Mokumoku Yakiton (永光商業大廈)

营业中

休息中

朋友介紹今晚要食全豬宴，一聽到此話題非常震撼，全牛宴可能經常性聽到，但全豬都是首次聽到Moku Moku沙律貴價羽衣甘藍及茄子比較特別的配搭，非常澎湃的風乾火腿，但一點都不油膩，配搭清新蒜子蕃茄沙律番茄口味清新，酸酸甜甜引起食慾Whiskey high ball & Ginger high ball最近酒精對我來說是非常需要的五點刺身食材新鮮，唔會有腥味，大愛豬頸肉/豬肩/豬腩豬腸蒜芯豬肉卷日本青椒芝士豬肉卷豬腰白豚肉林檎紅薑卷，舞茸及日本栗米豬肝豬心一連串燒，真係的豬每一部位及內臟，送酒好小食最後甜品：菠蘿雪芭我最愛的食品，一口接一口很快便消失於世上，烤北海道年輪蛋糕朋友與我神同步，極速令蛋糕消失

餐廳星期四有正優惠， 只要係女仔就可免費一杯生啤，難怪星期四都滿座，隔離個枱係日本人！即刻覺得自己係日本居酒屋。豬肉韮菜泡菜卷韮菜好多水份,泡菜扮演安份守己嘅角色，微微辣味但唔會搶左豬肉嘅味道豬肩肉 鐘意有少少咬口但又鐘意油花嘅人應該會好鐘意呢個位，😂事關我都覺得佢好得豬腰 內臟就見人見志，有人好愛有人就唔鐘意😂不過我覺得佢都係算幾香日本青椒芝士豬肉卷 呢個combination 幾好, 薄片嘅豬肉烤得焦香，加上芝士嘅鹹香一流黑毛豬鞍 餐廳話佢地用豬係食橡果，因此半生熟都冇問題，肉質鮮嫩呈粉紅色，即使切開仲見到肉汁。豬腩脂串 呢個係我其中至愛，食完好難忘，你唔會覺得佢好油，咬開油香爆到成口都係，齒頰留香。

不知是不是近年去日本多了，喜歡上日本的文化，也令我漸漸戀上了居食屋。我們這些都市人忙了一整天，放工後只想相約知己，小酌兩杯、來些串燒，聊聊心事，忘記什麼煩人和煩事、一個晚上、放鬆一下吧....八千代伝－蕯摩芋燒酎京姬梅子酒Menu上豚の串燒き有30多款以上，最特別係連好少見嘅豬內臟做嘅串燒都有，例如豬心、豬大腸、豬肚同埋豬腰子都有....喜歡食豬或者內臟嘅朋友真係唔可以錯過！就連呢度嘅擺設都有好多可愛嘅豬仔！凍蕃茄前菜，清新之餘又帶有蒜香味道，越食越開胃！不可錯過！我平時多數吃嘅茹菌係冬菇、秀珍菇、金菇等，卻甚少吃舞茸。估唔到燒舞茸比燒金菇更爽口鮮甜，燒香後散發陣陣無茸嘅香味燒秋刀魚，燒得剛剛好、肉質鮮嫩，我就是喜歡秋刀魚那種魚香味，簡單調味已經很好味輪到豬串燒出埸啦！個人喜歡吃卷物串燒，呢度嘅種類好特別，品嘗了蒜心豬肉卷、秋葵豬肉卷、紫蘇豬肉卷，所有都好有層次口感，內脆外軟紫蘇味好清香估唔到同豬肉係咁夾嘅再來清一色豬肉串，所有都美味多汁，特別係白金豚豬腩串，店主介紹這源自日本岩手縣嘅高汁豚肉平時比較怕食肥膏，次次食完都感覺好「濟」，好肥咁，但這個白金豚脂肪部位香而不膩，脂肪口中融化，

雖則話呢排食豬比較令人頭痕，一係驚唔新鮮，一係就太貴。但如果我話食嚟自日本岩手縣嘅極品白金豚，咁又係另一個層次嘅事。仲要用嚟做串燒，就更加係非食不可喇。成日食yakitori 都食到厭啦，今日要食吓yakiton先得！呢度嘅裝潢好得意，周圍都係啲可愛小豬，感覺好舒服，係嗰種好啱飲嘢傾偈嘅環境。嘢食種類其實都好多，除咗豬，都有魚生，小食同其他串燒。不過既然今日嘅目標係豬，咁就要集中番火力喺個豚度先。先嚟一個Mokumoku沙律。用得餐廳名嚟命名，都真係有返咁上下。啲菜一啲都唔欺場，大部份係羽衣甘藍，非常健康，配埋面頭嘅多巴馬火腿同埋洋蔥汁，感覺清新。健康一輪之後，係時候走返轉邪惡美食嗰一端。先嚟豬肝！香軟得嚟又有少少爽脆，所以話肝呢樣嘢，唔係食豬膶粥嗰時先正，日式串燒都一樣掂。唔爭在食埋豬心。炒就食得多，燒係第一次試。唔知點解食落有啲似牛舌，都係嗰種脆脆哋嘅感覺，但就唔會有騷味。不得不提嘅，係呢度好得意，預備咗一個好似泥耙咁嘅東東，原來係用嚟推串燒啲肉出嚟，等大家容易食啲。貼心得嚟又配合到成間餐廳好似農莊咁嘅氣氛，一大亮點！豬內臟嚟講，無可能MISS大腸！呢個燒豬大腸，肥美，香，無怪味！

每次番工番到好灰，都會約三五知己出來飲下酒談下心吐吐苦水，居酒屋就係一流選擇，大把酒揀之餘，d野食又高水準，真係合埋眼點，是但一樣都係好好食。呢間野係同事推介比我，佢話食過一次，d野食好有水準，咁就試下啦。我哋book咗平日，主要驚星期六、日多人，之後發現原來平日都多人，唯有話好野一定多人欣賞。甫入到去，店員已安排了座位比我哋，又殷勤地介紹了餐牌上的食物及飲料，這家居酒屋主打食豬，因此。豬的不同部位都有提供。我們當然把握機會，我們亦聽從了他們的一些建議，點了些招牌菜。而飲品方面，我哋點了果味汽酒，一杯係乳酸味，一杯係巨峰味。酸酸甜甜的果味汽酒，帶點酒香，非常適合愛好淺嚐酒精的女士。食物方面，我哋點咗燒物，絕對係送酒一流。前菜就是涼蕃茄，個source好得！首先係燒豬肝，佢個口感係十分脆口，意想不到的是燒豬肝可以咁多肉汁，一點都唔乾身，仲有佢個調味好夠，所以非常惹味。佢個燒豬心一d都唔硬，又爽又脆，灑咗少少調味粉調下味，即點即燒熱辣辣，超級正。燒豬脷雖然冇牛脷咁軟熟，但佢獨有的香味令人十分回味。呢度的燒豬頸肉同坊間的很大分別，佢係特別爽口，每一口都是超香油脂，肉汁全封鎖在肉裡，食得出是隻

又開始踏入公司每年的旺季，工作接蹱而來，實在有必要出去飲杯鬆鬆。Mokumoku 位於銅鑼灣永光商業大廈，由銅鑼灣地鐵站 B 出口一出行前少少就到。店內的環境好像舒服版的日式居酒屋，座位與座位有足夠的空間，全店有很多豬的擺設，氣氛好好，店員也十分有禮貌，有如去了日本的感覺。這裏餐點有好多選擇，以豚肉串燒為主，配以沙律、刺生、一品料理、雞牛羊蔬菜串燒、味噌煮物、食事和甜品。話明要鬆一鬆，當然唔小得飲番兩杯，我叫了酒量不高的巨峰味汽酒，味道充滿巨峰果香帶點酒的辛口，飲多幾杯都唔會醉。蒜子蕃茄沙律 蕃茄好清甜，配上酸酸咪咪的醋及帶甘甜的生蒜，又清新又開胃。黑啤白金豚卷 白金豚腩片微微掃上黑啤，燒好後包住新鮮翠綠的蔬菜。豚腩片燒得爽嫩，食落肉質鮮嫩，帶點黑啤醇厚的麥味，配上新鮮脆口的蔬菜及醬汁，食落香口得來，亦好清爽唔油膩。豬心串、豬肝串、豬腰串 燒豬的內臟不是好多地方有得食，這裏有得食就一於每樣都試下。心、肝及腰都燒得外脆內嫩，入口首先是帶點脆口，然後會感覺到粉嫩中帶爽脆，最重要是入口無任何豬羶味。日本青椒芝士豬肉卷 燒過後的青椒仍然清甜，配上流心的芝士及燒得香脆入味的豬肉，配搭得好好。唔會

約了同事在銅鑼灣吃飯，不知道選什麼好，就進了這家日式串燒店嚐一嚐，店在樓上，不過一點都不難找，店面頗寬闊，滿適合放工小聚一下。黑鮭刺身 $498鮭魚帶有淡淡的鮮香味，口感普通，若加以清酒作佐酒菜應該會很不錯。免治豚肉串 $58免治豚肉串本來醬汁稍重，但若將蛋黃拌至醬汁內，則可令原先濃味的醬汁變得柔和。豚肉串口感不俗，無豬騷味，值得一試。韭菜泡菜豬肉卷 $31加了泡菜，所以多了一點辣味，但不是很強烈，不吃辣的人也可吃。吃卷物時有點怕吃到韭菜，因為不是每個店家都能處理好，很多時候韭菜都咬不爛，可是這個店處理得很好，韭菜不老，加上豬肉的油香，吃下去剛剛好。青椒芝士豬肉卷 $36這個卷物也很好吃，青椒全熟了加上芝士再加上豬肉油香，一點都不膩。黑豚肩肉串 $36肉汁很多，很濃。豚肉串肉質好嫩，很值得一試。原來每逢星期四有店家對女士的優惠，第一杯酒類飲料免費，下一次一定要星期四再來！

今晚去了間食豬嘅串燒專門店，這裡同尖沙咀分店一樣以燒豬的不同部份及內臟為主，當然還有其他選擇！先來個刺身盛合五款，裡面有我最愛嘅香甜海膽，肥美嘅油甘魚，大大隻嘅赤蝦，鮮甜軟滑嘅帆立貝，大大片嘅三文魚，刺身入口感覺新鮮！而店員推介舞茸菇，入口舞茸帶有甜味，口感良好，沒有澀味，上枱時燒舞茸的香氣撲鼻！西班牙黑蒜豬肋條肉質軟熟嫩滑，肉味濃郁，配埋上面嘅辣蘿蔔茸入口味道新鮮刺激！當然都會試吓豬內臟，朋友點了串豬肚串，入口煙韌爽口，好有口感，加埋個燒汁同埋啲生蔥感覺唔錯！月見免治豚肉串，配埋隻蛋黃一齊上枱，用免治豚肉串將蛋黃攪勻，再沾上蛋黃入口味道更佳！入口時還熱盪盪，真係會令人喜悅！最後食埋個香桃雪葩，桃味濃郁入口香甜，中和一下燒串串嘅熱氣！下次再來又可以試吓其他豚內臟串串！

識飲識食的朋友總是喜歡相約到銅鑼灣聚會，有喜歡吃內臟的朋友介紹我們到Mokumoku，説不可以錯過呢！店內佈置以原木色為主調，簡約明亮，座位不多但坐得舒適，牆壁上有很特別的小豬，介紹豬的不同部份。《前菜》日本人居酒屋文化，客人坐下侍應會先奉上前菜，今晚是蒜子蕃茄沙律，已去皮的日本蕃茄，顏色紅潤味道鮮甜，加上生蒜的微辣，醒神又開胃。《刺身盛》五款不同類型的刺身，全部都是時令海鮮，雖然 Mokumoku 是豬串燒的日式專門餐廳，驚喜的是刺身供應好新鮮。海膽、牡丹蝦、元貝等等，鮮甜又唔腥，淡淡的海洋味道，真的令人食指大動。Mokumoku 的串燒由師傅即時燒製，香氣撲鼻，我們安座位中就可以享用到熱辣多汁的串燒，聞到香味就想吃。《白金豚肉林檎紅薑卷》這裏人氣之選有白金豚，賣點是入口肉質細嫩，脂肪分佈平均油而不膩。卷著酸酸甜甜的蘋果，果味跟白金豚肉的鮮味，鹹跟甜交織在一起，師傅在串燒上簡單的撒上海鹽已叫我回味無窮。《豬肚串》喜歡吃內臟的朋友真的不可以錯過，這裏是豬肉串燒專門店，有很多刁鑽部位可以吃得到，例如豬腦啦！我自己就喜歡吃豬肚，煙煙靭靭的口感，部位入口軟淋又夠油香，非常好吃！《秋葵豬肉卷》

我放假最鍾意同三五知己享受美酒，食下串燒。咁啱呢日就試咗間氣氛一流嘅串燒居酒屋，好啱同朋友飲酒談天。‪我地大約晚間七點抵達，已經差唔多坐滿哂。首先我哋叫咗前菜冷蕃茄同埋燒鱈魚乾，同埋叫左一支純米大吟釀試下先。呢支酒叫做月之玉響，微辛易進口。飲到咁上下，就開始叫串燒食。分別叫左月見免治豚肉串，月見即係生雞蛋，點一點生蛋汁沒有油膩感，甘香非常。之後再叫左豬肉蠔卷，薄薄嘅豬肉加上肥厚生蠔，十分配合。至於白鱔串，厚厚的白鱔串是必吃之選，鱔香細滑，厚實的白鱔肉口感十足，想一試再試。舞茸同汁燒白菌都係我喜愛嘅菌類，係水準之上。最後係多款豬內臟串燒，其中豬心串係我最愛，爽口唔鞋，真心好食。除左每道菜都有特色外，呢到有七味粉、鹽巴作調味，仲有一個專門放置串燒叉子的木製桶，十分細心。 喜歡串燒同埋小酌嘅人去呢間居酒屋就啱哂！

宵夜同朋友食串燒，啱晒！試咗幾樣，都幾有水準。七味豬心串好少地方食到豬心，咬落有𡁻勁又唔腥！上等豬脷串 豬脷比起牛舌更加多脂肪，所以食落去更加鬆軟。大啡菇燒得啱啱好，配上特製醬汁，咬落好juicy。Mokumoku Yakiton 尖沙咀厚福街12 號藍馬商業大廈16樓

今年慶祝媽咪生日嘅飯聚我就揀咗位於銅鑼灣一間專食豚肉串燒嘅居酒屋～呢間餐廳嘅環境唔錯，坐得幾舒服，好適合同朋友把酒言歡！同埋啲筷子座好有特色，大家去嘅話不妨留意下！😛😛-講返嘢食先～首先，每2位附上一個【蒜子蕃茄沙律】作為前菜，呢個前菜好好食，個汁酸酸哋再配埋蒜蓉同冰爽嘅蕃茄真係夠晒開胃！！而當晚我哋叫咗好多款串燒share嚟食，真係不能盡錄，就揀一部份嚟講啦～有幾樣係我覺得係好食，值得一試嘅:-【豬肝醬釀雞翼】- 個豬肝醬勁香，包埋係雞翼入面連埋脆雞皮同嫩雞肉一齊食真係好正！【厚切白金豚肉】- 好香口，好有豬肉味！【上等豬舌串】- 我覺得呢到嘅豬舌串好食過牛舌，口感煙韌得嚟又有啲爽脆，好特別！【味噌煮牛筋拼蘿蔔】- 牛筋同蘿蔔都炆得勁入味同勁"淋"！【豬皮串】- 口感勁煙韌！【豚肉紫蘇卷】- 個紫蘇葉味好出，配埋豚肉好夾！【白金豚酸姜皮蛋串】- 薄薄嘅豚肉包住皮蛋，然後有個用酸姜整嘅蛋黃醬，真係好特別同好好食，個味道真係勁Surprise！-跟住有幾樣係我覺得好一般嘅，分別係【豬小腸串】、【豬大腸串】、【豬肚串】、【月見免治豚肉串】、【白金豚肉流心蛋卷】。真係冇乜特別，味道亦好一般，

好耐無試過食新野，今日book左間食日本燒物嘅餐廳，呢間有得食好多吾到豬部位even內臟嘅地位。一入到去，成間裝修已經好多去到日本嘅日本餐廳感覺，d人勁nice勁好。嗌左前菜，有個蒜嘅蕃茄，對於一個吾食蒜嘅人黎講，都會食，甘你知有幾好食，之後嗌左個刺身拼盤，有帆立貝，有大海蝦，有油甘魚，有三文魚，仲有海膽，全部都勁新鮮。仲嗌左豬肉冬菇，個sauce好惹味，之後就係重點。食好多吾到部份嘅豬，有豬腦，豬潤，豬心，豬腩肉，仲有黑毛豬，全部都好特別好好味。之後，仲有用豬肉包住蔬菜，生果，調和就甘食豬嘅heavy, 當然要有beer伴就更加昇華，食到好飽甘離開。

感覺呢排都無咩胃口食野，難得約左出去拍下拖，就揾左間decent少少嘅野食下🤤之前聽朋友講話呢間串燒有啲好特別嘅豬，仲有唔同位置，好中意食內臟嘅我自然多左啲期待😍去到餐廳侍應好細心咁問我地驚唔驚風口位，坐定左就先揀野飲！都幾多款唔同有酒無酒嘅選擇，我揀左烏龍茶燒酌，唔會太濃好岩女仔飲👍🏾我地分別叫左蒜子蕃茄沙律同燒明太子做前菜，兩樣都好好味🤤個蒜子醬非常出色，明太子配青瓜好夾！仲叫左一碟魚生拼盤，好fresh，超滿意！除左燒物都叫左大根豬手關東煮🍢，好入味！最期待嘅內臟我地叫左三串，網油豬腦啦，豬心同豬肝，個網油好特別，唔怕食肉臟嘅值得一試👍🏾 個煙燻豬腩同黑毛豬胺唔油膩又好香口！另外仲叫左幾串豚肉串燒，最中意蘋果豚肉串，清爽又好味，配生果感覺好清新🤓好耐無試過咁chill傾計食野，食左咁多肉又係時候減肥😂😂🙈

日式居酒屋最初起源自串燒店，因此串燒可說是居酒屋中的經典保留菜式。在日本，所謂的串燒通常是指燒鳥（Yakitori），將食物串起，靠高溫去迫出食物的原汁原味。但以以豬肉豬內臟串燒作招牌，則算是罕有！ Ben爺不吃牛，聽聞銅鑼灣有一家日式豬串燒居酒屋，便和摯友前來一探， 來一個全豬宴。先來了一個刺身盛（298)先看本文的圖片， 便可以感受到何等的新鮮程度! 帶子鮮甜有口感， 馬糞海膽更是Ben爺吃過最濃郁的海膽!開始想吃一點熱辣辣的串燒了。。。嚟三串 西班牙黑毛豬肩肉串，豬頸肉串，和夾心串（ 各38元）。 據說黑毛豬都是 在歐洲吃橡樹果的， 屬於我們所說的走地豬， 因運動量較大油脂分佈平均肉質鮮嫩有彈性， 這就是黑毛豬的威力! 廚師 把幼鹽平均的灑在肉串上燒至金黃焦香， 豬肉Q彈 油香感十足! 非常好味!吃完三串傳統的豬肉串後，想來一點內臟刺激一下。。。分別是豬大腸，豬小腸串（各34元）， 接著是豬肝串， 豬心串，豬腰子（各28元）。 口感不一 各有特色， 鮮味濃。開始要向濃味進發了!日本青椒芝士豬肉捲(36元) 從來未想過豬肉和芝士竟然 在味道上如此配合， 配上青椒的甘味， 再被烤至金