The Market

週日下午茶，沒有預約，想著walk in碰下運氣，剛好有位。去到餐桌，視野範圍內有兩張台是空的，所以如果人不多的話，walk in也是有機會的。作為一個榴蓮控，自然是慕名榴蓮甜品而去的。榴蓮芝士撻，榴蓮斑斕蛋糕，榴蓮布甸都不錯，炸榴蓮外皮確實有些油膩。至於榴蓮雪糕，個人不是很鐘意，同超市銷售的榴蓮蓉差不多，感覺好多麵粉的口感，同食榴蓮比還是差很多。其他的長腳蟹，刺身等都中規中矩，感覺刺身不夠凍，食起來軟踏踏，叉燒酥一點都不蘇，豬扒包麵包非常硬。相比起來，薄餅還算OK。之前看到有食評講下午茶有片皮鴨，碳燒三文治，喇沙，火腿和芝士，今次全都沒有，略感失望😔。整體而言，因為光顧的人多，食物都比較新鮮。如果鐘意食榴蓮的話，都可以去試下各種榴蓮甜品。

榴槤奶凍，榴槤芝士撻，榴槤蛋糕，炸榴槤和最吸引的貓山王榴槤雪榚是榴槤愛好者的必食甜品。把炸榴槤和雪榚一齊食，一冷一熱，一脆一鬆，好食之餘，口感特別。另外，芝士愛好者也可以在這嘗試不同的芝士，雖然種類不算很多，但款式不是在外面常見到，個人推薦羊奶芝士，很酥，不是個個也喜歡，不喜勿插。中式排骨也是特別好味，很林，很入味，一咬離骨。

聽聞呢度既自助餐booking 經常爆滿，所以早於一個月前已訂位，雖然係tea buffet, 但感覺食緊lunch buffet, 因食物飲品種類多，即沖香濃港式奶茶，橙汁西柚汁，即制片皮鴨，海螺青口魷魚，即煮自選粉麵，蝦餃，蛋白蒸蟹肉，冷盤熱盤樣樣齊，回本既三文魚同長腳蟹仲好新鮮。甜品種類多又唔太甜，榴槤甜品更落足料，榴槤雪榚榴槤mousse可以吃到啖啖榴槤肉。拎食物唔洗點排隊，仲refill得好快，食足兩小時，飽到連晚餐都食唔落

幾年前食過lunch!!!今次試tea,質素依然在，怪不得要早個幾星期book!!!甜品值得推介，雖然，今次榴槤主題本人不好，但其他甜品，食得出質素，細細精緻，味道唔錯唔錯(唔可以講到咁誇)，但我隔離的小姐話:今次我要食死在甜品堆中甜品是我喜愛的味道，賣相都可觀！熟食中上。。以下午茶已是不錯，佢每樣食品大部份都有配醬，炸雞雖已軟，但都好味。嗯嗯！總括而言，有品質，有賣相！值得一試

蟹肉沙律黑魚子醬，口感豐富配多士，又夠凍魚子醬又甘香，榴連主題的甜品，特別是奶凍和綠茶味奶凍好香又滑，炸榴連都可以，雖然外面的炸皮凍咗但都好脆。其他熱的食品一般：有海蝦蒸糯米飯冧咗少少，如果生炒糯米飯就可能會好少少。龍蝦湯夠濃稠幾好味，夠熱，不太鹹。刺身一般，有燒鵝肝同燒羊架，不過油少少唔敢試。海鷄飯鷄滑但無味。生果新鮮波蘿清甜新鮮。總括食品品種多元化，不過價錢貴咗少少。

公司部門聖誕午餐，早成個幾月前要BOOK訂，仲要按人頭落訂，位位一舊。十二點到達，己不少人入座，在服務員引入座之際看到食物賣相不錯，以為可以大飽口福，誰知竟是惡夢的開始。因為好肚餓，第一轉先選燒肉類：燒牛肉－賣相８分，質素只有１分，舊肉老到不得了，除去外燒焦的皮，內裡半生熟的部份如香口膠一樣，失敗。幾位同事也分別取了，沒有一個原整吃下。燒羊架－賣相８分，質素８分，全場唯一值得翻吃的食物，不算好好吃，只是沒有更好的可選，最終吃了四件。再來另一盤：凍海鮮（蟹腳，龍蝦鉗）－　蟹腳好多水，唔肥美，好一般；至於龍蝦鉗就直頭係全餐最敗筆之作，咸到爆，即係覺得難為左我自己個腎，食左半隻無食。北京填鴨卷　－　鴨片即切，餅卷即包，以為無伏，結果又令我和一眾同事傷心，服務生即埋於電爐上預熱餅皮，可到即使你以九秒九的速度回席進食，皮仍是冷的，乾到食唔落，食左三分一，又無食。什果明蝦沙律　－　我無食，但身邊同事話有一股 'UP' 味，無食到。食到咁上下有個侍應行過黎做PROMOTION，順便問我地食物如何，我地講左話唔掂，再話埋個沙律比佢聽，佢即刻換左成盤。刺身　－　無特別，種類少，一般新鮮啦，７分還有其他的

親友當中有不少榴槤愛好者，時常會交換榴槤飲食情報。The Market的自助餐以榴槤甜品作為賣點，早就成為親友們的必食之選。即使沒有榴槤的號召，Hotel Icon的出品仍是讓人期待的。貴為城中最熱的自助餐，一位難求實屬意料中事。透過酒店網上系統預訂，比想像中快捷方便。平日的下午自助餐收費為$338，與城中其他大熱酒店自助餐看齊，屬合理的價位。即使是平日，The Market也是座無虛席，受歡迎程度可見一斑。餐廳分為三個用餐區域，前方跟自助餐桌靠得最近，中間有園林景致和充沛日光，後方離自助餐桌最遠也較昏暗。最初我們被安排至後方位置，除了不方便取食外，這邊感覺亦較為悶熱，對長者來說不太合適。反映過後，侍應立即安排另一位置，服務細心周到。順帶一提Hotel Icon是理工大學的教學酒店，當中有年輕的實習生，服務態度親切有禮，表現不輸其他五星酒店。海鮮，是眾人的目標首選。必食的有長脚蟹，鮮甜彈牙、海水味足，少有能嚐到如此高質素。東風螺個頭不小，爽脆味鮮。龍蝦鉗啖啖肉，爽彈肉甜。青口肥美，大蝦鮮甜，整體來說是水準之上，令人滿意。刺身區供應醋鯖魚、甜蝦、八爪魚、三文魚、呑拿魚，新鮮之餘選擇也不少

只好有雷聲大 雨點小來形容the market!原因係老早聽過該餐廳！出名多野食，又難book我地一行十二人，早左幾個月book! 期待已久可能係希望太大.....其實全晚最滿意的是，餐廳安排了一間房俾我地一家大細，有房食buffet,確係舒服！而且大圓台，大家傾計舒服又方便環境舒服野食選擇不過不失，但如果以這個價錢，確實有更多的選擇甜品有好多榴連系榴連控可以一試！炸榴連濃烈到成間房都聞到整體黎講，甜品是不錯的！但食物款式可以更多！整體感覺不過不失！沒有驚喜

呢度自助餐一向出名，估唔到下午茶都好墟冚，排晒隊入，未開始已經好期待下午茶都有5款海鮮，最推介係長腳蟹，爽口，大隻，唔太咸，唔係又冰又水嗰d, 正其次，就係蝦，好大隻，爽口， 其餘有青口，小龍蝦，小墨魚同翡翠螺，但quota唔夠可以唔駛試。呢個係最估你唔到既推介，港式奶茶! 好飲程度係遠比各著名茶餐廳奶茶好飲，又香又滑又有茶味，全家人都大讚，話出面飲唔到呢d quality， 好多人唔會留意，亦唔選擇去試，但係禾稈冚珍珠但係呢個越南滴漏咖啡，就真係唔係我杯茶，原來滿心期待，好得意，慢慢等佢漏，但味道強烈到搶口，個人覺得似石油氣味呢個芝士肉醬焗長通粉，樣子同個名都好普通，但好好味，要試冬蔭功湯粉都好味，雖然冬蔭功沒有我想像般正宗，但酸辣適中，會繼續想食另外有花雕蛋白蒸蟹鉗，蛋白好滑，蟹鉗去了殼，蟹肉都好firm, 雖未算鮮甜，但都算特別，蛋白亦好味，家人話燒賣蝦餃都好好味，但因quota有限，skip左。pizza一般，可skip甜品係呢度既重點，榴槤既甜品，同夜晚咁多，榴槤雪糕，炸榴槤，榴槤斑蘭卷，榴槤布丁，榴槤cheese cake, 通通都有本人推介榴槤斑蘭卷，好香唔膩，見佢地qu

同家人早10日就訂位食假日下午茶時段，每人100蚊訂金3日內過數先confirm booking, 價錢318加一，時間由3:15 - 5:15，3點鐘去到，竟然見到人龍幾十人排隊等入座the market 真係咁大吸引力?? 入座過程十分流暢，一開始去海鮮區，長腳蟹同凍蝦保持一貫水準，鮮甜厚肉，其他墨魚，青口，螺，小龍蝦我是完全沒有興趣。魚生有三文魚，吞拿魚，醋鯖魚，八爪魚。三文魚是不錯，有魚香，八爪魚唔靭幾好，吞拿魚無咩味，醋鯖魚很腥，霉的，看到廚師是拿預先包裝好的即食貨，先不論來源，總之味道是很差勁。吐了。熱食炸魚是最好味，炸得很脆，內裡juicy，配他他醬。辣肉腸pizza， 冬蔭功湯面也是很不錯，其他日式炸雞，餃子，牛肉包是很一般。有師傅姐姐即切片皮鴨，師傅將鴨肉鴨皮分配好，加入青瓜同醬料包埋比客人，鴨香唔錯，可惜麵皮是很乾很鞋，皮亦不夠脆。下午茶特色小茶點反而有點驚喜，忌廉芝士撻，龍蝦肉蛋沙律三文治，同忌廉蟹肉黑松露多士好好味，不過食太多會好飽，淺嘗1件, nice ! 隔離有果汁任飲，沙律吧。鎮店之寶貓山榴槤甜品系列就係必試啦！屋企人非常喜歡，炸榴槤鬆脆香濃，對榴槤芝士撻

一早訂咗位, 不過未夠1515已經排晒人龍等入座, 所以排隊等入都要時間, 呢到環境好舒服, 枱與枱之間亦都有空位, 唔會有太大壓迫感, 今次被安排座近最入既玻璃窗位, 一邊係梳化位一邊係普通櫈, 小朋友有專用既兒童餐具供應, 食物種類都好多, 冷盤有蝦, 長腳蟹, 龍蝦仔, 墨魚仔, 細螺, 沙律BAR, 不同種類既火腿, 亦有三文魚卷包, 凍蝦多士, 蟹肉多士, 蕃咖吞拿魚熱狗等等, 刺身類有三文魚, 吞拿魚, 八爪魚, 立魚, 冷麵等, 但沒有壽司類, 熱盤有點心蝦餃,燒賣, 蟹肉蒸蛋, 熱狗, 不同餡料既PIZZA, 焗肉醬通粉, 其他小菜類,  蟹粥, 炸物, 即叫即整片皮鴨, 自助餐飲有西柚汁, 紅莓汁, 橙汁, 奶茶, 滴漏咖啡等等, 甜品類係重頭戲, 種類繁多而家賣相精緻, 最特色係有榴槤製作既甜品, 雪糕類有青檸味, 朱古力味, 堤拉米素味, 同埋榴槤雪糕, 榴槤雪糕真係啖啖榴槤肉, 完全唔覺食緊雪糕總括嚟講今次下午茶自助餐, 真係有讚無彈, 甜品尤其出色, 其次係冷盤海鮮同刺身, 雖然價錢係貴咗少少, 除咗加一服務費,  又冇其他信用咭有折, 只限理工金咭同白金咭先

聽人講The Market好好食，重叫我一定要去試吓，個幾月前訂咗位同老公興祝生日。俗語有云: "希望越大、失望越大"，期待已久的自助餐，款式可以，但不外如事，質素一般，不值這個價錢。可能D朋友好早期去食，新開張水準可能會真係好高都唔定。但係我食完這餐自助餐，感覺就像被騙。環境 ~ 迫、迫、迫......，基本上可以話隔離枱講咩我都聽哂。牛扒、羊架賣相唔太吸引，味道一般、好韌。龍蝦可以媲美牛扒，夠哂煙韌。龍蝦湯好好味，好味到好似罐頭湯。馬肉刺身好特別，但口感就試一次就.......一試無妨。日式刺身都係嗰幾款，無特別，新鮮度可以，帶子刺身算係最好食。印度菜叫做最有水準，咖哩汁、薄餅都好味，羊肉同雞都唔老。咖啡味道唔係我杯茶，唔好飲。最大驚喜，有原隻火龍果、奇異果供應。總括來說，試一次就夠，如果未試，可以不試。

聽過好多朋友都推薦The Market，說是質素上盛的自助餐，盡管是較昂貴的自助餐，但很想一試。終於都食到喇!!今次選DINNER，說是比weekend brunch 多左龍蝦同鵝肝等 ，價錢亦都貴$200 一個人。本身已知沒有生蠔及食物種類唔會比坊間的多，不過整體食物質素及服務都不錯，而且可以由18:30食到21:00，慢慢食。 冷盤馬刺個人認為要試的是馬刺，即馬肉刺身，賣相很不俗呀，有兩種食法，一邊是刺身，一邊是tartar，上碟很高貴的感覺。我本身十分愛生牛肉tar tar ，呢個馬肉TAR TAR調味恰好，唔會太咸，肉質嫩口感佳，伴隨著清新的蘋果絲，感覺很棒!  另外，負責的侍應很有禮，我再攞既時候只想要tartar，佢會另外俾一小碗我，仲問我要唔紅蘋果絲，十分細心!  個馬刺板都畫得好靚，好得意呀 ! 北海道帶子及三文魚刺身選擇不多，必吃北海道帶子及三文魚。帶子粒粒都好厚，SIZE大過個五蚊，十分肥味，我食左４大粒!! 三文魚肥厚切肥嘟嘟咁好似食緊三文魚腩咁，甜蝦亦十分新鮮!! 不過要提既係刺身的溫度可以控制得更好，朋友吃的有時候好似未完全溶雪，我吃的卻是較溫暖。海鮮有龍蝦、

happy birthday to myself~提早一個月book位同媽咪食生日lunch buffet，預約埋生日服務我地大約十二點半到，食到兩點，時間真係唔夠maybe我食太慢。款式唔算太多，食物質素幾ok一坐落就馬上去拿海鮮，當然必不可少係蟹腳啦。海鮮新鮮，refill算快，特別係蟹腳，相信係大家首選。相比較之下，小龍蝦，青口同海螺就一般啦，係試一次就夠果d。泰式炒粉絲底會有d龍蝦，炒過之後味道夠。椰子雞湯係我最愛之一，細細碗，熱辣辣，好夠椰子味。最後飲咗三碗，不過雞味就飲唔出，仲有d其他湯料，貌似係雪耳(研究咗好耐，真係唔知係唔係)個烤鴨真係冇咩特別，唔需要浪費quota。羊架再燒干少少會好食d羊味都夠，不過d汁同羊架味唔太match，較普通。泰式粉絲夠味夠鑊氣。清湯牛腩，我只可以講牛腩真係超肥。味道清淡，蘿蔔同米粉配上鹹鹹地的清湯，好食過牛腩超多本身真係食到超飽，但係d甜品真係好吸引吖蛋糕食落麻麻，但係個pudding超正，甜甜地，入口好滑，而且細細個，幾得意。好飽都要試埋d雪糕，必試選擇咗chocolate同青檸味。並不單單係普通chocolate味雪糕，裡面真係有cho

The market.試過訂位N 次，但答案都係得一個，滿！在我心目中，這間餐廳簡直係個神話。只係聽聞，未能前往。今次一個理由，一個月前總於訂到了今日的早午餐，價錢無問，感覺自己好似中標咁。講回正題。餐廳佈局相當舒適，食物區和坐位區不用行太遠，座位間隔也闊落，不會被傍邊食客打擾到。今次以東南亞食品為主題。當中令我驚訝到的是越式蓮花梗沙律。(上星期剛去完越南玩)，連咁少有的食材也能讓大家品嚐到，我覺得係餐廳的誠意。凍食海鮮區樣樣新鮮。羊肉嫩而不蘇。其他都讓我樣樣想試。今次感覺到物有所值的二個pot 係菠蘿超甜。但不是罐頭那種，一間自助餐廳最容易忽視的就是水果，令外就是餐湯。今次中西分別係海鮮湯和椰子燉雞湯。味道香濃。真的有添食的冲動，連平時自助餐內最閒等的食物，這裡也做得非常好味。所以值得早少少打電話來訂位。