hoo韓國包車

营业中

休息中

1. 招牌炒章魚 HKD146份量偏少， 以椰菜為主，口感不夠鮮嫩，而且炒得不夠入味。2. 街頭魚糕串串 HKD146份量偏少，有４串及底下有些魚塊，湯頭淡而無味。3. 卜卜脆炒豬軟骨拳頭飯 HKD142口感不是很好，不夠酥脆可口。與炒章魚一樣，拌以大量椰菜，調味都是一樣的。4. 小食拼盤 HKD128份量偏少，各種小食都沒有令我印象深刻，口感和味道都很普通。5. 泡菜煎餅 HKD85泡菜煎餅是一種韓國傳統食品，由泡菜和麵粉等材料製成，口感有點酸辣，搭配上一些蔬菜和調味料可以增加層次。但...入口只食到一口麵糊的質感加帶有泡菜的酸味。十分難食!裝修都十分普通，放幾張摺台就扮韓國地道...摺台是放錯方向，完全是頂腳的。小總結📌份量偏少📌價錢十分進取📌裝修普通📌不推薦

👍🏻泡菜豬肉鍋 $208/大呢間之前IG見好多人洗版， bookmark咗好耐終於去試咗🤪！店員推介招牌菜，五花腩超厚切大舊，脂肪比較多，肥膏爽彈，份量都多本身已經係熟咗嘅，建議滾起咗就食得，避免滾得太耐瘦肉部分變老變韌有大量泡菜，整體味道較濃，泡菜味酸酸地非常濃郁，愈滾愈辣推薦一定要加$15加麵餅，滾到咁上下杰身就可以開始落麵掛晒汁極邪惡，成件事好肥仔😈！味道：8/10性價比：8/10-👍🏻芝士泡菜煎蛋卷 $112極多芝士🤩！蛋卷火候啱啱好唔會過熟，大份厚身中間夾住大量泡菜同芝士，配搭蕃茄醬同沙律醬泡菜大塊爽脆，都幾酸辣無論面頭定係中間都有大量芝士，超級拉絲，而且芝士味都幾出幾鍾意佢表面火炙燒香芝士，味道更有層次😛不過始終比較Heavy，3至4人share會比較好味道：8/10性價比：7/10-👍🏻拉絲芝士韓式炒雞 $128表面嘅芝士同樣經過炙燒，用鐵板熱辣辣上枱芝士下面嘅辣炒雞肉醃得入味，仲有陣陣炭燒香，不過肉質就唔算好滑辣度溫和，主要都係芝士味比較突出用芝士包住辣雞食，又係拉絲邪惡之物，芝士控可以一戰😎味道：7/10性價比：7/10-👍🏻卜卜脆炒豬軟骨拼拳頭飯 $142拳頭飯唔會

餐廳環境設計模仿韓國街頭大牌檔咁，有啲七八十年代既擺設例如電視同韓文漫畫，有feel！食物質素性價比極高，包大家一定食飽，前菜有韓式泡菜，辣得黎好惹味，個人就中意佢唔係好酸，甜辣得宜，至於麻油芽菜就啱我朋友食，因為相對上無咁辣，韓式炸餃子全部即叫即炸，外皮香脆，餡料有粉絲同泡菜，好味道，大力推薦大家食芝士泡菜煎蛋卷，超濃郁芝士味，一切開就有流心蛋漿，滑溜溜搭埋泡菜芝士一啖咬落去，好好食呀，主菜我哋則點左卜卜脆炒豬軟骨拼拳頭飯，麻油紫菜飯永遠係最好味，豬軟骨份量多一定夠拌飯，飲品就推薦荔枝梳打同韓國特色甜米漿，食完辣嘢飲番杯梳打好舒服😋😋

平時去開尖沙咀既韓國街食韓國野，無發現原來係厚福街都有一野好出面既韓式餐廳。呢間叫韓國包車嘅餐廳係樓上鋪，一入到去發現佢裝修好特別好得意，都係韓國街頭嘅裝修，仲有幾部既洗衣機，諗起唔少韓劇都有洗衣機店做背景既鏡頭，坐喺入邊食飯，特別有感覺。餐廳主打韓國街頭食物，我叫咗我最鍾意嘅部隊鍋，朋友就叫左章魚。部隊鍋叫咗半份，有一個公仔麵，入面既料就好多，啲腸仔同午餐肉食極都食唔完。章魚份量都唔少，不過兩樣野加埋成$370，以午餐黎講，價格偏高，始終一份錢一分貨。

今日朋友說想吃韓國餐，剛好網上見到這間餐廳的環境好特別，便來了這裡吃午餐。入到去見到係似韓國街頭。還有韓國漫畫。睇落真係有d似去左韓國街頭，好特別。原味炸雞🍗半份（$152）：炸得非常香脆，熱辣辣好好食。非常滋味。雞肉又好鮮嫩，一點都不會韌。懷舊五花肉（$152）：五花肉好香口，咸咸地又幾好食，唔會韌，然後都可以用生菜包著吃，點埋醬，口感更加豐富，唔錯。生菜又新鮮，幾好食。薯仔煎餅（$82）：真心推介，真係好好食，佢係落單後馬上整，因為我望到廚房果到整煎餅，係好煙韌，然後薯仔個味又好夾，一點都不會覺得溜。柚子梳打（$38）：清爽得尼又唔會太甜，幾好飲。叫到成枱食物真係好滿足。環境幾特別，會考慮再來。

今日放咗工約咗朋友去尖沙咀食韓國嘢，朋友一早已經book mark咗呢間hoo韓國包車，餐廳位於好多食肆嘅厚福街，喺藍馬商業大廈嘅22樓，一出電梯就見到餐廳，餐廳好有韓國街頭布帳馬車的感覺，啱晒啲上班族放咗工過嚟聚餐或者吐苦水。我哋叫咗一份泡菜煎餅同招牌炒章魚，仲有半份甜辣炸雞&半份街頭魚糕串串，仲有兩杯嘢飲。泡菜煎餅同招牌炒章魚都好惹味，泡菜煎餅仲配埋一啲甜甜酸酸嘅醬汁，好開胃，會令人忍唔住一啖接一啖咁樣食落去！另外，魚糕串串雖然淨係叫咗半份，但係份量都好充足，除咗有五串魚糕，仲有一啲散裝嘅喺個煲入邊，魚糕好好味，夠晒彈牙👍🏻最後就係每一次食韓國嘢都一定要叫嘅甜辣炸雞，炸雞嘅甜辣醬都調得唔錯，不會太辣。

Book 0830，因為上一枱遲走所以遲左入座😀不過都唔緊要，但8點5X分話last order 😐舖頭收10點但9點就last order會唔會太早😅咁不如唔好開放8點半 booking 啦🤷🏻‍♀️🤷🏻🤷🏻‍♂️🤷🏻‍♀️🤷🏻🤷🏻‍♂️叫左4樣嘢招牌炒魷魚少到吃了個空氣，另外無預計過係有生既椰菜泡菜煎餅唔脆一夾即散似蒸多過似煎魚高湯最正常，嗌貨返黎好難唔好食一雞兩味炸雞港式炸粉，勁厚粉，甜辣醬又稀，CP雞翼都好過佢呢間真心唔會再去🙃裝修靚有打卡位都要啲嘢好食先得嫁嘛🤷🏻‍♀️

有一晚同閨密聚餐 去左食韓國菜開頭因為餐廳環境吸引左去！但係🥹🥹🥹食物質素一般 過一般。。。🔖阿珠媽炒年糕 HKD72🌕🌑🌑🌑🌑勁失望 個汁一啲都貼韓地又唔太甜 又唔太辣完全唔知佢個汁想點😂年糕質地又煮得唔好 無咩咬口覺得年糕同個汁唔太融合配料唔足 魚糕得幾塊🔖紫菜飯卷 HKD72🌕🌑🌑🌑🌑好乾！芝麻油 嘅味 完全唔夠我覺得韓式飯卷精髓應該係要夠芝麻香🥲但佢完全無～～入面啲料 都好淡味🔖招牌炒章魚 HKD138🌕🌘🌑🌑🌑以為寫得招牌 都安心啲但其實都唔係😂😂😂睇嚟我高估左？個汁同年糕一樣唔太甜又唔太辣 唔知佢想點啲章魚份量都多嘅但係我覺得有個麵配搭 會更好食

餐廳以韓國街頭攤檔常見既食物為賣點，除左炸雞、煎餅，有少見既辣鍋鍋物辣炒餸菜等。未入餐廳已經聽到好澎湃既韓田流行歌曲，非常有氣氛。而且裝潢以韓國街頭攤檔為藍本，大量打卡位置。卜卜脆炒豬軟骨拼拳頭飯($142)，必點，少有既餸菜。豬軟骨脆卜卜，軟骨位會硬身dd，肉部位就軟林，帶微辣，反而前菜泡菜辣過尼碟菜好多～所以尼個係bb辣。醬汁調味唔會濃烈到要不斷飲水，下酒菜一流。拳頭飯芝麻油香味濃郁，有4大件，握得夠實，唔會鬆散。街頭魚糕串串($146)，半份有5大串，有小爐一直煮熱，keep住暖食。魚糕湯暖入心，清甜，飲個不停。湯底仲有大量魚糕。而大大塊既入味蘿蔔，煮到好軟林，輕輕一切就分開到。炸流心芝士豬扒($72)，炸皮薄又脆，完全唔油膩，亦唔覺得熱氣。豬肉口感好鬆化，每啖都係芝士味～趁熱食拉絲效果好靚。熱情果梳打($38)，清爽，配搭辣食最適合不過。酒類飲品都有超多款，柚子牛奶樂($68)，少見。米酒混入柚子粒，甜甜地易入口，牛奶令整杯飲品口感更幼滑。整體，侍應好有禮貌，食物仲要好食，係韓國街頭小食+下酒菜，性價比高。氣氛、食物味道冇得輸。

🇭🇰✨尖沙咀偽韓國街頭路邊攤🇰🇷好一段時間冇去尖沙咀厚福街食飯，藍馬大廈真係超多嘢食，今次去咗22樓嘅韓國餐廳🇰🇷餐廳以韓國街邊路邊攤為裝修主題，懷舊風擺設加上昏暗燈光，真係神還原韓國新沙洞夜晚嘅大排檔🤩 🌃懷舊烤五花肉配生菜 ($152)，五花肉嘅份量真係幾多，所以我哋後尾再加添咗一份生菜 ($15)🥬泡菜煎餅 ($85)比較軟身，唔似其他餐廳會落比較多粉漿，建議沾一沾醬汁中和原本煎餅嘅微酸🥢紫菜飯卷 ($76)帶少許麻油香，飯偏軟腍🍚📍 hoo韓國包車 (尖沙咀)尖沙咀厚福街12-12A號藍馬商業大廈22樓

星期五六7:00嚟到呢間餐廳已經差唔多滿座！呢間餐廳裝修好特別，有韓國街頭復古氣氛！✨ 一雞兩味：醬油/甜辣炸雞醬油味唔算好鹹，味道剛剛好！甜辣味佢唔算好辣而且份量非常之大！啲雞肉一啲都唔乾、啖啖肉！同埋唔使驚啲炸粉好熱氣，因為韓式炸雞呢一款係醬汁會覆蓋住啲炸粉！一次過食兩種口味，唔怕選擇困難症！仲有提供手套添！✨ 街頭魚糕串串見到好似枱枱都叫呢樣！所以我哋都心郁郁叫咗嚟試吓！街頭魚糕串串好得意，食落有啲似魚蛋或者煎釀三寶上面啲魚膠！個煲煲住佢好有風味！湯底有少少胡椒味！魚糕串串放喺湯底越耐，會吸走湯底的胡椒湯！✨ 熱情果梳打幾大杯，好清爽！呢間餐廳係用QR code 落單好方便！同埋星期六夜晚見到好多人嚟walkin 未必有位置，所以最好就預先book定！

K-pop盛行 估唔到係香港都搵到咁韓既餐廳🇰🇷餐廳以韓國懷舊街景作背景，小食攤檔廚房、洗衣房和霓虹燈等作主題，岩晒打卡📷同其他韓式餐廳一樣，一坐低就有前菜（芽菜同泡菜）有需要可叫店員refill街頭魚糕串串（中）$146呢個枱枱必叫🤣一食就勾起我去韓國冬天旅行係街邊食魚糕串嘅情景☺️以gas爐奉上，份量十足而且熱辣辣，入面大概有5-6串魚糕，入面仲有魚腐、蘿蔔、大蔥等薯仔煎餅 $82泡菜煎餅同蔥煎餅大家都食得多，薯仔fans想推薦大家試吓薯仔煎餅，煙煙韌韌而且有滿滿煎到脆嘅薯仔🥔再配上佢既醬汁更顯風味弘大烤腸 $122食大排檔點可以唔食有鑊氣既菜色伴酒😌烤腸有好多洋蔥一齊炒，烤腸冇異味，而且小小辣，同朋友忍唔住食完一舊接一舊🤣黎到點可以唔飲啤酒！！試咗熱情果啤酒同蜂蜜啤酒比較推介熱情果啤酒，酸酸甜甜

上次去韓國太凍無機會食街邊大排檔，估唔到香港有偽韓國街邊大排檔，可以唔怕溝通不良，又有冷氣嘆住食。個環境暗暗地又有霓虹燈光相伴下，感覺令人好放鬆，唔使就住就住咁，好啱一班人一齊瘋狂吹水。韓國料理，當然要叫街頭魚糕串串，我地就叫咗份M size ，除咗一串串魚糕，仲有幾款扁身少少魚糕，同埋蘿蔔。份量啱啱好，每款都有2件，雖然個湯底比較淡但最少無咩味精👍🏻。重點係有個gas爐一直可以加熱，可以熱飲住個湯。半份嘅甜辣炸雞，真係切件個啲雞而唔係只有雞翼，雞髀嗰款，啲肉質相對滑身，唔會over cook 。泡菜煎餅，屬於比較薄身，煎得比較脆身少少，唔會一食落口就食緊麵粉嘅感覺，個朋友一個食晒咁滯。🤣招牌炒章魚，酸酸辣辣嘅醬汁好開胃，啲章魚🐙腳係粗身個款，而且都好彈牙，易咬得開，配埋啲菜會不知不覺食晒咁滯。

網上見到呢間韓國餐廳環境好有韓國街頭味道 於是去吓打卡去到果然係好多打卡位！好有feel 好地道！最特別係裝修到張枱係鐵閘門口咁🤣幾得意前菜有芽菜同埋泡菜 泡菜都幾辣見隔離枱點魚糕串 用不鏽鋼鍋上幾吸引 但友人唔係好鍾意食魚糕 所以最後叫咗芝士炒年糕$86同埋紫菜飯卷$76 價錢尚算合理 芝士炒年糕只係微辣 芝士有得拉絲 都唔錯 年糕係長條型個隻 好有咬口 不過可以再辣啲 紫菜飯卷都多餡料 有紅蘿蔔醃蘿蔔蛋青瓜同火腿 飯卷包得算實 唔會一夾就散～ 見隔離枱叫部隊鍋好正咁 但我地覺得平時都容易整到 所以無食🫣

環境夠晒韓式街邊檔feel🇰🇷 本身諗住都係食環境多，冇對食物有太大期望，點知樣樣嘢食都好好味😳 🍢 街頭魚糕串串(中) $138有個韓式銅鍋滾滾吓，未食先+30分😆 魚糕串索滿湯汁，軟滑又鮮甜，仲以為真係得五串，點知原來鍋入面仲有唔同形狀嘅魚糕同蘿蔔🤣 個湯甜得嚟有少少辣，食到口乾時，可以飲兩啖潤一潤口😋🥔 薯仔煎餅 $76明明只係好簡單嘅材料，但都好好食🤯 對上一次食到咁驚艷嘅香脆煎餅，可能已經要數到六年前去日本旅行，食烤肉套餐嗰陣嘅其中一份配菜🥲🐓一雞兩味（原味拼甜辣炸雞）$198超·級·脆🥺 每啖都咔嚓咔嚓，肉嫩多汁，調味又好，即使攤凍咗都仲好好味，牙肉表示痛又何妨😤 （淨係鍾意食原味，所以冇試甜辣，但我估應該都唔差）🐷 懷舊烤五花肉 $138點芝麻油食/韓式辣醬食都惹味，豬皮有少少韌，包生菜食冇咁油膩之餘，個儀式感亦令人滿足🤓🌯 炸紫菜粉絲卷 $52基本上有調味，又夠脆就冇得輸，主要係過吓香口癮咁，下次幫襯可能就會留quota 試其他菜式🤣🍶 原味Milky米酒 $65近年食飯多咗試唔同嘅酒，但除咗啤酒之外，都係唔太捱得苦，所以甜甜哋，或有果味就最好，呢隻甜中帶苦，仲有牛奶香