うまい鮨勘

營業中

休息中

我小杜比，其中最喜歡吃的菜色，其中當然是日本菜、也喜歡到日本（其中，當然為美食），可是，有時候也不能去太多日本，所以，很想在香港找間日本料理、既新鮮、價錢也商宜。這間，就附合我要求，其中極上鮨勘丼（$350），標榜，每日精選 10 款空運鮮刺身，雖然，不能證實是否每天空運抵港，但吃落真的鮮甜、拍得住喺日本吃，每次都點這個，每次的刺身也有點不同、吃到停唔到口、份量十足。如果，喜歡吃蟹的朋友，函館丼（$220）也不錯，松葉蟹肉、松葉蟹膏、松葉蟹捧、海膽、三文魚籽，足料抵吃～備註：麵豉湯，很多味精，最好不要點來喝、除了刺身丼，其他食物沒吃過，所以，這個好評，不包括其他食物。

極上壽司華而不實、丼飯醬汁甜過了頭、兒童飯團海苔欠奉。性價比低，恕不推介。Sushi Kan: Kan-not recommend. 4/10うまい (UMAI) 即美味的意思，うまくない (UMAKUNAI) 是相反。在附近和小朋友玩，太太想吃壽司，沒甚麼頭緒便決定一試。這裏是寿司処，當然是主打壽司。 店方對拖羅和其他海鮮丼物都好像很有自信，聲稱是每天空運到港。我見這餐廳格局，直覺覺得有點伏，所以我只點了吉列豬扒蛋飯。我們亦點了最貴的築地壽司拼盤，一客兒童餐和豚肉生薑燒。餐牌上顯示了白子和牡丹蝦, 但來到的時候並沒有這兩樣，但其他買相是不錯的，有些還有金箔。可惜正是金玉其外，敗絮其中，金目鯛不太新鮮，吃後沒有甜味，反而有點「膉」味。昆布包著的白身魚感覺雪藏太久，沒有彈性，亦沒有鮮味。壽司飯醋味不夠，捏得不漂亮，溫度亦偏冷。海膽，帶子和拖羅據太太說不錯，但另外的白身魚同樣全沒鮮味。$480連味噌湯都沒有，性價比太低。My wife ordered the best sushi available, the “Tsukiji Sushi platter” ($480) It was st

來到這家裝潢感覺正宗的日本壽司店自選壽司$380有10件加一個卷物很划算可惜我最愛的海膽壽司只能點一件不過帶子可以點兩件甜蝦可以無限點所以要選10件也不難燒扇貝配的醬很惹味

兩個字：好食😋優點：呢個質素呢個地點呢個份量，好抵食！魚生好新鮮，蟹子係我食過最好食既蟹子！新鮮而且好好大粒！😯可改善之處：飯太鹹，有點蓋掉了魚生的鮮味呢；拖羅大腩好多筋（每一舊都有lol），好唔開心.....☹️個丼飯真係超級抵，好足料而且好新鮮，但竟然$200都唔使！今時今日真係唔知邊度搵。#但再多筋還是拖羅大腩😂#終於找到可以取代doraya的大腩#如今的doraya真的今非昔比#多到食唔曬

同朋友慶生，揀咗呢間野食高水準嘅，都坐得好舒服，不過切餅費要成100蚊有D 貴刺身併盤（6點）另外加金目鯛刺身全部都好新鮮。略嫌帶子同甜蝦唔夠甜呢一間嘅金目鯛切得好厚肉，好鮮甜！銀鱈魚西京燒好夠油香，魚皮煎到好脆，好味！煎餃子皮薄餡靚，外皮香脆，裡面一D 都唔乾，好juicy!!北海丼用嘅係馬糞海膽，蝦都係有唔夠甜既問題其他刺身有d 腥整體唔算太出色芝士燒玉子本身expect d 芝士包喺裡面，點知佢原來係鋪面嚟到d 芝士已經硬硬地，不過玉子好香好滑，加返分另外仲叫左個牛肉壽喜燒鍋不過唔記咗影相牛肉好有牛味，如果有個爐慶住會好D,唔係好快凍

我同朋友兩個人，買單大約$1400喺海港城shopping大出血之後已經冇叫刺身盛，諗住食壽司平d但最後埋單都唔平啲壽司好差，感覺梅梅地吾新鮮！仲叫咗其他啲小食，但係味道都真係好一般我好懷疑d好評係邊度黎但服務ok!

係東京築地食過鮨勘，當時見唔太多人排隊就試下，原來佢係尖沙咀都開左餐廳!心情麻麻地一於去搵返東京既味道，食完果然開心返好多！第一味到既係玉子燒，3舊大約50幾蚊到，東京就一舊100yen大約港幣7蚊到，預左比東京貴既，只要食得返東京個味就得，結果好滿足呀，味道好似，上黎又夠熱，甜甜地好好味！一定要食既係拖羅呀，我最鐘意中拖羅，入口即融，夠肥美，同東京食既一模一樣！大拖羅就膩左少少，三文魚壽司都好味，仲有叫個三文魚腩刺身不過就唔夠肥美，赤海蝦同帆立貝都中上，蟹腳蟹膏就鮮甜好味可以一食！一上黎，嘩超長呀，我成條放入口，好有口感，又燒得好香，脂肪分佈均勻，正！不過個人鐘意鰻魚多過穴子，如果佢鰻魚都有咀長就好啦。佢d茶都幾好飲，帶位既侍應姐姐仲係著和服架，好養眼，下次當我再唔開心個陣就再黎食野，試佢既鰻魚飯同海鮮丼先！食完開心返哂呀

一年前，曾經嚮日本食過うまい鮨勘位於築地嘅本店，估唔到而家唔洗飛去東京都有得食。最特別嘅係，佢用嘅茶杯都係同築地本店一樣架，果時已經覺得呢款杯好靚，勁想買返屋企～事不宜遲，開餐先！成座山咁多嘅吞拿魚刺身，大概係一個飯碗倒轉嘅份量，勁抵食，而且質素都算高，仲要大腹同中腹嘅數量都唔少，脂味香濃，正呀！食完刺身，係時候食壽司，填飽個肚。首先師傅嘅刀功係值得一讚，魚生嘅厚度掌控得好好，務求既有利食客咀嚼之餘，又唔會破壞魚肉本身嘅質感。 而魚生質素就無預期中咁鮮味，可能始終都係飛機貨，同香港另外一間連鎖壽司店千両嘅差唔多。 至於壽司飯就明顯細嚿咗，啱哂我呢啲想留返個肚，食多幾件壽司嘅人。 總括來講，壽司嚮香港分店始終無日本嘅咁好食～

前兩次嚟食已經覺得一般般，今日諗住比最後一次機會佢哋，諗住始終就腳。叫佢比杯水，左望右望勁耐都冇動靜。問佢燒海鮮可唔可以唔要芝士，就咁燒都冇問題，話唔識，算數。叫咗中拖羅壽司，油金魚刺身和壽司，鯛魚湯，和麵豉雞扒。中拖羅油金魚壽司正常，油金刺身紅色部份好多，所以好腥。鯛魚湯味道是一般茶餐廳魚旦粉湯味，完全唔值，亦一舊魚都冇。最慘係個雞扒，燒到燶哂，邊邊完全係雞肉乾，差啲咬唔開。超級差，完全唔會再考慮去食任何嘢。

好友工作和飲食相關，數年以來吃盡大大小小的甜品美饌，難得她有心儀的食店想試，當然捨命陪君子。抵達始知餐廳位於海運大廈入口處，毗鄰早年火紅的泰國餐廳，今次一訪才驚覺自己原來近大半年都無出入過海港城，「新」進駐的店舖也有十間八間，真是有夠落伍。 這家來自東京築地的的過江龍來頭不小，在日本有超過三十間分店，掀開內進布簾先見到一排吧檯，其餘大部份是卡位雅座，燈光暖和，感覺溫馨舒適。 蟹籽沙律 (贈送)下載App後免費贈送，小小一盤，未知如付上正價份量是否一樣。青瓜新鮮爽脆，蟹柳也下得慷慨，作為小食清新開胃。 極上香蔥鮪魚腩軍艦 $25@／油甘魚腩壽司 $35@／炙燒左口魚邊壽司 $33@／真鯛壽司 $15@／深海池魚壽司 $35@吞拿魚腩和油甘魚腩肥美甘香，很多人大愛的左口魚邊極油潤，鯛魚和池魚相對下較清新味淡，刺身和飯的比例合意，全部新鮮，令人回味。 炸蝦卷 $90對於炸蝦卷總是有莫名的喜愛，見這裡的天掃羅也獨佔菜單上的一角，便來一客試試他的龍與鳳。六件卷物沒花巧地上桌，蝦肉新鮮炸起脆口，沒驚沒喜，可以不試。 人流不算太旺沒交枱壓力，和好友舒舒服服嘆了好多杯茶才離開。臨走之際想起樓上蛋糕店

鮨勘在商場的宣傳相是一碗十分肥美的大拖羅飯，打看菜單，定價為$350。定價偏高，不過最終抵擋不住拖羅的吸引力就進了鮨勘。活粒貝$400，即香港常見的響螺，粒貝肉爽味甜。定價偏高，但可以一試，因為香港不常有粒貝刺生。粒粒角切魚生飯$180，飯面有多款魚生，蟹籽，三文魚籽，油甘魚，蔥拖羅蓉等。每一款魚生都十分新鮮，蔥拖羅蓉有驚喜，十分甘香肥美。拖羅魚生飯$380，菜牌寫是有大拖羅，中拖羅，赤色以及拖羅蓉，但上枱時發現全是中或大拖羅，每一口魚味都十分肥美，拖羅魚溶在微暖的飯上，十分美味滿足。物有所價原味玉子，上枱時暖暖的，不錯茶碗蒸，很滑，時間剛好。

因為知道係築地新鮮運食材，所以就慕名而來海港城有一間日本餐廳，但係食完之後覺得同一般日本餐廳，可能都係因為搭過飛機，所以無喺日本築地食嘅咁新鮮，期望過高，比較穩打穩扎嘅一間餐廳！明太子玉子，味道都算OK ,冇咩驚喜！刺身都係新鮮嘅，不過都唔係想像之中係築地食既感覺。焗蠔都係不過不失。最後嚟咗盆手握壽司，海膽幾甜無苦味，三文魚籽都好爽唔腥！餐廳嘅價錢亦都係偏貴，可能因為係海港城鋪租都比較貴喇，呢個價錢係出面已經可以食到d質素好既日本菜！

是日好友慶祝筆者生日, 來到好友在日本築地吃過的過江龍---鮨勘. Yeah! 想試這間壽司店很久了, 終於有機會. 週末中午十二時半到達, 可立即入座, 真幸運. 店內裝修非常和式, 有bar枱和對坐位, 柔和的燈光和全木的格式, 真的有點置身在日本. 看看menu, 選擇也不少, 筆者點選了極上壽司盛(10件)(HK$300), 好友要豪一點, 來過築地壽司盛(12件)(HK$480). 等了一會兒, 壽司終於來到. 內心真的嘩了一聲, 賣相非常吸引! 壽司用上竹盤送上, 魚生外表很有光澤, 還要是厚切, 感覺非常新鮮. 試一口, 入口味道與外表相符, 每一口也鮮甜無比, 魚味濃郁, 絕對是上品. 非常滿意的一餐, 很滿足! 在此謝過友人的請客. 這間過江龍果然有築地的水準, 是筆者近期喜愛的餐廳之一.

心血來潮好想食壽司，喺尖沙咀碼頭行入商場撞中左呢間壽司店。就咁睇個menu，都唔平，但睇慣中環menu，又會覺得可以接受🙈先來個煙三文魚沙律同麵豉湯10件壽司好好樣😍帶子同甜蝦好鮮甜，蟹肉軍轞好足料，啲白身魚都有皮，個人就唔係咁鍾意連魚皮😗仲有個香葱吞拿魚手卷，侍應放低嘅時候都好細心提我紫菜未淋可以食左呢個先。鰻魚飯得一截魚都係意料之中，始終鰻魚喺日本係貴嘅食材嚟。燒汁好香，鰻魚好肥美，但咁大兜飯好似真係唔夠餸😅嚟之前唔知佢係日本築地開過嚟，冇期望所以覺得好好😝加上滿足左我食壽司嘅慾望，非常滿意👍🏻

好開心！原來而家唔使去到日本築地都食到由築地直送過來嘅刺身！地點仲要係響極之方便嘅海港城！我知道左之後已經即刻急不及待衝過去！門面好日式高檔feel！用餐工具都幾美觀。我叫左一個極上拼盤，總共有10件壽司。呢個拼盤睇落好華麗，但其實只係＄300！有時食普通質素嘅迴轉壽司都唔止呢一個價！壽司分別由下至上，左至右，分別係: 赤身、中拖羅、拖羅、深海池魚、甘目鯛、蝦、帶子、三文魚籽、海膽、真鯛。可以講話係每一件都勁新鮮勁鮮甜！最下面嗰三件係拖羅，當然最欣賞嘅會係大拖羅，入口即溶！三件都無筋！中間嘅甘目鯛好彈牙有咬口！蝦又彈牙！帶子又厚又甜！三文魚籽好大粒晶瑩剔透，海膽creamy!!!海膽絕對係又大又新鮮！心多嘅我叫多甲羅燒，好濃蟹肉蟹膏味！好似一次過將十隻蟹放入口一樣！又鮮甜好滑！原來呢度仲有定期特價嘅食物，下次一定要試埋！