Mini Friday (銀城廣場) (已結業)

如果唔係有人帶路，都唔知銀城上邊原來有間咁大嘅西餐廳！地方好闊落，座位之間有充足嘅空間！呢度有set dinner，我哋揀咗美國豬鞍扒。Set dinner 已經有沙律同餐湯。今晚嘅餐湯係白蘿蔔忌廉湯，味道比較特別。豬鞍扒等左大約15分鐘就有得食！份量都唔少，件扒好厚身不過可能略為烤得耐左少少，肉質有少少鞋。另外我哋散叫咗豬手。上枱之後侍應會點火，令到外皮更加香脆！燒完之後侍應就會拎走隻豬手去切，切好再上枱切開咗之後好大碟！個皮真係好香脆肉質都唔會好乾，味道唔錯啱晒食肉獸！食完主菜就梗係要食甜品啦：Set dinner本身已經有一件細細的cheesecake , 我哋仲另外要咗梳乎厘pancake!跟餐嘅甜品冇乜特別，梳乎厘pancake就有驚喜呢個pancake入面真係入口即溶，口感綿密，都整得幾好！Set dinner 仲包一杯飲品，飲杯熱檸茶消下滯

今晚即興諗住食西餐，就去左旺角樓上鋪試下，因為之前我老公同朋友都試過食tea, 佢話環境唔錯可以一試，我地walk in 去，門口個妹妹都提一提用餐時間2小時，入到去坐底睇menu, 見到有個'威靈頓牛柳'，上黎呢度睇食評都好似幾ok, ，就決定叫一份呢個，再配一個意粉set, 重點來了, 我地落order, 個侍應妹妹都提一提我地個牛柳要等20mins, 我地當然明白叫得呢個就一定要等。叫完就開始等，半個鐘後，對面有枱大枱都齊哂野食？點解我地連個沙律同湯都未上？開頭以為係等埋個牛柳先一次過上，咁無為意之下就等多10分鐘，足足40分鐘，我哋都係忍唔住問過侍應妹妹，點知佢check下部機，我哋再三問佢嘅時候，佢先話俾我哋聽我哋落咗order咩？又問返我哋轉頭係搵邊個同我哋落order嘅。what? 咁40分鐘前同我地落order嗰個係邊個？唔通係有鬼，最後梗係冇食到就走啦，完全浪費我地時間。利申: 未試過去一間餐廳啲服務質素咁差，差到好似係我哋唔啱咁，唔好意思都冇句，尤其是嗰個大大聲同人解釋凍咖啡冇得少甜個位哥哥，老實講，我都做過呢行，M記態度都好過佢地。無下次

繼上次來到Mini Friday都已有段頗長時間，由當時行人專區仍很嘈雜到現在清靜不少，所以特意來再回味一番。鮮蟹濃湯：貌相跟外頭其他餐廳有九成相似，但香味，味道都充滿濃濃蟹肉的鮮味。水牛城雞翼：雞翼外皮炸得好薄脆，肉質仍能保持嫩滑，肉汁多，而醬汁酸中帶點點的辣味，惹味非常。意式焗牛肉丸：牛肉丸肉味濃郁，配上芝士烤焗，鋪底的薯蓉吸收牛肉的肉汁，美味程度隨即昇華到更高。香草牛油田螺酥盒：酥盒的酥皮充滿濃厚的牛油香味，亦非常香脆，酥盒內則被滿滿的田螺充斥著，簡直是田螺愛好者的必點之選。自選意粉（煙肉，煙三文魚意大利粉配溫泉蛋芝士忌廉汁）：意大利粉煮得剛好，硬度適中，醬汁creamy，醬汁完完全全能沾附上意大利粉，足證其是用心所烹煮的。皇牌威靈頓牛柳：是一款由酥皮包裹著牛柳焗成的一道菜式，而這亦是名廚Gordon ramsay的成名作，早早就想一嘗其究竟，機會終於來啦！這個完完全全沒有令我失望，鬆化酥皮焗再金黃香脆，牛柳亦因有酥皮的包裹而肉質仍保持著鮮嫩多汁，再加上酥皮跟牛柳中間有層菇菌，令牛柳和酥皮都帶著點點的菌香味，令人食指大動。

Book左枱慶祝朋友生日，book枱果時話食一個半鐘，最後都無趕人，比我地食到收鋪👍🏻👍🏻評分: 7/10先黎有個餅乾，估唔到個醬都幾好食，係吉烈芝士味，幾開胃。評分:7/10個沙律一心係點黎打卡，本黎預左你好睇唔好食，點知佢既蟹肉都幾好食，啲沙律菜都唔苦。份糧都唔係特別少，都多三個人當前菜食下。評分: 6.5/10個牛肉既牛肉都幾出，不過有少少唔多滑，但可能因為佢用應該用近牛屁股果部分既肉，所以食之前預左口感唔會太滑。整體都都ok，但如果一心想食口感好既牛，就直接點佢既肉眼或西冷好了6.5/10一開始比左個唔知咩汁我地，我地反映話上既唔係藍梅汁，最後店員都好好態度即刻送返碟藍梅汁比我地。肉配藍梅汁有酸甜既感覺，食上黎個口感rich左好多，好似過上面提既牛😂，唯一扣分就係如果一開始我地無要求要返個岩既汁，應該差好遠。評分:7/10反而個pizza 最有驚喜，雖然所用既配料無咩特別，但個餅整得好好，食落去好有小麥味，都唔會太硬，同配料一齊食又match返哂啲配料既味。我記得我意大利朋友話，好食既pizza 從來都唔係啲配料，係個餅底，呢句真係無講錯。成間餐廳整體環境都算大，枱同枱之間唔會

上次同男朋友黎既時候 好記得嗰日係行人專區最後一日開放 我地仲坐喺窗邊位睇住條街既變化，轉眼一年已過 我地又黎番 Mini Friday 再回味初相識既滋味先有前菜 脆片 set dinner 有沙律加餐湯一年時間 大家都大概捉到大家既口味，替我點我愛的鮮蟹濃湯～蟹味濃濃的，每啖都好滋味又係我最喜歡的食物之一水牛城雞翼雞翼外皮香脆 內裡肉質嫩滑，醬汁酸中帶辣惹味非常這是他愛的意式焗牛肉丸牛肉丸五大粒 配上芝士烤焗，厚厚的薯蓉吸收牛肉的肉汁，所有薯蓉都比佢一掃而空男友總係喜愛那些油油的酥皮 這個也算是滿足大家的口味 香草牛油田螺酥盒：酥盒的酥皮充滿濃厚的牛油香味，亦非常香脆，酥盒內收藏了小田螺肉 我只挑了螺肉來吃～自選意粉（煙肉，煙三文魚意大利粉配溫泉蛋芝士忌廉汁）：意大利粉煮得剛好，硬度適中，醬汁creamy，醬汁完完全全能沾附上意大利粉，足證其是用心所烹煮的。這個也是他的大愛！皇牌威靈頓牛柳：是一款由酥皮包裹著牛柳焗成的一道菜式，名廚Gordon ramsay的成名作，早早就想一嘗其究竟，機會終於來啦！這個完完全全沒有令我失望，鬆化酥皮焗再金黃香脆，牛柳亦因有酥皮的包裹而肉質仍保持

同朋友聚會前兩日先揀左呢間評價唔錯既西餐廳開頭都有啲擔心會中伏但結論係不失為一個聚會好地方餐廳位置係旺角銀城廣場 位置方便地方闊落 裝修唔錯 有唔少梳化位岩晒同朋友一齊傾計食野我哋四個人 叫咗水牛城雞翼：有6隻 唔算好辣 做小食唔錯鹹蛋黃薯角：好食到咁樣3個人食完一兜要再encore. 明啦？Main/ Set 南瓜湯 沙律DIY Pasta- 溫泉蛋忌廉大啡菇燴飯味道唔錯 意大利飯煮得岩岩好 好怕有生米如果多d菇菇/大件d會有口感好多燒澳洲肉眼扒叫4成熟 黎到係9成 不過質地仲可以接受有燒肉香味～ 配一球黑松露薯蓉 同烤蔬菜 好味燒春雞賣相好好 都係配一球黑松露薯蓉同烤蔬菜雞唔算太入味 要配番個汁 同一般燒雞都有共通問題會乾身d但多人一齊share就無乜所謂已經掛住個薯角啦 see you next time!

好多西餐廳中午都會推出一啲午市商務套餐，因為大部分打工仔都係得一個鐘食飯，所以都係要快食曬走，只係畀高茶餐廳十蚊八蚊嘅價錢，就可以喺好舒服嘅西餐廳環境底下食飯，同埋有中高級西餐廳嘅質素-可為性價比相當之高。喺旺角嘅金雞商場有一間（mini friday）嘅分店，我同朋友去試咗佢哋嘅午市套餐。店內行走復古英倫紅磚風格，帶點rock味。倫敦紅！烤美國雞扒配黑椒汁午市套餐，質素一般，勝左大大份肉味香！芒果黑松露鮮蝦沙律$88， 用咗新鮮嘅芒果切粒，面頭有啲三文魚籽，沙律放入鮮香黑松露，碟底有大量嘅碎冰塊，夠曬冰凍。 香草牛油焗田螺酥盒$88，牛油夠酥香，皮薄crispy，田螺汁甜香軟，咬口有嚼勁。菠蘿雪芭，呢個實在太有驚喜，見到當堂好似完成左人生夢想，須然講得跨張，用左成個菠蘿搞碎，冰凍綿綿密密，充滿鳳梨花香。

今日去左銀城廣場商業大廈入面間餐廳食飯🥳一上到去見到大大個閃燈牌而且餐廳好旺場 閒日夜晚都全場坐滿 已經對呢間餐廳滿心期待餐廳裝修好有氣氛 有好多英國🇬🇧特色設計 正未叫野食餐廳已經送左墨西哥脆片 個醬酸酸甜甜好開胃😝佢有分set dinner同散叫 樣樣都好吸引好想食🤤*香芒黑松露鮮蝦沙律一個沙律都擺到咁 簡直係俾港女打卡之選*酥皮焗田螺好香口好足料好正👏🏻*流心蛋大啡菇呢個好好食 夠曬足料 夠曬大份配埋魚子粒 好想encore再encore!!!!*威靈頓牛柳酥皮加牛柳真係冇得輸🥰牛柳夠曬林同香！正呀！而且又夠大份！男仔食都一定多曬飽！*疏乎里pancake雪糕估唔到係甜品店以外都食到咁高質既疏乎里pancake Fluffy 得黎好有蛋香味！但又唔會太過空氣！軟到適中！配士多啤梨味雪糕🍦！好高質！！😍

己有一段時間沒有出去旺角街頭逛街，和友人行了一陣就去食飯，佢帶我去銀城中心九樓mini friday食，因為之前食過，今次話試其他菜式。我揀左個DIY pasta $138,價錢幾抵，有沙律餐湯選擇了蒜片欖油天使麵配雞肉，首先個主菜天使麵做得出色，麵條乾身之餘好香蒜片，而且配左雜菇，令到佢更加香口。另外再叫了德國咸豬手$218，出場十分有氣派，侍應在豬手上點著火，繼而幫我地拎入廚房切，豬手肉質外脆內軟，份量多，金黃色的外形配上酸菜和芥末醬，我再叫上凍朱古力飲品。最後仲叫左個小食，水牛城雞翼，醬汁佈満外層，酸甜帶點辣味，令人食上去好開胃。今次埋單每人二百蚊左右，服務整體還不錯，可以再來叫下其他菜式!

禮拜約frd食晚飯，搵到呢間野試下，食物唔錯，中等價錢，味道還好，但雞翼令我有少少失望，有幾隻其中一面有點焦，而且個醬汁我唔太中意，不過可能都有人啱呢啲酸的口味，飲品都算特別，幾新奇

出旺角搵食真係選擇恐懼，又多人又要等位，咁岩今日上網留意到呢間Mini Friday，見到價錢都幾平民，就同老公去食下。好好彩我地6點幾已經去到，好快已經安排到位置，一坐低仲有薄脆片增送，地方環境感覺舒適。叫左個set dinner，有沙律同忌廉湯，主菜選了燒澳洲牛肉眼扒，5成熟時間控制得好好，牛扒肉非常嫩，痴住一點油脂部分既牛肉特別好食，配黑松露燒汁亦係岩晒我口味，連薯蓉都有黑松露味超正！這個只需要2xx竟然有呢個水準，真心好掂👍🏻甜品有芒果慕絲~非常香甜既芒果味道，入口軟滑，飲埋杯凍檸茶簡直完美！香草牛油焗田螺酥盒，超熱既焗盤keep住食物既溫度，酥皮外脆內軟，入口鬆化，田螺加左香草令味道更突出。肉醬意粉都唔錯，夠晒熱之餘味道不濃不淡，肉醬不會太多太膩，恰到好處！

終於都完sem啦，梗係要好好慶祝下啦😭🤟🏻我哋一行四人搵咗間近學校嘅餐廳，未入餐廳前已經俾佢門口嘅搶眼招牌吸引着，入面有好有懷舊感覺，有留聲機，皮梳化，再加有情調嘅環境，已經令人唔捨得走🥰每台都有一碟已經準備好嘅免費小食，類似墨西哥脆片配上自家製嘅千島醬，好食到停唔到口一個dinner set基本包餐湯，沙律，主食，甜品同飲品南瓜湯口感creamy，南瓜味都好夠有爆珠喺入面，好創新😂bbq醬豬肋骨有成4大條，肉都好多，唔會好似齋食骨咁，而肉質都好嫩滑。伴碟有燒翠玉瓜，矮瓜，番茄同黑松露薯蓉。薯蓉相當有驚喜，正！巴馬臣芝士薄餅夠夠鹹香，薄批底相當香脆，食完唔會過飽西班牙海鮮飯分量十足，海鮮款式算多同新鮮。驚喜位為有飯焦🤩威靈頓牛扒嘅牛油酥皮好酥脆，入面有層菇片包住牛柳，口感豐富冷泡水果茶消暑解滯芝士餅鍾意蘋果金寶嘅冰火感覺🤤

看到openrice食評，被內文吸引到，所以想試一下新地方。因為事出突然，所以都沒有訂到位，心想會不會很多人，要等好久。約7點到達現場，看到…………只有小貓3~4檯……心想，時不是去錯了地方呢？!再看清楚………沒錯!是這裡了!但……不是說好的人常滿嗎？還是可能我好彩，訂位的人都爽約了。問門口的帶位，她很沒有客氣的給我倆，一個親切的方向口方向面。我看到還似為是我搶了她的錢!跟著，她說“有沒有訂位?沒有?等等”，等了2~3分鐘她好不願意的給了我說“8點半要還檯，得唔得?”我心想了一下3~4秒，仲未講要定唔要，佢就話，唔得就算啦～我想，人都到左，咁就照試下啦～入到去，地下痴漉漉。檯上有放左一碟唔多新鮮，仲有啲小昆蟲飛飛下嘅玉米片~坐低發覺冷氣吹到應一應，就問下可唔可以轉個位，唔好吹到正啦～結果回覆仲鬼異……佢話，full booking。人太多無得轉位~……吓!人太多??!唔通我時運高?我見唔到啲人?既然佢地咁唔歡迎我，唯有唔食算啦～以免帶比我再有更多驚喜啦～結果乜都無食到，氣就一肚都係!

We have girls gathering after examinations~ That was a wonderful and memorable experience for us~ The environment of the restaurant embraces with romance💗It was decorated with beautiful lighting✨Suitable for birthday or anniversary celebration~Crispy chips and salad sauce: free of chargeCold fruit tea with strawberries inside~it can be divided into 4-5 small bottlepizza with Pama hamRibs with bbq sauce( recommended )酥皮包牛柳Seafood rice~ full of seafood!Cheesecake a bit small but enough ge!Apply cu

旺角特別多樓上cafe，但水準參差，呢日朋友約黎呢間樓上cafe食飯，佢自稱幾個月食過味道環境都幾好。上到黎，感覺環境幾別緻，有好多LED燈做裝飾同照明，仲有大玻璃窗可以欣賞旺角鬧市景。晚餐套餐包前菜小食墨西哥脆片配芝士醬、沙律、餐湯、主菜、甜品同餐飲，價錢由$158至$238，價錢合理。雖然沙律係跟餐既，但一d都吾hea，有大大粒三文魚籽，有驚喜。餐湯又係好足料，有粒粒薯仔、蕃茄、洋蔥，可借我地掛住影相，食得慢，所以有d吾夠熱。湯真係要襯熱飲，哈哈!香烤寶雲酥羊架 配 紅酒汁賣相吾錯，有3大塊羊架，仲加埋薯蓉燒蕃茄茄子做伴菜。羊架少羶，有一層麵包糠同好香既調味。燒澳洲牛肉眼扒 配 黑松露燒汁我地怕生，所以揀左7成熟。個汁有燒汁既甜味加黑松露味，係一個好清新既配撘。肉眼扒厚切，完成吾un，但又有咬牙，無落左鬆肉粉。除左叫晚餐套餐，我地仲叫左d小食，其中呢個香草牛油焗田螺酥盒真係好特別。酥皮焗得香酥吾肥膩，為中間既田螺保持溫度，有暖入心既感覺。田螺大大隻，有淡淡香草味。跟餐加錢揀左蜜糖檸檬玉桂茶佢係成壼上，有杯仔可以share黎飲。真係有吾少肉桂同檸檬，清甜醒神，個壼仲好保溫，慢慢飲都無