Shine (已結業)

去開尖沙咀又冇乜特別目標餐廳想食，結果又嚟咗呢間西餐食啦。我唔係第一次食呢間㗎啦，今次你依然保持到水準，抵讚。今次我同朋友喺高峰時間嚟食，好彩仲有位可以直接入座。我同朋友叫咗一個香煎半熟帶子配魚子醬，一個香煎太平洋鱸魚，一個燒西班牙黑毛豬扒，一個牛油香煎虎蝦意瓜意大利飯，一個tiramisu。先講下頭盤個帶子，食落口真係半熟唔會煮得過左龍。開埋魚子醬食味道非常夾，絕對值得一試。之後到香煎鱸魚，魚煎得好香，亦都食得出有用鹽醃過，而且都係唔會過咗龍，都非常好食。魚煎得好香，亦都食得出有用鹽醃過，而且都係唔會過咗龍，都非常好食。再度個豬扒，豬扒我同朋友都驚食生所以冇叫七成而叫左全熟。雖然全熟，但豬扒仍然好多肉汁，食落都幾嫩口，相信如果食七成嘅話會更加嫩同多汁。到意大利飯，意大利飯做到成日好多人都講軟中帶硬嘅口感。而且味道濃郁，值得一試。甜品都幾正，唔會太甜幾岩個人口味。

回頭率高的西餐廳老實說 已經是第二次來吃Shine食物質素非常好 能看得出是用心之作.心滿意足🥰$108為甚麼會先介紹甜品呢 因為真係好靚好靚上次食火焰雪山🏔️已經好多朋友問詳情今次叫另外一款 依舊視覺味覺雙重享受👉🏻有齊芝士蛋糕 伯爵茶凍 橙味奶凍 馬卡龍 brownie灑上糖霜 巧克力粉和金箔 女士們絕對會心滿意足.特級安格斯漢堡配脆炸薯條🍔🍟$188嘩 是我吃過最高的漢堡包啊 吸引餐廳內不少目光首先最頂係2個洋蔥圈 接著就是烤大啡菇跟住有煙肉 目測起碼有3cm厚的漢堡扒當然不少得芝士 蕃茄 生菜 洋蔥 醬汁等配料超級豐富🤤特別要讚個個安格斯漢堡扒咬落充滿肉汁 好滑又彈牙 外層煎得夠香脆.傳統肉醬千層麵🍝$188很邪惡 加了好多芝士 切開就已經看到拉絲效果肉醬味道偏酸 好開胃 所以唔會話好膩吃不下去但可能漢堡包份量太大 吃到一半就很飽了 哈哈.北海道帶子配三文魚籽沙律🥗$128賣相好精緻 分開上下兩層上碟帶子鮮甜無異味 又有最愛的三文魚籽 又大又多！沙律除了一般的生菜火箭菜等 還加了橙 青蘋果片重點是沒有加醬汁 好健康好fresh 推薦一下.OMG🍹$88名字十分有趣 是一杯含酒精的

餐廳嘅裝修偏向型格路線，亦有點酒吧風格，燈光偏暗，反而情調十足，很有心思，帶點浪漫之餘又不失時尚，感覺舒服。餐廳嘅食物飲品選擇非常多，啱晒我地。脆炸德國鹹豬手配蜜糖芥末醬豬手賣相好吸引，皮脆肉嫩，猪手皮炸得十分香脆，肉質有口感。另外仲有蜜糖芥末醬作配搭，味道唔算太濃，幾有風味，仲有酸菜增加味道層次感。黑松露大啡菇意大利飯好耐冇食最愛嘅黑松露，黑松露醬汁香滑濃郁，飯粒有咬口，質感唔會太硬，好creamy。原隻大啡菇係面，好juicy，而且意大利飯入面仲有好多雜菌，食每一啖飯都食到菇，配合埋黑松露味，一流！Passion Fruit Lemon Soda熱情果味幾清香，飲落味道酸中帶甜，好開胃，仲有蜂蜜爆珠，幾得意。Mint Chocolate 比較清新，朱古力唔算好濃，但都足夠。薄菏味如果再突出些，味道會更出色。心太軟朱克力皮層焗得好香脆，裏面嘅流心朱古力很濃郁，食落唔算好甜，甜同苦嘅比例啱啱好。當然要加埋雪糕，一凍一熱，2種口感，亦都係心太軟最吸引人嘅地方。滿足嘅一餐，下次再來！

朋友介紹這家餐廳請調不錯， 是夜我們上去晚餐感受一番， 餐廳內柔和的的燈光， 帶點工業風的裝修， 襯托得特別有格調， 先點2杯飲品，分別是荔枝梳打和水果茶， 荔枝梳打十分清爽， 熱水果茶酸酸甜甜十分開胃， 之後叫了一個番茄紅酒燴藍青口， 藍青口又creamy又滑又嫩，沒有揸也沒有草青味 配上新式的煮法， 味道非常特別 主菜叫了西班牙黑毛豬配蘋果蓉， 擺盤十分漂亮， 黑毛豬切開呈現微微粉紅色，呈現剛煮熟的狀態， 黑毛豬食落十分嫩口， 煎到外小脆內嫩的效果， 配上蘋果蓉吃， 果然是一流配搭

是日好友生日 小編預訂了一家常去的尖沙咀西餐小店跟友人慶祝餐廳位於尖沙咀北京道 裝潢時尚特別燒安格斯肉眼扒配野菌紅酒燒汁$368安格斯肉眼扒本身瘦肉和肥肉兼而有之 配合餐廳自家製的野菌紅酒燒汁 大大帶出牛肉鮮味餐廳使用燒的方法去烹調  味道較香小編點的是medium rare 餐廳能把生熟程度控制得十分適中肉汁鎖在牛扒裏 口感十分juicy芝士焗加拿大龍蝦意大利飯$218要烹調出一碟好吃的意大利飯要花很多心機這裡的意大利飯軟硬程度適中加入濃郁的芝士 令人有種十分罪惡的感覺加拿大龍蝦十分肥美 味道鮮香秘製醬烤春雞$278烤春雞十分嫩滑 使用烤焗方式餐廳使用的秘製醬汁酸酸甜甜 非常醒胃總括而言小編覺得Shine價錢適中 服務態度很好無論係一個casual dinner 或是慶祝生日都十分適合

朋友生日，當然要食好啲，朋友自己揀咗來Shine慶祝。店舖嘅位置非常方便，而且室內座位寬敞舒適，裝修亦都非常有格調，見好多情侶都黎撐枱腳。我哋點左兩個湯、兩個主菜、兩杯飲料。牛肝菌蘑菇湯：真係有幾快乾牛肝菌片放喺湯入邊，而且湯入面盡是搞碎左嘅蘑菇粒。總括來講呢個湯係非常極度重蘑菇味，非常好味。龍蝦湯：龍蝦湯味道都非常濃郁，飲得出同平時飲開嘅罐頭龍蝦湯係好唔同，呢個好飲好多。芝士菠菜意大利雲吞配煙肉南瓜汁：意大利雲吞皮唔會好厚，厚薄適中，雲吞裏面係菠菜茸加芝士，芝士味道好濃郁，啖啖都係芝士味。煙肉南瓜汁都好好味，為味道提升咗一個層次。脆炸德國鹹豬手配蜜糖芥末醬：炸得超好食，外皮非常非常脆，最難得係鹹豬手肉好林，基本上都唔需要搵刀切。鹹豬手唔會太鹹，伴碟仲有酸菜，食得太多炸嘢中和下唔錯。Banana chocolate：好香好香香蕉味，加埋朱古力，呢兩樣加埋係絕配。Passion fruit lemon soda：呢個非常清新好飲，熱情果味好濃，最特別嘅係，佢上面放咗好多粒好似魚子嘅東西，食落去好有驚喜，因為粒粒裏面裝住嘅係熱情果汁嚟㗎，好特別！

今晚尖沙咀Shopping完, 行過隔離街, 見到成幢都係餐廳食肆, 揀左呢間西餐, 裡面暗暗地, 好有氣氛, 啱晒情侶撐枱腳.火炙黃鰭吞拿魚落Order時以為係刺生, 原來唔係, 好似煙燻咁, 好特別.燒原隻波士頓龍蝦 (24oz)24安士size都唔細隻喎, 好多肉, 燒得啱啱好, 唔韌, 好爽口. 蝦肉好容易就起到出黎, 同埋舖頭有預備手套俾客人使用, 唔會太麻煩.心太軟切開後, 熱辣辣既朱古力流出黎, 加埋雪糕一齊食, 一啖有齊晒雪糕同朱古力醬, 超好味~!Party Rock用橙汁, 菠蘿汁, 藍柑糖漿同埋雪碧, 味道唔錯, 不含酒精, 有少少似fruit punch.

前排朋友生日諗住一班人黎食，點知book 唔到位 🙈 佢地真係走寶啦…啲嘢食樣樣都好食，唯有下次再帶佢地黎啦芝士焗加拿大龍蝦意大利飯 📍$218原隻龍蝦上面鋪滿芝士，啖啖肉，仲有好多蝦膏，好鮮甜。廚師仲好細心咁敲爛個蝦殼，方便我地一夾就食得 😁 意大利飯唔單只有濃濃嘅龍蝦味，加埋番茄同香草，好惹味法式鵝肝多士 📍$198鵝肝好厚好juicy, 切落仲有啲鵝肝油流出，好邪惡呀 😈 配埋件脆多士同焦糖蘋果，中和返個油膩度龍蝦湯 📍$78上枱嘅時候見到唔係好creamy, 有啲擔心... 不過飲落好surprise! 龍蝦味好濃郁，配埋個脆餐包，唔怪得之係招牌菜啦特級安格斯漢堡配脆炸薯條 📍$188特級果然係特級 👏👏 有成8層咁高 😱 有炸洋蔥圈，煙肉，漢堡，生菜，大啡菇，生洋蔥，番茄，芝士汁，勁豐富。薯條份量都好多，好大方，食到好飽呀!除咗嘢食之外，不得不提嘅係佢呢到嘅服務勁好。我個人食勁多茄汁，食個少少薯條叫佢加咗2之茄汁，仲要求要換碟 🤣 但係佢地一啲都無唔耐煩，仲笑笑口幫我換/ 加

今日同親愛的慶祝紀念日，一出lift門已見到有Shine highlight的招牌。餐廳好寬敞，有吧檯，窗邊梳化位，長高檯，就算我們坐2人檯都不算迫。北海道帶子配三文魚籽沙律 $128 本身點的是牛油果大蝦沙律，誰知錯有錯著來錯了，帶子刺身，三文魚籽新鮮，三文魚籽配上沙律菜，青蘋果片，橙粒，中和了三文魚籽的鹹味。脆炸魚柳條配他他醬 $98 魚柳條炸得卜卜脆，可配他他醬及檸檬汁。北海道帶子明太子意粉配三文魚籽 $208 煎得金黃的帶子，同刺身食是兩回事，非常香口。明太子醬配上意粉，醬汁濃郁，配上大大粒三文魚籽，更佳。Passion Fruit Lemon Soda $58 熱情果味好清香

最近香港每晚都發生不快事，所以放工就問老公不如去尖沙咀行一陣兼食個飯，臨急臨忙就搵到呢間SHINE。地點都叫方便，係ISQUARE 行多個街口就到，上到去一開LIFT門，唔錯喎！地方好寬敞，環境唔嘈，讚食物方面以西餐為主，都幾多選擇，RISOTTO / PASTA / 各種扒類都有。當然唔少得各式各樣既飲品。餐廳有D暗，所以MENU 都唔係睇得好清楚 龍蝦湯 Lobster Bisque ($78) - 橙紅顏色，質感唔似其他地方飲到既creamy而是稀湯狀。頗有龍蝦鮮甜味，飲完暖笠笠，岩哂作緊感冒既老公。青醬蝴蝶粉配香煎雞胸 ($188) - 坦白說，上檯時我以為佢落錯單，因為一望真係完全唔似PESTO......但一試後即愛上！煎過既雞胸肉口感潤滑，蝴蝶粉夠嚼頭，D SAUCE 就好濃郁，好味！份量不多，燒安格斯肉眼扒配野菌紅酒燒汁 ($368) - 叫左medium-rare，熟度剛剛好，肉質嫩滑，油脂極少所以完全唔漏。燒汁好香但唔會蓋過肉眼扒既牛味。要讚既係配菜比較少見既薄薯塊，加埋佢Ｄ鹽 (唔知咩鹽)，超好食!!  不過我點得太多，攪到有少少咸　整體來說，食完好有滿足感，又可

今天在尖沙咀工作的老友約左我，更話介紹我去一間西餐館，有好野食當然不會托手爭，這間位於北京道太子中心的「Shine」，一踏入餐廳邊見到一個吧枱，我以為朋友介紹的是一間飲酒的地方，原來內有寬倘的雅座一坐低接待員便送上簡潔清晰的餐牌我朋友就撰來了一個辣蟹肉彩椒闊麵條，一睇便看見鋪滿了很多蟹肉絲再加彩椒的配搭下非常之色彩，長長濶麵條配以蟹肉及彩椒一起，入口彈牙及帶有絲絲蟹肉鮮味一起滲入口腔，不可少的彩椒新鮮汁也一起會在一起我就叫來了一個安格斯肉眼扒配野菌紅酒燒汁，說得安格斯肉扒，定當是擁有厚厚的肉感，這次叫了6成熟，上枱時底面煮得微濃，但肉質仍軟滑，牛味也很細緻，再加以紅酒燒汁的味道配搭恰當，既帶出牛扒的香濃更叫來一個小食火辣辣雞翼，雖然單5隻但足夠享用，雞翼肉夠厚皮脆肉嫩，香辣味也很到位，因辣味足夠，但不會掩蓋雞肉的味道

尖沙咀嘅呢間西餐廳shine我已經嚟過幾次，次次都冇令我失望，今日又想食好少少又來多一次呢度🥰 Menu有好多款嘢食，而且間唔中仲會update，所以其實食多幾次都唔會覺得悶㗎首先嚟到嘅係嘢飲，兩杯嘢飲都加咗啲cream同埋少少裝飾係面，雖然唔算話太花巧，但係賣相上都加咗分㗎啦☺️banana chocolate smoothie同oreo smoothie都唔算話太甜，但係個人就覺得banana chocolate smoothie嘅香蕉味同朱古力味分布平均，兩種味都可以同時飲到，oreo相對就比較普通焗羊奶芝士菠菜雞卷本身有少少怕羊味，但係呢個雞卷食得出有羊奶味又唔會太over,恰到好處，就算我平時唔係太食羊都覺得唔錯呢個burger真係足哂料咁高，食嘅時候要分開幾層食，不過望到自己最鍾意嘅漢堡包材料出現晒喺同一個包入面真係好滿足😍和風鮭魚意大利飯嘅醬汁好creamy而飯嘅軟硬度適中，都好值得推介😆

之前來過同一幢大廈食京菜，見到呢幢大廈都幾多野食，上次見到呢間西餐環境好似唔錯，今次就黎試下，餐廳內的燈光比較暗，好有情調，係情侶們約會的好地方。火炙藍鰭吞拿魚前菜點了火炙藍鰭吞拿魚，吞拿魚好厚身，外層用火燒到香脆，舖滿芝麻係面，而內層就保留返吞拿魚的原汁原味，肉質好腍好juicy。北海道帶子明太子意粉配三文魚籽值得一讚既係，煎過既帶子好香，好大粒好鮮甜，意粉醬汁非常creamy，味道好濃郁，每一啖都有明太子同三文魚籽味，真係每一條意粉都掛滿醬汁。Maple結合左桃和士多啤梨味的梳打，幾有層次。食物質素好滿意，而且價錢唔算貴

尖沙咀一向都有唔少出色西餐廳，呢間Shine除左環境浪漫之外，食物亦具質素。前菜有火灸吞拿魚，食法有點似日本菜，經火熗燒過的吞拿魚迫出魚油香味，加上香口的芝麻，味道同口感都非常吸引。主菜分別有西冷牛扒以及微辣蜆肉意大利粉，前者7成熟的牛扒保存粉嫩的肉身，肉汁豐富，已經極具吸引，加上具份量，同朋友一齊分享就最好！而微辣蜆肉意大利粉亦值得推介，微微的辣味相當適中，夠過癮之餘又唔會奪走鮮味，而蜆肉肉身結實，彈牙而無雜質，可以食到滿滿海鮮鮮味。

在半島做完瑜伽，就去搵食！天氣咁熱，就緊係不吃湯麵類，運動完想食得健康d! 眼見瑜珈中心嘅沙律唔平，就想起隔一條街嘅樓上舖! 我之前係呢間半酒吧半餐廳嘅Shine飲過嘢，貪佢唔迫，又有沙律食！所以二話不說去Walk in！呢度大5款沙律選擇，除了經典嘅田園沙律、凱撒沙律，仲有大眾坊間比較少有嘅牛油果、無花果、三文魚子選擇！樣樣都想食，所以沙律點了牛油果大蝦沙律，意粉點了三文魚子配北海道帶子明太子意粉。牛油果大蝦沙律 Avocado & Pawns Salad：嘩 大大份！名副其實不是1、2片，而是半顆牛油果！ 大蝦熟食度剛剛好，拌以腌製的菠蘿及醬汁，炎夏食十分開胃！北海道帶子明太子意粉配三文魚籽: 讚！北海道帶子熟食度別沙律嘅大蝦一樣剛剛好，pan fried 過的帶子更有微香；這裡的明太子醬汁很多，掛滿在每一條的意粉，加上慷慨地密佈嘅大大顆三文魚子，味道口感簡直一流！大推！其實在等食的途中，朋友又剛好在尖沙咀，便拉他過來一起吃晚飯！他點了脆炸魚柳條配他他醬：這裡是用香草的麵粉漿炸，所以炸出來的魚柳有一股香草味，炸漿較英式的厚實，有口感！好味！下次來一定會再點！另外，他也點了芝士焗加拿