hoo韓國包車

营业中

休息中

📍hoo 韓國包車 - 尖沙咀厚福街由於訂左枱，一入去就即刻有枱唔洗等，平日夜晚去到都爆晒場。環境就係模擬反韓國啲包車地攤式咁嘅，有埋舖頭門口嘅鐵閘，好似真係係街邊食緊野咁🤣旁邊比你放野嘅仲要係裝汽水個兜，都好有特式，之前係香港都無試過去到坐底用qr code叫完嘢食，邊食邊等😋野食都上得好快☺️Free嘅前菜 (泡菜加芽菜)⭕️傳說中的部隊鍋 - Half ($146) 加芝士部隊鍋就都係部隊鍋嘅料啦，都係大量蔥、腸、午餐肉半份部隊鍋就包左1份麵🍲上菜嘅時候，店員仲溫馨提示左要等10分鐘搞下先食得⭕️懷舊烤五花肉配生菜🥬 ($152) 另加生菜🥬每份$15超級超級多五花肉🤣對比起其他地方食落加埋佢個醬汁都唔算好油膩🫶🏻薯仔煎餅($82)咁多樣食物，我最鍾意係薯仔煎餅岩岩煎起仲熱辣辣脆脆地，食落去仲食到1條條嘅薯仔絲🥤荔枝梳打 配心型飲管 ($38)Menu:

唔知大家有冇去過韓國食街頭大排檔，想回味嗰種風味，一定要嚟到韓國包車裝修好地道，算唔上好grand，但有大排檔味道吞拿魚芝士蛋捲$108芝士蛋捲有拉絲效果，吞拿魚包喺裏面好rich 蛋捲外層偏乾，但裹面充滿蛋汁街頭魚榚串串$146魚榚煲超大鍋，兩個人食唔曬湯式落左少少胡椒粉，所以會辣辣地紫菜飯卷$76飯捲超大份好抵食，韓底飯捲材料都系個幾樣比較札實，容易有飽肚感，記住要同人share 荔枝梳打$38爽杯好抵飲

餐廳裝修模仿韓國布帳馬車同路邊攤✨氛圍適合一大班朋友放工後飲返杯，放鬆一下～～懷舊烤五花肉💰152五花肉肥瘦比例剛好，有嚼勁。用生菜包住五花肉，加埋蒜同泡菜，再點燒肉醬～perfect✨卜卜脆炒豬脆骨拼拳頭飯💰142炒豬脆骨係韓國下酒菜代表😚 辣辣的愈咬愈香、愈食愈過癮～～覺得太辣就配埋用芝麻海苔搓成嘅拳頭飯👍🏻街頭魚糕串串（M)💰146個人比較情有獨鍾魚糕湯，所以係我必點之一😚 就算夏天都要飲返啖熱辣辣嘅湯😆 魚糕QQ，白蘿蔔好腍好入味。醬油炸雞（半份）💰158呢個十分推薦🌟🌟🌟炸到脆卜卜之後均勻淋上醬油，上碟🤭炸雞勁入味阿😋外皮微脆，入面肉質juicy ，重點係食晒都唔膩👍🏻👍🏻有埋即棄手套就唔怕整污糟隻手啦😎熱帶雨林💰68夏日的風💰68食韓國野唔少得飲返幾杯燒酒，唔太飲得嘅朋友仔可以揀cocktail🍹清新易入口。

好食評價：🌕🌕🌕🌗🌑CP值：🌕🌕🌕🌑🌑•街頭魚糕串串(M)• $146必點🔥🔥🔥雖然M size 算多魚糕！湯底有好濃嘅胡椒味 辣辣地冬天熱食一定好正！•卜卜脆炒豬脆骨 拼拳頭飯• $142呢個同個名一樣 真係好脆第一次食豬脆骨 有啲似食豬軟骨咁幾得意 送酒一流！個拳頭飯 份量幾好 又唔會太多太少幾得意！•薯仔煎餅• $82煎到好香！個面同底都係脆！好香口！簡簡單單都好好食！薯仔味夠喎 真係有薯仔！•芝士炒年糕• $86大推🔥🔥🔥芝士好多！滿曬咁濟！仲要係有燒過嘅芝士！年糕甜甜辣辣 配芝士食真係好滿足！•一雞兩味(甜辣, 醬油)• $228要用手套食嘅炸雞好多肉！舊舊都好大舊！甜辣味會好食過醬油味！好夠飽呢個！•招牌炒章魚• $146又係送酒必點🔥🔥🔥章魚都好多 唔會咬好耐先食到口感好唔錯！！！有埋啲椰菜食下 好似幾好！•泡菜炒飯• $88呢個真係好辣好辣但味道又幾好食！不停食！好過癮😂😂😂P.s. lunch時間會少人啲 咁就可以同朋友打到卡

好耐冇去韓國旅行，真係好掛住韓國嘅街頭小食！🇰🇷 尖沙咀呢間韓國餐廳，無論係環境定菜式，都令人好似置身喺韓國嘅路邊攤咁，真係好有風味！🤤✨ 芝士泡菜煎蛋卷蛋卷好柔軟，內餡係滿滿嘅拉絲芝士同泡菜，絕對係邪惡之選😍✨ 薯仔煎餅 煎餅好薄身而且香口，係一流嘅佐酒小食～✨ 小食拼盤 比想像中大份，有炸紫菜卷、炸芝士條、薯條，三款炸物都好好味，最鍾意炸紫菜粉絲卷外脆內軟嘅口感～😋✨ 傳說中的部隊鍋我哋叫咗半個鍋，估唔到好多餸，午餐肉嘅份量仲多過公仔麵😂 仲有好多腸仔、泡菜等等～✨ 熱情果梳打/ 柚子梳打水果梳打味道清新，最緊要係夠氣～😚

要說韓味十足既感覺就來尼間hoo韓國包車，裝飾都係韓式霓虹燈加韓式場景，而桌椅更用韓式路邊深宵食堂既感覺。佢仲有限定晚市菜式，有醬油蝦蟹四重奏等好多美味料理。下次一定再試下佢招牌炒章魚辣炒章魚有韓式感覺，就好似係韓國食既一樣。卜卜脆炒豬脆骨 拼拳頭飯炒脆骨真係好香好下飯啊，而佢拳頭飯係由紫菜飯包整，唔係自己整真好。醬煮辣雞腳鍋尼個絕對係驚喜之選，慢慢煮到醬汁濃稠就可以食，韓式辣醬包裹既雞腳真係太美味，唔多啦但好上頭，雞腳骨脆軟糯，真係食唔停，份量都好多😆梨汁係有梨粒係度既，唔算好甜。甜米漿甜甜米漿第一次飲，都好特別。

⌇h o o韓 國 包 車“ 🥘“ 街頭魚糕串串 ( $ 1 6 1 )餐廳signature既魚糕串煲 份量半份有都5大串 非常厚身有個爐一直煮熱keep住暖胃 魚湯清甜暖入心 食完仲可以飲埋啲湯 湯底亦有超多魚糕 而大大舊既蘿蔔 煮到好淋好入味“ 🐙 “ 招牌炒章魚 ( $ 1 4 6 )章魚 椰菜同紅蘿蔔炒埋一齊配埋韓式辣醬炒得好惹味 甜甜辣辣 非常地道既下酒菜 彈牙有口感 份量非常足夠“ 🍳“ 芝士泡菜煎蛋卷( $ 1 1 2 )芝士蛋卷實在係冇得輸 裏裏外外都充滿住海量既芝士 襯熱食芝士仲會拉絲 蛋味仲好濃郁 非常滑 內餡滿滿既泡菜 非常解膩 口感豐富“ 🐓 “ 辣辣無骨雞腳 ( $ 1 1 0 )無骨雞腳 非常方便 味道少少辣 作為下酒菜岩曬“ 🥛 “ 柚子牛奶樂( $ 6 8 )酒類飲品都有好多款 米酒混入柚子粒 甜甜地幾fresh容易入口 酒味吾會太濃太啃 餐廳以韓國街頭攤檔既食物為賣點 入到去就好似置身韓國街頭攤檔 大量打卡位啊 裝修花左吾少心思 加上韓風音樂 好有氣氛Hoo韓國包車🍜尖沙咀厚福街12-12A號藍馬商業大廈22樓🍞#foodraah_tst

韓國包車以地攤為主，餐桌方面都是以摺檯膠椅子為主。牆身更擺放了以前的洗衣機、雜誌、漫畫、玩具、髮廊等。先來一碟泡菜和芽菜。卜卜脆炒豬脆骨拼拳頭飯＄142拳頭飯加了紫菜和芝麻磋成圓狀，小編都要分兩至三次吃，飯配泡菜和豬脆骨一起吃，口感特別豐富。豬脆骨看似好辣，味道甜而不辣。豬脆骨非常有咬口，配有梛菜。招牌炒章魚＄146醬汁類似豬脆骨，都係以梛菜作伴碟，章魚口感彈牙。紫菜包飯(＄72)大大舊紫菜包飯，餡料豐富，有酸瓜、青瓜、泡菜等，入口清新。餐牌如下。

係Lamma building 22樓有間韓國餐廳，聽講裝修好有特色，好在有book位，如果唔係去到要等，仲要陸續都有人嚟～一打開門就好似去咗另一個時空，瞬間去咗韓國嘅大排檔，啲裝修見到好花心思，好多霓虹燈同埋古舊嘅裝修，睇見已經心情大好，真係好靚好有feel😍味道方面，一坐低就有兩碟小菜，可以俾您慢慢等，一路食一路聽住韓國歌，真係好似置身韓國一樣👏🏼招牌炒章魚Mix拳頭飯拳頭飯比較特別，用飯素同埋紫菜mix一齊，圓圓咁🙈兩啖就食一個😂特登叫嚟配搭椰菜炒章魚，章魚🐙就比較辣，加埋泡菜/椰菜同埋飯一齊食，就啱啱好。不過唔係好食得辣嘅人始終都覺得有啲太辣🙈醬油炸雞叫咗半隻，細細個碟入邊裝咗五六嚿炸雞，店員好好咁比埋手套🧤一啖咬落去，爆汁，真係非常juicy！啲肉非常鮮嫩，要小心熱同流汁！當然要配合韓國蘿蔔，酸酸甜甜食晒一碟都未夠😂呢個炸雞好有驚喜，一啲都唔乾身。地方唔會好大，更加有喺韓國食攤檔嘅feel，再一次讚讚裝修方面真係一百分💯

尖沙咀有好多韓國餐廳，最近朋友搵左間裝修超復古既韓食試下，由於店舖唔算好大，好彩book左位去到就有得食。去到現場氣氛好好，好似真係去左韓國大排檔咁樣，每個位都有唔同既打卡位，超打卡able~我地見好多枱都會叫一鍋鍋，所以我地打開個menu 就直奔去鍋物區．街頭魚糕串串(半份)$146 + 拉麵$15超有風味地用上gas爐熱住啲魚糕，而且半份既份量一啲都唔少，已經足夠兩個人食；湯頭都唔會好重味精味，食完唔會好口渴，加拉麵吸左啲湯有少少似食部隊鍋，成個感覺真係好似冬天去左韓國街頭掃街一樣。．炸流心芝士豬扒 $72CP值超高，豬扒大大塊，炸粉唔會好厚而且炸到卜卜脆；芝士份量都好十足，就算放耐左都仲有拉絲效果同埋唔會好油膩，如果配埋白飯應該一流呀．招牌炒章魚 $146又係有個推介手指公，章魚仔炒到好爽口，微微既辣度適合，連唔多食辣既朋友都handle到~．粒粒提子汁 $20以為會係平時韓國餐廳既罐裝飲品細細罐，但原來係大大杯既即沖飲品都算係誠意之作

餐廳用QR code 下單 下單後會奉上前菜泡菜及芽菜一小碟😋🍽️薯仔煎餅 $82薯仔切絲煎成薄餅 帶少少煎香脆感之餘 又有少少軟糯口感 跟配之醬汁帶酸 非常開胃解膩作為薯控的我 蠻喜歡這煎餅😋🍽️醬油炸雞（半份）$158炸雞均勻地沾上醬油 醬油味道調得剛好 炸雞外脆內嫩滑 肉汁很juicy 跟配的醃蘿蔔酸甜適中 解膩一流🍽️泡菜豬肉鍋 $146 +拉麵 $15不能吃辣的要做定解辣準備 厚切油脂滿滿的豬腩肉及拉麵 配上份量十足的泡菜湯底 辣味洋溢四起

打卡必去餐廳😍一打開門已經哇一聲，因為入面嘅裝修好有心思，每一個各落都有唔同嘅場景，例如係理髮店、洗衫舖，仲有漫畫區！成個氛圍都係營造復古feel😍餐枱用以前舊時嘅枱枱凳凳，加埋背景好澎湃嘅韓國K-Pop，收工過嚟食嘢真係唔錯！除咗裝修之外，當然嘢食都好食啦😋甜辣炸雞(半份)HK$158炸雞皮脆肉嫩，醬汁酸甜辣香，食落非常開胃！無論係同朋友傾計，定係飲酒小食，呢道甜辣炸雞一流招牌炒章魚 (HK$146)呢道炒章魚係鐵板上，開頭望落覺得個份量好似唔算大，但食下食下就發現其實岩岩好，多左反而會有啲漏。佢個火候岩岩好，口感爽彈，加上鐵板嘅獨特風味，正！泡菜煎餅 (HK$85)正常嘅泡菜煎餅，食落帶有微微嘅酸辣風味，佢煎到少少濃濃地，勁香口😋快速食晒如果下次再黎食，我諗我會想試埋佢地嘅魚糕湯，我見個個都點！好似好正咁😝

今次係去慶祝朋友生日，一入到去就俾咗個蛋糕佢哋，佢哋問我哋$100切餅費o唔ok，我哋都話ok。但最終我哋行出去叫staff上蛋糕嗰陣，隔咗一陣佢竟然連埋我哋放蛋糕個袋成個拎返出嚟，同我哋講你哋用餐時間準備過，你哋介唔介意出去其他地方食。一講完個staff即刻轉身走。大佬尖沙咀喎，唔係屋企樓下啲餐廳喎，無啦啦揾邊到食蛋糕呀？我一早同你哋講咗會食蛋糕，差唔多夠時間嘅話係咪應該嚟提一提我哋仲有個蛋糕未上，而唔係直接趕我哋走？非常掃興，極差用餐體驗，而且嘢食都好一般，一定唔會再幫襯。街頭魚糕串串冇乜特別，但食到尾非常咸紫菜飯卷一夾起成嚿散晒，冇卷實，而且成嚿嘢係冇味嘅

今日黎到hoo韓國包車新既分店，新店裝修以韓式機舖為主題，例如籃球機、跳舞機，真係不少打卡位。野食方面，我同朋友叫左黑松露芝士炸醬拉麵配煎蛋，一上菜店員仲好窩心提醒我地要撈隱先食，估唔到黑松露配炸醬係咁夾，忍唔住一啖接一啖食，非常創作嘅食法！另外當然唔少得韓國炸雞，我地叫左岩鹽香蒜牛油醬，炸雞仲跟埋炸薯格，炸雞同薯格都炸得好香脆。最後叫左釜山-國民炸五花肉，當然要將五花肉夾埋生蒜同埋生菜一齊食，正，十分推介～

上菜速度非常慢 食物一般 整體感覺一般 餐廳裝修 還好 但是上菜速度要有所提升 咁大間舖頭 得一個廚房仔 點樣做生意呀 好心請多幾個廚師返嚟煮嘢啦 菜色選擇都算多嘅 不過餐廳音樂有啲大聲