hoo韓國包車

营业中

休息中

上星期六去咗「hoo韓國包車」食飯，真係好正呀！😋 「hoo韓國包車」係一間位於尖沙咀嘅韓國餐廳，環境裝修充滿韓國街頭氣氛。入到去，就好似坐喺韓國街頭小店嘅氛圍，而餐廳嘅服務員都好友善。🏮「甜辣炸雞」，呢個炸雞外脆內嫩，淋上甜辣醬汁，咁正呀！雞肉嘅口感好juicy，每一口都帶點微辣同甜味，真係令人回味無窮！🍗🌶️「泡菜炒飯」，真係好香好入味！炒飯加上大量紫菜，好正👍🏻 炒飯嘅米粒粒分明，每一口都飽滿咁，加上泡菜嘅酸辣味道，令味蕾嘅感受更豐富。炒飯入面仲有啲蔬菜同埋肉碎，增添咗口感同層次感，食完一碗真係飽足又滿足！🍚🍛「紫菜飯卷」，好適合當作開胃菜或者輕食。飯卷入面包咗新鮮蔬菜同埋韓國米飯，再卷上紫菜海苔，每一口都帶點脆脆嘅口感，同時又有淡淡嘅鮮味，真係好開胃，令人食得一口接一口！🍙🌿總括而言，「hoo韓國包車」係一間值得去嘅韓國餐廳。佢哋嘅菜式豐富多樣，味道正宗，份量夠足夠飽肚！環境特別，適合同朋友一齊嚟享受美食嘅好去處。下次再去，我一定會再試下其他嘅菜式！🍽️👍

厚福街貴為尖沙咀眾多好味食店既地方，好多都好難Walk-In，呢間野都要預早Book定較好，因為我坐低果時望到好多人上到黎都冇位要去第二間，好在有Book咋！ 佢唔係地舖，要係Lamma Building 搭Lift上22樓，開門入到去，嘩，個Decoration盡量呈現返韓國地踎檔攤既感覺，霓虹燈加上古舊既裝飾，每一幅牆都可以做背景去打咭，場內所見，得一成係男仔，九成都係潮既女仔客，個人覺得帶女仔黎食，尤其鍾意K Pop, 韓星韓劇果啲就岩哂數。至於野食方面，佢味道偏向大牌檔既濃味，唔怕，飲多兩杯水沖返淡又可以繼續喪食，餐前小食已經有開胃既芽菜同泡菜，辣度適中唔食辣既人都唔怕薯仔煎餅$82將薯仔切成條狀，同塊餅一齊煎，配上獨特既醬料，作為前菜起到開胃既作用，Size兩個人食岩岩好卜卜脆炒豬脆骨拼拳頭飯$142拳頭飯係用味素加紫菜磋成圓狀，男仔一口還好，女仔就要分兩至三次食了，將飯撈埋泡菜或者豬脆骨，食物會變得更好味，而豬脆骨的確塊塊都有咬口，配上梛菜中和，感覺很好招牌炒章魚$146醬汁類似豬脆骨，都係以梛菜作伴碟，但係章魚口感非常好，彈牙得黎滑嫩，好有咬口，我鍾意

倒數去韓國日子太辛苦，食返餐Pre-trip 韓菜先。黎到尖嘴勁有feel嘅韓國餐廳，感覺身處鐘路嘅布帳馬車 Pojangmacha。菜式好適合下酒同埋share食，首先必食拉絲芝士韓式炒雞。連鐵板上，熱騰騰，趁熱食有芝士拉絲。雞扒好滑，唔會煎到乾晒。真係好邪惡。另外點咗卜卜脆炒豬脆骨拼拳頭飯，豬脆骨口感脆卜卜，連炒蔬菜同飯團食好感豐富。注意：呢個係微辣。小食點咗芝士泡菜煎蛋卷。煎蛋卷有蛋汁，配芝士一流。泡菜口味每間唔同，呢度偏酸。酒方面，原本想飲米酒cocktail，可惜買曬，結果轉試自家調製嘅朱古力啤酒。味道好特別，入口先係麥味，之後有朱古力味作後調。而熱情果啤酒就相對甜啲，更易入口。食完更期待韓國之旅。

店舖不大，枱與枱之間距離很窄，或者直接幾張枱拼在一起，有搭枱食飯的感覺😶 可能是模擬夜攤搬進室內的樣子吧~🐟街頭魚糕串串熱門餐點之一，可以看著魚糕慢慢在湯底滾熟👀 魚糕微辣，熱吃不錯，但沒有特別驚艷啦~🐷炸流心芝士豬扒表面炸至金黃色，淋上醬油，入口有外酥內軟的效果，芝士拉絲力不俗哦✨🐔原味/甜辣炸雞甜辣味較討喜，可惜兩款炸雞炸粉較多，雞腿之外好像沒什麼肉肉可以下肚🥺 🍺熱情果啤酒/柚子啤酒兩款啤酒不太喝得出分別在哪裡，果味略為不足😛 冰涼感解膩不錯~

今日放假和朋友去尖沙咀行街，朋友提議去附近的 Hoo 韓國包車吃韓國料理！仲話 Hoo 最近很火🔥咁就一定要去啦😉食肆位於尖沙咀厚福道12-12A號藍馬商業大廈22樓！ 尖沙咀港鐵站B2 出口行3分鐘就到，十分方便👍餐廳以韓國街頭大牌檔為主題！啱哂一衆韓迷，無論係韓劇迷或K-pop 迷，這裏一定讓你們滿意♥️ 一入內已响起至heat K-pop 加上的懷舊復古裝修，令人置身韓國的街頭😆 有舊理髮工具, 古舊衣車, 舊洗衣機等！ 我最欣賞是懷舊的漫畫，真的很有心思💜 喜歡打咭的 粉絲們，快來啦！先來個街頭魚糕串串🍡 這是韓國的著名街頭美食！有睇韓劇就知😉 這個跟爐上，夠熱又入味！半份都有5大串，魚糕鮮軟有咬口，蘿蔔入味又林，很好吃💯 湯底都好好味，我們加了一個拉麵，爽口彈牙👍特色美食懷舊烤五花肉是必吃的🐷 配上爽口生菜，生蒜片和特製醬汁 ，每一啖都係超滿足😀 我們還來了一瓶韓國的枝裝啤酒 Terra🍺第一次飲，好清新，不錯😊這間韓式懷舊大牌檔食肆，真係好有特色，恍惚置身韓國的街頭，甚至韓劇中😆 推介你們😚 一定要來試試😘

近排掛住韓國街頭夜攤小食，所以去咗呢間位於尖沙咀嘅hoo韓國包車，順便打下卡！😍呢間餐廳裝修幾特別，要懷舊韓國街邊檔為主題，有洗衣店、雜貨店、飛髮鋪等，配合紫色燈光，幾有特色，打卡一流！我哋兩個人叫咗紫菜飯卷、半份甜辣炸雞同埋街頭魚糕串串(M)。紫菜飯卷呢款韓式紫菜飯卷總共有10舊，裏面有午餐肉、醃黃瓜、蛋絲、蔬菜等，份量都幾多，味道ok，絕對夠飽！半份甜辣炸雞甜辣炸雞，肉質都幾嫩，配上甜甜辣辣嘅醬汁，鍾意食辣嘅你可以一試，兩個人叫半份啱啱好！街頭魚糕串串(M)呢個街頭魚糕串串比較特別，上菜時會有個細gas爐一路滾住，好有街頭風味，湯底有少少辣，總共有5串魚糕、幾件散裝魚糕同埋一嚿白蘿蔔，味道幾好。近排掛住韓國街頭夜攤小食，所以去咗呢間位於尖沙咀嘅hoo韓國包車，順便打下卡！😍呢間餐廳裝修幾特別，用懷舊韓國街邊檔為主題，有洗衣店、雜貨店、飛髮鋪等，配合紫色

全部侍應生只顧底頭挽手機不理客人，哪試問如何看見客人揮手有需要？我申是全部，全部侍應生，請問店長請d咁嘅員工翻黎做乜？做擺設？咁不如自助式好過啦😅😂🙄難道要客人親自走過去嗎？難道沒有經理管理一下嗎？完全不尊重客人，連最基本的服務態度和禮貌都沒有。從來沒有遇過一間餐廳服務如此差劣！客人走也不說多謝哂bye bye 等禮貌字句，難道員工上班前沒有接受過最基本的培訓嗎？還是連經理都一起挽手機？店長大人，我真為你感到傷心比錢請人翻黎篤手機😂如果想我為何如此不滿，請你親自落鋪作為客人感受翻！🙏🏻相信你並不知道實情，看樣子也已不是一兩天的事，真心建議您裝翻閉路電視看看他們是怎樣厚顏無恥地偷欄！真心希望你可以強化翻管理！部隊鍋只有腸仔和午餐肉和泡菜，還收人200蚊！至少要有芝士及菇吧所有菜式一點都不正宗，根本搶錢!

又來厚福街揾食午餐的選擇，樓上的韓式餐廳，滿滿懷舊的風味～拉絲芝士韓式炒雞超多芝士！一定要趁熱吃，裡面的雞很嫩，連洋蔥做配料弄得挺香！懷舊烤五花肉沾上酱，包在生菜里~一口二塊太幸福啦！泡菜炒飯酸爽開胃的泡菜炒飯撒上滿滿的香酥海苔上面是流心蛋黃中間還有滿滿的火腿香腸真的是每一口都有驚喜啊！

<HOO韓國包車> 📍尖沙咀🔸還原明洞街頭 🤩 人氣打卡餐廳🔸Crazy！！！邪惡 😈 拉絲芝士泡菜蛋卷追趕潮流的尾巴去位置於厚福街嘅<HOO韓國包車> 🚌💨💨💨 上到有去一排人等位 👥👥👥👥👥 不過好彩撞正一班人離坐，大概等左10分鐘就有位啦～ Lucky 🍀餐廳嘅裝修別出心裁，還原首爾明洞嘅小攤檔 😍😍😍 唔怪得知啲媽媽們會帶埋小朋友去打卡啦！📸 佢嘅所有Decorations都十分有心思，連漫畫書都係韓文架！！！廢話唔多講，去食評 💁🏻‍♀️街頭魚糕串串 ($146) — 唔建議魚糕煮太耐，水滾就快快食，咁先夠煙靭、彈性。鍋內嘅白蘿蔔吸收晒魚糕湯嘅精華，蘿蔔鮮甜，食落條食道好C伏 😌 原來係朋友仔人生第一次食魚糕串 & 魚糕湯 🍢🍲 鬼妹仔多謝我帶挈，表示大開眼戒。🤣🤣🤣🤣🤣🤣🤣招牌炒章魚($146) — 平心而論，章魚同椰菜嘅比例係 （🐙 1:4 🥬），辣就唔算好辣，但係食完種會滲出黎辣 🌶️ 幾過癮！熱辣辣鐵碟上檯，小炒鑊氣十足 🥘 （Confirm好食！）芝士泡菜煎蛋卷($112) — 蛋漿半凝固狀態， 芝士 & 泡菜餡料超足！邪惡拉絲芝士 🧀️😈

此店之前在社交平台被洗版，所以一直好想去試。適逢朋友生日，又在open rice可以成功訂位，終於可以試到。但去到有啲失望，面積原來很细，枱與枱的距離十分近。店內音樂十分大聲。室內溫度高，冷氣唔夠。食物方面，都是一般韓式食品，味道正常，沒有特別好味，去一次打吓咭可以，但唔會特別想去第二次。拳頭飯：係最滿意的一道食品，麻油配上芝麻，很香口。小食拼盤：炸粉絲卷比較好味，其餘炸甜芝士和薯條，十分普通。拉絲芝士韓式炒雞：除咗上枱一刻芝士係軟，可以拉到少少絲效果，如果可以有爐火保持熱度，比較好。

韓迷點可以唔係到食飯一入到去就播緊K-pop 加上裝修超有氣氛！完全係複製返韓國街邊既感覺不過係有冷氣版超似打卡一流薯仔煎餅🫓$82香港好少地方有得食既煎餅多數都係泡菜煎餅為主鍾意食薯仔既必點芝士泡菜煎蛋卷$112同韓式煎蛋卷唔同加入左本地口味係用蛋白捲起成蛋捲狀表面再加入大量芝士🫕芝士既份量冇得輸招牌炒章魚🐙$146惹味既一道菜香辣既味道加埋章魚既口感超韓式口味見差唔多每一檯都有點魚糕串雖然想試但真係食唔落下次可以點呀咁就更加似身處韓國因為爆場所以walk in要等建議要book位呢

一間以韓國街頭、路邊小食為概念嘅餐廳，喺依家韓風盛行之際，當然可以殺出一條血路。當我地點餐時，已見到不少少男少女或情侶入坐，之後陸陸續續亦有不少捧場客等位。先有泡菜炒飯，有隻煎蛋舖喺滿都瀉嘅紫菜碎上面，炒飯份量頗多，裏面仲有泡菜、腸仔及洋蔥粒，啖啖都食到，鍾意紫菜嘅朋友一定好滿足。跟住有招牌炒章魚，個醬汁好惹味，加上章魚及椰菜切得細細件，完全吸收晒芡汁 ，好入味。仲有薯仔煎餅，食落似中式酒樓嘅迷你煎薄撐，材料雖然簡單，但味道唔錯，薄身香口，有軟糯口感。飲品配咗菠蘿梳打及柚子梳打，淡淡嘅水果味及有氣梳打，夠冰凍清涼，消暑解膩確一流。韓流飲食確實令人趨之若鶩 ！

尖沙咀的Hoo韓國包車，餐廳裝潢參考了韓國路邊攤的布帳馬車，將懷舊理髮廳、洗衣店帶到大家眼前，連枱櫈、招牌都似足韓國街頭，每個角落都是影相打卡位。餐廳提供多款韓國街頭小食和下酒菜，人氣必叫有魚糕串串鍋(中$138/大$198)！魚糕入味彈牙，造型抄足街邊檔，風味十足。人氣推介有醬煮辣雞腳鍋(中$138/大$198)。雞腳鍋是韓國人的宵夜良伴，是常見的下酒菜，上枱後拌煮5至10分鐘即可食用，雞腳軟腍入味。另有韓式炸雞，可自選兩款口味($198)，香脆肉嫩。而炒章魚($138)亦是韓國地道小食之一，章魚份量十足，香辣惹味，還可以配上拳頭飯($65)，伴酒一流。店內同時提供各式各樣的韓國酒，如真露燒酒($58)和柚子Milky米酒($65)。

一個韓國朋友話尖沙咀有間專食韓國地道美食嘅餐廳，今日專程去體驗一下。特色韓國擺設及裝置，加上藍色摺枱配圓形膠櫈，好有街頭feel。我哋冇揀街頭魚糕串串，改為叫咗年糕餃子辣湯，係整個鍋上，裏面有一片片年糕、餃子、金菇及大蔥，用典型韓式辣醬混和在湯內，食落啲辣味會慢慢滲出嚟 ，嗜辣朋友一定啱。炸流心芝士豬扒，一定要趁熱食先做到拉絲效果，因為勁多芝士夾喺豬扒同炸粉之間，喜歡芝士嘅朋友一定唔好錯過。紫菜飯卷材料多樣化，顏色好吸睛，味道雖然略淡，但勝在一啖一個，方便易食又飽肚。餐廳只供應韓式罐裝飲品或杯裝果味梳打，大熱天時 叫咗一杯荔枝梳打及一罐粒粒蜜桃茶，透心涼，清甜可口，飲咗涼浸浸。大家圍埋一齊用餐，自在寫意，真係好似喺街頭享受美食一樣㗎！

呢間韓國餐廳都幾出名，有名在佢嘅裝修有包車幾特別，一入到餐廳果然名不虛傳，餐廳嘅佈置幾有自己特色，有洗衣機有書本，我覺得幾貼近日常生活又幾大眾化。嚟到韓國餐廳等於去到韓國一樣，唔係唔嗌炸雞呀嘛！我想食啲開胃啲嘅嘢，所以嗌咗甜辣炸雞半份。炸雞一嚟到我覺得顏色已經好吸引，火火紅紅咁樣。就算半邠嘅份量，我覺得都幾夠食。味道方面，覺得甜辣嘅比例適中，各有所長。餐廳細心地配合埋椰菜沙律🥗可以解油膩唔錯唔錯。另外拳頭飯都好似比較少韓國餐廳有嘞，但係我自己就幾鍾意啦，因為我覺得外型可愛，的的骰骰，一粒一啖。拳頭飯總共有八粒，每一粒都有住芝麻、紫菜、同埋麻油嘅風味！我覺得最好就係配埋呢間餐廳嘅其他小菜一齊食，所以我就嗌埋呢度嘅辣辣無骨雞腳，份量都幾大份，然後佢嘅辣唔係嗰種話一食就會噴火嘅辣，但係就會漸漸喺個口腔嗰度徘徊。最後飲品，嗌咗一罐粒粒蜜桃茶🍑粉紅色嘅冠已經吸引咗我嘅眼球！👀好鍾意佢呢間舖頭嘅嘢飲全部都配有一支心形嘅飲管！好有愛呀！我哋食緊嘅時候餐廳已經座無虛席，睇嚟韓國嘅文化喺香港仲係好盛行！