Shine (已結業)

作為一個愛吃之人，每天也透過不同平台接收到餐廳的最新資訊, 要在一大堆餐廳名單中找出那一間想去確實有點難度, 有時只需要一個簡單的原因就足以吸引我去，這裡便是一例, 單是餐廳的環境和氣氛已令我深感興趣, 所以便即時來看看。Shine是尖沙咀區內的型格餐廳，店內裝修充滿時尚感, 設計著重柔和舒適，整間餐廳裝潢時尚富格調, 除設有散座外, 也設有獨立貴賓房, 很適合一班朋友相聚。飲品方面, 點了一杯橙汁, 酸酸地也夠冰涼, 為這天較熱的天氣消消暑, 感覺唔錯。要了清酒蜆湯，湯是夠熱的，味道非常濃郁而且有蜆的鮮甜味, 麵包皮脆而內鬆軟。緊接的有北海道帶子配三文魚子沙律，有新鮮生菜, 極之爽口,帶子厚肉而且鮮甜, 魚子粒粒呈鮮螢的橙色，吃入口, 一粒粒魚子併發出來的魚汁無比鮮味，整個沙律清新可人。是日的主菜就是一味燒西班牙黑毛豬扒配蘋果蓉, 本身肉質不錯，鬆軟也肉味濃郁, 點了些蘋果蓉可減低油膩感, 再配上甜薯蓉, 整份黑毛豬扒吃完後真的非常滿足。Shine是走中檔路線，整間餐廳氣氛唔錯, 裝潢時尚和富格調,跟朋友來聚餐, 飲下酒，談談心是一個好地方。

尖沙咀一向都多美食選擇，今次決定跟媽媽去試下呢間位於太子集團中心6樓嘅 Shine 啦～環境好舒適，燈光偏暗，播住輕音樂令人不期然放鬆左好多😌法式寶雲酥焗羊架配薄荷醬 $298賣相超吸引，美得像藝術品一般☺️ 羊架方面我地選擇左7成熟，呢個生熟度唔錯，羊肉口感柔軟，又唔會有膻味～ 羊架外表被一層薄酥包裹住，鹹鹹脆脆的，好惹味😋 配上偏酸嘅薄荷醬反而令整體味道更清新～ 佢嘅配菜都好特別，我最中意嘅係由紅蘿蔔和薯仔壓成嘅蔬菜蓉，好有創意，味道亦意想不到咁夾😋 其他蔬菜都好鮮甜～ 芝士焗加拿大龍蝦意大利飯 $218首先佢嘅芝士焗龍蝦真係好吸引，龍蝦肉質爽口，入面有唔少蝦膏，超正！😍😍 意大利飯係用新鮮番茄仔煮嘅，味道濃郁，每粒飯都沾滿番茄醬，飯嘅口感又比較煙韌，幾好食😋黃金手工蟹波配菠蘿酸忌廉 $128呢個蟹波不得了...一切開已經有蟹香飄出😚 成個蟹波都係蟹肉呀!!!! 推薦俾中意食嘅蟹肉嘅朋友，滿滿嘅蟹肉，滿滿嘅幸福感呀🥰鮮果青檸雪芭 $68估唔到士多啤梨面會有金箔😛 我都幾中意呢個雪芭，有濃郁嘅青檸味，酸酸甜甜咁超好食，會令人想一啖接一啖咁食哂佢🤣🤣順帶一提，店員態度好主動親切，值得一讚

lift門一開，我已經心知不妙。。我繼續抱有希望，同朋友坐低左。一見到餐牌，心諗what the，貴到咁，又無set。我繼續諗，可能好食到飛天姐。我地叫左一個蕃茄芝士焗薯，菠菜意大利雲呑，千層肉醬闊面，一杯紅酒，同一杯mr cool。嘩杯mr cool甜到喊。等左15分鐘後，個焗薯到喇。食左一啖之後，我心諗，呢個價錢你比啲咩我食？！之後個千層面同意大利雲呑到埋。三個字總括，好！難！食！難食都算，但價錢仲要係貴，中曬伏，無下次！

朋友生日 話想去食西餐 又唔知食咩好Ok 生日係大曬既 咁咪我搵下食咩囉係openrice 見到尖沙咀有間西餐 勁多正評於是book左上去會一會 睇下係咪真係咁好食交通勁方便 尖沙咀地鐵站行幾分鐘就到行過去既時候經過激安見到冇人仲落去行陣添上到去 一出「車立」就見到個吧檯裝修幾有氣氛 幾有格調 仲好闊落添呀脆炸咸豬手配蜜糖芥末醬🐷$278呢隻豬手望落好有霸氣 夠曬大件表皮炸至金黃 望到都流曬口水一切落去已經feel到好脆卜卜擺入口直情覺得外脆內嫩呀點埋個蜜糖芥末醬真係好有風味特級安格斯漢堡配炸薯條🐄🍔$188叫得特級 果然特級 個漢堡疊到好高有燒烤菇 洋蔥 煙肉 薯圈 芝士 安格斯漢堡好豐富呀個漢堡扒咬落好juicy 牛味極濃郁薯條份量極多 而且夠曬粗 好大方咁呀Mix Berry Yogurt🍓$68成餐我最鐘意既係呢杯yogurt本身不存厚望 諗著有杯野飲下就算只期望唔好有藥水味點知一飲之下驚為天人Yogurt 好大陣鮮果味 好清新相信係由新鮮既berries打成既甜甜酸酸咁好開胃呀Bailey's chololate🍾🍫$68本身好鍾意Bailey's 味既不同產品係街見到有新野

已經第二次來shine, 試吓新野，芝士西西里蕃茄煙肉焗薯皮，咸香豐富既煙肉粗粒有咬口，薯仔入口粉粉，香口同時焗得帶點脆口。燒安格斯肉眼扒配野菌紅酒燒汁，肉眼扒既嫩滑又有香濃牛肉味，上碟仲有熱力可以鎖住肉汁。香煎太平洋鱸魚配普羅旺斯燉菜，魚柳香脆肉嫩，魚皮煎至金黃色同香脆，加分！蕃茄大蝦闊條麵，意式蕃茄醬酸酸甜甜，但大蝦夠新鮮，茄汁並沒有蓋過了海鮮的味道，非常美味。火焰雪山絕對係「相機食先」之選！店員會將酒先淋上雪山表面，為雪山點上火焰，好有氣氛，每次我都嘩嘩聲。輕盈既蛋白口感獨特，內底層係口感鬆軟既蛋糕，仲有brownie、雪糕、馬卡龍、士多啤梨粒同cream，內冷外暖，味覺層次十分豐富。

芝士西西里蕃茄煙肉焗薯皮，酸甜又帶鹹香，仲有邪惡既芝士有微微拉絲效果，好味！燒安格斯肉眼扒配野菌紅酒燒汁，肉質特別嫩滑，雖然沒有厚切但size份量都唔細，有豐富的牛肉味！香煎太平洋鱸魚配普羅旺斯燉菜，魚肉酥香，唔腥，肉質細緻有彈性，非常不錯。蕃茄大蝦闊條麵，蕃茄香味配合大蝦，加上闊條麵掛滿左香濃蕃茄汁，醬汁吸收了大蝦的精華，味道層次豐富。甜品揀左火焰雪山，唔係話咩驚天動地既甜品，但係兒時回憶，一個感動既味道！雪山好大份，可以４個人share。外面個層雪山其實係厚厚既蛋白， 雪山裡面係幼滑既cream、士多啤梨粒、蛋糕、馬卡龍、雪糕等。

今晚請一位女性朋友食飯，女生都是喜歡浪漫，所以選擇了尖沙咀樓上店一間氣氛好的意大利菜餐廳。大部份食物組合都很吸引，選了四款食物我都滿意，最驚喜是芝士焗龍蝦意大利飯，平日我唔食忌廉食物以為唔啱我，點知意大利飯是不落忌廉的，而且是茄汁底，唔需要食龍蝦都已經好好味。另外我喜歡煙鴨胸無花果沙律，分量幾大，煙鴨胸味道好，肉質軟。辣蟹肉彩椒闊條麵亦非常好，用白酒煮所以香，很重羅勒味，地中海做法，並非意式。但西班牙蒜味蝦配多士就一般，雖然份量都大，我認為橄欖油及蒜香可以更強。

好耐冇同女朋友食西餐，我地今晚來到尖沙咀，Shine again~餐廳位於北京道，呢棟大廈都幾多餐廳，所以基本上客人都幾分散，唔會話十分之多或者好嘈咁。座位編排唔會話太過密麻近窗口有幾張比較闊落嘅卡位，當晚都已經有客人坐左。呢度裝潢幾特別，唔係好正式、傳統果種西餐廳，比較新式，燈光效果幾有趣，靚嘅，不過影相就唔係太方便，偏暗。menu方面選擇都算多，基本上都應有盡有，沙律、湯、冷盤、前菜都已經有好多款，主食有意大利飯、意粉、漢堡、煎鴨胸、煎鱸魚、鹹豬手、焗羊架、燒黑毛豬扒、燒肉眼、燒龍蝦等，仲有甜品。呢度並無套餐，一律單點。北海道帶子配三文魚籽沙律擺盤幾有趣，份量睇落唔多，不過我地倒左出來之後，都夠兩個人食。北海道帶子鮮甜軟腍，三文魚籽唔會太鹹，撈埋沙律菜來食就啱啱好雞翼係我最愛，一定要點，有兩種口味：甜蜜蜜同火辣辣，我地點左火辣辣雞翼，一份有8隻，正啊雞翼大隻，上枱時熱辣辣，外層沾滿辣粉，原來佢地用嘅麻辣粉，火鍋果種味道，所以會有少少麻，辣度頗高，如果平時唔算食得好辣嘅朋友要注意。因為我鐘意食辣，所以覺得好正雞翼外層香脆，而肉質唔老，又唔乾。如果唔食得辣，可以點蜜糖版本。莎士西西里蕃

餐廳位於樓上，可以飽覽北京道美景。裝修得體別緻，適合攜伴前行。蘑菇濃湯無花果沙律很有新鮮感的沙律！喺沙律上面有大量無花果，甜度適中，非常之開胃！沙律用嘅菜非常新鮮，可以令你食主菜之前有清純美新狀態，品嚐美食。招牌Shine Burger! 🍔 （$168）招牌豐滿的漢堡包，上邊同下邊都烤過，脆脆地。上而下分別是酸瓜、大啡菇、鮮蕃茄、生菜、芝士及牛內漢堡。另有薯條相伴。大大份牛肉漢堡被半溶的芝士緊緊包裹著，滋味豐厚滋味。而且仲有煙肉、炸洋蔥。值得一提的是，薯條也相當不錯。我認為分量足夠兩人享用。朱古力Oreo smoothie🥤🍫🤪非常邪惡嘅朱古力奶昔飲品

✨有咩食晚餐冇set既，係散叫既。我地2個人食，就叫左一粉一扒2杯飲品。✨Pesto Farfalle with Grilled Chicken Beast $188青醬蝴蝶粉配香煎雞胸青醬主要係由羅勒整既，有淡淡既草本香味，配埋煎得剛好既雞胸，香口而唔會嚡口，仲有水分既。✨Grilled Spanish Iberco Pork Chop with Apple Sauce $348燒西班牙黑毛豬扒配蘋果蓉黑毛豬扒份量幾大，仲好厚切，岩哂食肉獸。雖然厚，但裡面唔會乾哂，仲有肉汁既。伴碟係蘋果蓉，取代在常見既薯蓉，睇得出餐廳既心思。✨Mr. Cool $68有荔枝、薄荷、薑水，清新之餘又有荔枝既果香、甜味、果肉。✨Rose Latte $54玫瑰味咖啡，順口、唔會苦澀。✨總結，今餐最為欣賞既係黑毛豬扒，肉質香甜，難以忘懷。

和老公第二次黎TST Shine了，太近我地番工地點了！餐廳食物保持水準😋今次老公發版 order食物，我們order了春雞、意粉及甜品。🔸燒春雞甜甜地蜜糖香草味道，有二隻雞脾及雞胸肉，皮焗得酥脆香口，野味而肉質鮮嫩！伴著春雞既蔬菜鮮夠鮮味，不錯！有蘆筍、小蕃茄、厚切脆蘿塊、菜及小紅蘿蔔🥕。個人喜歡厚切脆又香口既薯塊，夠入味😋🔸明太子帶子三文魚䰵意粉意粉軟硬適中帶有香滑既芝士味，大大粒厚肉帶子味道鮮甜，份量都算多還有個人喜歡的鮮味三文魚籽，正💕🔸心太軟熱辣辣食最美味，切開入面濃濃的朱古力槳味道香濃又唔會太甜，還有一塊金泊點綴，藍莓、士多啤梨酸酸甜甜！

呢度嘅明太子海膽意粉應該就係最出名嘅菜式！見到好多foodie都有食過呢個意粉，所以都慕名而來！果然冇令我失望！明太子嘅味道非常之濃郁，海膽好新鮮，呢度嘅意粉亦都好彈牙，係手工意粉嘅味道！可惜份量少左啲，如果同朋友share嘅話呢，一人食一撮好快就會食晒。另外其實呢度有好多Pasta我食過都好好味！其實可以幾推薦，價錢尚算合理，可以一試。 仲嗌左個牛排，牛扒order左medium rare，煎到出黎好粉嫩，唔會有血水，脂肪分佈好平均，煎完d肉都仲好滑，好易切，朋友好鐘意！另外仲有個豬手，個汁係芥末醬，加埋可以balance翻豬手既油膩感，個皮好香脆！仲有個炸物拼盤，全部都好香，最正係炸魷魚！

好耐之前已經食過一次呢間餐廳，前幾日同朋友又再返嚟食啦，今次同樣地令到我哋好滿足👍🏻👍🏻香煎半熟帶子配黑魚子醬呢個半熟帶子超好味！！！帶子做到好鮮嫩，而且煎得好香，調味亦都做到啱啱好，識落仲要好鮮甜，抵讚！！！香煎太平洋鱸魚呢款鱸魚既魚皮煎得好香，而且佢嘅口感同樣好豐富，伴菜亦都同樣好味，啱晒啲唔想食得太多肉嘅女仔👍🏻👍🏻牛油香煎虎蝦意瓜意大利飯呢款意大利飯除咗面頭嘅一隻大虎蝦之外，裏面仲用左好多隻新鮮嘅蝦去整成，啲好耐都未出街食過中菜啦，所以前日就同屋企人係屋企附近揀咗間炒小菜既冰室試下啦，點知味道都幾好，冇令到我哋失望👍🏻👍🏻

今個月生日，好友請我到喜歡的餐廳吃生日飯，非常開心~北海道帶子明太子意粉配三文魚子，帶子肉厚細嫩，煎得香口，意粉柔韌掛汁，拌勻鮮甜爆汁的三文魚子及微辣辛口的明太子同吃，鹹辣香口，滋味滿瀉~脆炸德國咸豬手配蜜糖芥末醬，份量十足，皮厚香脆，肥瘦均勻，肉質爽嫩，咀嚼時肉香慢慢滲出，鹹淡得宜，再蘸上蜜糖芥末醬，更香口惹味!Mint Chocolate，賣相吸引，拉花漂亮別緻，奶泡綿密，入口順滑，薄荷及朱古力味比例剛好，不會過於濃烈，香甜不膩~Fruit Tea，混合橙、梨、藍莓、火龍果、青檸檬等多種水果，果香四溢，酸甜醒胃，營養豐富，健康味美~火焰雪山，替代傳統的生日蛋糕。 蛋糕燃燒時非常吸睛，面層鋪滿忌廉，輕盈幼滑，內層餡料豐富，有士多啤梨、藍莓、雪糕、泡芙及威化餅等等，甜香中滲出濃濃的冧酒香，獨特味美~主菜、甜品及飲品樣樣皆精，吃過豐盛滋味的生日飯，大感滿足! 再次謝謝好友請客!

大愛呢間高質餐廳,夏日炎炎,係街就黎溶呀,一黎到就叫左兩杯野飲,一杯係凍既FRUIT TEA,有好多新鮮水果做裝飾,我自己就叫左杯士多啤梨朱古力SMOOTHIES,濃郁既朱古力沙冰有STRAWBERRY即時覺得好唔同。我同朋友叫左一碟CAVIAR帶子,有CAVIAR做點綴,又有青檸片,好清新好輕盈呀!主菜就叫左西班牙黑毛豬排,大愛西班牙既豬,從來都唔覺得肉質粗糙,呢個係西班牙豬同其他豬既分別,配菜就有蕃茄仔,CARROT,CARROT PUREE等。個SAUCE好特別呀,係蘋果蓉來的。呢度有個WAITRESS好好笑容呀!整體黎講上菜快,環境好,呢黎度食野既通常係COUPLE,都有一家人來,唔嘈,可以好有情調咁食野呀!