Spring field (已結業)

星期六日最中意周搵試新餐廳，今個星期同細妹一齊去灣仔，一出地鐵站行左一陣見到大大個招牌，應該係新開張既餐廳，望住張圖好似好吸引咁，有和牛湯底，所以帶埋阿妹入去試試行前幾步就見到鋪頭啦，雖然係賣pho，但餐廳門面睇落有d似拉麵舖，行簡約日系精緻風，後來入舖頭聽到原來大廚定老闆係日本人，唔怪得之裝修風格咁日系啦小店食物選擇唔算多，不過好欣賞呢種認認真真專注用心做好一種食物既舖頭我點既係招牌春園河，有牛肉又有鴨肉，睇得出係誠意之作，我之前去過越南二十幾日食盡南北pho，不過今次既同越南本地既有小小分別，除左用料豐富好多之外，湯底可能因為係用左和牛既關係，又真係甜d呢個係細妹點既和牛河，佢同我講係佢成世食過最好食既pho，呢個真係佢原話冇誇張！！不是太甜既香橙紅茶，值得一讚另外要提下小店service 好好，waiter好主動加水，見到佢地會同客交流，聽下佢地對野食既睇法，大家經過灣仔不妨支持一下呢d有心小店

今日去咗灣仔行街，行到去利東街嘅時候覺得有啲肚餓，就OpenRice搵吓附近有咩好食。咁啱俾我搵到呢一間食越南河粉嘅餐廳，喺正利東街隔離，所以就即刻去咗食飯。呢間餐廳唔係話好大，但係絕對坐得舒服。佢採用嘅係開放式廚房，所以可以睇到廚師喺度煮嘢食。佢個餐牌好似平時食日本拉麵嘅餐廳咁，可以俾你揀配料既份量，非常貼心我見到佢個火炙半熟和牛河寫着「每天限量供應」，應該好正，所以二話不說就揀咗呢個食，朋友就叫咗個招牌春園河。小食方面，我哋叫咗個香草牛油蒜香雞翼。間餐廳好貼心咁教咗我哋應該要點樣食，啲公仔仲好得意添我跟住佢個instruction試咗啖湯先，果然係好濃郁嘅牛味，同平時食開嘅越南河粉湯底好唔同。然後啲和牛真係超好味，其他餐廳嗰啲生牛肉湯河真係冇得同佢比。配料方面佢除咗有嗰啲香料之外，仲有啲白蘿蔔、同埋牛腩，不過白蘿蔔同牛腩嘅份量都係好少。呢個招牌春園河同樣都有生牛肉，令我仲陪左啲燒鴨。我第一次食一個越南河粉係有燒味，感覺都幾特別。呢個香草牛油蒜香雞翼配左佢自製嘅魚露醬，呢個醬入面有啲柚子，香脆嘅雞翼點埋呢個醬食真係幾正，不過佢好似煮得有啲唔夠熟，有少少生。個指引話可以點是拉差同甜醬食

係OpenRice見到新開嘅越南河，仲有大少最鍾意嘅是拉差辣椒醬，梗係要來試一次啦。呢間鋪頭同依家有好多新式嘅越南牛肉河一樣，點菜時，都會響張紙仔度問你，要唔要芫荽，洋蔥，要河粉定金邊粉。我就叫咗招牌春園河，大少就叫咗火炙日本和牛河。我同大少梗係揀咗金邊粉啦。碗麵嚟嘅時候，佢都有比青檸辣椒同埋幾片越南嘅香草，但係碗麵喺無生芽菜嘅。我見到隔離有一瓶漬芽菜，望落去好似日本湯麵嘅芽菜咁.....碗河粉好得意個喎，除咗牛肉之外，佢仲加插左有日本味道嘅甜豉油蘿蔔同埋炆牛腩，我個碗仲加埋有燒鴨絲。個湯底，就好似一般嘅越南河粉嘅牛肉湯，但係加埋日本風味嘅蘿蔔，牛腩同漬芽菜，感覺就好似喺越南食日本麵？其實碗麵都幾好食，只要唔好諗住佢係越南式嘅河粉，當佢只係一碗普通嘅蘿蔔牛肉牛腩河，咁就可以啦。

上星期我個frd間PR公司話有間新開餐廳用緊佢地個新訂位System，於是叫咗我去得閒去試下咁啱我要去灣仔做野，於是就去幫我frd試一試....點知去到話其實間野無wifi裝唔到...不過唔緊要，反正都一場黎到，無理由乜都唔食就走....不過正值係lunch hour, 門口有幾個人晌度等位....我都要等咗10分鐘先入得去坐呢間舖頭好細，賣既野亦都唔多，只有幾款河粉同一啲小食。店員推介咗我食個牛肉牛丸河粉，於是就咁決定。再等咗5分鐘，黎到。牛肉牛丸河（9／10）：湯底ok濃，河粉好有彈性，同平時食開果啲好唔同。牛肉半生熟，味道甚佳及無渣，比平時食到的pho更好。牛湯入面仲有牛肉條同埋蘿蔔，兩者都非常出色~! 芫茜同蔥果啲可以好似拉麵咁揀多同少。但最最最突出既係粒牛丸！入面好juicy(有圖有真相)。個人覺得比錦Ｘ或者中環的名人河粉有心機及好食多了。多得朋友誤打誤總結：（O）味道好，價錢唔貴，性價比ok（O）環境Cozy，播輕音樂好舒服（O）職員有禮（△）店舖較細，枱面都細，食得比較辛苦（△）款式選擇較少

今晚去灣仔行街經過汕頭街，之前聽聞呢條街有好多特別既餐廳，所以就去睇睇有無好野食。見到呢間Spring Field，日式風格既裝修，但係食越南河粉，而且寫住和牛湯河。甘特別，當然要試一下啦。坐低後，用order紙點餐。叫左個大滿足全配料牛肉河，另外有得選配料既分量。鐘意食芫荽既我，當然要多芫荽啦。等左大概5分鐘，就有得食了~~先試左一啖牛湯~好香，味道濃牛肉黎到既時候，依然是粉紅色的~好吸引食落去無渣~值得一贊~！除了牛肉外，仲有鴨絲，牛丸。鴨絲肉好味，但略嫌鴨皮有少少鞋牛丸充滿驚喜，一咬落去，勁多汁。另外，河粉超滑~亦好彈牙~~！！好少係出面會食到甘既口感既河粉~牆上貼左一張好可愛既食牛河教學，先知道原來長長既香料叫做鵝蒂，問左店員，佢解釋即係越南芫荽，通常係一d傳統既越南鋪頭會見到~！長知識了~~加左d香料~成個湯的味道更豐富~~呢間越南餐廳同其他越南餐廳既配搭唔同，算幾特別~亦都睇得出係一間用心既餐廳~

朝早係銅鑼灣做完嘢，返公司之前黎左灣仔汕頭街食lunch，見呢間餐廳幾新淨又唔洗等位，咁就入去試下啦😄..齋睇個名Springfield你可能會覺得佢係一間食西餐既cafe，但原來佢係食越南菜架！..越南嘢黎講就梗係點pho啦！我揀左第一個，招牌春園河同埋香草牛肉蒜香雞翼。等緊野食黎既時候我係度放空，然後比我見到樣好得意既嘢........係牆上面既食河粉教學😂隻鴨仔超得意！！！我一路食一路望住佢，覺得隻鴨仔令呢餐飯增添左少少樂趣🤣.招牌春園河裡面有生肉，燒鴨，蘿蔔粒。好似鴨仔個河粉教學話齋，要飲左個湯先，係清甜既！味道剛剛好，唔會太鹹或者太甜，有香濃牛香。啲河粉係有咬口既，唔會一夾起就爛。..香草牛油雞翼超好味！炸得香口唔在講，個特製魚露汁都好正，惹味🤤我諗要我食多一碟都仲得😂..空間細細但係多自然光入黎，都坐得舒服！同埋最緊要係，呢度啲職員服務好細心好有禮貌！.

又發掘有心小店時間💛💛💛💛💛去左灣仔衣間賣點係和牛湯底嘅餐廳！叫左碗招牌春園河！非常足料！有三大塊生牛肉，鮮嫩唔肥，好易咬開，好味！有去骨鵝肉，已經係撕開嘅狀態，唔鞋好嫩，同個湯好夾！入面仲有牛肉粒，好好咬口！最驚喜係蘿白粒，入曬牛湯嘅味，唔苦好甜！平時唔鍾意食蘿白嘅我都覺得好食。湯面仲有得比你揀葱，紫洋葱同芫茜嘅份量！個湯好香牛肉味，唔咸口唔係味精做出黎嘅濃，而係幾薄身嘅湯，唔油真係可以飲曬成碗，以七十幾蚊有咁嘅心思好好！💛💛💛💛💛

服務態度好差，原先預約左13:00 2個人，12:50去到餐廳話無留到枱，出面有20個人排隊，心諗有無咁好食呀。其中一個姐姐仲要好無禮貌叫我同朋友去排隊，但我地明明早接近一個星期前經PR公司訂左枱。完全係騙案！店舖裏面好細，但就放好多張枱，迫到人貼人咁食，為左賺到盡，一啲最基本餐廳服務，包括預約留枱同埋提供足夠空間俾客人食飯都做唔到，差評！食物無乜特別，但好細碗，排左咁耐然後係食唔飽，下午茶要再去食野先夠飽。

初頭以為喺一間新開嘅日本餐廳，見到門口menu先知原來喺食越南粉，見menu有和牛粉仲話喺每天限量供應，就試試。入到店內格局好日本拉麵feel，一於試吓個火炙半熟和牛河，仲可免費選擇配料，有芫荽，紫洋蔥同青蔥，咁緊係要哂啦。碗河嚟到加埋d配料，睇落好豐富，不過唔見有生荳芽，原來枱頭放咗兜醃荳芽，少少辣，任落。至於和牛，切得微厚，好有牛味，仲好淋同滑㖭。而個湯就比一般其他越南河濃，勁牛味，再加埋d惹味配料個味超豐富，不過肯定唔係味精湯，因為食完唔太覺口渴。特別想講個粉，好少食到咁彈牙同滑嘅粉，呢個有驚喜，估唔到。本來仲想叫春卷，但碗粉份量都唔少，太飽，下次再嚟食過，反正都想試吓佢哋嘅牛丸。

週末放個假，想食好啲，於是同男友嚟試新野。食店位於灣仔一條橫街，尚算易找，我地去到門口，店長就已經俾定餐紙我地寫，仲解釋話清潔張檯一陣就入得嚟，唔駛乾等，抵讚！環觀四周，食店都有日式拉麵店嘅裝潢，甚至食物呈現方式都有日式嘅清緻。不過日式風格背後，賣嘅係越式河粉，碗粉仲要有燒鴨絲，亞洲幾個風格共冶一爐，成個Package都幾有趣。我點嘅粉有四款食材，牛柳粒牛肉片牛丸鴨絲，湯粉嘅香料係另上。一食落，個湯都幾清，最正係一口粉一口紫洋蔥，香氣實在係不得了。四款食材比較突出嘅係牛丸，除卻牛肉味以外仲多一層香料嘅味道，值得一試。P.S. 店長好主動招呼客人，介紹岩食嘅食材俾客人，幾欣賞呢度嘅店員。

好誠實我係因為唔想再幫襯大集團而專登搵良心小店見到group友介紹呢間一向鍾意食pho既我決定試一試今晚叫左春園河粉、春卷、雞翼同埋橙茶春園河粉：河粉彈牙，生牛肉岩岩好，有鴨肉吊味，令整體口感昇華！春卷：唔太油，多料。雞翼：輕微多左啲啲炸粉，不過夠脆入味！橙茶：有驚喜！唔太甜，夠橙味，清甜！小店各員工都好有禮貌，非常親切，連對送貨司傅都唔該前麻煩哂後，值得讚賞！值得推薦的良心小店。提外話：當晚7點幾8點已經好多野賣哂喇，香港人加油！

呢間望落似日式店嘅鋪頭竟然係主打越南菜覺得幾盞鬼於是入左去食通常我食親越南湯河都係叫牛肉河但今次老闆特別推介牛肉丸即係3，4號所以我同朋友都叫左一個3號 一個2號諗住乜都試下我地第一啖就試左個牛肉丸好有咬口 啲肉實得黎好彈牙 口感豐富 咬落有牛脂嘅香味終於明點解老闆會推介我地食牛肉丸第二樣要推介嘅係隱藏係牛湯裏面嘅和牛粒好嫩滑 同有脂肪香另外 個主食 即係河粉 都整得好好味彈牙 唔易爛 滑身 值得一提嘅係 佢地嘅餐單係有得好似日式拉面店咁有得比你揀 蔥 紫洋蔥 同芫荽嘅份量唔使再驚自己唔記得提老闆或者落錯單

約咗朋友諗住係港島收工食個晚飯，黎到灣仔附近，見到有間小店係食和牛越南湯河。心諗，乜真係有人用日式和牛溝落啲越南湯河度架。入座後如期叫咗一碗和牛湯河，另外幫朋友叫咗一個大滿足全配料。因為店員推介入面其中一樣食材，真係估唔到係好好食。呢樣野就係牛丸，和牛係如期之內嘅好味，令人最驚喜一定係粒牛丸，完全無渣，入面仲有啲脂肪粒，咬起上黎牛味十足，媲美星爺嘅爆漿瀨尿牛丸。另外，個河粉都係一絕，唔知係咪手打河粉，因為真係好彈牙，唔似平時出面食嘅河粉一咬就碎曬。呢間鋪真係貨真價實，用料好，絕對無味精。所以晚講黎食都坐無虛席。

行過灣仔依頭，本身想食黑龍，但係朋友沿路見到有間和牛河粉，好似日本Mix越南菜咁樣，係新開既鋪頭，所以就入左去試下。試業期間的營業時間，是新鋪頭黎，想試要注意喇。餐紙有D似日本拉麵既點餐紙，可以簡蔥、莞茜、洋蔥既比例大既Menu，方便老人家睇!餐廳裝修都幾別緻，有D 掛畫，有西式Style木Bar枱，好有日式Style有自助Bar可以加配料/加水我地最後叫左春卷、大滿足全配料牛河、火炙半熟和牛河同檸茶。等左一陣就黎左春卷同檸茶，店員都好細心，提我地要等一陣先食，即炸好熱。等左一陣，我地用生菜包起春卷，會無咁熱，但咬到入春卷部份，個皮好薄好軟但又香口，料好足，口感好正，配埋醬料係一流。火炙半熟和牛河 : 朋友食左，D和牛烤過先上。大滿足全配料牛河，以一個盤既Set奉上大滿足全配料牛河入面有半熟和牛、鴨絲、牛丸、和牛粒、蘿蔔。香料有九層塔、青檸、紅椒，可以因應自己喜好夾入去，而且新鮮，抵讚。半熟牛肉可以浸一浸，再食，和牛口感幾淋，但牛味唔算好重，比較之下口感取勝。鴨絲係驚喜之作，好入味，好重鴨肉味，超正!肉幾淋，同皮加埋個口感幾似，個比例唔錯，好食!牛丸結實，好重牛味，亦係第二個驚喜之作!

去囍匯行完街周圍搵食，有個二奶架好吸睛，和牛湯!?於是就比佢吸咗過去。門口好光鮮，直覺呢間應該係新開，因為之前起呢頭搵食都唔覺有佢存在。鋪仔細細，因為都幾早，所以唔使排隊佢比咗個大餐牌我地睇。好喇，揀完就落單。我地叫火炙半熟和牛河，大滿足全配料牛肉河，招牌春園春卷同凍檸檬紅茶。鋪仔細細，有啲文青feel，如果燈光暗啲會以為去咗日式餐廳添。等咗一陣首先係招牌春園春卷，店員好warm咁提我地啲春卷咁咁炸起好熱，攤一陣先食。我就唔太驚，點完個汁就包會生菜一啖食落去。春卷由紅蘿蔔絲，木耳絲，米線等等再由米紙包成。因為係鮮炸所以好香脆，冇翻炸果種硬嘅感覺，隻汁甜甜地少少酸，加埋生菜一齊食唔會覺得好油膩。凍檸檬紅茶唔記得叫少冰，冰有啲多，紅茶唔會好似茶記果啲咁濃，幾好。之後有我叫嘅火炙半熟和牛河。朋友食大滿足全配料牛肉河和牛有少少火槍烤過，所以半熟。因為我揀咗多配料，真係幾多，落埋啲九疊塔，紅椒仔同青檸汁，非常豐富。先試下啖湯，好重芫茜味，但飲落好鮮甜，冇芫茜味，一啖湯有兩種感覺。之後試下和牛，睇啲肉嘅紋色同色澤都知冇花假，次貨係扮唔到。食落去好爽滑，唔會韌，有少少似打邊爐滾一滾就食嘅和牛，連埋湯