殻蟹，好有蟹味，絕對係無誇張，一定要點呢個！芝士蛋卷都深受大家喜歡，甜甜地連芝士食，唔會令大家失望。戲肉梗係呢個每日日本新鮮直送的魚生丼，包括大蝦、吞拿魚、海膽、魚子等，見到都流哂口水，唔食都對唔住自己，海量既海膽又甜又甘，撈飯好食到喊出黎，呢個真係無得輸⋯每塊魚生都好大塊，魚油出哂黎，好肥美以後食唔返點算壽司黎講，無想像中咁貴，中價但食到極尚新鮮既壽司，賣相已經贏在起跑線上，而且唔係得個樣，不得不讚長崎產極尚吞拿魚，一咬入口，幸福出哂黎其他都水準之上，上面配有特別既醬 例如蔥花、藍梅等，好創新又好夾～香港人點可以唔叫三文魚腩呢食魚對身體好，

最近工作壓力山大，晚上能過海吃個飯已經覺得心情很好。發現海港城開了家新的日料，禮拜一工作完便和男友去試試看。這家餐廳比較隱蔽，在海運大廈地下層，經過facesss旁邊Chanel店旁邊有條扶手梯向下一層就可以看到。這家餐廳已木系裝潢為主，一進門就可以看到一個壽司吧台，裡面很寬敞舒適。這家餐廳是從日本築地過來的，不用去日本就可以吃到新鮮刺身很期待呢。小食我們點了枝豆（$38）和和風炸雞（$48）。枝豆煮得有點太久，炸雞炸得不油而且雞肉還是蠻嫩的。主食我們點了北海道丼（$280），裡面有加拿大海膽，牡丹蝦，中鮪魚腩，松葉蟹肉，帆立貝，鯛魚，油甘魚，三文魚和三文魚籽。海膽如果加$50可以升級到北海道海膽，我覺得加拿大的也很鮮甜軟綿綿。牡丹蝦爽口鮮甜，鮪魚腩肥美。但帆立貝不是很鮮甜爽口，咬下去有點淋淋的口感。至於飯來說，雖然店裡面擺著用日本米的牌子，但是飯不夠飽滿，比較像中式米的感覺。男友點的是炙燒四色丼($200),看上去很美味的感覺！裡面有白魚和三文魚，還蠻新鮮。同樣飯如果能改善一下會更好。這家餐廳坐得很舒服，而且晚上人不多，在海港城逛完街可以坐下吃碗築地來的魚生飯還不錯。

同老婆去搵食，今日決定食好啲！所以去咗呢間築地過江龍！壽司醫肚就必然啦，不過心血來潮，豪少少食個刺身拼盤先！上菜嗰下真係哇哇聲，6式刺身整整齊齊排好，真係睇都已經好滿足！厚切油甘魚好肥美，甜蝦整走哂殼擺靚靚先上盤，幾鮮甜！至於帶子就似喺北海道食嗰隻質地，大隻啲但係就無咁爽口，各花入各眼啦！呢到啲豉油唔太咸，將啲刺身鮮味帶到出嚟，好味！可以試下唔落wasabi只係點少少豉油食，正！而另一個特別地方就係呢到都有啲居酒屋嘢食叫，我哋試咗個宮畸腸，感覺有啲和洋日式料理feel，係加咗少少日本元素嘅德國腸！配嗰個酸酸哋嘅汁食好開胃，配酒真係唔錯架！

放咗工約咗朋友喺海港城買啲嘢後搵食，海港城入面其實都算多嘢食，不過朋友話想吃日本嘢，清淡啲，就入咗呢間壽司店哈哈，一睇個餐牌感覺都幾高級下，但竟然都坐底咗就食好佢，見到餐牌嗰個極上鮪魚丼感覺超吸引，好多吞拿魚😍同朋友商量後決定叫，最終真係一啲都無後悔嘩，就係見到個飯畀啲吞拿魚蓋過晒，已經令我地兩個流晒口水，查實個刺身飯包括晒大中tuna腩、赤身同埋吞拿魚蓉，佢地好多好多片咁疊埋，一塊塊咁食食咗好多刺身咁,再加上啲刺身好新鮮，有鮮甜味，入落口好正齋食啲刺身感覺食咗好多tuna, 其實個飯嘅份量唔係好大，單喺個ball型吞拿魚蓉已經夠晒送飯，不過單喺一片片刺身數量，滿足感爆分，雖然唔平，但好彩有叫另外都叫咗自己去食日本嘢必叫嘅玉子燒，當然無極上鮪魚丼咁令人震撼喇，不過都好跳甜味，好食，只怪刺身飯太令人難忘

朋友生日想食日本嘢，上網見依間由築地嚟既日本餐廳既評價好似唔錯早幾日book定星期六晚，嚟到唔使等，就有位著和服既姐姐帶我地入去坐位闊落，每枱之間有適當既距離，坐得幾舒服個杯有唔同壽司既圖案，幾得意先嚟左個甲羅燒($198)蟹膏味道濃郁，有蟹既鮮味不過每人一個食到最後略嫌有少少膩😝雖然係咁，但都好值得嗌咁既甲羅燒嚟講，$198算係正常價錢，食得過銀鱈魚西京燒($168)魚肉好鮮好滑，魚皮好脆我同朋友兩個都食到停唔到😝😝可惜份量太少~略嫌有少少貴鮪魚壽司盛($250)由卷物到拖羅，每樣都係一式兩件，同朋友share啱啱好拖羅肥美，油脂分佈平均，食落真係好好食價錢合理，質素高咁多人嗌係有原因北海道丼($280)，成餐飯最貴既一道，可惜味道最一般葉後面收埋有海膽同蟹肉北海道丼可以一次過試勻好多款刺身，但可惜無一款刺身特別新鮮/好味，海膽都唔算話好鮮甜係四樣入面最失望最後兩個人食左差唔多成千蚊，除左海鮮丼之外，其他都值回票價，算係係香港搵到少少既日本感覺

第二次來食呢間餐廳，都係食同一款拖羅定食，最貴果隻$350一碗。今次食完應該唔會再食，點解？拖羅份閨少左，質素無咁靚，飯嘅份量都少左！但價錢一樣咁貴！仲記得第一次食果陣，碗拖羅飯啲拖羅滿滿一大碗，結果食唔洗，外賣食剩果啲！今次，食完都唔夠飽！好失望！

實在係太掛住日本嘅壽司，所以今日約左友人黎尖沙咀試下呢間築地場內壽司，回想下係日本嘅日子一入店嘅感覺好開放，可見到壽司師傅以熟練嘅手勢去握壽司，而且俾人一種乾淨嘅感覺餐牌有好多款選擇真係花多眼亂，所以我地叫左-築地壽司盛 $488 呢個有12件嘅，唔洗諗可以一次過試哂佢地最新鮮嘅壽司。每件都好新鮮好好味😳壽司是手握的，飯比較有黏性，醋味不大-鰻魚壽司一件 $20 鰻魚都算大塊蓋過成舊飯，鰻魚好肥美牛油果炸軟殼蟹卷 $100軟殼蟹好多，仲食到有肉同有膏灸燒帆立貝 $38帆立貝好新鮮好有鮮味蝦天扶良 $120炸得好出色，唔會太多漿粉，唔會太油，值得一讚

见到评价普遍不错才来试试，点知失望而归，吞拿鱼蓉同北极贝系看得见的不新鲜，三文鱼腩竟然可以无甜味；仲有果个凡立贝竟然系软糯噶，更不用说甜味了反正不会下次了，真心失望

While I patiently wait for its next door neighbour, HAKU, to open (It was finally open on 20th July), Umai Sushikan would serve as the temporary solution to satisfy our craving for premium Japanese food this afternoon.Opened back in January, Umai Sushikan is the latest Japanese restaurant that builds around freshly imported ingredients from Tsukiji Market (or equivalent grade? I'm no expert in Japanese food).On top of the premium jet-fresh fish from Japan, there are also other notable items on t

小弟曾到訪過關西、北海道及九州，但貴為首都嘅東京，真喺一次都未去過，拖吓拖吓「築地」都計劃好搬去豐州，而我都仲未有計劃到東京走一轉。晌築地內場嘅「うまい鮨勘」落戶香港，選址海運大廈，到訪唔喺因為其過江龍身份，而喺食友嘅誠心推介。從門面所見，餐廳應該幾大，設計又有得氣派，着住和服嘅妹妹負責引路。香港人一向貪新鮮，仲加上從築地而嚟，想必初期一定好墟撼，所以，趁店家開咗一段日子先過嚟。走進店內，環境果然好闊落，先喺巨型壽司吧枱，喺試「廚師發辧」 最佳之地，往內望，喺一組組嘅卡位，高樓底令空間感更強。整家店都以原木為主，貫徹和風暖色木系。再走入啲，除卡位，亦有可拼桌嘅小餐枱，所以多少人嚟都無問題。小弟被安排坐晌較入嘅位置，嚟嘅食客又較斯文，所以，感覺幾清靜。坐低細心再睇，牆上刻有好多關於鮮魚嘅資訊，叫人別忘記佢喺一家壽司店。裝修骨子之外，餐具亦有啲亮點，餐碟印上同一款花紋，筷子喺即棄性嘅，但都睇得出喺高質量貨式，唔喺平價貨帶木刺嘅可比。而最令人聚焦，相信喺佢哋隻茶杯，厚身嘅瓷杯印有店家嘅名字，最有趣非其他壽司公仔莫屬，有凹凸坑紋，拿上手好有手感，圖案又畫得維妙維肖，日文名稱加上拼音，真喺可以看

日做夜做都是為了搵食，明知要加班到半夜，今午要食個靚飯先。上次來食已經是這店開幕之時，唔知水準keep 到如何呢？今次無咁多人排隊，但座位是滿座的。餐牌沒有大的改動，有魚生、天婦羅同鰻魚等，而丼飯由$120-$350不等，中等價位。三色丼$250這丼飯一次過有囇海膽、三文魚子同呑拿魚蓉，而且份量唔少。海膽呈金黃色，食落都幾甜，幾有海膽味；三文魚子大大粒，入囗卜的一聲爆開，一陣咸咸地的鮮味透出來，不錯；而吞拿魚蓉好像是手切般，成蓉之餘又有一點點的碎肉，口感不錯。整體感覺不錯，以這個價錢可謂交足貨。可以encore.

想不到那麼晚才找吃的，隨便一間走進去，已經要last order，沒關係吧！！真正吃東西的話，其實半小時已足夠！只是加了談話、點菜和很重要的拍照，真是兩小時也不夠！我們點的不算多，但埋單竟然每人$400，嚇一嚇！不值那麼多錢吧！！最貴那蟹蓋，誰叫我們見到鄰桌有便叫，不看價錢，也只怪我們是蟹痴啊！那件特大壽司，也只是大一點，堆滿一點，結果有一件要分碟上，奇怪，賣相也扣了分！味道不差，但貴在那裡？都是看當天來貨質素吧！有時候千両也不錯呢！

今晚係海港城行街，都行到9點左右，諗下食乜野既時候，男友提出話不如試下依間由日本開過黎既餐廳。去到可能因為都晏，所以唔使等位，環境都唔錯既、裝修都係一貫和式，只不過冷氣比較大，越坐越涷杯茶都好快就涼左。咁我地睇左menu, 本身唔太肚餓又因爲第一次試所以唔敢叫太多，就叫左個tuna既set, 有赤身、中拖羅同大拖羅仲有拖羅卷。另外再叫左幾件壽司同埋一個天丼。先黎壽司，口感唔錯，材料新鮮其實已經爭好遠、好彩無太過強烈既wasabi, 飯亦都無一夾就散。再到拖羅set, 自從食過好食既拖羅之後就愛上左由其係肥美充滿油分既。由細卷開始食起，再到赤身咁食上去（每樣兩件兩個人岩岩好），嘩！我終於搵返係日本食拖羅果個感覺喇！好juicy! 好滿足！最後到天丼、都幾大碗好足料！蝦天婦羅有3條！仲有茄子南瓜同埋未試過既栗米心？好爽口！兩個人share食又可以試到其他野。另外一提，如果下晝lunch time黎食d丼既話係送前菜同麵豉湯。整體黎講係無失望既，價錢亦合理算係咁。一向都話價錢同質素係成正比。期待下一次試下拖羅丼飯！

日頭去到尖沙咀行街，行到去海港城就睇下有乜嘢日本野好食，醫下個肚食個下午茶。去到見到呢間裝修幾豪華，有氣派，屬於高級嘅日本料理，我哋兩個人就入咗去試吓下午茶先。入到去店員安排我哋坐卡位，環境都幾闊落，而且開放式的，原來下午茶都係要按照餐牌上的食物散叫的，而沒有下午茶供應。咁我哋梗係叫我地最鍾意嘅新鮮刺身啦，佢呢個係set好咗嘅刺身盛，入面有牡丹蝦，有我最鍾意嘅海膽，仲有吞拿魚等等嘅刺身，望落去都好吸引呀，而且刺身上面有一層油光，好靚架。食落去原來都幾鮮甜，同埋好新鮮，同外表嘅都一樣。另外我哋叫咗個蟹子玉子蛋卷，望落去賣相都好吸引呀，而且係新鮮即做，熱辣辣的，食落口蛋捲唔會散咗，而且好香蛋味呀，鹹度都啱啱好，不過價錢就偏貴，屬於高檔餐廳，有機會都會試吓佢哋嘅晚餐啦。