Mokumoku Yakiton (永光商業大廈)

营业中

休息中

今日同朋友去銅鑼灣試下以豬串燒為主既串燒居酒屋，居酒屋係以食豬內臟串燒為主，好特別。其中值得介紹的是豬心串，豬心爽口彈牙，口感十分特別。再黎西班牙夾心肉，夾心肉配有洋蔥，令肉的鮮味更突出。另外，西班牙黑豚肩肉串更有濃濃的豚肉味道，並保留著豚肉質感，加上鹽和黑椒調味，十分惹味。 2串都燒到豬肉有少少脆口，口感一流。白金豚肉林檎紅薑卷，名字得特別，是豚肉包著蘋果，豚肉是由白金豚製成，油花平勻而且肉質鮮嫩，果然是極品豚肉。蘋果爽脆清甜又多汁，配搭紅薑醬，口感豐富，清爽又唔油膩。刺身有三文魚、赤蝦、帆立貝、海膽及油甘魚。厚切的帶子、油甘魚和三文魚，非常鮮甜，非常美味。最後係一夜干，燒到個皮好脆，但魚肉彈牙嫩滑，一啲都唔乾，而且唔會好多骨！

聽朋友講呢間居酒屋好正，我地就book黎試下，店內環境極具日本氣息，以豬🐷為主題，好多豬豬既擺設好得意😂前菜我地嗌左番茄🍅沙律番茄🍅好新鮮好甜，配個特製sauce好食又開胃～雖然呢到特色係主打串燒，但我地又想食刺身就叫左刺身組合（有三文魚、赤蝦、帆立貝、海膽、油甘魚）有曬我最鍾意食既嘢～呢到既刺身係超級好食！好鮮甜而且好厚切🥰食到lamlam利😋到串燒啦～呢到d 職員都好有禮貌好細心咁會講解串燒分別係豬既咩部位～豬心、豬肝、豬腰都相當唔錯，每樣口感都唔同，而且配上特製醬汁/粉，完全唔會有騷味，好食🥰叫左串燒豚肉王林蘋果&豚肉蒜芯卷～豚肉包住王林，王林香甜多汁口感豐富，清爽又唔油膩識食既一定要叫燒豬皮，隔離配左黃豆粉，但一定要襯熱食先好食😋見到隔離台叫左粟米，香到不得了，我地都叫左黎食。粟米好甜又香，都係必食呀～原來呢到星期四女士係可以免費嘆杯指定飲品！下次都要再黎

早前喺尖沙咀分店已經試過呢一間鋪頭今日經過銅鑼灣 就諗住帶個朋友去食好嘢今日係星期四但係上到去已經係滿座咁滯 好彩前幾日一早已經打電話預約同銅鑼灣分店做法一樣，先會提供餐前小食，呢個蕃茄沙律非常鮮甜，配上少少酸味嘅香醋，醒胃刺身盛合五款，不得不提海膽十級十級新鮮另外其他刺身亦都非常唔錯，唔係普通日式放題店嘅質素豚肉秋葵串，口感非常特別，秋葵嘅爽脆配上豚肉嘅油香，清新之餘亦都感受到肉香芝士豚肋骨非常好味，芝士永遠係配上肉類嘅好材料，豚肉廚師燒到外脆內嫩，配上惹味嘅芝士，十分

日本嘢一直都係我同女朋友既最愛，今次黎到銅鑼灣呢間日本嘢，食完下次一定會翻兜系列✌️✌️✌️職員同日本人一樣好有禮貌同埋會逐一為你介紹每一道菜😍刺身拼盤要比十個like先得！超級新鮮同埋每一舊刺身都切到好令，海膽都係無得頂，超級鮮甜！而其他魚生息肥美又新鮮。已經列入最喜愛的日本刺身系列！😛😛😛仲有就係d串燒！其實我對日本 串燒就普通既本身，因為覺得唔夠濃味，略覺淡左d，但呢間就真係整得幾惹味！用黎送酒一流，無論係豬還是內臟都好好食🥳🥳🥳呢度連d碟都有心思過人呢間日本餐廳 無倫係服務還是食物都會令人想翻兜！極力推薦呢間餐廳👍👍👍

初初朋友話帶我黎食豬內臟串燒，聽到果陣都有D怕，但係黎到之後一改我的感覺。餐廳燈光柔和，有好多豬的佈置，餐廳內還有一個豬的解說圖，幾特別。惠信越淡麗清酒，跟朋友傾計當然要飲下酒開心一下，店員介紹我們飲這款清酒。清酒易入口，而且飲落有少少的甜味，嗆喉的感覺很少，好適合女仔飲。Mokumoku沙律，呢款沙律係招牌沙律，有巴馬火腿在沙律面，而沙律菜是羽衣甘藍拌有普通沙律菜，還有蒟篛，沙律拌入了柚子醋，酸酸地好開胃。刺身盛，這個刺身拼盛是由廚師揀選新鮮的海鮮已製成的，刺身包括有三文魚、赤蝦、油甘魚、帶子和海膽。刺身新鮮又鮮甜，海膽creamy又唔苦，特別美味。日本青椒芝士豬肉卷，將豬肉卷住鮮甜的青椒，而青椒內有溶了的芝士，咸香又清新。豬心串，豬心爽口彈牙，有香濃的豬的味道，口感特別。西班牙夾心肉、西班牙黑豚豬頸肉串、西班牙黑豚肩肉串，夾心肉配有洋蔥，令肉的鮮味更突出。豬頸肉肉質較鬆軟，而肩肉肉質較嫩滑，三者都燒到豬肉有少少脆口，非常惹味。醬燒芝士骨，豬骨的味道有點像京都骨，酸酸甜甜，而骨的上面有一層燒過的芝士，脆脆地非常香口，兩者加埋感覺唔會好漏，能夠中和返。餐廳不論環境、食物同埋服務都不錯，

星期四係mokumoku日，女士第一杯指定酒精飲品會免費，所以我又搵咗我朋友嚟食啦。除咗指定酒精，我仲嗌咗越後櫻 醉樂無極 大吟釀，佢帶有花香味，熱咗佢嚟飲，順口。我哋嗌咗新嘅燒螢光魷魚乾，鹹香，配沙律醬，非常之下酒。黑鯥魚刺身，鮮甜，口感好纖細，要盡快食，因為真係好新鮮。韭菜泡菜卷，充滿水分，微微辣香，唔會膩口。燒豬腰、豬肩肉、豬頸肉、豬心，依度關於豬嘅串燒都非常美味，我平時唔食豬嘅都覺得好香同好鬆軟，又唔會有好大陣味，豬腰同豬心都有咬感。豬腩脂係每次我最後都要點嘅串燒，脂肪平時會好漏，同埋都唔多地方有得食，但佢哋燒到啱啱好有油香又唔會覺得好大負擔。

這間串燒居酒屋店一年前來食過，對他們的豬串燒念念不忘，所以再次帶同朋友來試試！這裡的串燒大多以豬作為題材，以餐廳內裡也有很多豬的佈置，可愛又特別！這裡除了串燒也有其他款式的食物！前菜，這裡的前菜是新鮮蕃茄加酸汁，蕃茄鮮甜多汁，配上日式酸汁特別醒胃！七味燒魚翅，這款魚乾有別於平時吃的，這款味道雖然跟魚乾一樣，甜甜的，但係是有魚翅的部分，所以咬落去唔會粘牙，口感特別又脆口！豬肝串，起初以為會粉粉地，但原來食落幾爽口，配有醬汁一齊食特別惹味！厚揚，這裡的燒豆腐外脆內軟滑，配上木魚絲和蔥花，更能帶出美味的感覺！汁燒豬肚，初初以為會好硬身，但原來咬落軟淋淋又帶有少少爽口，加上秘製醬汁一齊食特別惹味！一夜干，這裡一夜干魚燒到個皮好脆卜卜，魚肉彈牙嫩滑，而且唔會好多骨！秋葵豬肉串、蒜芯豬肉串、泡菜韮菜豬肉串，呢幾款串燒食落完全唔會覺得好油膩，仲有一種好清新的感覺！秋葵食落粘粘的，加上豬肉燒到有點脆口，感覺很特別！蒜芯鮮甜又爽口，而泡菜韮菜豬肉串帶有少少泡菜的酸辣味，再配上韮菜獨特的味道，很美味呢！椰子雪糕，有淡淡的椰子味，還會食到少少的椰子肉，淡淡地能解去油膩感！這間串燒居酒屋餐廳食物美味而且店員也

上星期為朋友慶生，特意訂了這一間之前在尖沙咀厚福街吃過串燒非常有質素的餐廳餐廳主打豚肉串燒，接下來每一串都非常有驚喜餐前小吃先來這個小蕃茄，酸酸甜甜非常開胃由於朋友想吃刺身關係，特意點了這個刺身盛合五款，每一款口感非常一流，因為廚師解凍程序做得好，每一款都能夠食到肉質本身的質感，不得不提海膽來貨十分新鮮，每一口都嘗到海膽的鮮甜 先來豚肉秋葵串，口感非常一流，充滿油香的豚肉配上秋葵，清爽的配搭減去豚肉的肥膩西班牙夾心肉和黑豚頸肉，同樣充滿肉香味，而且不得不讚廚師燒烤的火候處理，每一串都是外脆內嫩豬心串，內臟味道非常濃郁，口感有點像火雞腎，配上醬汁非常滿足肉類過後還想吸收澱粉質於是額外點了一個拉麵，質素同樣不錯，就像普通拉麵店單點的

與朋友外出，當要少不了美食治療活動，今天來到了以豚肉串燒為主打的店舖。店舖具有日式風格，就像去了日本居酒屋一樣。蒜子蕃茄沙律原個已去皮的蕃茄，味道清甜，加上蒜漬及調味醬汁，甜酸甜酸，作為前菜實在一流。由於是下午到來，遇著了性價比高的happy hour優惠，一杯啤酒加三款串燒也只是hkd88，不喝酒的也可以選擇汽水/乳酸等等。作為吃貨的我，當然不會錯過。柚子x檸檬酒一直喜愛日本的果酒，但以單一口味為主，這是給合了柚子和檸檬，味道相當清新。有柚子檸檬的微甜，也略帶青澀的味道，女生應該很喜愛。西班牙黑豚肩肉串豚肩肉的質感偏淋，吃到豬肉特有的油香但不會過膩，亦帶濃郁的豚香，以黑椒作調味十分搭配。豬顎骨肉串顎骨肉在其他店較少吃到，初次品嚐是意想不到的美味，很有咬勁，內裡JUICY，豚肉味較肩肉更為突出，值得一試。白金豚肉林檎紅薑卷林檎即是蘋果，以豚肉包著蘋果作串燒很有特色，一口吃下去，有豚肉也有蘋果的爽甜，有種小清新的感覺，而紅薑只是混在面層的醬中，並不會濃烈到蓋過食物味道。日本番薯仔番薯很香甜，口感很糯，即使燒過左吃到內裡濕潤的質感，當作是甜點也不錯吃。紫蘇葉豚肉卷想不到豚肉和紫蘇葉味道很M

女友愛吃日本菜，放題吃多了，便來銅鑼灣這家特色居酒屋一試。餐廳格局極具日本風，不但裝潢像日本，而且店內還擺設了很多特色公仔。遠看望去，原來向海嵐也在餐廳內😲Mokumoku 沙律首先叫了一個mokumoku沙律,沙律份量很大,而且面頭鋪滿西班牙火腿，配上特色沙律汁，非常有風味，完勝出面所有沙律。刺身盛叫了一碟刺身，和日本餐廳比，不分上下，非常鮮美。值得一提的是海膽非常鮮味，就是那海膽就值回票價。味增豬手蘿蔔豬手非常香，但一點也不油膩，配上香甜的蘿蔔，相信女士也會愛不釋手。醬燒芝士骨這碟是最邪惡，但也是最好味的。排骨很酥香，芝士伴隨着排骨的油香，讓人停不了口,相信沒有一位男士會抵擋得了。豬肝串/夾心串軟骨串叫了三款日式豬肉串，聽老闆說豬肉是用了西班牙黑毛豬，難怪肉質比一般豬肉香，外酥內嫩，配上特色飲品，真是無得輸，最後終於知向海嵐會出現了！😌

今日下午有空閒想揾個清靜有質素既餐廳傾計行到銅鑼灣朋友話想食串燒 飲下酒於是揾到MokuMoku上到黎係主打木顏色既裝潢好舒服好放鬆既格調佢地有個餐牌係3pm-6:30pmHappy hour時段非常抵食一杯啤酒加三串都只係88 蚊我地先叫開胃前菜鮮蕃茄蒜子沙律酸酸甜甜再叫左刺身拼盤三文魚帆立貝油甘魚好新鮮既厚切質素非常好Mokumoku salad有我最愛既羽衣甘藍同上面既火腿好夾之後到叫串燒我地試左好多款白金豚紫蘇白金豚蒜芯上等豬脷豬大腸豬小腸多春魚大啡菇日本青椒仔日本蕃薯仔全部串燒都非常唔錯火喉同調味都控制得好好我最鐘意上等豬脷串因為依個部位唔常見而且非常爽口 豬大腸豬小腸唔會有醉時既腥味軟硬岩岩好燒得好惹味整體黎講好岩鐘意食串燒既朋友非常滿足既一餐

放假去老銅行街，行經永光，收到張傳單，覺得都幾抵食，便上去入內坐下。其實係一間日式居酒屋，乾淨整齊，寧靜舒適。憑傳單仲可以有汽水一罐前菜，係原個蕃茄呢，爽甜帶微酸，加埋個汁，超正！三串串燒加啤酒都係$88, 我地當然冇執輸啦。冰凍啤酒肉質超軟腍，咬兩咬就吞得，一啲都冇嚡口感覺，豬肉味亦濃，再醮上柚子胡椒，真係冇得頂。仲有一串豬脷，不過唔記得影😅質感比牛舌硬少少，豬味濃郁亦好味。記得加埋檸檬汁，冇咁膩。鐘意味噌嘅可以試下，牛筋豬手都很軟腍豬手很軟腍，大大舊，夠入味，滿滿膠質，非常滿足。

女朋友得知我上星期和同事到居酒屋搵食之後，一直嚷著要我帶她吃日式串燒，更指明要吃內臟串燒，相當刁鑽，市面少見。比我找到了同樣在銅鑼灣，這家白金豚串燒店，以豬內臟串燒見稱。電話訂座，一收工即刻大快朵頤。蒜子蕃茄沙律Tomato with garlic，蔥花鋪面，酸酸甜甜，特別開胃。銀雪魚乾 配沙律醬 前菜佐酒小食，酒過三巡，銀雪魚乾仍然香脆！MokuMoku沙律沙律菜、羽衣甘藍 、蒟蒻、番茄仔配黑醋，以Parma ham作伴，切得薄身，同時連有肉及油脂尚佳，能品嚐到其甘香味美。味噌煮豬軟骨豬手用味醂、甜豉油、味噌將豬軟骨和豬手煮到又腍又入味。先炆後煮，味道層次豐富。汁燒豬肝、七味豬心串這家居酒居除了雞、牛等肉類串燒之外，亦有內臟串燒，同樣出色。以豬腰及豬肝為例，在完成醃製後再生燒。若火候過猛就會嚡口，唯有小心掌握火力才能製出爽口質，味道一點也不嗆。黑啤白金豚水菜卷店員說這是銅鑼灣店限定，尖沙咀分店沒有喔！金豚下鍋前先用黑啤浸過，燒烤傳出陣陣黑啤的烘焙麥芽香。西班牙產胛心肉取自豬隻背脊前方到肩胛骨處的肉， 屬於豬隻身上運動量較大的部位。經串燒能帶出肩胛肉的肉味豐富。白金豚肉林檎紅薑卷這家串

今日早左放工，去左銅鑼灣食個tea。一個人唔知食咩好，上網搵下餐廳，見到有間主打豬肉既串燒店。望一望menu原來有happy hour時段，日式居酒屋加入西式元素，比一班放工人士去飲下啤酒嘆一嘆。我叫左一杯啤酒，幾碟串燒過下口癮。豬小腸、蒜芯豬肉串、多春魚、雞軟骨串、豬腩脂串，款款都好吸引。即叫即燒，超愛豬小腸，入口爽口夠香口，多春魚唔會腥，豬肉燒到唔到鞋口！啤酒大大杯，慢慢肉食下串燒好鬼嘆啊！下次試下晚市時段，放工又多個地方去食野！

舊同學即將去外地公幹一段時間，相約到鄰近銅鑼灣地鐵站的永光商業大廈樓上一間mokumoku Yakiton 日本居酒屋同他餞行。這間專吃西班牙豬和豬內藏串燒是上次吃過留下深刻印象。餐廳裝潢充滿日式風格，也是今年得過食評大獎。醬燒芝士骨，醃得入味，上面黏著濃郁芝士，燒得恰到好處。日本白金豚腩串是上用上等豬的部位炮製而成，肉質鮮嫩多汁。上等豬脷有胡椒味帶少辣，煙韌有口感。爽口豬心串也是有微辣，啱曬我倆喜歡微辣的人。蒜芯豬肉卷，用薄薄的豬肉片包裹住爽甜蒜芯，可平衡膩濟感。這美味串燒佐酒一流，我倆摸著酒杯底邊傾吃喝，感到無比滿足！