Mokumoku Yakiton (永光商業大廈)

营业中

休息中

朋友之前食過覺得好食，就帶左我地尼一齊 happy friday餐廳唔算好大，可能因為星期五既關係，我地即使訂左位都要坐吧枱。不過吧枱有吧枱既好，師傅不斷係我隔離傳菜出尼，可以知道咩菜式最受歡迎，睇岩就直接落單我地坐低就開左支酒先，赤野 潦 純米吟釀 ($528)，少少辛口感，配串燒同翅身都非常夾小食先叫左 蒜子蕃茄沙律 ($28)，原個蕃茄配上少少蒜味，好開胃。一邊食串燒間中食下個蕃茄，又可以減低油膩感接連叫左雞骨豬肉腸串 ($28)，鱈魚乾 ($48) ，雞泡魚乾 ($78)，同油甘魚刺身 ($68)雞泡魚乾唔係燒到好乾亦唔燶，鱈魚乾平時比較少食，好脆好似有魚味既薯片咁，幾有驚喜油甘魚刺身非常新鮮，無腥味。後尾我地仲 encore 左一客！之後我地仲食左好多豚肉，豬脷串燒，都好食既，不過印象最深就係以下呢個網油豬腦卷 ($38)一串 2 粒，朋友上次食左，呢 2 粒就比我同另一個朋友一人試一粒。第一次食豬腦，真係一試難忘！成粒脤卜卜既豬腦放落口，一野咬開佢。佢並唔係爆漿牛丸咁爆汁出尼，而係慢慢，杰達達咁流出尼。我同朋友趙左好耐，都未趙完，覺得個口漿住好多野咁... 不過其實個味係幾

今日終於約齊腳食飯聚下，選址要有酒飲，最好有多款串燒及日本料理慢慢食慢慢傾，呢間喺銅鑼灣樓上店就合哂心意餐廳環境好有日式家庭感覺但又好舒適，仲有好多豬擺設及毛公仔，原來這店專食豬的不同部位及內臟再做串燒，當然有豚肉同埋其他日本料理啦先開枝清酒配日本菜來跟朋友暢飲一下，先上勁開胃酸甜多汁前菜番茄另一款沙律係風乾火腿配新鮮沙律菜，火箭菜、羽衣甘藍及番茄仔都係我鍾意的豬肝芝士梳打餅真係一絕，豬肝甘香加上芝士鹹香真係不得了，番茄仔有一種中和作用煙燻豬腩真係好邪惡，油脂跟腩肉在口腔之間遊走，豬皮筋位口感爽口又彈牙五點刺身拼盤，鮮甜爽脆響螺、肥美帶子、仲有三文魚、油甘魚及甜蝦，款款都新鮮食到停不了口，再配清酒一流到串燒慢慢陸續出場了，燒豬皮真係煙韌帶膠質，配黃豆粉食更美味，記得要快食，唔係會慢慢收縮變硬身燒豬脷串夠哂厚身爽口，燒得好惹味送酒好正另外仲有多款串燒都極其邪惡美味，泡菜韭菜豬肉串及青椒芝士豬肉串都要食喔其他還有炸豆腐串和燒舞茸菇清酒燒帆立貝都有驚喜，鮮甜肥美慢慢滲出涼酒香雞肉串點濃香蛋醬食一樣美味最後鹽燒喜知次好嫩滑，魚肉鮮甜肉汁水份又夠，呢條魚好食最後柚子雪葩作結，呢餐真係好滿足又好味

一直以來我都喜歡食串燒，見到這間以豬為主題的居酒屋，好期待一試。今晚終於約左朋友去食。一開始的前菜立即送上凍蕃茄，酸酸甜甜，非常開胃。之後有豬小腸、豬大腸、豬肝、豬肉串燒.....一直食一直食，發覺愈食愈咸。直至拉麵，真的咸到不能忍受甜品是柚子雪芭，又係酸酸甜甜。不錯的。我和朋友都是喜歡嚐新，這裡有豬腦串燒。本來想試，可惜冇貨，冇得試。非常可惜。我很喜歡這間居酒屋的環境，不過，食物真的好咸。如果重口味人士或許好喜歡。

週一與契妹於百貨公司血拼後，兩口子就去咗附近一幢食廈覓食，誤打誤撞咁發現咗間新開只有幾個月o既「Mokumoku Yakiton」。餐店以日式燒豬肉「焼豚」（日語拼音即「Yakiton」）起名，明顯為日式燒豬專門店。牆上掛有大大幅金豬解剖圖，簡單到題。店內用上多隻可愛o既豬仔擺設作裝飾，直令氣氛更為輕鬆。當中最搞笑就係木櫈上o既粉紅色豬仔咕臣，見到都想攬住唔放。嘻嘻，單拖黎食都唔洗怕孤單，因為可以搵小豬作伴嘛！用餐大堂一眼望哂，散座全為二至多人合併式枱櫈。架上曬出多款日本清酒。唔好嘥時間，睇餐牌前先睇睇兩頁酒牌。眼見頭頂有塊咁誘人o既生啤布喎。。。嘩哈哈，當然係要先啤一啤佢啦！單點項目共有十頁之多，二人決意主攻招牌燒白金豚所製出之菜式。另外牆上亦有黑板寫出多款是日推介美食。蒜子蕃茄沙律（$28）：原本週一為細佬放自己菜假o既日子，但眼見已去皮o既蕃茄實在鮮紅吸引，所以就忍唔住要試一試。嘩，蕃茄濕潤軟腍，估唔到以蒜子調味會惹味得咁夾，小肥食完一件又一件，契妹見到都嚇咗一跳。刺身盛合五款（$298）：五色刺身拼盤包有油甘魚、帶子、三文魚、赤蝦、海膽，色澤鮮美奪目，而且新鮮美味。油甘魚肥美爽

山竹肆虐完香港的一天，上班簡直是大混亂，苦了我們一班打工仔。因為知道放工都會塞車嚴重，所以幾位同事索性約去盡興一番才回家。跟同事來到了MokuMoku。 店內走日系風格，但不失可愛。因為這裏以豬為主題，所以放滿了豬豬cushion 。牆上也有一塊豬豬大木牌，介紹了一隻豬的各個部份。因為奔波了一天，所以我們一坐低，便開了一枝純米大吟釀解解渴，此酒入口清香不嗆喉，好飲！ 先吃前菜的番茄刺身，清甜多汁，預先去皮，是小店的貼心。MokuMoku沙律的火腿片富咸香，大大塊風乾火腿片伴羽衣甘藍、豆芽，番茄仔的配搭第一次食，味道驚喜，火腿片居功不少！鵝肝食得多，豬肝倒是第一次食，而且食得有趣！將豬肝放在梳打餅上，放上芝士、番茄和調味，看似簡單，但配搭出來的味道很好吃得出奇！！！ 豬脷串好好食，厚身的它是我最鍾意的爽口的質感，越食越欲罷不能，大愛!!!煙燻豬腩夠厚身，肉和脂肪層次分明，爽口又彈牙。豬皮不是沒吃過，但這裏是食過最好食的，它煙韌之餘，充滿膠質，而且燒汁令他吃落去甜甜地，沾上黃豆粉，必食。 韭菜泡菜豬肉卷和日本青椒芝士豬肉也是很有質素，豬肉包着韭菜和捲着青椒芝士，減去了只吃肉的肥膩感，又增

生日是一個十分特別的日子，所以要與至愛品嚐美味的料理！前菜是一個冰涼的蕃茄，蕃茄甜甜酸酸，而且好多汁，十分開胃。我們品嚐了不少串燒，我最鐘意林檎紅薑豬肉卷。林檎即是蘋果，蘋果很爽口、香甜，而且跟紅薑及豬肉的味道很匹配。月見免治豚肉串亦十分美味，月見即是生雞蛋黃，我的食法是整散蛋黃當醬汁用。雖然我覺得豚肉串口感有點單一，但它的味道很好，很濃郁。主食是豚骨湯拉麵，湯底味道香濃、可口。拉麵富彈性，相當不錯！甜品方面是柚子雪葩，它的柚子味道很重，就好似食緊結了冰的柑汁。整體來說，我十分喜歡依間餐廳，作為生日飯是很合適的！

昨日出開銅鑼灣工作，放工時約了老公食飯，佢提議食呢間居酒屋，因為他之前同朋友食過不錯，於是帶我去食。這是一間食豬的餐廳，有不少豬的內臓及不同部位來燒。最特別是點了豬腦、豬肝、豬喉軟骨及豬網肉，非常精緻好吃，燒得剛好。其他最特色是用豬片包著蠔來燒，隻蠔燒得剛好有汁，而豬片也不老。當然還有點了牛舌、雞泡魚干、銀鱈魚干等，非常適合的下酒菜，最後還有油甘魚魚生也十分新鮮。整體食物不錯、服務也好。

表妹最愛日本豬公仔 !  她找我陪她去享受豬串燒樂, 原來銅鑼灣開了一間豬串燒專門店, Mokumoku Yakiton, 位置近 Sogo.  她消息果然靈通.  餐廳佈置真是豬世界.酒架內也有豬駐守.豬豬公仔和我們爭位坐.   好活潑.侍應安排好座位, 送上綠茶.  店長送來餐牌, 又介紹食物, 除了豬串燒, 也有海產食品.表妹負責點了食物, 又點了天之戶吟泉純米酒, 真識飲又識食.  酒精濃度不高, 入口清甜又富果香, 女仔最鍾意. 前菜,  凍凍的蕃茄,  加了生蒜, 酸酸甜甜醬汁調味, 醒胃惹味. 刺身盛, 共五種, ~  好新鮮, 肉質亮麗.   有帶子, 赤蝦, 三文魚, 油甘魚和海膽.海膽入口軟腍,  香濃鮮甜 , 好 正! 油甘魚, 油脂豐富, 味道甘甜.  赤蝦刺身2隻,   彈牙爽口,  大隻兼肉厚, 帶子, 三文魚刺身 ~ 肉質柔軟, 入口軟滑細緻, 鮮甜可口.北海道帆立貝 ~肉質肥厚, 爽口完全唔韌, 用了清酒煮,  個湯汁好鮮甜, 我們飲至一滴不留. 上等豬利串 ~厚切的豬利燒得香脆, 入口滿滿的油脂感和淡淡的豬味, 滋味滿足.燒雪魚  ~燒得香口細膩,  

今日上到嚟Mokumoku Yankton ，食到我好滿足睇下個餐牌先，好多選擇，今日決定主打食豬今日飲咗三杯野，”可樂””乳酸汽水”，濃濃嘅乳酸味唔太甜“柚子+梅酒” 飲落先有柚子味，後有梅嘅香味，一啖有齊兩種味道，易入口，酒味唔太濃，女士應該好適合，不過男士”我”都好喜歡😂“蕃茄前菜”凍涷嘅蕃茄加上特制嘅醬汁，非常配合，酸酸甜甜，用嚟先開一開胃“Moku Moku 沙律”沙律菜非常新鮮，加上車厘茄，茄子，醬汁由自己落，配合自己口味，多或少都得，好欣賞，加上ham一齊食，豬盛宴嘅開始“雞泡魚乾”非常香口，夠熱，夠軟身，又一誠意知作，平時食其他餐廳都比較硬身，呢度啱啱好“粒貝刺身”爽口，鮮甜，貝類應有嘅鮮味，甜味都有“帆立貝”香口，鮮甜，火喉控制一流“赤蝦串”比普通虎蝦香同甜，蝦味香濃“茗荷豬肉卷”豬肉非常香口，油份充足“蒜芯豬肉卷”豬肉包上蒜芯，啖啖豬肉香再加上蒜芯獨特嘅香味，非常可口“煙燻豬腩”香濃嘅豬味加上淡淡嘅煙燻嘅香味，加上肉身鬆軟，油脂比例配合很好“豬心串”燒得好香，爽口，味道唔會太濃，唔食內臟嘅朋友都可以一試，冇濃濃内臟嘅味道“西班牙黑豚肩肉串”豬味香濃，多餘嘅油份已經燒

人越大，越珍惜同朋友相聚ge時間，今日大家聚首一堂，揀左銅鑼灣一間新開ge串燒居酒屋，大家享受美味ge串燒之餘，亦暢飲、暢談了一番，歡樂地過了一個晚上！餐廳環境好有氣氛，有好多好可愛ge小豬公仔，坐得舒適，係同朋友聚下會，飲番杯，暢談一番ge好地方。黑面清酒，高質又有餘香! 刺身盛合五款: 刺身盛盒包含海膽，三文魚，帆立貝，油甘魚，赤蝦呢五款，款款鮮甜，最鍾意赤暇同帆立貝刺身，鮮味十足。豬肝慕斯：店主推介豬肝慕斯要成個放入口中品嚐。豬肝同cream cheese ge配撘是意想不到ge好味，放在口中幸福滿滿！呢間居酒屋主打豚肉串燒，所以我地都點左唔少豚肉類ge串燒，吃得津津有味！日本煙燻豬腩: 此個是非常讚ge豬腩肉，咸香肉嫩，十分惹味，佐酒一流！月見免治豬肉串：免治豬肉串多汁鮮甜，沾上袐製ge醬汁同蛋黃漿，實在是滋味無窮！豬耳芝士: 豬耳芝士非常爽口，軟骨部份吃起上黎非常爽脆，而且加入芝士，令味道更滋味👍🏻燒雞翼: 所謂燒雞翼~我最鍾意食~去串燒店總是忍不住要點燒雞翼，今次亦不例外。燒雞翼香脆可口，亦是另一個滋味的佐酒小食！日本青椒芝士卷：簡單ge食材，燒出不平凡ge味道，芝士同青椒

女友提議今晚去日式豬串燒店, 位於銅鑼灣永光商業大廈, 即 SOGO 店鄰廈, 交通極方便.乘電梯直上七樓.  招牌已見 店名 ...... Mokumoku Yakiton   +   "豬".店內有不少豬裝飾, 環境像居酒屋, 氣氛熱鬧, 並奏著日本歌曲, 好寫意.座位有小豬陪坐, 女友笑啊啊.酒牌, 選擇非常多, 但明天要返工, 女友話大家飲 Sapporo 札幌生啤 $58.  夠凍又大杯, 吃串燒至正.餐牌有多頁, 豬串燒最搶眼, 女友急不及待, 先點一個前菜及豬串燒, 蒜子蕃茄沙律 $28  及  豬顎骨肉串 $38這個前菜, 看似簡單, 蕃茄凍凍 的去了皮, 切開 8 塊, 蕃茄新鮮清甜, 加了蔥, 薑, 生蒜及麻油醬油, 酸酸甜甜,  醒胃惹味 !豬顎骨肉串 : 肉質富彈性, 燒得香口, 豚肉味濃郁.蒜芯豬肉卷 $32-蒜芯幼嫩, 外面豬油滲透入, 香口惹味.西班牙夾心肉 $38-西班牙的豚肉和日本白金豚肉, 各有特式, 豬肩肉肥瘦適中 , 肉質稔滑, 入口即溶, 超好食.  燒功相當好.林檎紅薑豬肉卷($34) 平時串燒多用菠蘿, 這餐廳選用韓國蘋果, 好特別, 外包

呢間唔係非一般既居酒屋咁簡單，除左平時食開既雞牛海鮮佢地有，各個好少有得食既豬部位佢地都有！對於內臟冇話好抗拒既我，再加一班勇於嘗試同行友人，今晚就決定試下啲重口味野啦！豬喉軟骨串 $28感覺好似雞軟骨，食落去閣閣聲，鍾意食雞軟骨既人都會好欣賞呢種口感七味豬心串 $34成世人第一次食，口感厚實彈牙豬大腸 $34燒得好冧，洗得干淨，一路食一路都聞到好香既豬腸味飄出黎唔食內臟既人都唔洗驚冇野好食，話曬主打豬既餐廳，唔會淨係食內臟既。露筍豬肉卷、蒜蕊豬肉卷 $32店員有介紹過下呢兩款豬肉卷係用食粟米既豬整既，兩串串燒都非常高質，外層係用好薄既豬肉包住，唔會太韌太老，燒到恰到好處，特別係露筍豬肉卷，啲露筍十級juicy，清新得黎唔驚肥膩。林擒紅薑豬肉卷 $34呢款都好特別，又係第一次食既配搭，蘋果個質感好新奇，唔係爽唔係平時食開果種，佢係粉得黎又有啲實，配埋豬肉好夾。煙燻豬腩 $128響普通居酒屋好少見，好香既煙燻味，似係厚切既煙肉咁，但肉質係更係有層次既版本，少少濃味，送啤酒一流。西班牙黑豚肩肉串 $38好juicy，肉質嫩到似食梗牛肉咁呀舞茸呢款菜式餐牌上係冇既，店員特登為我地推介，果然冇