hoo韓國包車

营业中

休息中

特色懷舊風味韓食環境裝修行走Vintage風，神還原韓國路邊攤檔，適合打卡鍾意影相嘅你！街頭魚糕串串 $148⭐️⭐️⭐️⭐️魚糕有五串，入邊仲有唔同形狀、厚薄唔同嘅魚糕，仲有蘿蔔，附上醬汁俾你點，湯底相對比起一般傳統重口味韓食健康清淡，唔想太heavy就可以試呢一個鍋。卜卜脆炒豬脆骨拼拳頭飯 $142⭐️⭐️⭐️⭐️豬脆骨超爽口，有𡁻頭，味道香濃惹味，連飯糰一齊食勁好送口！推薦！炸流心芝士豬扒 $72⭐️⭐️⭐️味道不過不失，不過肉質就唔係一般豬扒咁樣，係類似免治豬扒，同預期有啲落差，所以少少失望，不過芝士爆漿效果依然有嘅！🍴 hoo韓國包車 (尖沙咀)📍 尖沙咀厚福街12-12A號藍馬商業大廈22樓回頭率🤡🤡🤡性價比🤰🏻🤰🏻🤰🏻🤰🏻

呢到好有韓國街頭feel佢啲枱凳全部都係大排檔嘅style周圍嘅裝修都用咗韓國好local嘅店舖 例如漫畫 洗衣舖 小食攤做decoration街頭感滿滿！加上特別嘅燈光 好岩同朋友飲吓嘢傾吓計📍炸流心芝士豬扒外層好脆 炸粉唔會太厚豬扒肉質唔會鞋 仲keep到好juicy 入面每一塊都有滿滿嘅芝士 On top淋咗個酸酸甜甜嘅燒汁 令到成個菜冇咁膩📍泡菜煎餅好地道嘅一個下酒菜個邊好脆厚度啱啱好 而且入邊啲料好足灑得好平均 每一啖都食到泡菜 而唔會淨係食到粉團📍招牌炒章魚飲燒酒嘅話必叫！食落咸香帶微辣章魚爽口不韌 加埋清爽嘅蔬菜一齊炒 口感較豐富

偽·快閃韓國🇰🇷尼間餐廳真係好適合打卡😍😍好多打卡位👍🏻真係隨便影都好靚！建議都可以著得韓系少少去影下相啊❤️而且食物質素都幾好，樣樣都覺得幾好味😋由其係個豬腩片，真係覺得好好食😂差唔多自己一個食哂成碟！😆😆部隊鍋味道濃郁，正常發揮炸物好食😋但因爲本身冇特別中意食炸野，所以淨係食左幾舊，外脆內軟好出色👍🏻總括黎講，都係一間值得再黎既餐廳而且位置都幾方便，係尖沙咀打卡食飯既好選擇😆

前2個月去完韓國，又開始掛住韓國野食想試呢間韓國餐廳好耐，終於book左星期五晚放工黎食位於尖沙咀樓上餐廳，近mtr餐廳環境裝修有心思播住kpop歌 好有氣氛，適合三五知己黎傾計食飯Menu上面有🌶 提示食物既辣度 QR code落單 方便快捷我地叫左4款野食，連加一 400蚊每枱都會包2款韓國前菜 泡菜同大豆芽菜🍢街頭魚糕串串鍋 $146有大同中size選擇中size 有5串魚糕 + 幾片散裝魚糕 同1舊蘿蔔雖然呢款menu上冇🌶 不過魚糕湯底偏辣🐷炸流心芝士豬扒 $72拉芝效果一流略嫌豬扒太薄🥟韓式炸餃子 $685大隻薄身餃子略嫌餃子餡太小呢款要炸好即食 如果唔係 凍左個皮會又林又un🍚吞拿魚拳頭飯 $78住家飯感覺飽肚必點多d芝麻油 會更好食

今日黎到尖沙咀旺區的韓國包車食晚餐，餐廳仿照地道韓國包車小攤檔的設計，非常有特色，令人感覺真係去左韓國甘～餐牌選擇都唔少，但以韓式小吃為主，如果一大班朋友黎食，建議可以點鍋物。餐廳沿用返韓國既筷子同水杯～另外自助點餐之，店員好快奉上2款小菜,大豆芽同泡菜～2款都唔會太辣，好惹味我地一行二人首先點左原味炸雞，雖然係炸既，但咬落口仍然食到滑嫩的雞肉，而且外面的炸粉又唔會太厚，食到成口粉漿，係幾唔錯既！而且店員好貼心甘比埋手套，可以直接用手食，覺得啲炸雞車都零舍好食！拳頭飯，開頭見到個名甘特別就點左，一個個的飯團，入面有紫菜同吞拿魚，食落都幾惹味！年糕餃子鍋都值得推介一下，湯底夠濃味，但又唔會太辣，加埋個辛辣麵食就yummy!

What a surprisingly nice and worth-trying Korean restaurant in Tst which offers good food😍 I enjoy the dinner so much !!! We ate for 1.5 hrs … so jeng 😍 . Worth to give it a try. 👍🏻We found the restaurant is fabulous so we seat in and had super nice catch up . The decoration is full of Korean style ! Seems like I am eating in Korea.Full of ppl seating here on Sunday. There is air-conditioning!First, we ordered this Korean 鍋！有少少似關東煮，不過係韓國版！有腐皮，有魚蛋😝 so yummy ! It’s not spicy ~ Perfect match with

🍽️泡菜炒飯原本以為平平無奇嘅泡菜炒飯，同朋友兩個食咗一啖之後都被驚艷，炒飯好香微辣，配上芝麻油香嘅紫菜碎同埋流心嘅蛋黃，一啖接一啖停唔到🤤🤤🍽️芝士炒雞Omg! 是日最佳，落芝士完全唔手軟，一上到完全搵唔到雞喺邊🤣🤣 呢個相對比較辣，但另一方面解咗芝士嘅膩，我完全會為咗佢再嚟多次😍🍽️五花肉包生菜正常嘅五花肉包生菜😂 五花肉煎得好焦香，又有肉又有菜，幾健康!🤣環境好靚，好適合打卡🥰🥰

超型韓國街頭風既食店。朋友話帶我地去過下韓國癮，估唔到黎到真係好似去左片場咁，真係超型，四圍既佈置已經係好多打卡位。咁熱一坐底就叫野飲先，菠蘿梳打，柚子梳打，味道都好香又夠凍。原本想試佢個街頭小食鍋，但好似招牌炒章魚都好吸引，就叫黎試下先。半份都好大碟，好多章魚。有趣既係啲章魚好爽脆，冇諗過可以咁新鮮，唔會先得制既咬唔開，又唔會太熟會硬，真係爽脆口感。朋友仲話令佢有啲想食生章魚，好搞笑。而且佢係韓式既少少辣，更有風味。炸流心芝士豬扒，唔係講笑，夾起見到個拉絲真係不得了。食落脆口唔肥膩，中間既芝士唔會覺得好油好漏，仲要 好有肉味，係一塊堅好味既芝士豬扒。泡菜煎餅我覺得係韓食必食，佢既泡菜真係好正，脆得黎啲泡菜酸酸辣辣，完全既道地風味。真係令人越食越掛住韓國。場地更令人入戲。食得好開心。

話說好耐近幾日都無咩胃口，見好耐無食韓國菜🤔就係尖沙咀搵左依間，環境又幾有韓國feel🇰🇷膠凳摺枱，仲有幾部洗衣機係牆身做裝飾🫢認真過癮，至於食物種類就唔算好多，一版睇哂，岩哂我依種嚴重選擇困難症既人😈幾經辛苦係眾多推薦款式入面揀左兩款出黎，外加一份炒雞。先黎兩碟前菜，芽菜＋泡菜，韓國既感覺即刻番哂黎🤣✨泡菜豬肉鍋 $146泡菜份量都算多，辣辣地咁超開胃🤪個人唔食得太辣（但鐘意食辣）都頂得順，仲好想飲多d泡菜湯但奈何韓國既餐具…隻匙羹實在太淺，想飲大淡d唯有「不」多幾羹😭至於豬肉就成個腩肉咁超厚身，份量都多，略略估計都係7至8舊👍🏻不過瘦肉同肥膏就略為韌左，咬左幾舊都咬唔開，扣左分😫兩條友食好彩都無加到飯／拉麵，因為份量真係足夠。✨卜卜脆炒豬軟骨拼拳頭飯$142豬軟骨較為薄身少少，同我理想中既豬軟骨有點出入🤔不過味道係唔錯的，調味剛好，同菜式名一樣，好多骨咬，每一啖都卜卜脆😎比較適合鐘意有咬口既人，椰菜則同醬汁十分夾。至於拳頭飯就較為普通，紫菜＋飯素，正正常常🤨✨拉絲芝士韓式炒雞 $128事緣今日就有兩聲咳就決定唔特別嗌炸雞喇，於是嗌左份拉絲芝士韓式炒雞，好彩有嗌，係最好味既菜式😍（但

終於終於去到好多KOL好多YouTuber介紹既呢間韓式包車啦🫣上到去雖然吾算大但就有滿滿既韓氣🫢小編去完都好想即刻買機票飛轉韓國🇰🇷位置吾算多，但似足韓國既大排檔感覺❤️-傳說中的部隊鍋 half $1462個人食個細份其實都好夠，最主要就有腸仔 午餐肉 洋蔥 肉碎等等，食落吾算太辣，小編呢個bb辣級都接受到，另外有一個公仔麵可以自己淥既，如果吾夠仲可以加配飯或者多一個麵😗-三重小食拼盤 $128拼盤分別係薯條 炸芝士同埋炸紫菜粉絲卷，炸芝士係出色既，外脆內流心，超香好食😋紫菜粉絲卷好好食，紫菜炸到脆卜卜而粉絲仲係軟棉棉🤩-芝士泡菜煎蛋卷 $112本身係想食烤五花肉，但遲左冇晒，所以就嗌左個煎蛋捲，蛋皮薄超級多芝士係入面❤️❤️夾埋大量既泡菜，一次過滿足三個願望😋😋-

最近愛上食韓國菜，係Openrice 見到呢間以韓國街路夜攤為主題既餐廳，店舖內擺滿韓國街照既元素，唔係掛畫咁簡單，而真係擺左好多實體既擺設，例如還原洗衣店、雜貨店、髮廊等等，超有特色。 一入門已經有強勁既韓國音樂做背景，座位雖然有少少逼，但同韓國夜攤十分相似。街頭魚糕串串 half $146 呢個係餐廳其中一個招牌菜，鍋入面有幾款唔同既魚糕用竹籤串住，一邊用gas 爐一邊煮住食，好有韓國街頭風味。魚糕入味彈牙爽口，好有魚肉味。鍋裡有一舊煮到入哂味既蘿蔔，完全冇渣，而且清甜入味，好食。甜辣炸雞 half $158 香脆外皮嘅炸雞件食落去無油膩感，亦都冇雪藏味，外皮掛滿甜辣醬作為炸雞嘅調味，甜中帶有點點辣，非常開胃。泡菜炒飯 $88 好有驚喜，炒飯炒得粒粒分明，飯底仲要有鑊氣，泡菜既辣味又剛剛好，好惹味。除咗泡菜之外仲有紫菜、煎蛋、腸仔等配菜，又大份又好味，必食！ 特別一提，當晚去餐廳已經全場爆滿，非常熱鬧，所以如果想去食嘅朋友，記得要預先book枱。

1. 芝士炒年糕超級好食！個芝士一啲都唔求 食落似用咗幾種芝士混合 分量都幾多 個年糕勁入味 辣辣地 泡菜味勁出 煙燻過嘅芝士 配埋辣辣地嘅泡菜勁yummy😋🫶🏻 仲可以拉絲2. 部隊鍋一般 個味道普普通通同出邊差唔多 冇肉食 有啲扣分 影響咗湯底唔濃 因為裏面冇肉所以價錢有啲貴 3. 烤五花肉 正正常常 分量都幾多 唔會太鹹或者太韌都ok 杯嘢飲都正正常常 影相都好好睇總括兩個人食完全夠曬 仲要最後食唔曬拎走 外賣盒唔使收錢 整體我覺得都唔錯 環境靚可以影相之外勁有feel 不過缺點就係個價錢比起出面偏貴

今天與朋友一起到尖沙咀食韓國菜，這次用餐的餐廳環境好像讓人置身於韓國街頭小食店中，讓我們感受到濃濃的韓國風情。首先，一坐下餐廳便送上兩小碟韓式小食。我們品嚐了餐廳的招牌菜之一，部隊鍋。這道菜的主要配菜有公仔麵、香腸、午餐肉、茄汁豆等等，混合了各種不同口感和風味的食材，讓人吃起來非常過癮。在熱騰騰的鍋子中煮熟的公仔麵Q彈有嚼勁，搭配著豐富的湯頭和其他配料，讓人直呼過癮。接下來，我們嚐了醬油蟹配脆脆紫菜。這道菜的蟹肉鮮嫩多汁，而且蟹膏甘香，醬汁入味，搭配著脆脆的紫菜，口感豐富。這道菜不僅好吃，還具有非常高的觀賞性。除了主菜外，我們還品嚐了炸流心芝士豬扒。這道菜的豬扒炸得非常酥脆，口感十分出色。而豬扒內部的流心芝士更是讓人驚喜，讓整道菜的口感更加豐富。最後，我們享用了荔枝梳打這道飲品。這款飲品清爽怡人，帶有淡淡的荔枝香氣，非常適合與辣味較重的韓國菜搭配飲用。總體而言，我們在這家韓國餐廳度過了一頓美味的用餐體驗。餐廳的環境讓人感到非常舒適，服務也十分周到。如果您想要嚐嚐地道的韓國美食，這家餐廳絕對是個不錯的選擇。

週末想同同事happy hour 見到OpenRice呢間有極多好評嘅韓國主題餐廳，建議大家都真係要book定位，餐廳都好full，與韓國街頭小食嘅美食車做主題鐵皮裝修，所以感覺十分地道，仲聽到有幾枱韓國人來幫襯。醬油蟹配紫菜，食韓國嘢點少得要有醬油蟹，我第一次食，生蟹口感像啫喱，但配埋醃製醬油唔會感到任何些腥味。跟紫菜伴吃，口感提升，醬油蟹都鮮甜。推介芝士拉絲年糕，芝士嘅份量，絕不吝嗇，年糕口感煙韌，拉絲效果都10分吸引，啱晒芝士控！煮食叫咗個豬軟骨拳頭飯，飯團混合紫菜一球球咁好得意，豬軟骨都很惹味，份量都唔少有啲辣辣地。吞拿魚煎蛋卷非常有驚喜，一層層嫩滑蛋皮包吞拿魚，爆餡十足，又有層次感，連埋啲沙律醬一齊食好正。再嘆埋個韓國啤酒，猶如置身於韓國一樣。

自己唔係韓國FANS，但個FRIEND好鍾意韓國嘢，就陪佢食呢間hoo韓國包車。入到去好似去咗展覽咁花多眼亂，每個corner都係影相位，都算特別嘅，唔係嗰啲優雅港女打卡cafe，都有少少韓國feel。兩個人叫咗魚糕串串鍋、炸流心芝士豬扒同薯仔煎餅。魚糕串串鍋一路煲住，食到出汗，但味道唔錯呀，魚糕都幾彈牙。炸流心芝士豬扒外層炸粉唔厚，趁熱食仲有拉絲，充滿罪惡感。而薯仔煎餅我自己幾鍾意食，唔食薯餅又唔似薯條，好似煎蘿蔔糕，不過係薯仔版，仲配上酸酸辣辣嘅醬汁，唔錯唔錯。