Mokumoku Yakiton (永光商業大廈)

营业中

休息中

中意食豚肉既朋友又有新喜訊！呢間專食各部份豚肉既新店，可以食到平時食都食唔到既豬天梯、豬腦。。。其實我無甘識食，但係我好中意吃豬大腸、豬舌、豬雜呢啲 local 野。今日，我就係為左食豬而黎，一開波即黎一堆豬內臟料理。札幌生啤58元食野先黎一杯凍生啤，乾一乾杯！豬肝暮斯 68元呢舊多士的重點係果舊方型豬肝。非常重工藝，要先將豬肝煮熟整碎再倒模，有類似鵝肝既香氣。味噌煮豬大腸32元豬大腸經過味噌煮後，無左腥味，但柔軟有彈性既質感不變！個味噌汁一流！豬生腸串34元再黎豬大腸，日式串燒做法。燒過後腸皮香脆，大腸果陣性感既香味依舊迷人，比味噌更騷，正！就係要呢種感覺！天之户吟泉純米55元生啤完後，嘆下佢呢渡出名既清酒。呢渡最稱心就係可以逐杯叫，而且有好多種靚清酒，可以問下店員點配答食物，佢地好專業嫁。呢支天之户好易入口，先來清甜，後勁一陣辛辣，好過癮！豬顎骨肉串38元平時無食過豬顎骨肉，所以叫黎試下。呢渡有好多平時食唔到既豬身部分，唔試就笨。豬心串28元豬心脆口新鮮。豬肝串28元平時打邊爐食得多，今次食燒既，果種好豬肝既感覺依舊不變。而且唔硬，好意外。豬耳芝士串32元呢碟係因為豬耳同芝士都係大

朋友發掘到間日本樓上新食肆 而且口碑唔錯 係一間專食豬既餐廳 餐廳內唔難發現豬既存在坐bar枱 可以邊食邊欣賞師傅功架前菜- 由凍蕃茄 蒜粒 蔥粒同醬汁而成！蕃茄夠凍而清甜 咬落超多汁 夾埋味道較濃既生蒜 撞埋一齊既味道同口感好特別 開胃之餘又生津解渴Mokumoku沙律- 除左有雜果 薄肉片外 最特別仲有羽衣甘藍！估唔到一盤普通既沙津會用上貴價食材 加上秘製醬汁（好似係小麥草汁） 更能配襯出食材本身既新鮮因為今晚所有食物都交由師傳話事 所以完全唔知即將上咩菜式 驟眼看呢串似普通豬肉串 但原來當中內有乾坤 侍應特意先大賣關子 叫我地試左先然後估肉串內究竟包左咩食材呢款叫-林檎紅薑豬肉串 裡面係沾左姜汁既蘋果粒！！唔試唔知 蘋果粒經燒烤後口感特別爽脆 似足雪梨一樣 難怪大部分客人都估唔中烤豆腐皮係另一款個人推介既食品！即烤腐皮外表微脆 加埋咸咸地既明太子 配埋啤酒一流再來另一款豬食材-西班牙夾心肉！一直好怕啖啖肉全因怕un 但呢款肉質細嫰多汁 油膩肉質分佈平均 令人忍唔住食完一口又一口最後烤三文魚飯團 熱辣辣配上紫菜（熱到鏡頭都濛埋）今晚實在太滿足了必定會再幫襯

食串燒沒什麼特別，但今晚嚟了一間有特色的日式串燒店，主打豚肉之外，還有豬的各部位，甚至乎內臟部位也可一嚐。非常期待！佳餚配美酒，比起清酒近年我愛上了梅酒。梅酒有獨有的果香，再混入柚子，那種清新的感覺好另人放鬆！醒胃前菜蒜子蕃茄沙律，蕃茄似太陽的火艶，入口清甜，蒜子茸毫不辛辣，增添味蕾感。來一個餐前小吃豬肝慕絲，組合是主角的豬肝慕絲，煙熏蘿蔔粒，車厘茄，芝士和餅乾，建議一口放入嘴𥚃，會感受到層次豐富，好融和的味道。Iberico火腿經燒過後，油份迫出更加鹹香，有嚼口，佐酒一流！味噌煮是日本居酒屋重要的一道餸菜，不可決少。我也來一客。蘿蔔夠入味。豬大腸有𡁻口，沒丁點臊味，處理得非常好。牛筋軟腍我最鐘意。雖然是主打串燒，但刺身又不可不點，夠新鮮吖嘛！有赤蝦，油甘魚，海膽，三文魚和帆立具。各具特色，鮮甜美味。終於主角串燒陸續登場：西班牙的黑豚豬頸肉串，肉質軟腍夠肉香。上等豬脷串和豬腰子多夠爽脆。豬肝串，有點起沙囗感。綱油豬腦卷，有點嚇人但食落完全兩回事。用了網油包裹著豬腦，燒起上來，外層的綱油油脂溶化了，滲入豬腦，多了份油香，綿綿的口感真的不錯。豬頭肉串，煙煙韌韌有嚼勁。有幾款豬肉卷也很出色：

約左好朋友銅鑼灣食飯, 呢邊朋友熟D, 所以食咩佢話事.佢話呢間日本野新開食試下, 入到黎好有日本居酒屋風格, 感覺好舒服, 暗暗地啱晒傾偈.先黎個刺身盛, 帶子, 赤蝦都好彈牙爽口, 三文魚, 油甘魚入口軟腍, 魚脂豐富, 最吸睛既當然係海膽, 顏色有光澤, 一入口即有流入喉嚨既感覺, 好滑溜鮮甜, 整體各款刺身都好新鮮.另外呢度既串燒主要以豬為主, 種類亦好多, 肝呀, 心呀, 腰呀咩都有, 同響日本食既一樣.呢款豬顎骨肉串, 外表燒到剛剛好, 特別香口, 燒完既肉質完全唔韌, 好軟嫩.豬生腸串, 生腸多數食鹵味, 燒既真係第一次食, 燒到外面脆卜卜, 送酒一流. 生腸唔會好韌, 好爽口.年糕豬肉串, 豬肉好嫩滑, 年糕煙韌, 兩者加埋口感豐富, 豬肉既肉汁充滿成個口腔, 所以配埋年糕都唔會太乾, 剛剛好.串燒係即燒, 但都唔算等好耐, 可以慢慢食慢慢傾.

是晚相約友人食日本野，餐廳新開無耐，決定試試佢餐廳好近銅鑼灣地鐵站，一出口轉左就到了餐廳環境舒服，燈光配合得很好環境唔多講了，食物最緊要，急不可待首先係沙律黑毛豬配上新鮮蔬菜好好味 ，仲有羽衣甘藍最健康既蔬菜之一配上餐廳自家制醬汁 酸酸甜甜好味然後叫左個刺身好新鮮，特別係海膽，配上青瓜片不得了，溶在口中的甘甜其他刺身也十分甜美新鮮，個人認為再凍d會更好好啦！跟住就係串燒啦呢串係挑戰口感的串燒識落有點兒似梨，又食到少少薑汁，最後原來係蘋果豚肉包住蘋果去燒 10分驚喜西班牙夾心肉火候很好，燒得好好味，見到師傅只落了少許鹽燒芝士牛油果🥑，由於我們坐在吧枱的關係，見到新鮮的食材！見到師傅即切的牛油果，在加上芝士去燒豬脷燒得很好，知道燒脷的技巧很高，很考功夫，但師傅燒得很好，煙銀仲有關東煮豬手好好有骨膠原女士最愛！煮得好淋，喜歡膠質豆腐也煮得唔錯！最後，友人堅持要吃一個燒飯糰🍙，實在香口店員推介了我們吃這個自家製的拉麵🍜！雖然很飽，但完全沒有後悔他的湯底很濃稠但不是死鹹，抵擋不住，整碗吃掉！後來聽店員解釋，拉麵師傅是店舖專登很拉麵店聘請過來的難怪咁好味兩個人食到捧住個肚走出來

「Mokumoku Yakiton」是新開的和食居酒屋，主打豚肉串燒美食。店內擺設呼應餐廳的招牌美食，四處也能找到小豬的芳蹤。在店中的當眼位置，掛了一塊「豬牌」，介紹豬肉不同的部位，只可惜小編不懂日文，未能領略箇中意思。 來到居酒屋當然要「飲番兩杯」！「作 惠乃智 純米吟釀」是店員的推介。雖然清酒未達大吟釀級別 (精米步合 60%)，但無礙濃甜酒意的發揮，十分容易入口。在品酒的末段，甜意稍減，酸味介入，予人一種類近氣酒的體驗。一連兩道沙律作前菜，「蒜子蕃茄沙律」以清甜多汁的嫩茄入饌，本已吸引。面上多加惹味的蒜蓉，更是錦上添花。 「MokuMoku 沙律」以店名定名，予人一份期待。沙律主要以不同的雜蔬為本，再引入多款爽口的瓜菜片，最後追加少量鹹香火腿作點綴。如覺得單是火腿未足夠豐富雜蔬沙律的味道，不妨添加數滴意大利黑醋調味，既富效果又健康。「豬肝慕絲」的鋪排有點像法式的鵝肝凍糕。這個做法的好處是能保持豬肝的原汁原味，好待大家集中品評其濃滑的滋味。吃時把整件豬肝慕絲一次過送於口中，能最有效體驗菜式的層次感。 「巴爾馬火腿」在西班牙餐廳十分常見，在和食店則比較少有。熟成了三年的火腿呈穏健

有人問我是不是喜歡食得招積, 唔串唔食,咁我更系食住上啦, 如果她請的話,一於奉陪！地点又是在銅鑼湾旺區,原來這間新店開張冇耐,專食豬系列的串燒和飲日本清酒的居酒屋模式！ 通常串燒大部份都是什崩欄,豬,牛,雞..都有今次這間Mokumoku 主打食豬,有些豬的特别位置也有！Mokumoku 店員解釋原來是豬的叫聲,咕..咕聲喎..以上是圖解豬內臟各部份！餐廳在吧檯當眼地方擺放lberico西班牙豬肶！餐廳在6月份做緊特價$98/ 份當然要試試啦,嘻,吃了幾件才諗起影相！頭盤來一個清新蒜子蕃茄沙律它們串燒的單價是逐串計,所以两個人來的話,order 2串,唔駛爭,大家一人一串！這款豬肝串醃得很入味和燒出來很香口！另一款叫做林擒紅薑豬肉卷- 豬肉片卷上蘋果肉和紅薑,味道中和及加上肉質嫩,好味！豬頸肉串豬頭肉串 - 似我地吃的鹵水豬頭肉,但今次是串燒,所以就多了一份焦香味！我叫了這個吟泉日本米酒,店員在我面前端上這瓶酒給我看,很詳細解釋,産區和酒精度數和口味等资料,很好的款客之道！這碗豬骨湯拉麵,湯味香濃,不會得個咸味,麵也很爽口！其實餐廳還有多款串燒,今次未能試得哂,留住下次約埋大班朋友再

店舖位於地鐵站出口相距五間店舖，地點方便快捷。店舖門面以木條鋪設整幅牆身，燈飾店牌日式帶點調皮感。企條木門前擺放一排座椅供休息輪候。最後我們選擇了吧台座位，希望觀賞師傅燒烤同時了解一下日本燒烤文化及店舖特色。只有坐在吧台前ORDER飲品才會看到豬豬木杯墊，店家在日本各地找尋可愛豬豬飾物擺設，細心觀察可發現豬豬無處不在。店舖雖小但五臟俱全，環境舒服，食物高質，因座位確實不多，客人們想到店嚐吃請先預約。前菜：蕃茄蕃茄已去皮，入口清新鮮甜，肉質爽口多汁，清爽的開胃前菜。日式居酒屋基本上清酒只能一支支ORDER，除了不能一嚐多種款式外，酒力不勝的人還只能望梅止渴。店家貼心以杯裝形式銷售，令客人可一一嚐鮮。東洋美人 地帆紅 大吟釀hkd95入口輕巧利落，甜度較高飄出完熟果物香的交錯感，慢慢飄散，中後段清新果香交織，喝下帶點香甜餘韻，易入口無負擔。柚子x梅酒hkd65 入口柚香飄逸，柚香果味清爽，混住梅香，梅香味道濃郁芬芳，果味出而酒味濃，兩者配搭特別，入口柔順輕盈。豬肝慕思 hkd68入口豬肝軟滑甘香，芝士香醇濃厚，爽脆漬物及鮮甜茄粒，配上脆蘇打餅，清爽與濃厚混合而配搭。iberico ham

如果問日本人放工最鍾意去邊度聚會，居酒屋一定榜上有名。日本人不論聯誼、下班放鬆都喜歡去居酒屋報到，因此亦形成獨特的居酒屋飲食文化。其實居酒屋喺香港亦很受歡迎，有吃有喝，食物又夠多元化，氣氛又夠熱鬧。早前友人相約我飯聚，就揀咗一間以豚肉串燒作主打的居酒屋「Mokumoku Yakiton」。餐廳位置十分方便，座落於銅鑼灣軒尼詩道 499 號永光商業大廈 7 樓，店內裝潢以木系為主調，和風十足，牆架放滿清酒和自家浸製的梅酒，加上周邊的日式擺設，滿載日本風情。廚房採開放式設計，而這晚我倆就被安排坐在吧檯位置，客人除了可以同廚師互動交流、近距離觀看師傅燒烤食物外，還可享有吧檯位食客專用的小豬筷子托及可愛的胖嘟嘟小豬杯墊。另外，每張桌上都會放有一把小泥耙，大家可猜到這個小工具有甚麼用途嗎？ 翻開餐牌，菜單雖然以豚串燒為主，但仍有不少其他和食可供選擇，而項目就包括有沙律、一品料理、刺身、卷燒、人気燒物、串燒、味噌煮、食事及甜品等。至於豚串燒食材就有豬頭肉、豬顎骨肉、豬粉腸、豬脷、豬喉軟骨、豬肝、豬心、豬皮、豬腰子等等，堪稱「豬盡其用」。如果是衝著酒精而來的話，相信亦不會失望，皆因選擇也甚為豐富，不

今天遊走銅鑼灣，享受星期天。因明天亦是假期，不用匆匆忙，可以好好享受dinner。軒尼斯道一帶有很多樓上食肆，喺永光中心看見 もくもく やきとん居酒居水牌，貪新鮮，便決定試下。店內裝潢簡約不花巧，播放輕柔 爵士樂，感覺輕鬆。店員安排坐Bar 枱。不錯，有居酒屋 feel.各店員親切招呼，為我地介紹餐廳特式食品、每隻清酒特色。非常貼心。此店以豬肉為主題，主要貨源喺鹿兒島及西班牙。並有不同豬內臟串燒嘅居酒屋。同店員傾吓計先知，もくもく原來是豬嘅叫聲。所有擺設也配合🐷。幾攪鬼。店員話豬杯墊 喺Bar 枱限定。佢叫我地估下豬扒用途。哈哈⋯望下張相就知。驚喜由前菜開始⋯Mokumoku 沙律，非常新鮮羽衣甘藍、日本蕃茄仔，仲有Parma ham 配合黑醋，新鲜、開胃。牛油果芝士好吸睛。豬肝慕斯，造型很美麗。一小片蕃茄，小粒芝士，配合豬肝、小餅乾。口感一流。呢個時候，很想飲點酒。店員為我介紹每隻清酒。”作” 很特別，餘韻有 sparkling 嘅感覺。多謝店員推介。味噌煮，味道不錯。蘿蔔很入味，又吾會太咸呢餐 dinner 特別之處，同餐廳店員、廚師互動交談。特別既菜式，佢會賣關子，叫我地估下喺咩

放工後行過永光商業大廈，見到有間新店開左，又見有少少肚餓，入去試下，見店舖主打豚類，就叫左豬脷、豬顎骨肉、豬心、豬腰、豬生腸、豬喉、豬肝暮斯試下，比想像中好食，再點左牛脷，很肥美香口，小店人流不多，裝修簡潔，座位很舒服，整體感覺很寫意，老闆很好人很好客；如果三五知己小聚很不錯