LAB EAT Restaurant & Bar (金巴利道)

营业中

休息中

好滿意既一餐生日飯，一入到去都幾熱鬧下，全部枱full哂，可能就未必岩想兩個人靜靜地浪漫下既人喇因為枱與枱之間都比較近，有些少迫。（亦可能係星期五既關係，果日比較多人）地點都方便，好易搵。但我都係好滿意間餐廳，係openrice book位仲有75折，好抵食。🤩首先講下個蘑菇湯，好出色，係我最喜歡比較creamy 既質地，每一啖都充滿住蘑菇，絕對唔係坊間‘希nel nel’既湯。意大利飯唔會太軟唔會太硬，剛剛好，最重要係有我最愛既黑松露，食材絕對有誠意👍🏻唔會偷工減料。仲有個黑毛豬，因為太香既關係，已經俾我切開左先🙊唔記得影相，食食下唯有補影番啦😂😂黑毛豬內裡好juicy 😋個面烤得剛剛好，食落去好香，再配番紫薯蓉👍🏻 飲品不過不失啦，呢杯飲落好fresh，唔錯。呢杯就真係一般，太甜喇🙈🙈同埋唔夠凍。仲有個心太軟，實在太好味喇🤗一切開，d朱古力流哂出黎🥰比較係偏黑朱古力同牛奶朱古力既中間，唔會話係好甜，甜到漏果種，超喜歡❤️這間餐廳，一定會再黎幫襯。