Mokumoku Yakiton (永光商業大廈)

营业中

休息中

只喜歡吃🐷的知心友最近同男友意見不合而分手，為了開解她約她出來盡訴心中情。在銅鑼灣永光商業大廈樓上的mokumoku Yakiton 日本居酒屋。原因這餐廳之前曾吃過,全是用豬做食材，週邊放置很多可愛的毛毛豬公仔和豬飾物，令人見到心情都放鬆一下。前菜蒜子蕃茄沙律，茄肉清甜美味，酸酸甜甜，令胃口大開。有葱花在面的豬肚串口感有嚼勁。😋充滿濃厚豬肉味的西班牙夾心肉配上爽脆的洋蔥，是天衣無縫的配搭。😋外層燒得香脆，內層口感綿滑的豬肝串。和爽口的豬腰串是知心友至愛😋不油不膩的秋葵豬肉卷是我至愛。👍我倆一邊品嚐美味的食物一邊飲啖酸甜京姬梅子酒，所有煩惱都忘掉，真是一樂也！

跟住姐姐去搵食，今晚食豬內臟，家姐話豬肉越來越貴，唯有食豬內臟，開玩笑的呢！基本日本串燒店風格，有豬仔箍臣應題，真好玩。全消餐單上真係有很多含豬肉的食物，唔同組合，豬內臟，平日少吃到的部位亦有，令人非常好奇很想吃。為了食得健康，先點蒜子番茄沙律開胃一下，然後再食材料豐富的Mokukomu 沙律，內有羽衣甘藍、日本水菜、伊比利亞火腿，點會唔好。刺身五款，我最鍾意的都齊了，三文魚、吞拿魚、牡丹蝦、帶子、海膽，全部新鮮，好正。燒了一條時令鮮活魚，今日是金線鯛，差不多成斤重，很滑，又香，今晩食魚大滿足。之後主角出來了，七味粉豬心、黑胡椒豬腰 及汁燒豬肝，爽口調味夾。白金豚肉林檎紅薑卷，聽個名唔知道是什麼，原來是豬腩片包着蘋果加薑醬，這個新口味好得。招牌豬肉括豚肉蒜芯卷、豚肉秋葵卷、豚肉紫蘇卷，餡料唔同各有千秋。豬大腸配黃芥末，口感好。醬燒豬脊骨，令我食指大動，很好味。青椒芝士燒得香，大件好吃。燒舞茸菇又是爽口，味道有點清，蘸些面前的柚子胡椒很夾。

早陣子叫閨蜜陪我吃全牛宴，今天她説有人介紹食全豬宴，當然要禮尚往來，奉陪到底！蒜子蕃茄沙律（$28）首先叫了這道沙律作為前菜，蕃茄好新鮮，配合淡淡的蒜子味，又幾不錯喎！MokuMoku 沙律（$98）因為蕃茄沙律比較細小，所以再加MokuMoku 沙律來醒一醒胃，裡面有日本水菜、羽衣甘藍、巴拿馬火腿等，記得要沾些沙律醬汁一起吃，不然口感會有點乾。刺身盛合五款（$298）一心想著這兒出名是串燒，但原來刺身也很不錯，五款刺身包括了海膽、三文魚、帆立貝、油甘魚和赤蝦，每樣都很鮮味。七味豬心串/ 豬腰子串 / 豬肝串 （$28/串）跟著開始我們今晚各種豬串燒，有七味豬心串、鹽同胡椒豬腰子串，仲有豬肝串，每樣都好惹味，但個人較偏愛豬心串，因為口感比較爽！白金豚肉林檎紅薑卷（$38）這道菜的名字看來有點複雜，但實際上是用豚肉包住蘋果，上面係紅薑醬，幾特別的一道菜。日本產青椒芝士豚肉卷（$36）青椒一點也不辣，反之芝士味相對較濃，質感又爽，也很不錯。燒粟米（$58）沒有甚麼特別的調味，但師傅將粟米燒得剛剛好，不會變成粟米乾，仍然吃到粟米那種鮮甜味。燒豬大腸串（$34)豬大腸一向是我的至愛，燒香的豬大

在忙碌的日子，美食總能安撫著我的心靈，慶幸今天與好久不見的朋友一聚，便來到了位於銅鑼灣的Mokumoku Yakiton度過輕鬆的下午。餐廳的風格有如日式居酒屋，裝潢別緻，加上暖色調的燈光，予人舒適自在的感覺。在店員介紹下，原來這裡逢星期一至日也設有Happy Hour時段(3-6:30pm)，只需要$88便可享用3款串燒和1杯飲品，我們也二話不說把握了優惠，再加點了其他食品~ Moku Moku沙律 沙律比想像中更豐富，除了沙律菜，還有羽衣甘藍，蕃茄仔等等，面層舖著滿滿的火腿，鹹香的味道與沙律非常搭配，加上特調的沙律汁，酸酸甜甜，非常開胃。 三點刺身(三文魚、油甘魚、帶子) 三款刺身都非常鮮味。厚切的帶子軟滑鮮甜，配上檸檬，增加了清新感。而油甘魚和三文魚也是厚切奉上，一啖一口，非常滿足。 烏龍HIGH BALL 到居酒屋又怎能錯過highball呢，今次點了烏龍茶口味，比平常的highball更有茶的味道，冰涼感覺加上淡淡酒香，配串燒一流。 西班牙黑豚肩肉串(圖上) 黑豚肩肉富有濃濃的豚肉味道，口感偏淋身，但仍保留著豚肉質感，加上簡單的鹽和黑椒，最能品嚐到原始的美味。 豬顎骨肉串 (

Moku moku salad-吃之前，將沙律醋倒入沙律中，酸酸的，非常開胃，材料非常豐富，蔬菜新鮮刺身盛（5kinds)-五種厚切刺身，新鮮及爽口到不得之了，完全沒有雪味豉油碟有不同動物圖像，餐具好可愛呢！味噌煮日本蘿蔔、豬手、豬軟骨-非常入口，豬肉及豬軟骨炆得非常淋，滿滿的骨膠原一夜干-皮脆肉嫩，魚肉非常juicy豬肝串-爽口，這個使用了汁燒的煮法豬喉軟骨串-很特別的串燒，很薄，很脆西班牙黑豚肩肉串、豬頸肉串、夾心肉-肥瘦適中白金豚肉林檎紅薑卷-林檎是蘋果的意思，面頭是紅薑醬，整體是甜甜的醬燒芝士骨-金沙骨的脂肪層經過醬燒後完全在口中溶化露筍豬肉卷、蒜芯豬肉卷

今次我帶了朋友去一間專食豚肉既日式居酒屋大吃一餐。啲間居酒屋喺銅鑼灣地鐵站附近，出左銅鑼灣站行約一兩分鐘就到。一上到去就見到師傅為客人燒串燒，環境舒適。見到Menu樣樣都不差，一於樣樣招牌菜都叫一些吧！烏龍茶日本酒酒精度正正常常，有少少茶香味，加上酒香，配以串燒就最好啦。我還看到有酒類飲品有Promo，下次試下先!蕃茄沙律首先店員送上前菜蒜子蕃茄沙律，以清新開胃的蕃茄清一請個胃先，不錯！西班牙豬頸肉串店員說這是豬的希少部分，很珍貴的，食落硬硬地，又爽爽地，幾特別的。西班牙黑豚肩肉串西班牙黑豚正正是清爽同不油膩的串燒豚來的！黑啤白金豚卷店員介紹白金豚肉它是日本是年的人氣得獎豚肉，油而不膩，有些入口即溶，夠晒肉味。豬肝串厚切上桌，雖然是豬肝，估不到燒得同牛一樣咁Juicy同有口感，絕對ok的。豬心串一樣是厚切上桌，雖然是豬心，口感真係非常之不錯，絕對ok的。喜之次到咗今日嘅重點主菜喜之次了！估不到這店連燒魚都咁出色，即叫即燒，燒出來味道非常香口，再加上店內嘅特製配料同埋醬汁，有濃厚嘅鮮魚味，熱辣辣。一個字，正！椰子雪葩好似食咗個椰子咁，味道香濃，仲要係原個上tim！

上司升職時，帶我們幾個同事來過這間居酒屋吃晚飯，食物質素環境都不錯的。前天在銅鑼灣收到傳單，有下午茶時間優惠，便和朋友去回味一番。裏面裝修很有日本氣息，以豬為主題，很親切可愛。我們點了下午茶餐另加沙律刺身，還有飲品附送，很優惠呢。上菜碟子很精緻，豉油碟有動物的樣子，還有小鯨魚筷子架，豬八戒扒扒，用作拿出串燒的食物。前菜是醃蕃茄，面有些薑蓉，拌入一起吃，微微酸甜清新。招牌mokumoku沙律，一大碗健康的蔬菜，羽衣甘藍，羅馬生菜等，還有巴馬火腿，配酸醋汁，很開胃。之後是刺身2切，三文魚，油甘魚，魚油脂均勻，帶子大大粒厚肉肥美。日本青椒仔，原來不辣只有香。燒白菇，出奇地多汁。豚肉林檎紅薑卷，紅薑很爽口，醃製過有些蘋果味。豚肉蒜心卷，豚肉露荀卷，豚肉切成薄片包著蒜心和露荀，各有千秋。芝士翠肉瓜，芝士大片半溶。燒大啡菇，牛油燒香，菇肉很厚，多春魚2條，已忍不住口吃了一條，香脆。豬脷，燒至外脆，醬汁也很好吃。飲品點了巨蜂提子汽水和汽酒。大大杯，很暢快。

成日放工都鐘意出銅鑼灣食飯，朋友今日就介紹我去一間出名食豬嘅串燒專門店。餐廳入面原來幾得意，周圍都有唔同嘅豬仔做裝飾，而且每枱都有隻豬公仔同我地一齊食飯，幾搞笑！我同朋友仔就喺餐單上揀唔停，好似想所有串燒都試一次！首先有「銀雪魚魚干」，平啲都係零食店都試到呢類魚絲，但呢類現在燒嘅真係第一次食，再配搭沙律醬，食極都唔停～之後再點個沙律做前菜 - 「mokumoku 沙律」，材料相當豐富，有parma ham、羽衣甘藍，蒟蒻、蕃茄仔等等，好多都係高檔次嘅食材啊。之後有碟味噌煮豬軟骨、豬手，超入味而且好淋！重頭戲終於嚟到，一口氣食咗各樣嘅串燒：乾燒豬心、汁燒豬肝、汁燒白箘、豚肉秋葵卷、豚肉蒜心卷、上等豬脷等等。店員好用心同我地講解下每樣串燒嘅特別之處，仲安排嘅一個爪方便我地食串燒，好貼心！「黑啤白金豚水菜卷」原來係啲豬肉係用黑啤嚟浸！無諗過豬肉同啤酒可以咁樣match，好驚喜！相當有心機啊！食到最後仲有條烤魚，好飽。。。好滿足。。

環境5分：日式居酒屋格局，有吧位同散枱，好casual，四周圍放滿豬仔公仔，有毛公仔有cushion有玻璃擺設，中式剪紙都有，連個貓頭鷹筷子座都得意過人，男女老少都睇得開心，可以畀五分。衛生5分：雖然個燒爐同廚房响吧位後面，但間舖都一Ｄ都唔煙，抽氣好。枱面有個鐵桶放竹籤，又可以用個豬耙嚟將D串燒上面嘅食物分開，唔使整到成個嘴都係，絕對係有心思，衛生可以畀五分。服務5分：服務員有衝勁，快手又快腳，對餐飲故然好熟識，最好就係主動介紹抵玩Happy Hour套餐，同Ｄ精選招牌菜，又會成日替換Ｄ污漕碟，畀佢滿分。味道5分：1)      招牌MokuMoku沙律個面舖滿Parma Ham薄片，就咁食已經好夠味，入面有羽衣甘藍，生菜，矮瓜，蘿蔔，蒟蒻，又新鮮又爽脆，五十八蚊真係好夠份量，好抵食。2)      三點刺身拼盤入面嘅三文魚，油甘魚，帆立貝每樣都有兩件，三文魚同油甘魚又肥又鮮甜，帆立貝又厚又爽又嫩。豉油碟入面嘅貓狗圖案都好得意。3)      果碟西班牙豬肋條呢每條都非常之爽口彈牙同多汁，點埋Ｄ橙色辣蘿蔔蓉就更加之嘢味，呢個真係必吃。4)      食串燒最抵就係點Happy Hour

放工和同事到附近吃飯，剛經過看到人派傳單，便一試這間居酒屋，這間居酒屋以豬肉/豚肉串燒為主。先來一杯啤酒刺身盛 $298到居酒屋當然要吃刺身，有三文魚、油甘魚、赤蝦、帆立貝五款刺身，每款三片，超級新鮮，魚鮮味濃，魚生入口即溶。西班牙夾心肉 $38肉質軟腍、沒有根，入口有點像黑毛豬豚肉的口感，油脂豐富。豬顎骨肉串 $38這個部位不常見，不多的居酒屋可以吃到，肉切得較厚身，口感爽實。豬肚串 $28爽滑的口感，且富有膠質，口感爽彈，餐廳對串燒的調味做得很好，加上火喉燒得剛好，美味。舞茸 $88日本的名字很特別，其實即是燒菇，燒至表面小小焦，保留了原本的菇味，愛吃菇必點，因為菇味真係十分濃。

在Openrice看到星期一吃飯有全單85折，即刻和朋友訂枱，後來發現星期六也有85折及星期日有7折，抵!前菜蕃茄沙律 $28新鮮蕃茄沙律，十分清新，有少許甜甜的新鮮的茄味。七味燒魚翅 $68這是燒魷魚，配上沙律醬，魷魚剛燒起新鮮熱辣，味道剛好不會過鹹。作 雅乃智 中取純米吟大釀 720ml $888這是在日本酒歡評會中得獎的酒其中之一，酒感是綢緞般的絲滑感，香味偏向熟果的香氣，有著像成熟蘋果、香蕉、軟糖的迷人香味，獨特的香味帶著穩健平順的甘味，辛口感與強烈的氨基酸美味在尾韻時散發開來，餘韻悠長，吃串燒搭配這款酒非常夾。時令海鮮 $398大大條新鮮燒魚，肉質嫩滑，表皮燒至小小脆，食下去吃到魚鮮味。這間屋酒屋以串燒做主打，特別以豬為重點，當然要點串燒一試。豬肝串 $28 / 豬心串 $28 / 豬腰串 $28二十多元一串真的不貴，重點燒得好食，點十串才二百多元，晚餐來說價錢親民，重點星期一有85折，即是$20左右一串，抵!

朋友響銅鑼灣返工，打算收工搵個地方happy hour，我地商量後揀左Mokumoku Yakiton，係日式居酒屋形式，6點先開門，人唔算多。牆上都貼滿日本海報，裝修同氣氛都好有居酒屋感覺，喧鬧放鬆感。先叫串燒送酒，係豬腰子同上等豬脷串。呢兩種個特點都係特別彈牙，特別有咬口，濕上醬汁燒好香，味道好足。另外有豬心串、豬肝串、西班牙黑豚肉豬頸肉串，可見確實係豬之盛宴。串燒各有千秋，唔同部位唔同滋味！刺身盛，有5款，海膽、三文魚、甜蝦、帶子，在芸芸串燒中清新口感。甜品菠蘿雪葩。又有味道又有賣相。Mokumoku Yakiton確實有日式居酒屋味道，平時去開酒吧，間中黎會有新鮮感，下次都會同朋友黎鬆一鬆，推介！

今日同朋友去銅鑼灣食日式居酒屋，叫Mokumoku Yakiton，一般只開夜晚，環境都幾有氣氛。呢間居酒屋食物款式好多，上到串燒、下到刺身都有。先叫酒，black beer同京姬梅子酒。梅子酒晶瑩剔透，入口甜絲絲，black beer偏辛辣，都幾好入口。豬大腸串、明太子燒飯團。串燒燒得好好，豬大腸外脆內嫩，十分惹味。至於燒飯團更係味道濃郁，飯團同醬汁融為一體，配上明太子做小點綴。蒜芯豬肉卷、秋葵豬肉卷。本來只係想有少少菜，但估唔到咁夾，蒜芯同秋葵都減少左豬肉嘅油膩感，配合得天衣無縫。最後黎個椰子雪糕，甜絲絲，做圓滿句點。Mokumoku確實唔錯，係傳統日式居酒屋，令人心情舒暢，同朋友可以收工放鬆，下次再戰！

今晚約咗朋友去銅鑼灣食飯吹水，今次佢帶路去食嘢，佢就帶咗我去銅鑼灣永光大廈上面食嘢。入到去坐底睇餐牌叫嘢食，呢度喺間以豬為主題嘅居酒屋，食物都係以豬做主材料，又幾特別。前菜好快就到，我地叫左蒜子蕃茄同Moku Moku 沙律，蒜子蕃茄用咗半個蕃茄去皮，加咗蒜蓉同葱係面，配埋牆汁，好fresh。MokuMoku沙律，沙律菜上面鋪滿豬肉片，好特別，沙律仲有羽衣甘藍，配埋沙律醋食好開胃。食緊前菜，其他點咗嘅菜都逐到到。刺身盛合五款，有海膽，三文魚，帆立貝，油甘同赤蝦，每款刺身都好新鮮，特別係凡立貝同赤蝦，好鮮甜。燒豬腰同燒豬肝，呢兩樣燒物比較特別，一般居酒屋都好小有！呢兩款都燒得好好，材料好新鮮，配埋自家製嘅柚子醬，味道ichiban。燒芝士青椒，青椒饟入芝士，再用豬肉包面，口感好特別而味道唔會好膩。燒豬心喺另一樣值得推介嘅燒物，豬心本身較為爽口，燒香咗加埋醬汁，味道一流！豬頸肉 ，豬肩同豬腩，三個唔同部位口感味道都唔同，唔錯！燒林檎卷，燒香既蘋果用豬肉包住味道好match好有心思。蒜心豬肉卷，呢樣喺值得推薦嘅菜式之一，用豬肉包住日本蒜心燒香，豬肉嘅香味同蒜嘅香味夾埋非常match，口感爽脆

每次和不吃牛的朋友吃飯，就會想起MokuMoku，因為可以吃豬。這天晚上回到了銅鑼灣的店，想不到居然座無虛席，幸好有訂位。      坐下先點了最喜愛的果味汽酒，我還是選了百喝不厭的巨峰提子味，朋友的是乳酸味。像這種酸甜帶氣泡的果酒，配串燒，感受熱氣和冰凍碳酸那種雙重衝擊，簡直一流。   朋友好魚，二話不說先來了條烤魚。這條魚真夠大，帶灰的外皮燒得焦黑，內裏的肉卻細緻嫩白。牠不走滑嫩路線，卻以鮮味取勝，淋上一點檸檬汁或搭上一片酸薑齊食，鮮味更突出。   西班牙黑豚豬頸肉串也是我的愛，愛在那瘦與肥之間的層次。肥油正好由瘦帶爽的肉中流出。咀嚼時陣陣油香。         豬脷是我另一熱愛，厚切的它啖啖肉，而肉又帶脆。豬肝和豬心在外面比較難食到，我們用來以形補形，尤其鍾情這兩個串燒配的特製燒汁，濃稠得黎帶甜，令食這內臟時，去腥也去膩。    韭菜泡菜豬肉卷、蒜心豬肉卷、秋葵豬肉卷就夾雜了蔬菜在內，感覺比較新鮮也去了一點肉感。微辣的韭菜泡菜豬肉卷，辣得來有韭菜香。蒜心帶甜，連著豬肉形狀圓碌碌，一口一粒。    秋葵是健康食物，夾著豬肉，少了份罪惡感。 甜品是我