Spring field (已結業)

今日黎到灣仔同朋友去食下越南菜，朋友係哩頭做野不停推介哩間餐廳比我,去到已經好多人排緊隊，小小店鋪居然有咁多人幫襯，睇黎實力不容忽視！哩間主打以和牛肉湯底做主題，係出面已經聞到好香，一入到裝修就好有古色古香！同埋好多員工，7點幾都滿哂座！我叫左碗大滿足牛肉面，入面有澳洲和牛丸，火灸和牛，慢煮牛肉條等等！入面係和牛湯底，熬左十幾個鐘，所以好濃好香，令到成個河粉好出色！佢仲有個面係黑豚肉豆漿湯底凍河粉，都幾特別！我同朋友都係第一次見到凍河粉，覺得好新奇好特別！豆漿有小小咸咸地，配埋個黑豚肉同炸片都幾夾，如果夏天食都幾爽，吾使熱辣辣食碗面，冰冰涼涼！另外都好推介佢既雞翼，同錦麗既雞翼有小小似，一樣牛油味十足，外面炸得好香口，好脆皮，內面好juicy！點埋個汁真係好特別，食到我同朋友都想叫多碟！一碟得3隻真係吾夠食！我見到哩度仲有春卷，其他小食，如果下次有機會都想黎試下！下次一定會再黎，推介比身邊既朋友！

很少嘗試越南菜，於是便找來spring field試一下。Spring field位於利東街旁的汕頭街，環境清幽，容易尋找。招牌的小鴨子一眼容易辦認，驟眼看店鋪外面的裝潢有幾分日本居酒屋的佈置。內裡裝潢都包涵木系溫暖元素，牆壁上掛了幾幅寫實風油畫。出面見到有個排隊牌，相信平時都有吾少人流，入到去地方吾大，都有好多人食緊野！睇黎係哩區都好出名！食物方面有好多牛肉選擇，這一次嘗試的是五號的鹿兒島黑豚肉濃豆漿冷河粉，湯底濃豆漿的確好濃味，有飽滿感，黑豚肉吸收了湯底精華，亦食出另一番風味，食物整體食得出一陣清涼感，不會太熱氣。菜單色亦有一個季節限定食品選擇，當日就提供了去骨鴨絲半熟牛丸。見到凍何粉咁特別，食落去好refreshing ,推介比吾食牛既朋友們另外亦點了一款小食進食，就係香草牛油蒜香雞翼，牛油加蒜香的配搭香濃入味，雞翼的外表呈金黃色，外表亦看得到固體的蒜香粒黏附在外皮，再加上特別製造的魚露醬，絕對係必食之選。

原來專吃咖喱飯的店搬了在對面，而現址變成了專吃越式牛肉湯粉的專門店，裝修沒什麼改變，也是bar 枱加數張木枱+椅。店內的湯粉全都有牛的成份，所以不能吃牛的朋友基本就不用來了XD 枱上貼了一張食用教學~ 不過我無跟~第一次來點了基本的招牌春園金邊粉，包含了半生熟安格斯牛肉、慢煮牛肉條及蘿蔔粒，湯底是和牛湯底。之後再揀配料 (芫荽、紫洋蔥及青葱)的多寡。香葉青檸是每碗粉必有，以小碟分開裝著。先講講湯底，牛味濃郁帶甜而不油膩，喝完也是可以。兩款牛肉也很腍滑，份量亦不少，半生熟牛肉片帶少少筋，有點咬口；牛肉條如炆得好腍的牛腩~ 蘿蔔粒正常，唔太夠甜。另外Share了兩款小食，也是即叫即炸，上枱時熱騰騰!招牌春園春卷 - 外皮很香脆，附上生菜可自行包著春卷食用。因我們一行六人，而春卷卻只有兩條 (一開二)，老闆還特別送多一條給我們~香草牛油蒜香雞翼 - 三隻一碟，每隻也大大隻。入口吃到明顯的蒜香味，不錯。飲品試了凍香橙紅茶(微糖) - 飲品都是額外點，沒有跟餐或加錢便宜點。這杯紅茶就$18，微糖關係味道很淡，雖有一件橙放入，不過橙味亦不算特出，普普通通~

平時lunch Time行過都會見到呢間野有好多人排隊， lunch咁短時間實在冇可能喺嗰度排，今日行街，下午茶時間得小貓幾隻喺度排隊，就同朋友入去食。點餐紙得一張，款式唔多，價錢都幾貴下，點解會有咁多人排隊？點餐紙上面見到有一個好特別嘅湯面，叫做濃豆漿冷河粉，咁得意當然要試吓。一上枱真係凍嘅，夏天非常啱食。試一啖湯，首先聞到豆味，飲落去有濃濃嘅豆漿味同埋豉油味。唔算太鹹清清地涼涼地，真係飲落喉嚨好舒服。到個河粉，望落去嘅時候已經覺得佢同出邊嘅河粉有啲唔同，特別幼特別厚，不過河粉呢啲嘢可以自己切。但係食落去嗰下原來真係同出邊嘅河粉唔同，呢度嘅河粉非常彈牙就好似木薯粉咁。而且非常之滑！！！我鍾意呢種口感嘅河粉！ ！ ！另外我仲叫佢多元茜，成個面好香。豬肉就係普通嘅豬肉。如果個面係可以熱食嘅話就更好了。因為豆味會更濃更香。同朋友一齊嗌左個小食春卷。枱面上有張提示話春卷雖然唔出煙但係入邊會好熱，一食！原來係真㗎 ！春卷入邊有粉絲豬肉冬菇紅蘿蔔絲，鍾意佢滿滿嘅粉絲好好食。外皮炸到好脆好明顯係啱啱炸起嘅。👍🏽呢個小食推薦。另外要一讚鋪頭非常之乾淨同埋服務態度好好。雖然價錢係比出邊嘅河粉貴，但係食

上星期去左呢間主打和牛越南河嘅舖頭試左佢嘅 大滿足全配料牛肉河。 河粉98蚊雖然 一啲都唔平，但係佢有好多材料，包括有半生熟安格斯板腱牛肉、 澳洲牛肉丸、 慢煮牛肉條、 蘿蔔粒。安格斯板腱牛肉油花分佈好平均，食落得好有牛肉味，好juicy。 由於牛肉係半生熟嘅，用啲湯浸熟塊肉令佢嘅生熟度啱啱好唔會過老浪費咗塊牛肉。澳洲牛肉丸好彈牙好juicy好正河粉 同平時食開嘅有啲唔同好特別 去咗少少煙煙韌韌嘅感覺 佢平時間可分後生好少個湯日加咗好多配料有好多芫茜蔥同埋紫洋蔥而家湯底應該係由細個嘅牛骨湯

灣仔有幾間越南湯粉, 但以全牛打造既就寥寥可數.  這間餐廳外貌似日式菜, 因為原址是日本咖喱飯, 相信是同一集團, 但改造成和牛越南湯河店.   餐廳內座位不多, 我們1行6人已佔了半間店, 店員殷勤地為我們調動食客拼出6人枱.  餐牌上9成都是牛,牛,牛.....全部都是牛, 令我們一班牛魔王很期待, 每款材料都差不多, 只是你想大滿足地試晒全部牛, 還是小試牛刀.   價格不是相差太遠, 更係一次過大滿足啦.   餘下1成食品就是季節限定 "鴨絲湯粉", 不過當天未能供應.  另外還有其他不是牛肉既小食.  大滿足全配料牛肉河包括: 半生熟安格斯板腱牛肉、澳洲牛肉丸、慢煮牛肉條、蘿蔔粒 $98.  牛肉湯底色澤深啡, 清而不油, 湯頭帶有蔬菜, 蘿蔔及牛骨既甜味, 嘴唇還沾有膠質顯出湯頭充滿牛肉精華.   安格斯板腱牛肉是半生熟, 就算浸在湯內耐了仍很嬾滑.   慢煮牛肉條像牛𦟌很入味, 夠厚身夠軟綿, 很驚喜.  不要少看牛肉丸, 來自澳洲的, 充滿牛味, 質地像食牛肉有嚼勁, 不像港式牛丸般彈牙/結實.   至於店員推介既河粉比金邊粉粗一些很滑溜, .招牌春園春卷 $36,

依家要喺香港搵到一間正宗嘅越南餐廳其實都唔容易，好多餐廳其實都係大同小異。可能只係湯底嘅唔同或者牛肉嘅味道唔同所以去過越南嘅朋友就會知道如果喺香港搵到一間同越南口味差唔多甚至一樣嘅餐廳其實都係好難嘅事自己都會成日去食越南餐廳，但好少會搵到一間真係有特別獨特嘅味道所以每一次都係抱住發現新大陸嘅心情去試吓今次真係好好彩喺灣仔一個近住修頓球場位置有一間望落去都好正宗越南風情嘅餐廳入面試一試入到去間鋪就已經聞到好強烈好香嘅牛肉湯味呢一點係未食之前就已經可以feel到所以已經係好深刻好懷念菜單嘅款式唔算多但係每一款都會令人好想試一試咁今次就要左個大雜燴四樣牛嘅嘢都齊集於一碗河粉入面！個格局幾似日本拉麵餐廳所以你係可以望到師傅點樣整一碗正宗嘅越南粉出嚟連啲牛肉肉片點樣遊山變半熟再去到個碗然之後送到你手上都係一個藝術首先一定要試吓一啖湯牛肉嘅精華完全喺晒入面！！除咗有牛骨嘅味道之外其實師傅將每一塊生牛擺喺個煲湯入面淥一淥所以如果去到晏晝食嘅話牛嘅味道會去到極致咁多樣食物之中牛丸算係好突出因為裏面混合買牛筋喺入面而且絕對爽口絕對彈牙食落去係非常爽脆喺香港要搵到呢一種口味嘅牛丸認真極之極之少然之後到主角

早前經過發現原先的賣咖哩蛋包飯的餐廳轉了對面舖位，舊址換成了賣越南河粉，但裝潢沒有大改變。細問下，原來是同一位老闆開的。配料多少由自己決定，甚至可以全走，還可以轉成全熟牛肉，相當貼心。和牛大滿足全配料牛河 ($118)香氣誘人，看到粉嫩的和牛片就急不及待想吃了！和牛片非常柔軟嫩滑，入口牛味濃郁。牛肉條軟腍牛丸彈牙有咬口，牛味濃厚。白蘿蔔清甜沒有渣，河粉滑溜；拌混所有配料一吃，十分香口。河粉相當高質，絕對沒有改錯名字，吃罷後真的感覺到很滿足！

好耐冇食過越南河。今日去咗灣仔，然後見到呢間新開張嘅鋪頭，外觀好吸引，就忍唔住入去試吓。鋪頭面積唔大，大概都係得十五六個。有bar 枱位同正常枱。廚房係半開放式，可以隱約望到煮食嘅過程。雖然店舖面積小，但員工都幾多，都有五六個人。店員非常和藹可親 ，見到我哋想倒水等等都主動幫助我哋。鋪頭主打越南河，所以選擇唔會太多，不過貴精不貴多呀嘛。雖然配菜例如洋蔥青蔥等等都係可為湯底好好調味，但鋪頭非常細心，考慮到客人有唔同嘅喜好，係菜單上都給予客人自由嘅選擇，可以選擇配菜嘅份量。今次同朋友兩個一齊所以試咗以下兩款粉。招牌春園河 💛💛💛💛去骨鴨絲半熟牛河，轉金邊粉💛💛💛💛( 期間限定) 其實食越南粉麵，都不在乎個湯底，麵底和用料。一見到個湯底，已經覺得好清，再食飲一啖，就覺得係夠濃。雖然無親眼睇到佢用左咩料，但我相信佢真係有用到足夠嘅牛骨同埋牛腩去，淆呢個湯嘅，佢一定有用足心機同埋時間。可能湯底都有用上一啲冰糖，因為係牛肉味之餘都帶有一啲鮮甜嘅，而且一啲都唔覺得有味精嘅死鹹味。至於牛肉，舖頭聲稱用左安格斯牛肉，牛肉粉嫩，好肯定牛肉只用輕灼，就放入滾滾的牛肉湯，上枱嘅時候啱啱好六、七成熟，味道好好。

今日來到灣仔汕頭街睇睇有咩食，發現Spring Field，代替了以前的Cats' Eye？但門外仍然掛著眼之眼的紅布，細問之下才發現，原來他們是同一個老闆，難怪掛著一樣的紅布。店中以牛肉粉為主，價錢大約$73 - $118不等。點餐時可選擇紫洋蔥、青蔥、芫荽，甚至全走亦可。好彩當日行快2步，下午營業至15:00，長人龍的話，還會截龍，所以有心一試就要早點來到。廚房半開放式，用具擺放得整整有條。桌上有前菜(辣芽菜)供應，另外食越南粉麵點可以無甜醬、拉差辣醬呀。還有可愛高手教路。香料(鵝蒂、金不換、辣椒、青檸）。招牌春園河當然要先嚐嚐湯底，據知他們用到和牛去熬製，飲落帶著一種清香與香甜。半生熟安格斯板腱牛肉/慢煮牛肉條入口軟腍，有著陣陣的油脂香；而蘿蔔粒清甜無渣；最利害是他們的河粉，比出面吃到的更順滑，真的一試難忘。

話說好耐冇食過越南野，記得上年去越南旅行，每日都要食一碗Pho, 因為真係好好味。呢日決定要同朋友去食越南野，經過呢間食越南河，外部內部裝修都相當骨致，就俾佢吸引左入去。裝修以木為主，店主掛左幾幅風景畫，令成間店都好有屋企既感覺，坐得幾舒服。食物選擇以越式河粉為主，都有少量飯同小食選擇。我揀左佢個招牌春園河，朋友大食d, 揀左個大滿足全配料牛肉河。落單相當個人化，河粉可以自己揀金邊粉或者河粉，洋蔥青蔥芫茜份量又可以自己控制，真係唔錯呀。落完單，等既時候又有d前菜可以食，d芽菜辣辣地好香麻油味，好鬼惹味，真係愈食愈食上癮🤣店主好有心，係牆身會有品味小貼士，教人應該點樣品味佢地既越南河粉，食左咁多次越南河，我都係第一次發現原來品嚐係要有步驟嫁😱 長知識了。店舖嚮應環保，珍惜用水，要飲水可以親自問店員攞。廚師製作過程都好透明，廚房都幾乾淨企理，咁就唔洗擔心衞生問題🤣兩碗粉送來時賣相真係好靚，有唔同香草配料，可以自己加入碗度。本人最欣賞佢個薄荷葉，味道超青新超香。個湯好青甜，超有牛味，味道恰到好處。牛肉食得出好新鮮，同個湯簡單絕配呀，湯既溫度熱得來又唔會即時煮熟晒d牛，呢個真係要一讚慢煮牛肉條

公司附近又新開左個越南餐廳啦!! 仲要係同好好食GE Cat Eyes 一個老細, 對品質好有保証AR!! around 6點左右到左餐廳, 都full houselar!! 相信係因為support HK ppl & d野好食啦. 我地大約等左10分鍾左右就可以入去, 叫左一個大set, 超足料的^^有澳洲牛丸, 食落特別彈牙又有黑椒味! 另外個angus beef 好淋好淋, 牛味十足又唔會騷! 入面D蘿蔔冇渣的, 又夠入味! 個河粉就幾有咬口, 又唔會太軟而斷哂.另一碗係招牌河, 都係一樣用左和牛上湯, 看似清淡但飲落係濃味的. 一樣有牛肉同蘿蔔, 另外仲有牛肉條, 燜得好淋好入味的. 最後叫左個雙檸cola~ AS 一個ending 係正geh. 

友人早前吃過同集團的蛋包飯專門店，興致勃勃的拉了我來到其新開的和牛湯河專門店，兩所餐廳就在對面，店面都有可愛的動物標誌。座位約有廿個，分別有幾個向窗可欣賞街景的和幾個向開放式廚房的單人座位，還有數張供二至四人用的方枱。店內不算十分寬敞，但感覺簡潔舒適。一入座待應就準備好中英對照的點菜紙。友人點的招牌春園河先上桌，有半生熟安格斯板腱牛肉、慢煮牛肉條和蘿蔔粒，配料豐富，令人垂涎三尺。半生熟的安格斯牛肉不但賣相吸引，而且肉質嫩滑，牛肉味重。煨煮過的牛肉條入味鬆化，肥瘦比例適中。 我點了火炙半熟和牛河，賣相平庸，豈料大有驚喜。先嘗湯底，鮮甜濃郁，相信經精心熬製；河粉也非一般河粉，格外滑溜煙韌，單吃河粉也覺津津有味。當然不能不提主角和牛。起初嘗了少許安格斯牛肉就覺得好滿足，但再嘗和牛，的確不同凡響，令安格斯牛肉相形見統。火炙燒出牛脂香氣，肉質更柔嫩，牛香更突出。和牛份量亦十分足，有四至五大片。順帶一提，牆上除了有裝飾的壁畫，還有正宗食法的教學圖，我和友人都跟從指示，經歷了一次味蕾的層次享受。每桌都有教學圖所示的甜醬、是拉差醬和自家製辣芽菜。是拉差醬即是左邊的辣椒醬，少許辣，帶點香甜；芽菜則感覺新

Yum yum pho at Wan chai 🌱🌱.灣仔新開左開越南河餐廳，原來係同cat eyes 一個集團！難怪裝修都一樣咁濟啦🤗 餐廳係米豬連認證嘅，港人必須去食下啦🤤🥰.我地叫左個招牌春園河($73)🤤 用上半生熟安格斯板腱牛肉，食落非常淋，肉味好新鮮！仲有慢煮牛肉條😆 又係煮得好淋好易咬的😚😚 湯底係和牛湯嘅，牛味濃郁又唔會好咸嘅🤗🤗另外都要讚下個河粉，食落仲係煙韌嘅口感，好難得有咁高質嘅粉🐥🐥.另外叫左個大滿足全配料牛肉河($98). 不同在於多左澳洲牛丸😻食落特別彈牙又juicy!!! 仲有d蘿蔔粉 好入味的.叫埋雙檸可樂，用左青檸同檸檬 🍋 好正😚

【即場用火槍燒嘅半生熟牛肉！😚😚】呢間鋪超近灣仔MTR，收工周圍誤打誤撞就來左Spring Field。收工dinner peak hour都唔少人....要排隊，店員好細心，畀張menu我地揀住先。我地叫左 招牌春園河 $73朋友唔食半生熟牛，menu可以揀換全熟牛（好貼心！！重可以走蔥etc）我地以為全熟牛會好un啦，點知唔係！！！都係咁鬆軟！！！！！！！不得不讚，佢嘅牛真係好出色，我諗好多人都係為左佢既牛而來哈哈。而且牛肉份量都幾多 一食再食真係好JENG架！另外要提嘅就係佢既牛丸，　好味到我特登CLOSE UP左來影  同平時超市賣個D唔一樣架.... 牛丸入面的牛同脂肪比例岩岩好 A GOOD TRYYYYY...澳洲牛肉牛丸雙拼河 $75 呢個同上面既春園河唔同既係，佢無左牛丸，變左牛腩牛腩整得好入味，好淋。但份量就少左啲　 不過我本身對牛腩無咩特色PERFERENCE，所以都好ＯＫ哈哈牛油蒜香雞翼 $36 呢個真係超級出色。。。。。牛油炸成既雞翼超香，佢個個醬我食唔出係咩味呀，好特別，第一次試，我諗係SPRING FIELD 獨有？不過酸酸甜甜同牛油蒜香雞翼好MATCH