Mini Friday (银城广场)

营业中

休息中

呢间系西餐厅，本身都系谂住嚟食威灵顿牛柳之类的Dinner Set，但系一坐低嘅时候，见到佢呢一个宣传餐牌，宣传呢度嘅特色鸡翼，有柚子蜜糖、咸蛋、辣椒、胡椒等四款口味。因为太热气的缘故，我冇食晒四款，只系食咗其中三款，但都觉得真系几好食。第一款系柚子蜜糖鸡翼，首先鸡翼一定系新鲜热辣辣炸出嚟，放落咀嘅时候都仲好热，而且非常多汁，再加埋柚子蜜糖，就咁望落去，应该系真系直接系罐都笔出黎，再慢慢放落鸡翼嘅外层，所以味道都好Rich，而且佢嘅甜味亦都可以中和鸡翼嘅油腻感。下一款就系咸蛋黄酱鸡翼：鸡翼嘅外层涂上左咸蛋黄酱，而且炸得非常香脆，甜咸蛋黄亦变得好香脆，锺意重口味嘅人士应该会几锺意，好邪恶，但如果稍为重视健康嘅话，油腻+咸蛋黄呢个配搭可能要配塔下呢度嘅花茶中和一下。在下一款就系呢度嘅辣椒鸡翼：我自己就觉得呢一款系最刺激，因为真系用好辣嘅辣椒粉整出鸡翼，食嘅时候一定要配埋冻饮，如果饮热饮嘅话就真系gg了。我就叫咗杯冻Latte。最後亦都叫埋呢度嘅海鲜浓汤，海鲜浓汤里面有两只大虾、蚬肉、同埋鱼柳，呢个汤底系龙虾汤底嚟嘅，都几结下唔错。

今晚朋友约左小妹食minifriday, 好耐之前食过观塘分店觉得唔错, 今次就试下有冇新菜式😋! 入到餐厅虽然座位无观塘分店多, 不过胜在环境比较静而且有情调d, 菜式方面亦多左选择, 今次小妹就拣左一个Set同两款小食同朋友share, 边食边倾!墨西哥脆片一坐底就会摆系枱面, 比你边食住边拣野食, 口感香脆唔油腻!沙律🥗餐汤🥣维尼鸡翼🐔酸酸甜甜嘅柚子蜜🍊🍯沾满哂成只鸡翼, 咬落去热辣辣出哂烟, 外皮微脆内嫩几juicy, 非常开胃!咸蛋黄薯角薯角份量几多, 咸蛋黄味道极浓厚, 啖啖滋味😋, 不过小妹建议多人share!碳烧鹿儿岛极黑豚西冷扒配蓝莓烧汁🐖黑豚西冷肉质厚实, 口感软腍无猪羶味, 配菜方面有露荀bb，粟米🌽同薯蓉🥔, 薯蓉混合左黑松露, 口感幼滑, 几有诚意!焦糖布丁🍮蛋味浓郁, 质感较厚实, 不过不失是日甜品🍰士多啤梨慕丝蛋糕🍓🍰, 上层软滑, 下层系湿润嘅芒果味饼底, 味道几特别!

今晚近近地又黎到旺角食西餐，mini friday 都食过好几次～不过一次比一次多人，没想到周一晚上都爆满。餐牌有单点，dinner set同diy pasta, 甜点同cocktail酒类。未点餐就会有一碟薄脆嘅前菜，份量都几多。叫左一个晚餐：有餐汤及沙律。沙律最特别有乳酸爆珠，口感特别。另叫左卡邦尼意粉及水牛城鸡翼水牛城鸡翼 $78 虽然餐厅出了时代抗翼系列有4款新口味，但我偏爱传统水牛城嘅酸同辣口味，共6只。卡邦尼扁意粉 $98 食落够creamy, 扁意粉挂汁力强，有埋温泉蛋加分。Dinner set: 黑松露忌廉花胶烩美国鸡扒 $168见佢酱汁几特别，平时又食牛扒较多。今次就试下鸡扒。鸡扒好大块又厚肉，食落嫩滑。黑松露忌廉口味嘅花胶真系第一次食到，黑松露味几浓郁，仲配埋黑松露薯蓉。晚餐加$1 甜品焦糖香蕉芝士蛋糕 食落焦糖同香蕉味道都几突出。最後叫左即制梳乎厘配雪糕 $108雪糕口感似雪葩，感觉似自家制。梳乎厘好似平时杯焗果种嘅变奏版，食落蛋糕感较重。

今晚出了旺角，行完兆万睇玩具後，同朋友行过对面嘅银成跟住就上了这里，朋友推荐这里一个好有打卡嘅食物，火焰脆烧德国咸猪手，同埋个特色DIY Pasta set，另外加埋个水牛城鸡翼，跟set 有个田园沙律，餐汤，同埋一杯咖啡或茶！水牛城鸡翼上面涂满了酱汁，外皮香脆，咬开内里肉质嫩滑够晒入味！重点够晒大只真系啖啖肉！火焰脆烧德国咸猪手上枱时店员就系上面淋上酒，跟住点火，真系十分抢眼吸晴，之後再由厨师帮客人切件上枱，十分细心，咸猪手十分大只，就算切件都好多件，卜卜脆嘅皮加埋咸咸地嘅猪手，烧得十分好味！加埋酸酸嘅配菜入口感觉开胃醒神！而个DIY Pasta 就额外加了龙虾，上枱时大大只嘅龙虾在阔条面上，见到上面充满虾膏加埋弹牙爽口嘅虾肉真系超正！而个自选汁就系辣味茄汁配烟韧弹牙阔条面，加上弹牙烟韧大啡菇，整体配搭款式多，可按个人喜好选择，真系可以有不同嘅组合，总有一款啱自己口味！最後追加埋个心太软作为今晚嘅甜品，因即时处理，真系等了一会，上枱切开，朱古力由个心流出，朱古力味道浓郁，配埋个香滑朱古力雪糕，味道十分配合！虽然玩具就睇唔啱，但在这里就找到啱食嘅食物，真系十分满足嘅一晚！

疫情稍为缓和 就听到好姊妹的好消息上星期就相约到呢一间旺角的Mini Friday 去收喜帖以及分享一下喜悦呢一间餐厅位於旺角银城广场地点绝对方便餐厅嘅装修宽敞 简约既吊灯 加上轻松嘅音乐实在系聚脚嘅好地方餐厅嘅食物质素都几高一个脆卜卜嘅脆饼用嚟配啤酒就最适合不过呢一个《芒果黑松露鲜虾沙律》卖相花尽心思沙律除咗有弹牙的虾肉之外仲加入爽脆的洋葱粒同埋香甜嘅芒果黑松露酱汁嘅调配恰当既有黑松露香气 同时亦有酸甜味道配搭相当不错另外的《温泉蛋菠菜大啡菇》好味得嚟又健康大啡菇有肉嘅口感同时又有大量蛋白质系瘦身女士嘅恩物另外菠菜用咗忌廉同芝士烹煮 食落美味上面嘅温泉蛋虽然唔系太流心但系就有溏心效果另外嘅主菜《美式BBQ猪肋骨》焗得非常香口BBQ sauce 非常惹味猪肋骨嘅肉非常juicy几个人一齐share就最适合不过另外就叫咗呢度嘅招牌甜品《即制梳乎厘班戟配雪糕》梳乎厘班戟充满空气感食晒成块都唔会觉得太饱济而且充满咗蛋香 加埋香甜嘅吉士汁轻易就畀我哋几个女士K. O. 整体嚟讲呢一间 Miini Friday质素同环境都相当唔错系疫情嘅情况下 就算食饭都一定要保持卫生警觉呀

旺角食肆林立，不单止地铺，楼上都有好多好多选择，之前听朋友话呢间野唔错，於是早日附近工作，lunch上黎试吓原本打算试威灵顿牛，因为今日得自己一条友黎食，最後都系决定下次先，再同朋友share较抵😂😂😂😂今次只系简单叫左份 煎NewZealand肉眼扒 lunch set，价钱都系一百到，都好亲民一刀割去，已经有肉汁飞出嚟 唔错煎到有少少浓边，食落更香👍👍👍👍薯蓉配菜都正常成执扒食下食下都几大份量😂😂总括依然，一定有下次！

今日发掘到一间性价比极高嘅西餐厅食晏～午市免加一，午餐送嘢饮同埋餐汤～都好多款选择，有意粉、有焗饭、又羊扒、牛扒～餐汤好开胃主食就拣左烧纽西兰肉眼扒配黑松露烧汁我净系锺意食熟啲嘅，所以嗌八成熟 ～外层至中层都熟晒，最中间仲系红润色～烧得好香，好好味～肉质也有口感但唔韧～扒既份量亦适中 唔会偏大偏小份量～薯蓉好绵～好好味仲有浸黑松露香～😋配菜都好鲜嫩呢个午餐好饱足～～叹杯奶茶 望下窗外楼景 感觉几悠闲舒适坐得舒服又阔落～

呢间位於旺角几有情调嘅西餐厅 而且价钱绝对系经济我哋选左几款食物龙虾西班牙海鲜饭-份量好大两个女仔绝对可以share一个 仲有原只龙虾 啖啖肉仲有虾膏 饭入边海鲜种类都好多 有墨鱼虾仁 鱼等等 味道调得好啱 加埋少少橄榄 绝对系有西班牙风味芝士焗温泉蛋牛脷薯粒-系用一个小获上嘅 绝对可以慢慢食因为会keep住好热 薯粒轻轻炸过所以好香口 估唔到同牛脷好夹烧纽西兰肉眼扒-份量好多 而且配埋黑松露薯蓉 好香滑应该加咗cream 好好食 肉眼扒基本上唔使点任何酱汁都已经牛味好浓 菠萝雪芭-呢个有意外惊喜 竟然系一个细菠萝 卖相好靓 唔会太甜 淡淡果香

二人限聚👭期间 好多餐厅都小左人龙🚶🏽🚶🏻‍♂️呢间系旺角既楼上cafe ☕️平日都几多人排队 今日兴起就决定黎个快闪lunch 🍽 见到食评都赞佢地既 lunch 🥂质素同价钱💰都好合理 🤩🤩 餐厅环境昏暗💡晚空间感十足 好阔落 适合一班朋友聚旧 职员安排左坐窗口sofa 位 望出去系高楼大厦🏭今日order 左一个set lunch 🥢炭烧香草羊扒配红酒烧汁饭 🍚$98 (可选意粉🍝，薯菜🥬）餐汤只有一款，杂菜汤🥣，有小小微辣🌶， 唔系咁岩我口味 如果有忌廉汤会更佳👏🏼主菜羊架🐏上场 烧得香喷喷👅卖相几吸引 👀浓厚既香草味🌱羊膻味唔重点餐个时没有生熟度既选择 但估计佢系煮7成熟, 系最多人钟意食既口味😇烧得岩岩好 肉质嫩滑 唔会太老 😋有一旧既脂肪比较多对隔离既配菜 豆角🌿，蕃茄🍅有惊喜 唔系普通恰，佢煎香🍳左再加左小小幼盐🧂吊味，几惹味，好钟意 😙平时啲配菜都食唔哂，但呢碟我食得哂 🥣仲想要多啲豆角 ********************而家透过OpenRice 网上订座仲有88折

今日同左朋友仔去行山，返到嚟旺角即刻想食返个午餐先，谂起都好耐冇食过呢间就入嚟试吓佢有冇啲咩新嘢啦，一入到你点样好贴心咁俾咗个口罩套，同埋都加咗啲好高嘅围板感觉安全啲。午餐方面其实都好抵，见佢有个羊扒同埋纽西兰肉眼扒都系唔过$100 ，仲唔使+1添，正嘢。咁我哋就梗系分别叫咗羊扒同埋烧纽西兰肉眼配黑松露消失啦。佢个餐有跟埋个汤嘅，骡马市系蕃茄汤酸酸甜甜咁嘅好味，而更差我就叫咗杯咖啡，朋友就叫咗奶茶😛杯咖啡自己觉得唔错，因为我个人饮开斋啡嘅，咁我去都几顺口唔会有啲那那地嘅感觉，啲咖啡豆唔错。你朋友杯奶茶都OK。咁到主菜啦，嗰个羊扒觉得比起出边食过嘅都好食，呢个价钱绝对抵呀二薯菜其实都OK，如果可以多少少奶,creamy d就更加好啦🤣牛扒都几大块，来自纽西兰同埋都琳琳地新几好食

黎过几次既旺角Mini Friday 永远都冇令人失望既高cp餐厅🐑炭烧香草羊扒 配红酒烧汁（配薯菜）羊架有2大旧肉质非常嫩滑完全唔乾香草味好重带阵阵炭香咬落好香既油脂香味跟餐配黑松露薯蓉薯蓉有粒粒黑松露味道芳香口感软滑其他配菜都足料又好味🐂烧纽西兰肉眼扒 配黑松露烧汁（配意粉）肉眼扒成块面咁大仲要厚身烤到5成熟肉嫩得黎有少少筋令口感更吸引肉汁保留得好好黑松露汁唔会遮左牛味调味出色意粉份量超多大胃既都唔洗惊唔够饱如果小鸟胃既相信净系食牛扒已经够晒跟餐仲有餐汤同饮品餐汤系微辣又有质感既杂菜汤呢间绝对可以食多几次

旺角既mini friday一直听朋友讲，终於有时候去试一试lunch set。性价比好高。环境：非常高既格调，偏暗既灯光，加上华丽既装修，食都食得浪漫d。服务：服务唔错，呢d时间人流唔算多，店员都好细心讲解同落单。食物：是日餐汤系 番茄汤 番茄肉好多，打成蓉，酸酸哋好开胃。E. 炭烧香草羊扒配红酒烧汁 配薯菜 ＄98叫左七成熟， 羊架好大件好香，薯菜都好好食，有香黑松露味。F. 烧纽西兰肉眼扒配黑松露烧汁 配意粉 ＄98叫左七成熟， 牛肉好多汁，好有牛味，特别要赞意粉，好香好弹牙。

一向都系Mini Friday粉丝🥰🥰🥰今日行完街同朋友再次帮衬新出左3款味既鸡亦🐥🐥🐥真系岩晒我呢个鸡亦控最後3选2😚😚😚😚试左柚子味同咸蛋黄味😆😆😆两种都各有特色如果真系要拣 个人比较中意柚子味👍🏼👍🏼👍🏼感觉清新D😋😋😋😋咸蛋黄味好快就觉得”漏” 但都值得一试嫁!!西班牙海鲜饭🦞🦞🦞真系超大盘哦😳😳😳😳呢个份量应该够4-6个人食🤪🤪🤪

香烤美式BBQ猪肋骨，猪肋骨肥瘦适中，肉味浓郁，食落好入味，味道酸辣，杂菜口感软腍，薯蓉口感绵密。香草牛油焗田螺酥盒，田螺肉质厚肉、弹牙，味道鲜甜，香草牛油味道浓厚，酥盒口感酥脆、松化，充满牛油味道，内有黑松露薯蓉。墨西哥脆片，口感香脆，味道咸香。田园沙律，沙律菜口感爽脆，味道清甜，芒果爆珠味道香甜，配以日式芝麻酱食用，味道更加清爽。是日餐汤，蕃茄罗宋汤，好足料，有大量蕃茄蓉、杂菜，味道酸甜。即制梳乎厘班戟配雪糕，梳乎厘口感松软、入口即化，蛋香味浓，表面铺满糖霜，配以蛋浆食用，味道更佳，抹茶雪糕味道厚重，杂果包括有灯笼果、芒果、草莓、蓝莓、桑莓。精选是日甜品，提拉米苏蛋糕，咖啡、烈酒味道醇厚，口感软熟。环游世界鸡尾酒，采用绿薄荷酒、菠萝汁，味道甘甜、带有果香。咖啡，味道浓香、不苦涩，配以淡奶饮用，口感细滑。

Mini Friday (银城广场) (旺角) -见网上都算多人介绍嘅一间cafe, 所以圣诞节就嚟试吓，睇落环境都唔错，几有圣诞气氛，但食物质素就令人失望了 😞-首先嚟到见到有圣诞午餐 $388 咁就谂住试吓，但唔知点解埋单嘅时候佢话个圣诞午餐其实系$426 （并非连加一）表示成头都问号😐-食物方面，佢个蘑菇忌廉汤比较酸。水牛城鸡翼觉得系最好食嘅，但牛扒肉质比较差唔知食紧啲乜，个黑松露忌廉意粉食落去冇乜味道，有啲似就咁食冇味嘅意粉咁😂 最後就系佢个甜品蛋糕，佢个甜品系朱古力布朗尼，食落去就系平时超市买返嚟嗰啲雪藏蛋糕嘅质感。只可以话系过嚟食个环境都还可以嘅。但食物就有待改善了。-Mini Friday (银城广场) (旺角)旺角西洋菜南街2号银城广场9楼