Spring field (已結業)

近日見雜誌介紹有新的越南牛肉粉店開張，特意前往一試。店內比較狹小，分別設有吧座和枱座。這兒主打和牛湯底和牛湯河粉，另設安格斯牛肉、澳洲牛丸等選擇，價格由$73-$118。火炙半熟和牛片河$98（限量供應）這和牛河的和牛大大片，而且肉質柔滑，滿有肉香，不會薄如紙，質量不錯。湯底唔太油膩，是牛骨湯風味，雖然算不上驚豔，但金邊粉幾滑，份量足，可算幾ok，以這價格是對位的。和牛大滿足全配料牛河$118 （限量供應）（半生熟板腱牛肉、澳洲牛丸、慢烹牛肉條、蘿蔔）這板腱牛肉肉質軟腍；牛丸大大粒，口感爽彈；和牛肥美有肉味，上枱時即使有八成熟也不鞋口，呷一口河粉，滑滑的。配料份量足，吃罷都幾飽。招牌春園春卷$36春卷一客兩條。春卷應該是素菜餡料，炸得有點油膩，幸好有生菜包著吃，減少油膩感。這和牛河粉整體而言可算不俗，只是店比較狹小和擠迫，價格合理。

店舖面積很小，大概有二十個位，點菜的菜單好像其他日式拉麵餐廳，可自由配搭。這次揀了大滿足配料牛肉河，當中有半生熟安格斯板腱牛肉、澳洲牛肉丸、慢煮牛肉條和蘿蔔粒，$98。可以揀河粉或者金邊粉。先喝一啖湯感受湯底，河粉很滑，彈口。牛肉和牛肉丸水準很高，牛肉條很軟有點肥，蘿蔔粒多幾粒更好。太好吃，忘記了拍照。

知道灣仔有一間出名食湯河嘅地方，放左工就約埋朋友一齊去試一試！😋見佢係一間和牛嘅專門店，咁點都要試吓佢哋出名嘅火炙半熟和牛河！🤪先講主角和牛，肉質非常嫩滑，煮得好淋好入味，牛味重，好好食！再講河粉，嘩！佢嘅質感同外邊鋪頭用嘅河粉好唔同，睇落個外型好似扁嘅烏冬，食落超級滑！最後就講個湯底同香料，湯底非常之濃郁！我諗一定用咗唔少心血去熬製個湯底！碗河粉到嘅時候會俾埋啲香料我地自己想落幾多就幾多。我哋就要將啲香料撕碎放埋入個河粉入邊，落完香料之後個湯底味道即刻升華咗幾個層次！😋😋我哋仲叫咗一個小食share，叫咗個香草牛油蒜香雞翼。咬落十分之香脆好惹味！不過我哋嗰份就油左少少，總括而言都好好食！

灣仔做完facial，揾下附近有冇"皇"店。揾到呢間和牛湯河店。又不是太餓，剛好。想幫下手，就叫咗最貴的和牛湯河(~HK 110)。好快就送到。個湯好濃，冇味精。牛丸有咬口。其實和牛煮湯未必最好，但呢幾大片和牛質地都好滑嫩，都係。分量稍細，男仕可能要再叫其他嘢食。心機店。要多支持。

喺灣仔呢邊上堂，放學後梗係嚟食個晚餐，見到最近有間新開嘅和牛湯粉店，作為牛魔王嘅我梗係要去😍六點佢已經有啲人喺度排隊，睇嚟質素應該都有保證😏餐廳專賣湯河，但都有和牛溫泉蛋飯可以揀，仲有兩份招牌小食，選擇都OK 😋和牛大滿足全配料牛河~鋪頭有教你點食先係最滋味，當然要跟佢咁試吓啦😋第一眼望落去已經充滿越式風味，有不少嘅香料可以自行選擇，牛肉份量極多，有兩大片燒得啱啱好，大概七八成熟嘅香牛片鋪係湯麵上面，咬落去食到濃濃嘅牛肉味，充滿肉汁😍牛筋丸都夠彈牙夠爽口，一咬落去爆汁超級滿足🤩點埋是拉差醬同甜醬令味道層次更加特別，可以一試😇另一款配料-慢煮牛肉條煮得好林好入味，牛肉味更加濃郁，筋肉相連更有咬口😋麵底揀咗比較少見嘅金邊粉，又有嘅麵條煮得啱啱好，質地比河粉煙韌好食😋招牌春園春卷~春卷啱啱炸起非常脆身，咬落去熱辣辣，充滿粉絲木耳絲等等嘅配料，點埋餐廳特製醬汁酸酸甜甜超開胃🥰

I hereby declare the best pho in HK is in Wanchai!!!On a messy Sunday where everything is closed because of the chaos now... this new restaurant has come into my world unexpectedly . The old address is cat's eye which is a fine Japanese fusion omlette restaurant. Not my favorite food, but the quality is good. They have now opened a new pho joint using the same mentality of the Japanese joint. Pretty much working a bowl of pho with the attention like a bowl of Japanese national treasure -- RAMEN!

牛丸彈牙超好味，牛肉夠滑，河粉滑滑，湯底濃郁，最喜歡可以因個人喜好，自選加減青蔥、茜、洋蔥，感覺窩心。香橙紅茶味道很夾，不甜不酸，茶中帶點香橙味，好正呀！最欣賞都是老細同店員的服務態度超班，店中每個員工都好好人，真的食得好開心，定必再食再食

平時喺灣仔利東街放工都冇諗過原來灣仔係咁多嘢食，朋友帶咗我去利東街後面嘅汕頭街食飯，有一間新開嘅越南河，鋪頭座位唔算太多佢係採用開放式嘅廚房，可以好清楚見到師傅係入面做緊咩。一坐低嘅時候店員就擺低咗張點菜紙，俾我既感覺係有啲似日本嘅拉麵餐廳，因為佢只係得五至六款揀，而且佢會俾你揀埋要唔要洋蔥，蔥等等嘅配料👍🏻我同朋友嗌左頭兩個:分別係招牌春卷河同火炙半熟牛河，仲有蒜香牛油雞翼三隻🥰上菜速度都幾快，大概10分鐘之後就有得食。一嚟到要睇下靚靚卡通教學，首先飲咗個湯，好重牛肉味，睇嚟應該用好多牛骨黎煲，而且味道好清甜，先講下招牌春園河，有牛肉，有鴨絲，啲牛肉片切得好薄，好有牛味，朋友叫嘅火炙半熟和牛河亦都唔差，但我就唔係好食到和牛同普通牛既分別，一樣都係咁滑同有牛味，而我同朋友分別試左金邊粉同河粉，個人中意食金邊粉多d，建議如果同朋友食嘅話可以兩個都試吓最後個牛油雞翼好大陣蒜香味，雖然係炸但我覺得唔太熱氣，so far 所有嘢都好好食，員工態度又好好💓

呢日放工，約咗為朋友食呢一間新開嘅越南菜。由於我自己都好鍾意食越南嘅河粉，所以都好期待呢一餐。一入到呢間餐廳，就充滿着越南河粉嘅香味，令我未食先興奮。我自己就叫咗一碗和牛河，而我朋友就叫咗一碗普通嘅招牌河。我哋仲叫咗一個小食，牛油味雞翼。呢度嘅雞翼炸得超好食，外皮香脆，充滿蒜味同埋牛油味，超鍾意食呀，裏面仲有好多肉汁好juicy。我個碗牛河係和牛，真係同普通嘅招牌河粉好大分別，個肉質嫩滑好多， 牛味都好重，啲油脂分布超靚。普通嗰個招牌河粉嘅牛肉唔係唔好食，但比較之下真係爭好遠，冇比較冇傷害啊。而且和牛嘅份量都好多，有三大片，都幾抵食。要提一提嘅就係個湯，真係和牛湯嚟㗎，超重和牛嗰隻味呀，而且個清湯都好清，但係有帶啲香草味。至於個河粉，就相對比其他泰國河粉幼， 硬度適中，正正常常冇咩特別。價錢來講，雖然和牛嘅價錢比較高，但我覺得都係值嘅。

行左陣街覺得好肚餓，既刻上openrice search 下附近有咩好食，比我search到有間新開既越南餐廳望落好似幾得咁，仲要幾近地鐵站個門口風格點解咁似日本拉麵既，不過個招牌隻鴨仔幾得意餐廳細細，但裝修得用心，侍應仲好主動serve人選擇唔算多，得一頁紙，主打當然係pho啦，平時選擇困難症既我唔使點諗已經揀好，當然係要和牛pho啦講真平時pho食得多，和牛pho真係少聽，上到黎見到碗新鮮熱辣辣既pho未食已經知正毫不誇張咁講個pho可以話係我食過既入面前三名！個和牛湯底尤其正，我飲左成碗啊野飲方面要左檸檬七喜咁既質素咁既價錢完全唔算貴，普通一碗pho平時都五六十啦，今次仲食到和牛wor

舊老細即興地搵XO仔食晏，例牌任細佬揀地方，嘻嘻，眼見灣仔新開咗間口碑唔錯嘅越南河粉店「Spring Field」，二人就約好十一點半去，希望唔洗排隊。餐廳門外貼有一頁中英對照嘅彩圖餐牌供食客參考。小店準時開門，小肥早到排頭位，自然可以任影唔嬲，兼任揀座位。開放式廚房內有兩位靚仔師傅掌舵，估計圍繞住嘅吧位會較熱。兩口子就揀坐拍牆嘅合併式散座。餐桌上每個座位面前都有一頁點菜紙、一枝筆、及一張越南河粉高手食法之教學連環彩圖，簡潔得黎光線充足。服務生非常溫婉有禮，除咗自動介紹美食，亦會提點每位客人必需填寫一份點菜紙。為怕浪費食水，貴客有要求先會送上清水。嘩咔咔，天口咁熱就當然係要啤一啤佢啦！XO仔點咗碗每天限量供應嘅「火炙半熟和牛河」（$98）。每碗河粉均以托盤連配菜、餐具及紙巾上枱，衛生非常。如相所示，牛骨湯底一啲都唔油膩，味道清甜香濃，主角和牛薄片油潤有光澤，入口即半溶於舌尖上，質感軟嫩滑溜；配角「三多」之多芫荽、多紫洋蔥、多青蔥亦一啲都唔失禮，份量十足，紫綠鮮美，清新爽脆。幼身嘅越南河粉白滑中帶少少煙韌，感覺冇平時食開嗰啲咁腍。湯料中仲混入咗軟腍中有彈性嘅牛肉粒，莫非都係和牛黎嘅？！健

呢晚收工自己食飯，上網search見到呢間Spring field，新餐廳、整體評價唔錯，而且仲好特別，係食和牛Pho！ 所以放左工就去會會佢😏😏行到去汕頭街，先見到餐廳既易拉架～ 和牛湯、去骨鴨絲、火炙和牛片，見到已經流口水🤤 餐廳唔太大，有bar檯位同3-4張4人檯～望望menu，主要專注賣pho，而我就心思思又想食牛又想食鴨絲，所以揀左「大滿足全配料牛肉河」，一次過滿足晒自己願望😆 配料項個度，粉麵當然揀pho，走芫荽、少青蔥少紫洋蔥。 值得提既係如果係唔食生牛肉既話，可以轉成熟牛肉既。 不過pho配生牛肉先係perfect match😎等待期間見到牆上面貼左教大家點食既要點～ 隻鴨好得意😆野食到，河粉同香料一齊送到～先飲一啖湯～ 好濃！ 對比平時其他地方食pho既湯底真係好唔同。而且Spring field個湯底望落去都好清，完全唔會覺得油膩～落香料前我都先食左食原味湯底既pho，好滑溜、好煙銀👍🏻👍🏻 望上去令身但都係唔會話油！之後就動手撕香料鵝蒂、金不換同加青檸汁～ 本身驚香料會唔會太大味，但呢個我完全接受到！👍🏻 加左之後又試到另一種風味既湯底～ 都係好香～至於配料，佢每

好用心經營的良心小店，無論越南粉、和牛飯同小食都好好味。和牛飯D 牛食落去真的好有牛味加埋溫泉蛋超級好味。D牛油雞翼夠熱夠香，終於揾得番真正牛油雞翼的味道！服務好細心同好有禮貌，服務員細心觀察顧客所需。我帶住小朋友，用餐後要清理小兒餐具，店員立刻遞上紙巾及水給我清洗！🥰🥰🥰我會再去！

環境4分：小餐廳比一般茶記格局舒服，對住門口有四組二人枱，對住個開放式麵檔廚房有五個吧位，對牆同對窗又有四個吧位，抽氣都唔錯，可以畀四分。衛生5分：Ｄ木枱木櫈好乾淨好整齊，完全唔立，每個位都有個號碼，有張教食越南粉嘅插圖，可以畀五分。服務 5分：樓面顆記同後生老闆好熱心推介，又夠快手快腳，又好好禮貌，夠效率，態度好，畀佢滿分。味道5分：碗大滿足全配料牛肉河一上枱，已經聞到牛肉湯底嘅香味，賣相都非常之好睇，有多片半生熟牛肉，又有去骨連皮鴨絲，啲皮都好香口，同埋兩粒牛丸，食落應該係自家手打果種，咬落去好爽，跟住發現碗底有兩粒蘿蔔，蘿蔔非常入味。個主角Ｄ河粉就非常之滑，一Ｄ都唔嚡口。跟足指示食到一半，加左Ｄ辣嘅芽菜仔，非常特別，芽菜仔都食左兩小碟。抵食5分：一百蚊唔使就食到碗咁正宗嘅越南河，連埋啲咁靚嘅牛肉，真係超級抵，滿分！

牛魔王一定不能錯過的小店，第一次想去幫襯係星期日，點知原來因為試業中星期日冇開，好失望囉於是唯有星期六再去，終於可以一嘗心願啦叫咗個招牌河粉，湯底非常之濃郁，和牛好食唔洗講，鴨肉好香，河粉好滑，冇得彈。叫咗份牛油蒜蓉雞翼，蒜蓉好香，雞翼好大隻呀同埋好juicy