Mini Friday (銀城廣場) (已結業)

收工同同事去左Mini Friday 食dinner，好少去銀城廣場食野，今次都係同事推介。一入到去見地方都幾大，我book位嘅時候講想要window seat，餐廳話盡量安排。點知真係安排左窗邊Sofa位，咁我地可以坐耐d傾下計。個menu望落都算抵食，主菜都係2百頭到，我地仲叫左3杯特飲relax下。火焰脆燒德國咸豬手 $218 開頭以為普通脆豬手，點知上豬手時會喺我地面前點火，唔怪得豬手皮咁脆啦。當我地影完相，侍應會幫我地拎入廚房切開。水牛城雞翼 $68 唔好睇少呢隻Buffalo wings，食落都有d辣，雞皮醬汁好多，相當刺激。西班牙海鮮飯 $228 食西班牙海鮮炒飯一定要趁熱食，海鮮超足料，墨魚，青口，大蝦，魚柳。炒飯炒得乾身，最重要有海膽。

黎到MK，好多餐廳擇，但今次黎度黎間MiniFirday，就可以話一次過滿足你三個願望喇。講講地點方面先，位置銀都廣場，行完街睇完戲去就一流喇。之後到環境，裝修有啲西日Fusion，非常高級，同另一半黎就岩晒。食物方面美國牛扒叫5成熟，外面煎到有坑紋，外表非常吸引。入面就岩岩好5成熟，好Juicy，而且有一陣Blue Cheese既味道，同牛扒好襯。另外佢仲有個澳州牛扒既Set，今次就無試，推薦大家可以一試。威靈頓牛扒，包皮非常乾脆好味，入面仲係5成熟黑松露薯條，上枱仲係好熱辣辣，配埋佢個黑松露醬就正晒火焰豬手，上枱後，再等一陣，職員就會拎d液體（我估係酒精），淋落個豬手度，再點火，豬手就會燃燒50秒度，加強外皮既酥脆，食落好岩送酒，叫埋1664 Tower就岩岩好。

初次光顧，用open rice book 試一試,用open rice 訂座主餐牌有88拆，所以一試小食，脆片，好油呀凱撒沙律清清淡淡$68沒有什麼特別一杯雜果賓治另外一杯薄荷特調（冇酒精）各$58味道不是太重溫泉蛋菠菜大啡菇$58，大啡菇上有芝士味和菠菜加溫泉蛋也很特別，一口咬下，蛋黃醬加菜，法式羊鞍寶雲蘇，我覺得麻麻地，唔夠羊味，也不鮮，即製疏乎厘班戟配雪糕，需時20分鐘，108，幾好食，但不熱辣辣

又是一個星期五的晚上，周末前夕，兩夫妻就做對無飯夫妻，外出用膳，撐撐檯腳吧！這晚的目的地是位於旺角銀城廣場的樓上西餐廳 Mini Friday。其實這餐廳我已來過數次，已算是識途老馬，因為對這餐廳的印象都不錯，所以久不久都會前來幫襯。這餐廳以開胃酸甜醬汁伴吃的餐前油炸小食對我來說並不陌生，這夜我早到餐廳，在等候老婆仔的時候，正好以之打發等候的時光。老婆仔到來後，我倆隨即在晚市套餐餐牌中點了兩款----「香煎鴨胸伴鴨肝配黑醋汁」（$178）和「燒美國豬鞍扒配燒汁」（$218），準備正式開餐。「田園沙律」以小玻璃瓶子盛載，份量不是太多，而且沙律醬汁偏酸，開胃就開胃了，但我就覺得太酸。「是日餐湯」材料豐富的「意大利雜菜湯」，味道不錯，也夠健康。「香煎鴨胸伴鴨肝配黑醋汁」的鴨肝十分大件，鴨胸也厚身多肉，這美味的主菜無疑是頗為邪惡的，但鴨胸的皮我倆只吃了少許，肥厚膏腴的鴨肝我們也只是一人吃了半件，只有粉嫩粉紅的鴨胸肉吃得比較多，我想都不算太過份吧！「燒美國豬鞍扒配燒汁」也好，表面呈現炭燒交叉紋理的豬鞍，肉質緊緻但不粗嚡，裡面仍有肉汁保存，啖啖肉的豬鞍都幾好味。「精選是日甜品」是小巧精緻的「芒果乳

放工搵爸媽食飯，係旺角唔知食乜，跟住Openrice’黎到銀城呢間mini Friday，原來都幾多人食，坐低已經有個墨西哥脆片可以即刻食，好脆幾好食😂Set dinner 好抵食，有湯有沙律同野飲，所以叫左羊架set，加左個pizza 同埋疏乎厘pancake，唔太肚餓所以3個人都夠食😁羊架煎得幾香，同埋有3大件，夠”蘇”味，薯蓉都幾好。pizza好薄好脆，本身鐘意厚批既我都改左觀，唔油膩好香口，似似地食nachos😂重點係我既疏乎厘pancake，即整熱辣辣，蛋味好香，好疏乎，唔錯！

食物好食，而且份量足夠，DIY Pasta抵食而且配搭選擇多，叫左黑松露忌廉汁配鴨胸意式燴飯，同行友人個個都話好食，跟餐仲送左甜品同沙律。另外，仲叫左黑松露薯條，炸得香脆。水牛城雞翼亦不錯，酸酸甜甜又夠多汁，作為開胃小食相當適合。

2019.4.7(星期日)同老公仔週末食好西～撐枱腳！雖然今天不是Happy Friday~但呢間Mini Friday 風評實在好正！於是同老公試一試～門面裝潢好懷舊別緻，內部裝修設計亦很有style，環境舒適寬敞，氣氛情調極佳！很適合情侶/三五知己慶祝食大餐，又或者休閒坐下來吹水談談心！雖然我們仲未點餐，但餐廳首先會送上呢盤餐前小食，墨西哥脆脆十分香脆，配上千島醬，酸酸甜甜，醒胃得黎味道又幾夾。我自己點左set dinner 「燒澳洲牛肉眼扒配黑松露燒汁」 $238；而老公就要左個「火焰脆燒德國咸豬手」$218～頭盤是田園沙律～用個小樽裝住好可愛別緻！味道清新開胃！然後到主菜澳洲肉眼扒，擺盤做得不錯！而重點係呢塊扒真得很好味！首先，肉眼扒好大塊，份量好夠！而且牛扒表面煎得好香口，而內裡肉汁仍好juicy! 整塊扒好夠肉味同扒香！肉質亦好軟好鬆化，絕非橡筋肉！配上黑松露燒汁好夾好合襯！我同老公真心盛讚，牛扒不但有咬口，而且多汁juicy，肉味極濃，此牛扒水準質素極高！到現在仍回味中老公點的德國豬手亦絕不遜色！首先豬手會原隻上碟，而職員會澆上一圈酒精，然後點火，火燒的視覺效果絕對是一流

見最近呢間餐廳評價唔錯，所以Weekend約咗朋友嚟試下。餐牌都有唔少選擇，set lunch仲好平添，我哋無食早餐，所以決定咩都叫啲！小食嗌咗王牌嘅咸蛋黄薯角，炸得好好，食落好有咸香味，好惹味！水牛城雞翼有6隻，雞翼都幾嫩滑，外皮炸完加埋個汁少少辣辣地幾香口野味。Set lunch方面會送個餐湯：羅宋湯，不過不失～冬陰公忌廉汁焗海鮮飯都幾抵食，飯底係炒飯底，幾香口！海鮮配料有大蝦、雪魚、八瓜魚仔、蜆。估唔到冬陰公配忌廉汁都幾match!水牛芝士薄餅中size，薄餅底都幾薄，唔驚食濟。面頭鋪滿芝士不得了，再加埋蕃茄味道好豐富！跟餐加左40蚊轉左桂圓紅棗茶同檸蜜玉桂茶，一壺都有6、7杯，好滋潤。最後甜品叫咗個心太軟配士多啤梨味雪糕，心太軟整得都幾唔錯，唔會話好甜，而且軟硬岩岩好！

為左慶祝同女朋友既紀念日，一早精心挑選左呢一間餐廳，因為見openrice評語唔錯，加上地方就腳，位於旺角。提早去到餐廳，因為出面落雨，座位比想像中寬敞，好彩request 到 Window seat,坐得舒服，所以女朋友很滿意。同埋坐低即刻有小食，雖然凍左，但都幾好好。員工成日都有巡視，確保你一舉手即刻有手見到。野食方面，嗌左個pasta set 加豬手,對於細食既我地，真係飽到上心口，味道整體都唔錯既另外，SL有搵餐廳幫手寫左朱古力字，餐廳呢個安排幾好，謝謝，識做既男朋友想俾個小驚喜女朋友，不妨一試。Drinks 方面嗌左一杯Asahi Draft,同埋一杯sex on the beach, average。整體黎講，野食，環境，服務都唔錯，值得推介！

今日和朋友去了旺角的mini friday吃晚餐。環境唔錯，坐位闊落，坐得舒服。餐廳裝修幾有特色。餐前小吃:墨西哥脆片配千島醬，好香口好脆，配埋千島醬，非常夾。餐湯是雜菜湯，酸酸甜甜幾好飲，幾開胃。沙律好新鮮，幾好食，味道唔錯，生菜很爽口。燒澳洲牛肉眼扒配黑松露燒汁：牛扒選了7成熟，唔會韌，好鮮嫩，幾重肉味，好惹味，黑松露燒汁同牛扒又夾，真的不錯。而且這個肉眼扒餐只是$238，性價比幾高。餐飲點了熱檸水和咖啡，味道唔錯。餐廳有得選 DIY Pasta，有多種自選配搭，我和朋友選了蒜片欖油煙肉帶子虎蝦天使麵。蒜味幾香，煙肉咸咸地幾好食，帶子燒得好香口，虎蝦彈牙，不錯。甜品是芒果芝士餅，芒果味好甜，芝士餅幾滑，好好食。埋單才$513，食到高質牛扒，真的幾抵食。

4天假期前夕去左mini Friday🤣上到去都覺得幾似bar，餐廳都幾大，好多人食。聽就聽得多wellington beef, 都未食過, 今次見$288就叫左一份試下, 同埋叫左份buffalo wings, 仲有重點: soufflé pancake!!!Wellington beef 大概等左30分鐘, 送到黎真係好香, 酥皮好脆, 入面好多菇, 牛柳肉質不錯, 但略嫌唔夠咸😃不過真係幾好食！Buffalo wings正常! Soufflé pancake好好食!!好香蛋味!!

同好友飯聚點梗係要搵間環境舒服可以慢慢傾計既地方，之前試過觀塘既mini friday覺得唔錯，今次就黎試試旺角既分店一坐低就有墨西哥脆脆，好味有脆脆點少得order酒精，我地就叫左around the world，酒精味唔算太重，易入口餐湯order左兩款唔同，分別係黑松露野菌湯同鮮蟹濃湯，兩個都好好飲，個人特別喜愛尤野菌湯，材料豐富，每一啖都係雜菌前菜係紅菜頭雜果沙律，紅菜頭健康清新，配埋雜果好fresh重頭戲黎喇，德國鹹豬手，以前一向麻麻地豬手，但試過一次真係上左癮，呢個火焰豬手仲會即場燒表演完仲會貼心切好晒，肉質外脆內軟，一d肥膩感都冇，好好味另一重頭戲係威靈頓牛柳，淨係外表已經好吸睛一切開已經流晒口水，外層酥皮包住牛柳，實屬誠意之作，牛柳火候控制啱啱好，好味最後既甜品有蘋果金寶，即時焗熱辣辣香噴噴，加埋雪糕中和好好味

上星期5早收工，又準備放假，就想同同事去一個有得啤一啤舒舒服服既地方食野飲野。係Openrice search到Mini Friday, 見d野食都幾吸引就去左試試。同旺角既其他樓上餐廳一樣，都係餐廳獨佔全層的，餐廳設計同擺設似80，90年代風，可以影下相呃下like。食物選擇方面唔算特別多，但主要既都有齊，但個人認為最特別之處係有Beef Wellington，事關小妹冇食過，所以諗都冇諗就揀左。餐廳好好，未點餐已有chrips，加上叫左杯Asahi，迎接我既holiday。張相影到杯asahi勁高，而事實上都幾大杯，最後飲到我好飽。黑松露野菌湯本來以為好似平時一般既忌廉湯，但佢應該係切到蘑菇等湯料一粒粒，所以飲落有d似好香既湯飯咁，幾特別水牛城雞翼酸酸辣辣的雞翼，同事覺得有點辣所以食得2隻，但我覺得幾開胃的，俾我清哂Beef Wellington因為係第一次食，唔知好既定義係點，所以個人描述一下口感酥皮方面，係鬆脆同香牛油味的，唔會lum，亦唔會甩哂出黎牛肉係juicy的，切開已見到有d肉質唯一係我唔係好識切，同事切得好靚，但我刀工差，切到舊牛唔係咁好睇個人認為係好食的！法式羊鞍寶

上網見到呢間有威靈頓牛扒，加上全部好評，而且可以望街景，覺得氣氛唔錯，決定試試。星期一放工大概6:00到就去餐廳，當時餐廳人唔多，整個裝修好有格調燈光微暗好舒服，牆身仲有紅酒做裝飾。一坐低唔洗1分鐘已經有餐前小食，係類似雲吞脆片，點埋個醬好開胃。餐牌內容唔算多，但羊，豬，牛，魚都有齊曬，基本上西餐有既全部都有，所以我都覺得好難選擇最終決定叫威靈頓牛扒，原因係非常平!!竟然300蚊到就試到，平時係其他餐廳要起碼400-500先食到。粉嫩既顏色係基本，食落非常嫩滑，配合外脆既酥皮真係一流!! 實在不得不介紹，性價比太高每切一下都有少少牛汁滲出，所以每啖肉都好juicy食完主食當然都要試下甜品!其實蘋果批同心太軟都想試，但食唔到咁多所以最後取捨揀左心太軟。心太軟流心效果好正，唔係屬於最流質，反而係厚生少少既質感，有濃厚濃郁既效果，好好味!! 而且甜度剛剛好，唔算太甜，所以唔會漏

今晚同朋友出開旺角，朋友推介位於銀城廣埸9樓的Mini Friday西餐廳。果然有驚喜。首先地點位於旺角，夠方便。店內佈置得好有氣氛，冷氣又夠，裝修得好特別。印象十分深刻。看完餐牌，食物款式很多。當然係叫我最喜歡食的水牛城雞翼，雞翼熱熱地，又脆又入味，一食再食，又夠新鮮，是即炸出來的。另外叫咗個千島海鲜薄餅，超有水準，薄餅是薄切的，千岛醬味道好濃。海鲜材料又特別多又夠新鲜。個人認為是必食的食物。另叫咗香草牛油焗田螺酥盒。田螺好入味，非常回味。另叫炸薯條配黑松露醬，薯條即炸，好新鮮，又有口感。飲品则叫咗椰林飄香，好有水準的飲品，另加一杯朝日beer，一邊飲酒，配合環境。特別有氣氛。最後叫咗個即製梳乎厘班戟配雪糕。好好食，雪糕又夠凍，班戟口感也做得很好。個人認為是物超所值的一餐。