26
4
6
電話號碼
2115 9956
營業時間
今日營業
12:00-22:00
星期一至日
12:00-22:00
付款方式
Visa Master AE 現金 銀聯
其他資料
電話訂座
加一服務費
食評 (36)
等級4 2017-04-26
2483 瀏覽
逢帶有築地兩字的過江龍來港開店,港人峰擁而至就最正常不過,因為港人喜愛日本菜的程度絕不比日本人少,大家聽到「築地」、「壽司」、「廚師發辦」、「海膽」幾組字就好像著魔一樣會去瘋狂排隊,搶頭啖湯去吃。我未去過築地內場吃當地的うまい鮨勘,唯有先試香港過江龍質素,下個月再去築地品嘗品嘗。うまい鮨勘有分吧檯及普通檯,可以選擇師傅為我們來個Omakase 廚師發辦,也可以散叫。今次下班過來差不多晚上七點多,人潮並不算多,等約十五分鍾就被安排到著通檯入座。我們散叫了兩款刺身、小食和丼飯。真鯛刺身($50)、金目鯛刺身($88),刺身厚切,將金目鯛先灸燒魚皮,入口有魚香同時魚肉質依然保持質感。明太子玉子燒($58),玉子燒帶香甜再配香辣明太子,顏色也很鮮豔。不算有驚喜但質素絕對穩陣。焗蠔($68),我們都以為是一隻大蠔,夾起來才發現是數粒小蠔,用白汁、芝士去焗,蠔鮮味被白汁咸味所掩蓋。照燒牛扒($158),牛扒軟腍有牛味,吃頭兩件味道都還好但再吃就發覺醬汁太多,有一半醬汁都浸住牛扒,下手太重、入口太咸。到此頭幾道食材質素都只屬一般,接下來就期求我們點的魚生丼不要太差就好。我跟胖BOY分別各點一個魚生丼,我選的三色丼($200),由三文魚籽、吞拿魚蓉和海膽為之三色,份量絕對令人驚喜,丼飯頗大碗,基本兩個人分享就最好可以再嘗其他食物。再去品嘗魚生質素,堆積如小山一樣的吞拿魚蓉,它的魚油香和三文魚籽的咸鮮都在我期望之上,份量、味道都令人滿意,只是海膽選用加拿大海膽,即使馬上品嘗,海膽味道已經開始帶腥就最失望。到丼飯的後半段,富咸鮮的三文魚籽稍微沾到海膽,入口都帶腥就令我只好放棄。反觀用胖boy選角切魚生丼($150),魚生種類繁多,有角切三文魚籽、三文魚、吞拿魚、油甘魚、貝、帶子、八爪魚、玉子和青瓜粒之外還有吞拿魚蓉小山,無論顏色、賣相、味道、性價比都比前一款丼飯高。餐牌如下;-再看餐牌刺身類別,其實也有細分北海道海膽、加拿大和韓國海膽供選擇。不過以來自築地的壽司店角度,或許他是想因應港人口味去設立不同品種海膽予以選擇,但我反而覺得他們用築地之名來港打響名堂,不是也沿用築地食材來得更有特色嗎? 只少我是這樣認為。另外,丼飯和鍋物例如烏冬、牛肉飯,午時限定12:00-15:00都會有前菜和味噌湯送。要是到尖沙咀午飯,我會推介角切魚生丼。 繼續閱讀
(以上食評乃用戶個人意見 , 並不代表OpenRice之觀點。)
等級7 2017-07-07
193 瀏覽
小弟曾到訪過關西、北海道及九州,但貴為首都嘅東京,真喺一次都未去過,拖吓拖吓「築地」都計劃好搬去豐州,而我都仲未有計劃到東京走一轉。晌築地內場嘅「うまい鮨勘」落戶香港,選址海運大廈,到訪唔喺因為其過江龍身份,而喺食友嘅誠心推介。從門面所見,餐廳應該幾大,設計又有得氣派,着住和服嘅妹妹負責引路。香港人一向貪新鮮,仲加上從築地而嚟,想必初期一定好墟撼,所以,趁店家開咗一段日子先過嚟。走進店內,環境果然好闊落,先喺巨型壽司吧枱,喺試「廚師發辧」 最佳之地,往內望,喺一組組嘅卡位,高樓底令空間感更強。整家店都以原木為主,貫徹和風暖色木系。再走入啲,除卡位,亦有可拼桌嘅小餐枱,所以多少人嚟都無問題。小弟被安排坐晌較入嘅位置,嚟嘅食客又較斯文,所以,感覺幾清靜。坐低細心再睇,牆上刻有好多關於鮮魚嘅資訊,叫人別忘記佢喺一家壽司店。裝修骨子之外,餐具亦有啲亮點,餐碟印上同一款花紋,筷子喺即棄性嘅,但都睇得出喺高質量貨式,唔喺平價貨帶木刺嘅可比。而最令人聚焦,相信喺佢哋隻茶杯,厚身嘅瓷杯印有店家嘅名字,最有趣非其他壽司公仔莫屬,有凹凸坑紋,拿上手好有手感,圖案又畫得維妙維肖,日文名稱加上拼音,真喺可以看圖學壽司。餐牌方面,如一貫日式餐廳做得精美,圖文並茂喺必然。選擇有沙律、玉子燒、屋酒屋風味、天扶良、丼及鍋物、刺身、壽司、軍艦、手卷、卷物,當然,仲有刺身盛及壽司盛啦。而點菜就有一張巨型點菜紙,跟餐牌一模一樣,只喺單色版,晌喜愛嘅菜式上畫低數量就搞掂,減少口傳或手文之誤。飲品方面,有近廿款選擇,當中部份果汁、梳打、波子汽水算喺較特別少少。友人推介依度嘅海鮮丼,所以,一早已定下目標晌海鮮丼之上,而海鮮丼定價由$120-$350。一提到海鮮丼,又回想起舊年晌札幌二条市場嘅「どんぶり茶屋」食海鮮丼當早餐,不知幾爽。函館丼 $200咁多款丼中,以北海丼及函館丼最喺心水,前者以多樣性刺身為賣點,後者則以松葉蟹為賣點。其實,都有少少難取捨,但最後揀由松葉蟹肉、松葉蟹膏、松葉蟹棒、海膽、三文魚籽組成啲函館丼,究其原因喺「懶」,唔使自己郁手拆,就有蟹肉、蟹膏、蟹棒食,幾咁「梳肝」。依款丼好抵食,因為,鋪滿好多食材上面,更額外加有黑魚籽,賣相非好好睇、吸引,無怪乎我要逐樣食材分享吓。松葉蟹肉、松葉蟹膏中間一大球就喺蟹肉加蟹膏,小試一啖,鮮味到不得了,絲絲蟹肉絕無欺場,蟹膏嘅豐腴感,很豐盈。黑魚籽就咁食比較鹹,基本上都喺預你撈埋入蟹肉、蟹膏一齊食,提升其海水鮮味。松葉蟹棒一啖一件,食得叫人不知幾爽,蟹棒極有蟹肉鮮甜味,嗰份新鮮感一湧而出。海膽喺加拿大貨色,餐牌都寫明,如想升級為北海道海膽,需另加$50,其實加拿大貨都唔差,一樣鮮甜綿滑。三文魚籽色澤鮮橙剔透,外觀飽滿,靚貨不容置疑,一咬開好爆汁,就咁食覺得有啲鹹,撈飯食就唔啱啱好。此外,飯粒煮得綿糯有飯香,內裡仲附有濃香嘅菇粒、清爽嘅酸薑片及幼細如髮嘅蛋絲,令整個飯變得多元化,更好食。真喺賣咁嘅價,無疑喺非常抵食。刺身、壽司、海鮮丼試到啲海鮮食材靚唔靚,而天扶良(天婦羅)就試到師傅嘅手勢,餐廳供應3種天扶良,多心嘅人就好大機會揀上「雜錦天扶良」。雜錦天扶良 $98雜錦款式包括有3隻海老天扶良,而蕃薯、珍珠筍、大菇、秋葵各有一件,並以竹筲箕盛載,好有和風風格。除海老嘅脆漿厚身少許,其他天扶良嘅脆漿都煎得薄,蝦肉好鮮爽,蕃薯極之粉甜,珍珠筍出奇地爽脆,大菇、秋葵都好好食,足証食材靚,炸功又了得。雖然無去過東京築地嘅「うまい鮨勘」,但今晚晌香港店所食嘅,都覺得水準高,叫人「鮨」味無窮。此外,服務好好,感受到店員用心。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-06-21
170 瀏覽
日做夜做都是為了搵食,明知要加班到半夜,今午要食個靚飯先。上次來食已經是這店開幕之時,唔知水準keep 到如何呢?今次無咁多人排隊,但座位是滿座的。餐牌沒有大的改動,有魚生、天婦羅同鰻魚等,而丼飯由$120-$350不等,中等價位。三色丼$250這丼飯一次過有囇海膽、三文魚子同呑拿魚蓉,而且份量唔少。海膽呈金黃色,食落都幾甜,幾有海膽味;三文魚子大大粒,入囗卜的一聲爆開,一陣咸咸地的鮮味透出來,不錯;而吞拿魚蓉好像是手切般,成蓉之餘又有一點點的碎肉,口感不錯。整體感覺不錯,以這個價錢可謂交足貨。可以encore. 繼續閱讀
(以上食評乃用戶個人意見 , 並不代表OpenRice之觀點。)
等級2 2017-06-05
205 瀏覽
想不到那麼晚才找吃的,隨便一間走進去,已經要last order,沒關係吧!!真正吃東西的話,其實半小時已足夠!只是加了談話、點菜和很重要的拍照,真是兩小時也不夠!我們點的不算多,但埋單竟然每人$400,嚇一嚇!不值那麼多錢吧!!最貴那蟹蓋,誰叫我們見到鄰桌有便叫,不看價錢,也只怪我們是蟹痴啊!那件特大壽司,也只是大一點,堆滿一點,結果有一件要分碟上,奇怪,賣相也扣了分!味道不差,但貴在那裡?都是看當天來貨質素吧!有時候千両也不錯呢! 繼續閱讀
(以上食評乃用戶個人意見 , 並不代表OpenRice之觀點。)
等級3 2017-05-29
168 瀏覽
今晚係海港城行街,都行到9點左右,諗下食乜野既時候,男友提出話不如試下依間由日本開過黎既餐廳。去到可能因為都晏,所以唔使等位,環境都唔錯既、裝修都係一貫和式,只不過冷氣比較大,越坐越涷杯茶都好快就涼左。咁我地睇左menu, 本身唔太肚餓又因爲第一次試所以唔敢叫太多,就叫左個tuna既set, 有赤身、中拖羅同大拖羅仲有拖羅卷。另外再叫左幾件壽司同埋一個天丼。先黎壽司,口感唔錯,材料新鮮其實已經爭好遠、好彩無太過強烈既wasabi, 飯亦都無一夾就散。再到拖羅set, 自從食過好食既拖羅之後就愛上左由其係肥美充滿油分既。由細卷開始食起,再到赤身咁食上去(每樣兩件兩個人岩岩好),嘩!我終於搵返係日本食拖羅果個感覺喇!好juicy! 好滿足!最後到天丼、都幾大碗好足料!蝦天婦羅有3條!仲有茄子南瓜同埋未試過既栗米心?好爽口!兩個人share食又可以試到其他野。另外一提,如果下晝lunch time黎食d丼既話係送前菜同麵豉湯。整體黎講係無失望既,價錢亦合理算係咁。一向都話價錢同質素係成正比。期待下一次試下拖羅丼飯! 繼續閱讀
(以上食評乃用戶個人意見 , 並不代表OpenRice之觀點。)