hoo韓國包車

营业中

休息中

超型韓國街頭風既食店。朋友話帶我地去過下韓國癮，估唔到黎到真係好似去左片場咁，真係超型，四圍既佈置已經係好多打卡位。咁熱一坐底就叫野飲先，菠蘿梳打，柚子梳打，味道都好香又夠凍。原本想試佢個街頭小食鍋，但好似招牌炒章魚都好吸引，就叫黎試下先。半份都好大碟，好多章魚。有趣既係啲章魚好爽脆，冇諗過可以咁新鮮，唔會先得制既咬唔開，又唔會太熟會硬，真係爽脆口感。朋友仲話令佢有啲想食生章魚，好搞笑。而且佢係韓式既少少辣，更有風味。炸流心芝士豬扒，唔係講笑，夾起見到個拉絲真係不得了。食落脆口唔肥膩，中間既芝士唔會覺得好油好漏，仲要 好有肉味，係一塊堅好味既芝士豬扒。泡菜煎餅我覺得係韓食必食，佢既泡菜真係好正，脆得黎啲泡菜酸酸辣辣，完全既道地風味。真係令人越食越掛住韓國。場地更令人入戲。食得好開心。