Hokahoka

营业中

休息中

見食評唔錯, 酒又多選擇想試好耐, 昨晚朋友想食日本野我就即係話食呢間朋友未到係門口見到有咁多酒選擇已覺不錯, 入到去心大心細唔知叫邊隻好, 有個職員都算有耐性咁介紹, 之後選左隻$230 720ml既清酒吞那魚腩壽司- 三文魚子壽司- 普通雞肝申燒- 其實即係雞腎, 太乾和有點un牛舌申燒- 燒得不錯, 有口感剌身雙拼- 選了帶子和油金魚, 各三片, 帶子很薄普通, 而油金魚很甘香, 這個是我覺得最好味的雞泡魚乾- 送酒不錯燒明太子- 又是送酒一流的, 但份量偏少炸雞軟骨- 香口, 但味道有點淡泡菜拉麵- 不算spicy, 湯底算濃, 幾好味之後有朋友加入叫了壽司拼盤, 看賣相都算對路, 其中吞那魚壽司好像好美味之後再叫了一支300ml清酒, 再加2杯大朝日, 埋單過千, 朋友請, 多謝晒!

兩星期的準備，只為著一剎那的驚喜，當然不容有失，所有行動組成員在此集合，一齊出發。坐了入塌塌米的廣間，當然要除鞋才可以坐低。男女各有所好，幾位男士當然來要生啤，朝日Asahi大大杯又夠凍，朝日一向走中間路線，麥味恰到好處，只要夠凍，就清新爽口，男女皆宜。幾位男成員飲下又傾下，飲一杯以壯行色，實在無得頂；女生那邊，當然又有另一番光景，先要了紅豆及綠茶雪糕。始終這裡近居酒屋多於居食屋，非酒精類飲品選擇不多，只有果汁及益力多梳打，而後者是好她們唯一的選擇。吃了一口綠茶雪糕，綠茶味道濃郁，但都有粒粒雪在內的。前菜是幾條青豆角，加上麻醬，幾清新，不錯。幾位本地年青侍應，服務都不差，對客人的要求反應亦快，一讚。只喝東西及吃雪糕，價錢很便宜。這裡地方不錯，也是一個工餘歡樂時光的好地方。

轉左手由香港人搞既hokahoka,同以前無得比,d野唔係好得,見到廚房大多係二十幾歲好似無乜經驗既後生仔,但價錢仲貴個以前,最慘貴得黎地方又舊感覺無以前咁乾淨,唯一好既就係有好多唔同種類既sake,所以見到都仲有D日本人去但見佢地主要係飲酒,不過上次見到有人醉酒生事,上次裏面座個班香港人就同格黎既日本人生事結果要叫差人黎....埋單緊記check單!唔知係咪見我地上次飲左好多酒,CHECK 單發現無程程俾人加多左枝720L既SAKE同魚生喎!同個香港人講就話唔好意思搞錯左,嘩!咁都得?大家小心D呀~~~

響King Ludwig Beerhall 度happy hour, 朋友原本建議就地食埋dinner, 不過我果日唔想食德國菜, 醒起見過有人推薦呢間居酒屋, 都係響附近, 於是走左過黎食.晚上九點幾, 唔算多客. 打開menu, 酒既選擇都幾多, 印象中唔係常見既貨色, 之後同侍應姐姐講起, 佢話係老闆自己搵番黎架喎. 最難得係價錢唔貴, 於是明明飲完啤酒同紅酒, 都忍唔住又叫左枝sake. Menu上寫係越前忘憂純米吟釀, 真身就寫住純米酒咋喎, 不過唔駛兩舊水一枝(720ml), 是但啦. 味道一般, 辛口, 配埋食物就恰到好處.黎居酒屋就當然係叫送酒小食, 先黎一round:麵豉醬酸醋八爪魚--貪麵豉醬+酸醋呢個配搭新鮮, 食落兩者既味道又幾夾喎.冷菠菜--我鍾意食菠菜, 見menu有呢味就order. 夠凍, 菜亦非常爽脆.芝士酒盜--見有幾味菜都有「酒盜」呢樣野, 忍唔住問waitress係乜東東, 原來係"魚立"魚既內臟用鹽辛做法整成喎. 咁特別, 幾大都要試下啦. 下層有幾條芝士, 上面就鋪左一pat酒盜, 味道有d似明太子果類野, 鹹鹹香香咁, 質感就一pat野之中

之前朋友請客,0係度食晚餐,4個人都食0左几多食品,每一碟都做得好精緻,睇得出同食得出師父係有用心煮食的.佢呢度0既sake最出名,好多款外面冇得賣0既佢地都有,几十蚊至几百蚊都有,好多款式選擇~呢間舖雖然細細,但坐位算舒適,當晚食飯,都見到好多日本上班一族放工後0係度食晚餐,傾計飲酒,生意都唔錯呢~我地食0左都几多0野,本人覺得佢地0既烏冬係非常極之好味!!好韌好有咬口,湯煮又好,炒又好都極好食,sushi都好新鮮都夠哂份量,另外有d小吃都做得唔錯~當晚價錢係几多就唔知,但大家都食得開心,傾得開心~正!

20050806 8.30pm本來, 係諗住去樓上好時食海南雞飯, 點知去到爆到九彩咁樣, 無癮, 行返落o黎, 諗起呢間hokahoka o的comment 都唔錯, 望埋menu, 咦! 唔貴wor. 費事煩, 入o黎試下.2人order (見圖)-* 雞軟骨串燒($25/2串) - o黎居酒屋無奶油唔食串燒, 串燒o既quality 好得, 男友話全晚最鐘意呢度o的串燒. 水準之上, o的雞皮燒到脆卜卜.* 雞皮串燒($25/2串) - 都係掂.* 燒飯糰($20) - 又係得手, 呢度o的燒o野幾好.* 天婦羅拼盤($80) - 一般, o的粉漿略嫌厚得滯, 但係件南瓜天婦羅超甜, 很讚!!* 牡丹蝦刺身($100/3隻) - 最衰係我, 扭計話要食牡丹蝦, 上桌時, 打個突! 唔係話佢唔好食, 新鮮亦都好新鮮, 個蝦頭亦都好甜, 不過, 太細隻啦 食得o既部份只有1cm x 5cm 大. (我唔敢想像甜蝦會係點.......)早兩日食過o既元氣好似好o的wor........我覺得好貴, 真係唔好意思, 如果佢比多兩隻咁樣就balance 返lor 會. 男友話:"連你大小

母親大人巳下令今年唔食中式, 以免又再被迫食d冇得揀o既套餐, 我費盡腦力, 都諗左好耐, 先諗起呢處, ~ 唔需要係門口呆等, 又唔駛被迫食套餐。今次總共點左 牡丹蝦六隻三文魚, 海膽壽司每款打孖上壽司拼盤一客豬扒, 天婦羅飯各一大蝦天婦羅燒鰻魚雞軟骨 各款生野上次巳經俾我個腸胃測試過合格, 所以膽敢再來一次, 是次仍保持一貫水準。就算炸物都食得出蝦味, 個人覺得比上次仲炸得好, 天婦羅飯包括有兩隻蝦, 仲有,炸過o既東菇仍咬落有汁。服務方面都唔錯, 不停添茶, 個男店員就加送親切笑容一客。如果有令客人不滿o既, 相信就只因為呢度提供唔到d港版日式花臣野~~~ 總數埋單$ 101x

難得與皇阿姐同佢高徒大偉食飯吹水，大偉就提議試下呢間。始終屬於居酒屋形式，就算時8點鐘晚飯時間，都唔算太多人，學大皇話齋左右都係坐住D o架仔，都幾feel下。一坐底每人先有一小碗前菜，因為上次係第二間食到可以用羹都切得的豬扒後，皇阿姐先提議叫碗豬扒飯，今次食滑蛋吉列豬扒飯，50蚊一大碗好抵食，最緊要係塊豬扒，雖然唔算夠脆，都未可避免，因為有滑蛋淋上面，但係豬扒肉質尚算鬆，仍然保留肉汁，同意KC話飯是珍珠米，軟熟可口。一個細壽司拼盤，基本上有了一般的壽司，例如三文魚、吞拿魚、墨魚等等，水準ok。天婦羅soba-天婦羅炸得唔錯，見張紙冇油，但D sobo較腍身，而皇阿姐就讚d野夠晒熱。炸蟹仔-同天婦羅一樣，炸得香脆，用來送酒一流。牡丹蝦刺身100蚊三隻唔貴，而且真係唔錯，好新鮮好鮮甜，我食過咁多間牡丹蝦之中，佢都係有水準的一間。鰻魚蛋卷-厚厚的蛋包住塊鰻魚，又係不錯之選，雖然蛋塊厚但好夠滑。NEGITORO卷-唔記得中文名，係一碗toro蓉，要用一塊塊紫菜包住食，味道一般啦，不過幾特別。toro卷-這個唔係好抵食，100 蚊6舊細細件，唯一唔好就係紫菜較腍。大家都食到飽飽，埋單到係$69

『食落肚當反日！』近排行緊反日熱潮，我都有大把口水，但在這裡討論，可能會被板主cut掉吧。既然要食飯，就不如揀間日本仔餐廳食下，當做食鬼晒d日本仔落肚啦。見KC兄之前都提過呢間野，昨日都走黎幫趁下，丫..唔係，係走黎「反」下。一個人到居酒屋，坐吧檯位啦，左右都係坐住d 單拖日本仔，都幾好feel 下，不過要預左食二手煙呀！午市餐牌都幾多選擇下，價錢亦唔算貴，平均都係五十稜蚊，居酒屋咁既價錢，抵啦。叫左個以這裡的日本店名命名的定食，唔識日文點叫呀，咪手指指話呢個啦！定食包括麵豉湯、漬物、前菜、刺身四件、hokahoka(又係那個日本店名)一品、卷蛋、炸魚卷。這裡午市實在幾full，有客黎到都冇位要推。亦因此上檯時間都稍長，要等一下，不過幸好有那些封面「吸引」的日本仔漫畫揭下，都冇咁悶。麵豉湯有海帶豆腐，不太鹹，飲落幾好。漬物是酸菜、蘿蔔，前菜是菜冬菇絲，作為飯前小食，開胃唔錯。刺身有三文魚和魚，色澤及味道幾新鮮，切得不太厚，份量剛好。那個「一品」是一共三件的炸物，有炸蝦、炸魷魚和炸蠔。各樣都炸得金黃脆口，炸粉唔太厚，內裡食物保持韌度。其中最喜愛的炸蠔，咬落熱熱的蠔心，還保留著海水鮮味，唔

要到尖東辦點事，心情仍然悶納，不想同人應酬，就使開了同行人自己去食飯。講過居酒屋是一個人吃悶飯飲孤獨酒的最佳地方，見呢度地方新淨，招徠的侍應幾好笑容，又未試過，就入來坐下吧檯。餐牌選擇很多，主要分「梅」與「櫻」兩種，價錢是48蚊及68蚊，菜色大致一樣，分別只是貴的多了前菜及沙律、飲品等。沒什胃口，日替便當又剛好賣清，就隨便叫了吉列豬扒飯定食。這裡裝修得不錯，也有些假塌塌米位，在入面飲酒傾計也真的不錯。出面有雜誌架，擺放著大量漫畫及雜誌，自己一個來不想與人傾計也有打發時間的方法。雖然地方新式，但坐落幾有日本風味的。定食等了一陣就上檯，除了吉列豬扒及飯，還有前菜及漬物，味噌湯等。漬物是梅乾酸菜及醃蘿蔔，紅黃綠三色，幾靚；前菜是雞絲沙律，也不錯，吃得出不是十分行貨；呼噌湯有豆腐粒，也不差；吉列豬扒幾鬆，不算實，可惜不夠厚，影響口感，看來是價錢關係吧！飯是珍珠米，軟熟可口，也不錯。還有一桶飯可以任添，如果吃到的話，其實有兩碗多的飯呢，不愁不夠飽。見隔離的男士叫了６８蚊的刺身定食，也有四款的八片，連帶子也有，好像幾抵食。侍應們招呼幾好，都說得幾句架文的。埋單４８蚊，不收加一，經濟抵食。當發現大家