Mini Friday (銀城廣場) (已結業)

話說餐廳門口就寫閂24:00，咁我地一行人9點幾知道遲已經預先打嚟問，可唔可以上去食。咁佢地話可以，我地先上去。上到去9點半，被告知10:00last order，11點就消場，咁都冇問題。咁我地就叫左威靈頓牛柳、一個意粉同幾杯cocktail。講左啲cocktail先，杯nothing同around the world 係難飲到好似藥水咁，完全唔係一間bar & restaurant應有嘅水平。然後個牛柳係切極都切唔開嘅，食落口仲有陣腥味。食物講完，咁到大概10:00，職員係多翻行過嚟，收拾我的嘅野，同比壓力要我地走，甚至試過四個職員行埋嚟企喺到望住我地食，有個仲話要加油打氣。講真，你係閂咁早嘅，就唔好寫閂24:00，然後，我地9點幾打上嚟就唔好話可以嚟啦。真係未食過咁差嘅餐廳。

有時間同朋友食個飯，每次都覺得很難得，想係餐廳一齊傾吓計，食下野都已經覺得滿足，如果再加上餐廳氣氛配合到，咁就更好啦😂呢間餐廳就俾到呢個感覺，座位都好闊落，燈光好柔和，可以俾到一種可以慢慢享受美食既感覺😆一入到餐廳就有墨西哥脆片食，好開心喔，可以唔駛捱肚餓等朋友😂😂可以食住等，唔好睇少係贈送，食落脆卜卜。其實呢間餐廳都幾多選擇可以揀，另外又可以DIY自己鍾意既款式，好啱我鍾意揀既朋友。我朋友DIY左一個餐，黑松露忌廉汁燴飯加鴨胸肉，特別係另加海膽🤣🤣一見到海膽，當然要馬上立即夾嚟食先。不過可能海膽同黑松露忌廉汁唔太夾，食落有啲苦苦地，下次如果有叫海膽，都係另上比較好。無論係DIY餐仲係套餐都有沙律，餐湯附送，餐湯方面好像日日都會唔同。因為一入餐廳就見到有一塊黑色牌寫著是日餐湯介紹😂😂按我既理解，每日應該會有唔同🤔我今次飲左羅宋湯，酸酸地唔錯，開胃。而沙律方面，估唔到面頭個幾粒圓形紅色的嘢，食落好像平時出街買嘢飲既波波，一食即爆汁😂鹹蛋黃薯角，一擺上枱熱辣辣，證明真係新鮮炸出嚟。一食，好有鹹蛋黃味😍😍鹹鹹地，其實好啱送啤酒，唔怪得我見到隔離檯叫咗一大支啤酒。BBQ豬肋骨上面舖

Mini Friday餐廳好靚，整齊，乾淨，好舒適嘅環境，可以好好享受晚餐，都好多客人黎食！咸蛋黃薯角咸蛋黃好似配咩都實係死咁，配咩就襯咩，一上菜，就見到熱氣緩緩上升，新鮮出爐，香氣逼人，食完應該爆哂暗倉，但聞到味，已經控制唔到自己，狂食，一直食，點解會咁好食，好想食多盤！連朋友都話食唔夠，下次再食！西班牙海鮮飯好多海鮮呀！要咩有咩，唔少得大蝦，魷魚，蜆，中有魚，其中我最中意食魚，真係勁滑嫩呀！配埋飯真係唔係講笑，好好味！即製梳乎厘班戟配雪糕哇哇哇！！最愛嘅甜品登場，3個大大件梳乎厘，搖下搖下，好彈嫩嘅feel！口感好滑呀！ 又唔會太甜，好適合我食！旁邊中有少量水果，草 莓，芒果粒，藍莓，木莓等等，中有一球草莓味雪糕，一凍一熱嘅甜品激發的嘅味蕾，好中意食呢款甜品！下次會同朋友一齊再食！

間餐廳好大，我同一個朋友星期六晚黎，全場坐滿晒人，一定要book位呀！一坐低張枱已經擺左D脆片同個沙律醬，超肚餓，即刻食幾塊先！嗌左兩個餐，D食物上得好快，但都會細心地等你食完晒前菜先上main dish！個dinner set 好豐富，有沙津（用個玻璃瓶載住，入面有D好特別好fresh既爆丸），有湯（酸酸地幾開胃），野飲係原價減28蚊（所以都係補少少錢），仲有甜品，真係超滿足！！！香烤羊架配紅酒汁呢個係我嗌既！羊架上佈滿蒜粒，好香，我嗌左7成熟，羊架好嫩滑，亦都好易切，唔會有根，同個汁好夾，有三大舊咁多，食到好飽呀。羊架既配菜都唔錯，最鍾意果pat好幼滑既薯蓉！香煎魚柳配忌廉燒汁朋友叫左呢個，我試左一啖，個魚煎到塊皮有少少硬咁，幾好食！同埋有好大舊番茄。因為餐廳好大，所以D枱都分得幾開，氣氛唔錯，天花板有好多小燈泡，好似一片星河。雖然餐廳好忙，但waiter們都keep到有禮貌同埋反應快。

mini friday,我真係friday 黎呢度食晚餐，真係緣分！餐廳環境好靚，好有格調，坐得好舒服餐牌顯示各種食物芒果黑松露鮮蝦沙律造型好可愛，桃形綠冰，中間有個洞就係用來放好好味嘅沙律，最上一層係爆爆珠，酸酸甜甜，好開胃，下一層就係甜甜芒果粒啦！黑松露配埋鮮蝦肉，真係好好味！咸蛋黃薯角最近咸蛋黃真係好heat，去邊都見到咸蛋黃crossover其他野食，即叫即炸，超正！ 勁熱，一咬burn左自己條利，呢個故事教訓我無論有幾好食，都要保持冷靜，唔好太心急，要慢慢品嘗，呢個真心唔錯，有陣陣咸蛋香味，又唔會爆咸，味道適中！唔錯！ 值得試下！水牛城雞翼賣相好靚，顏色鮮艷，真係好吸引，旁邊中有爆爆珠同小小沙拉菜，我自己個人覺得味道唔錯，因為我都幾中意呢隻辣味，可以接受嘅辣，又唔會十分辣！

同朋友去開餐，估唔到係旺角比我地搵到間ok抵食但又好味既西餐餐廳燈光裝飾型造出暗暗視覺，氣氛唔錯，感覺好自在位亦都好闊落，坐得好舒服空間感非常充足，枱同枱之間間隔好大，唔會到隔離講嘢坐係窗邊卡位，有境睇打開餐牌，食物種類好多有免費嘅薄脆小食族，配上千島醬，滋味又醒胃唔油膩又脆口，當餐前小食食都唔錯主菜有埋餐湯，沙律，同飲品南瓜湯味好濃郁，夠熱度唔係稀如水，湯嘅質地亦都好creamy，甜甜地幾好味爆珠沙律，第一次見用呢種玻璃樽裝住既賣相好有心思，沙律係雪凍嘅，菜新鮮帶脆，上邊放滿爆珠，微甜又酸，口感特別，呢種沙律第一次食食到有淡淡既橄欖香，沙律醋微酸，瓶菜夠開胃呢個甜品係跟餐送既辣味雞翼，味道好足，好開胃！皮脆肉嫩，必點焗田螺酥一碟有4隻，細細個，可以一啖一口，入口酥皮鬆脆，又有香草牛油香千島海鮮薄餅好食，唔係面包個隻好濟的餅底，薄批黎講料好足，芝士海鮮都足料。推介呢個黑松露雜菌配三文魚闊氣麵好食，多汁又唔會太濟，意粉煮得好索味，而意粉口感亦剛剛好唔會太淋或太硬黑松露薯條好正!!!!!好脆薯條又有厚度，呢個正飲品+錢揀左mocktail，有椰林飄香同果茶，前者微微甜易入口後者果茶有d微酸

今日同朋友去旺角mini friday食晚飯 ，一入到去，間餐廳真係好寬敞，而且窗邊點著一閃一閃既蠟燭，真係好有情調。情侶去食飯，氣氛真係一流。因為係share一齊食，想試多啲嘢，所以叫咗個set dinner 再加一個主菜。我哋叫咗一個set dinner(香烤美式bbq豬肋骨)再加一個王牌威靈頓牛柳。一坐埋位檯面上已經有一籃墨西哥脆片。 墨西哥脆片好鬆脆，點埋個醬汁，可以一邊食一邊傾計等啲餸菜上台。頭盤；個頭盤份量唔多，但勝在的蔬菜好新鮮，食落清爽香甜，幾爽胃。例湯(南瓜湯)雖然個南瓜湯係例湯，但做得一啲都唔馬虎 ，食落口好濃好滑。香烤美式bbq豬肋骨：豬肋骨烤得好入味，而且肉質嫩滑多汁，食落口好juicy。王牌威靈頓牛柳：呢個牛柳，一開頭以為佢只係用一啲包皮包住個牛柳去烤焗。但一切開先發現，原來佢入面仲包住咗好多菇。 包皮鎖住咗牛柳既肉汁，令到成個牛柳唔會太乾身。因為包埋啲香菇一齊烤，牛柳吸收左菇既香味，更加好食。甜品個甜品係芒果味，雖然細細件但係好食。

第一次黎銀城搵野食～友人因為同事大力推介所以我地收工決定黎呢到食番餐好!!研究緊Menu 時侍應送上了墨西哥脆片～惹味的開胃小食～～有田園沙律同餐湯～兩樣質素都很好～沙律食得出好新鮮，田園沙律上面橙色一粒粒既，我地最初以為係三文魚子，原來係爆珠黎架！！意外地幾match!好特別同清新既感覺！DIY 自選意粉 友人簡左溫泉蛋芝士忌廉煙肉天使麵～佢自己一個人因為太好味勁快食哂一大碟！！據他所言，天使麵煮得夠入味，有口感，溫泉蛋好正好滑，芝士忌廉唔會太濃，整體都好正！結果我地encore 再叫多碟卡邦尼意粉XDD而且冇令我地失望！香烤寶雲酥羊架配紅酒汁羊架烤得非常入味，香嫩可口，又夠多汁，份量一點也不少！熱騰騰！！紅酒味都幾濃！非常推介！拿起手可以大口大塊肉～好爽好正！水牛城雞翼第一次食，煎得非常香口！帶點微辣，非常惹味！！size 夠大，量又夠多，友人係雞翼控，佢食得非常開心！！餐飲叫左凍檸檬茶同奶茶，奶茶又沖得幾有茶味同香滑～搞到我夜晚都飲哂一大杯haha好彩夜晚仲訓得著XDD甜品係芒果芝士蛋糕，好清新，唔會過甜，為我地美好既一餐畫上完美的句號～餐廳環境舒適，又有旺角夜景睇，侍應非常有禮

約左好友食飯，之前去過觀塘果間mini friday覺得好正，今次就帶埋朋友黎試試餐廳座位寬躺又舒服，我地坐正吧台隔離，感覺幾舒服食物選擇好多，尤其主菜有好多款都好吸引，樣樣都想試試飲品方面就叫左一jar around the world，味道幾開胃醒神黑松露野菌湯，成碗都係黑松露雜菌，材料好豐富，啖啖都係菇，好正鮮蟹濃湯，濃濃蟹味而且仲有蟹肉巴馬火腿紅菜頭雜果沙律，感覺又健康又清新牛油焗田螺，田螺有濃濃牛油味，外層既酥皮焗得好香脆主菜之一，火焰燒德國鹹豬手，火焰燒好德國鹹豬手，餐廳就會幫手切好埋切完大大份，鹹豬手燒得外脆內軟，仲要一d都唔覺肥膩，好味到停唔到口威靈頓牛柳，外層酥皮包住牛柳，非常有誠意，淨係外觀已經贏晒，入面既牛柳大概6成熟，焗得啱啱好梳乎厘配雪糕，梳乎厘又香又鬆軟，甜度仲啱啱好tim

午餐提供優惠價免加一，水牛芝士薄餅有驚喜！沙律新鮮，另叫主餐牌的焗田螺，香口，這餐廳價平食物質素很不錯，地方優雅有落地玻璃卡位，舒適。唯獨傢俬有點舊，下次會來試晚餐

今日去波鞋街買波鞋，所以訂左一間近旺角既餐廳一試，見相片環境唔錯，就訂左mini friday 見到店鋪有花心思於佈置上，又有流聲機，又有吊燈擺設咁，營造浪漫、一般西餐廳有既氣氛，但實際上感覺衛生一般，枱面、周圍有種癡笠笠既感覺，如果可以改一改依方面，應該會更好由於我唔係好肚餓，所以只係叫咗一個主菜——卡邦尼意粉，同埋兩個小食。通常我去一間餐廳都會叫佢嘅卡邦尼意粉，因為我覺得如果簡簡單單嘅菜式都能夠煮得好味，其他嘢食應該都唔錯。但可惜，意粉唔夠彈牙，忌廉感覺落得太重，令到意粉冇乜味道，一般一般。然後到小食——芝士菠菜大啡菇，大啡菇本身冇乜問題，但隔離嘅配菜，唔知點解會配左爆珠，一開始我仲以為係三文魚子，食落去味道怪怪的，同大啡菇唔相配反而依個酥皮焗田螺味道唔錯，酥皮鬆脆，裏面嘅薯蓉都熱辣辣，係呢間餐廳值得一試嘅菜式Mini friday 好似出名燒豬手，但今次我冇試到，因為太飽了，但其他菜式真係一般，有機會下次再來吧！

放長假嘅前一晚，同愛人揾左間上樓餐廳食好D，響openrice 揾到旺角Mini Friday ，評價唔錯。。。蒜香炒雜菜 $58，西餐廳有呢味菜都幾特別，相信設計者會好明白我當時嘅心態，想食蔬菜但唔食得生冷嘢，但又想清清地得嚟帶點香味，全對，做到哂，仲要份量好足，蔬菜種類夠多。炸魚薯條 Fish and Chips $68，呢個價唔係小食size，主菜份量，炸得脆香唔在講，個 wasabi 醬係我食炸魚薯條最好食嘅醬，伴邊沙律好有特色，初時以為$68咁大碟，仲有三文魚子咁貴重？！哦原來係葡萄味丸子👍🏼火焰脆燒德國咸豬手 $218，有火焰燃燒表演，火滅侍應就攞入廚房幫我哋起骨切件，切出多件，皮脆肉嫩，同樣一讚個芥末醬，正👍🏼即製梳乎厘班戟配雪糕 $108，寫明「製作需時約20分鐘」，一碟三件，雪糕味道無得揀，竟然嚟咗我最鍾意嘅末茶雪糕👍🏼全餐好好食，嗰晚叫嘅分量，我會建議三個人分享🤗🤗🤗

我既long weekend終於黎啦~緊係約朋友去食返餐好啦~朋友仔上open rice 見到mini friday好像不錯，一於去試下。可愛郵筒既decoration寫上左餐廳既營業時間被安排坐在佈滿酒瓶牆身的餐桌用餐，品味十足，打卡作背景亦都一流好彩朋友仔一早BOOK好，因為我地入座後唔夠10分鐘已經坐滿人了睇下有咩食先，pasta都有好多款，仲可以自己配料，正正子~Set Dinner亦都有好多選擇，梗有一款O岩食~坐低時已經有一盤墨西哥脆片，配上千島醬，為我地既晚餐打開序幕我地叫左2個set dinnerset dinner配有餐湯, 沙律沙律酸味味，勁開胃，最特別係配有平時糖水先有既爆爆珠，又估唔到同沙律一齊咁食係咁夾餐湯熱騰騰，仲有好多粟米粒，口感豐富我叫左燒澳洲牛肉眼扒5成熟，煮得剛剛好，肉質鮮嫩，配菜薯蓉亦都好creamy，一試愛上朋友仔叫左燒美國豬鞍扒，認真講呢個比牛扒更出色，你們看到肉質pink pink就知道廚師掌握火喉剛剛好，豬扒煮得唔老，一啖接住一啖食不停呀最後送上甜品芒果蛋糕，完美既endingps: 餐廳侍應好有禮貌呢~值得推介。

第一次上嚟呢間樓上餐廳食西餐， 環境氣氛好好呀，所以見到好多一對對嘅情侶嚟呢度食飯 ,一坐低會即刻送上脆脆片加芝士汁 ,檯面上仲有一張巨型嘅水放喺度你可以自由斟嚟飲， 睇下個menu先由於我哋第一次呢，咁我哋就叫咗兩個set再加一碟水牛城雞翼 ,水牛城雞翼有六隻 好多汁喺表面，個汁都好好味 而且咬落去入面仲係脆嘅好新鮮熱辣好好味， 香港而家好少有咁出色嘅水牛城雞翼可以食到。 我就叫咗一個牛扒set, set入面配餐湯同埋沙律 今日係甘筍湯，沙律係用個樽裝住嘅放喺雪櫃入面，所以一定係夠曬冰凍， 湯同埋沙律個味道都ok, 跟住牛扒出場啦， 牛扒睇得出係用扒爐燒嘅食得出有扒爐燒嗰種味道，我叫五成熟 見到中間都仲有粉紅色都算合格啦， 呢間西餐廳唔係正宗嘅扒房有咁嘅質素我都已經好滿意。 伴菜仲有黑松露薯蓉燒蕃茄同埋燒 翠玉瓜等。 我朋友就叫咗個diy意粉set, 揀左溫泉蛋汁配雞肉天使麵 嗰汁都算係好creamy整體上都ok味道唔錯，最後可以叫埋餐飲同甜品，反而個甜品就失色咗少少啦 ,餐飲係包咗一杯28蚊嘅，飲品你可以另外加錢去揀其他飲品都得。下次應該會嚟試下佢最出名嘅 beef Welli

星期六放工想同老婆出咗旺角， 我哋想食一間有質素嘅西餐廳， 然後喺openrice度搵附近的餐廳， 搵到呢間mini Friday。餐廳環境佈置得幾有氣氛， 眼見大部分枱都係卡位和半卡位， 我哋嗰日比較早到，所以有卡位坐， 卡位好闊落。第一眼望個餐牌已經幾個威靈頓牛柳吸引住，另 有set dinner可以選擇， 最終我哋都揀咗兩個set dinner。dinner set餐湯和沙律餐湯係羅宋湯， 幾重番茄味， 唔會太淡， 有牛肉嘅肉香味。餐沙律用油醋汁來調味， 沙律菜新鮮爽口， 油醋汁有香料味和酸酸地， 幾開胃。寶雲酥羊架配紅酒汁(set dinner)(7成)烤羊架上有一層用混合香草和麵包糠做嘅脆皮， 脆皮和肉之間仲有少少黃芥辣， 切開入面羊肉都係粉紅, 味道方面黃芥辣嘅味道唔會好搶， 上面層脆皮夠脆身， 肉質幾鮮嫩多肉汁。威靈頓牛柳一直都想試威靈頓牛柳， 見到呢度有當然要試下， 上菜嘅時候見到個酥皮都覺得好靚， 中間切開一邊嘅牛柳都係粉嫩， 重牛肉味， 好多肉汁， 個酥皮的牛油味好香。香草牛油焗田螺酥盒香脆酥皮盒入面有黑松露薯蓉， 洋蔥粒， 田螺， 味道方面黑松露薯蓉，酥皮和田螺的