hEat (已結業)

呢間位於灣仔QRE既hEat已經bookmark左好一段時間，聽聞呢度既熟成牛好高質，適逢day off，一於同朋友黎試試🥰餐廳十分有格調，燈光昏暗，座位闊落，寧靜舒適，好適合燭光晚餐😉Oysters（$53+$76）生蠔有兩款，分別係Marennes Oleron同Daniel Sorlcut，兩款都好鮮甜，口感爽脆，前者海水味比較重，後者則比較滑身，朋友唔中意食蠔都覺得唔太腥🤪Seasonal clams ($164)呢碟野一上台就已經聞到好香好香，啲蜆隻隻都好大粒好肥美，配埋極濃郁既忌廉汁，辟除蜆肉腥味既同時亦都食到蜆肉既鮮甜☺️禁濃郁既忌廉汁配法包食就最適合不過，烘過既法包帶點蒜香，煙煙韌韌，索曬啲忌廉汁，味道一流🤤Bread Josper ($33)Langoustines ($175)呢隻蝦真係食過返尋味，好似係叫海蟄蝦，蝦殻比較硬，蝦肉唔算好多，但十分鮮甜，肉質軟綿，加埋自家製既香蒜蛋黃醬，味道一流🤤Prime CAB Striploin 250g ($495)終於到主角出場啦😍呢個係30日既熟成牛，肉質非常粉嫩，牛味濃郁，帶有小小嫩筋，有咬口得黎又唔會好韌，每一舊都帶有小

之前喺灣仔返工，已經發現利東街、合和中心附近一帶多咗好多異國菜，同埋裝修幾有獨特風格嘅餐廳。成日心思思想去試，但都因為佢嘅格局怕好貴而打消念頭🙊 生日月就梗係要食豪啲啦🥳所以今晚就揀咗間係QRE嘅西餐廳黎個Pre-birthday dinner☺️甫踏進餐廳，已經感受到獨特嘅氛圍，時尚型格浪漫兼備，望住灣仔寧靜嘅街景，更添一份愜意。menu經精心設計法國蠔一人一隻唔使爭🤤？入口比較清爽唔會太Creamy👍🏻淡淡嘅海水味滲透每一個味蕾🤘🏻Seasonal Clams的大蜆係來自紐西蘭刀背蜆，非常新鮮美味，蜆肉肥美飽滿，醬汁加咗香茅、蒜蓉同埋白酒。醬汁用嚟沾麵包食無得輸😜海螯蝦又係另一道驚喜菜🤡 侍應話係新西蘭即捕即界，所以保留咗海蝦原有嘅鮮味，蝦膏鮮甜，而且肉質肥美，食材新鮮所以簡單嘅烹調已經非常美味。配以特製醬汁，蒜味加奶令整體味道更突出🥰熟成牛扒可以話係呢度嘅招牌菜🗣果然冇令大家失望，佢肉味濃郁，入口juicy！配搭嘅醬汁幾創新🎯食咗咁多肉，配菜方面就梗係要揀d健康之選啦😁 什菜加咗花椒去炒，入口帶點四川風味，唔會太辣，但越食越過癮🌶總括而言，食物質素超班，環境亦都好適合情侶拍拖💑 佢

因為想食熟成牛扒，朋友找到這間餐廳，座落在銅鑼灣區，遙望著這區的豪宅晚餐，餐廳感覺很高級，寧靜優雅，吃的東西也很特別。除了很少機會吃到的熟成牛扒外，餐廳還有其他不同的食物，比較出名的是他的忌廉煮蜆還有他的燒蝦。生蠔4隻 $129一開始跟朋友叫了兩隻生蠔作為慶祝我們久久沒有見面的開胃菜， 其中一款是法國Fine De Claire 生蠔，吃得出是新鮮即開的生蠔，而且已經把生蠔的帶子挑起，輕輕一撥便輕易將整隻生蠔滑入口進食。生蠔 creamy度適中不會太過厚，比較爽脆，生蠔味甘香中帶甜，後勁有較鹹的海水味，味道豐富。海螯蝦$175再來便是這裡的出名燒蝦，這個海螯蝦樣子比較特別，不像我們平常見到的燒蝦，前方有一對小小的鉗，兩隻都開了邊，吃得方便，鮮味十足，比一般蝦彈牙，亦燒到剛好，保留了蝦的水份，沒燒得太過，配了蒜蓉混奶的醬汁，味道很好，這價錢絕對抵食，很想來多一客。忌廉煮蜆$164他的忌廉煮蜆比我們平常吃到的更大，不知道是哪裏來的蜆，而且吃下去沒有沙，只有肥美的蜆肉，鮮甜，也是煮到剛好，不會太熟太韌，配上濃度非常充足的忌廉汁，十分好吃。另外他的蒜蓉包蒜蓉味濃郁，但不太脆，但配上這個忌廉汁，

—補返生日飯同預祝友人下個月開工大吉揀咗間有特色d嘅餐廳Fine de Claire($53)Speciale Daniel Sorlut($76)入口爽滑 鹹度適中Seasonal clams($164)個汁夠creamy好好飲 又唔會蓋過咗蜆嘅味道Bread in Jasper grill with garlic($33)橄欖油同蒜香好出 見其他食客都蘸埋上面嘅lemongrass sauce一齊食Langoustines from Scandinavian冰島小龍蝦 輕輕一拮已經肉殼分離肉質鮮甜 grilled ge蝦膏都好好食Blackmore($410/100g min250g)M9+和牛 外層帶少少焦香 中間仲係粉紅色好靚細嫩味濃之餘 油脂當然豐腴 不斷想細嚐其餘韻Szechuan sauteed veggies assortment($46)有四川香料嘅風味但又唔辣 幾得意環境幾舒服 枱與枱之間有寬闊嘅空位而且每食完一道菜 店員都會幫忙換上新嘅餐碟———————————————————hEat灣仔皇后大道東202號QRE Plaza 23樓

位於灣仔合和對面的QRE選擇都幾多, 初次蹈足QRE係去高層的酒吧, 貪佢少人又有氣氛; 呢間hEat亦然, 鋪面好大, 空間闊落, 裝潢以灰黑+木為主, 天花又以大麻繩點綴, 摩登得黎帶點海洋氣色, 燈光微暗但又唔會影響影相! 第一印象甚佳, 對食物亦好有期待為慶祝特別日子當然要試新野試好野, menu雖然短短幾頁但好多都要靜雞雞查字典先識 XD 又可以學新野啦! StarterSeasonal Clams + Oysters (Chef Selection): 生蠔係法國Fin de Claire, 上網見到話係" 為人所知的法國蠔, 它擁有修長的薄殼, 肉色帶淺,爽口質感", 每人試一隻, 但無乜特別既感覺, 不腥小甜, 肉質不大但也不實/爽脆, 可能因為淨係食一隻所以好似陣風咁飄過左反而大蜆好好食, 本來見到用lemongrass+chili以為會好似泰式/越式大蜆咁, 清清既汁帶點香辣, 但原來同想像既大相徑庭- lemongrass味好淡, 唔會搶晒大蜆D鮮甜而且又帶出D清新既感覺~ 辣椒可以話完全唔辣,只有少少好似pepper咁既辣度, 不過由於汁係忌廉底, 唔辣反而可以

Tiny portions. Overpriced. Bad experience overall. Would NOT recommend. The Surf and Tuf we ordered consisted of a singular shrimp and two littles pieces of meat. The portions are incredibly small. Left with a 2k bill and an empty stomach. 

Fine de Claire & Speciale Daniel Sorlut （法國） $129Seasonal Clams + Bread in Josper Grill $1971/2 US LobsterPrime CAB Striploin 250g - In house dry aged 30 daysSzechuan Sauteed Veggies Assortment $46Baby Potatoes on Charcoal Grill with Szechuan Sauce $50Green Salad $41難得假期去囍帖街行完街，就嚟咗呢間有熟成牛扒同生蠔嘅西餐廳食飯，每次搭lift一出來見到佢哋玻璃櫃入邊嘅牛，都會情不自禁貼上去睇。今次適逢紀念日，於是我哋比平時叫多咗嘢食。餐廳話今次嘅生蠔都唔錯，於是我哋就叫咗法國嘅Fine de Claire & Speciale Daniel Sorlut, 法國生蠔普遍海鮮味都比較重，芬迪加係好多地方都會見到，佢嘅肉色帶淺色，肥度適中。食落去初頭鹹鹹地，之後咬落個質地就會帶甜而且彈性爽口。至於另一隻，就比較少見到，同樣肉質

臨近新年要落灣仔買賀年禮盒，咁啱女友又有喜事要慶祝，於是就同佢嚟食餐好嘅慶祝下😉食完嘢仲可以去附近嘅利東街影相添餐廳環境簡潔得嚟有啲高雅嘅感覺，上到擺設下到餐具器皿每件都好靚同環境食物都好襯，黑色嘅硯石上菜碟、雲石花紋配同金屬餐具更加有種文青feel😂又有得影相又有得食，女友話我今次立咗大功🤣今次我地嗌咗三個菜兩個配菜，睇落無飯無麵會唔襟飽，我同女友都係大食之人，但都覺得好飽，呢個價錢食到好食高質嘢，又夠飽肚，so far我地覺得係值嘅😉😉介紹返啲主角先😂😂首先上菜嘅係Seasonal Clams ($169) ，我地配咗Bread in Jasper grill with olive and garlic（$33）蜆每隻睇落都一樣大，隻隻都夠肥夠厚肉，即使蘸咗醬汁，依然食到蜆嘅係鮮甜味。個醬汁好濃好creamy，甜甜地又有微微嘅薑味同極微小嘅薑渣口感。我討厭薑，但絕對不抗拒同不討厭呢個醬，女友食晒啲蜆同包之後，仲一羹羹咁食個醬汁，好似當湯咁飲😂 個蜆同個麵包好夾，個包有陣碳香味，麵包上搽咗橄欖油同蒜(食到蒜味)，做到唔會食到成口油嘅感覺😂😂口感上外圍香脆內軟得嚟又帶點嚼勁，可以蘸埋

平時上QRE做 Gym，都留意到升降機內顯示的每個樓層的水牌，有很多間餐廳在QRE 裡面。今晚做完Gym，個friend話想食埋dinner先歸家，咁我哋就揀咗廿三樓的hEat，因為聽講佢哋啲生蠔和牛肉都好正。上到來，覺得呢度環境唔錯，樓層高，望出窗外景觀開揚，仲見到合和中心。而餐廳內的裝修極具裝潢，而且非常闊落，仲有歌聽，感覺超正!店員問我有無興趣睇下佢哋個Ager Dryer，專用來儲存靚牛肉，仲介紹咗，佢哋至靚的牛肉來自美國、澳洲。Starter 叫咗兩隻生蠔和一碟蜆。兩隻的品種分別係Marennes Oleron 同埋Daniel Sorlut。我一向唔多食生蠔，所以兩隻生蠔都係個friend食。佢話兩隻生蠔都好新鮮，滑嘟嘟之餘而又有少少咬口。我主力集中食蜆。啲蜆好大隻肥美，而且好鮮甜。啲白汁味道又濃而且滑，所以用來點麵包食係必然的。再加埋一杯Sparkling來餸蜆，就真係一流享受。叫咗半隻龍蝦同埋開邊海蝦一齊share。佢哋烤得好香，但肉質仍然保留鮮嫩，而且爽口彈牙。跟住就係食 Green Salad。食dinner一定要食番啲蔬菜先啱，才算是均衡。呢份沙律好新鮮，份量又足

今日跑完渣打馬拉松 決定要對自己好一點之前成日聽朋友講呢間餐廳都幾好食 就決定今晚和朋友來試試這間地中海餐廳一入到去感覺已經好震撼有兩個放滿熟成牛扒嘅櫃 應該啲牛扒唔錯朋友鍾意食生蠔 侍應介紹左呢兩隻法國嚟嘅蠔食落都好新鮮 海水味幾重 有手掌咁大隻 跟住朋友想食蜆 叫咗個clams, 蜆好大隻 啲醬汁係好重蒜味嘅白汁 加埋啲蒜蓉麵包點落去 一流!!因為覺得啲蜆好好食 決定再叫多個grill prawns, 侍應介紹店入邊用嘅烤爐係價值數十萬嘅 josper grill, 果然出嚟嘅蝦肉質鮮甜 再加上自家製嘅香蒜蛋黃醬 又係食到停唔到口朋友係食肉獸 見到出面個櫃咁多肉 就叫一份Striploin 30 days - 250g 試吓 肉係接近六成熟 鮮嫩嘅紅色 令人已經好想開動 配上自家製嘅黑蒜醬 咬落去無根 油脂充足 非常好食!!食肉點少得叫啲配菜呢 見到有個特色四川時疏 好奇怪係一間西式餐店出現中式菜式 食落去係好驚喜 係一啲好孜然味道嘅蔬菜 令人超級開胃最後埋單大概$600 一個人, 係寧靜環境下享用呢餐豐富嘅菜式 超級開心最後我發現呢間店嘅lunch set係超抵 ~ 唔使$180

最近知道灣仔有間餐廳～食E先生最愛既熟成和牛，當然要同佢黎品嚐一下喇！位置灣仔QRE Plaza，係23樓，窗外很開陽，環境舒服，燈光暗暗的浪漫氣氛滿滿。 睇見有生蠔忍唔住叫左兩隻過過口癮，新鮮肥美，海水味濃🥳 推薦大家必點：白汁大蜆👍🏼👍🏼肉爽口，煮得岩岩好，鮮甜。白汁非常香濃，唔想浪費個汁，一定要叫埋蒜蓉包點黎食，可惜當日蒜蓉包已賣光光😭 龍蝦🦞就食得多，今次試挪威海螯蝦！很貼心已先開邊，方便進食～蝦肉本身爽彈鮮甜，加上檸檬🍋汁更大大提鮮。唔少得既緊係我地既主菜熟成牛扒，點了三十日美國西冷！ 牛味濃郁、帶油香、5成熟肉嫩多汁，更有兩款醬汁帶出不同味道。伴菜我們點了炒雜菜及薯仔～偏咸了一點，但味道不錯。食得太多肉，點左沙律🥗平衡一下。門口幾個櫃都放滿熟成牛排🥩

2019年2月10日。晴。灣仔。新正頭行完喜氣洋洋嘅喜帖街嚟到QRE Plaza搵食～呢棟大廈差唔多成棟都係餐廳，呢日就試下新奇嘢～間餐廳叫hEat，情調氣氛都唔錯～出𨋢後最觸目嘅就係右手邊嘅幾個冷藏櫃入面擺咗餐廳嘅主角—熟成牛行埋去睇就會見到每一舊牛肉都寫低咗個重量同埋開始熟成日期，雖然未食，但見到都流晒口水餐廳近窗位置會有啲特色座位，有韆鞦坐㗎～～～又好似幾好玩咁喎！坐低之後，店員就攞咗本餐牌畀我哋，餐牌個封面竟然係真皮！！！極具質感！再加埋雲石pattern嘅餐碟～身為偽文青嘅我，對餐廳好感大增！法國生蠔（2 x Fine de Claire + 2 x L’ideale)，計番$64.5@超級新鮮！海水味濃，每人一隻，令人欲罷不能，但要留肚食其他嘢～～Langustines (300g)，$152同平時食開嘅龍蝦唔一樣，呢款係冰島龍蝦～體型比平時食嘅美國或者澳洲龍蝦細，肉質亦較腍，但係味道鮮甜～300g已經有5隻！好抵食～配合蒜蓉沙律醬可以令滋味昇華～～Striploin 30 days (250g)，$495主菜嚟啦～熟成30日嘅美國Ohama牧場牛肉！第一次食熟成牛肉，感覺

上個月去 QRE Plaza 吃下午茶餐，留意到大廈入面有間叫「hEat」嘅餐廳，瀏覽過網頁，原來這裡是一間以燒烤為主題的地中海餐廳，主打乾式熟成牛扒。老公向來是愛牛一族，雖然未至於無牛不歡，但對吃牛扒亦十分鍾情，所以趁情人節臨近，就靜雞雞訂左位，兩口子來撐檯腳。餐廳位於 QRE Plaza 23 樓，店內地方頗大，佔地約 3,000 多呎，空間感極足。細看裝潢，設計師非常之有心思，將餐廳分成三個獨立區域，分別為酒吧、用餐區及供應小食與酒精飲品的私人區域，配以靠窗的船木餐桌、天花的吊繩等，彷彿令人有種置身海中的悠閒寫意感覺。翻開餐牌，食物分門別類，有前菜、海鮮、肉類、Side Dish、甜品及芝士、Tapas 等，另外亦有酒類、咖啡及茶，選擇非常豐富。點完食物後，店員隨即為我倆送上餐具，馬上開餐。先來兩款生蠔打開胃口，選了來自法國的 Fin de Claires ($53) 和 Daniel Sorlut ($76) 各一，前者肉厚肥美，食落挺爽身，而且海水味和蠔味亦頗重，味道鹹鮮。至於 Daniel Sorlut，據說蠔肉亦香濃飽滿，肉質結實富彈性，入口海水味濃，餘韻極長。接著是一客

新年食翻餐勁嘅，由於新年有利是錢，所以決定要食餐好嘅。呢間係灣仔嘅hEat我嚟遲好耐啦，有朋友介紹過，話佢d野好好食，仲話有乾式熟成牛扒。平日自己有時都會煎下牛扒，但都係一般冰鮮嘅，未試過乾式熟成牛扒。講咁耐到底咩叫乾式熟成⋯⋯將牛肉分切後，外表不加包裝，靜置於攝氏0度上下、濕度50～85％的恆溫、恆濕且保持空氣流動的熟成室中，利用牛肉本身的酵素和外在的微生物作用，熟成20～45天不等；在具有紫外線殺菌器的冷藏熟成室。熟成後會提升牛肉嘅鮮甜，肉味更濃郁。唔講咁多⋯⋯呢度地方唔細，空間感十足，入面仲有好多位，我諗如果係度開party一定好正。埋位，大理石紋嘅碟，相當有品味，配搭一本皮面嘅菜牌。好有質感，型格，粗獷。選擇都幾多下。生蠔，來自法國，雖然比較細隻，但好鮮甜，味道好。煮蜆，配法包，蜆好大隻，煮完完全唔會縮，味道亦好鮮味，法包蒜味重，燒完有一陣陣焦香，沾上蜆汁，配合得好有層次。龍蝦🦞，燒嘅，肉質好結實，應該好新鮮，調味適中，帶出到龍蝦嘅鮮味。一流。主角登場，45日乾式熟成嘅肉眼，配兩個汁，係蒜味&橄欖味。個肉眼扒，油脂分佈得都幾多，肉味好香濃，啖啖油香，表皮香脆，簡直係一場盛宴。仲

過時過節去咗利東街打卡，影下豬仔 🐷近近地去咗 QRE Plaza 度嘅餐廳食呢間地中海燒烤餐廳叫 hEat，個名幾 eye-catching主打熟成牛扒同海鮮，新正頭想食好啲就啱哂～而且餐廳好有空間感，啲位夠哂闊落，坐得好舒服【Fin de Claires Marennes Oleron】生蠔新鮮度不俗，海水味適中質地好 crunchy 爽脆【Seasonal Clams】呢個 clam 好食到不得了！每隻都好有肉感，大大隻個 sauce 好 creamy 同好惹味食到想手指都舐埋嗰隻 🤣【Bread in Josper Grill with Olive Oil and garlic】麵包上塗咗橄欖油同蒜再用好出名嘅烤爐 Josper Grill 烤到有一條條漂亮 grill mark我哋一半麵包就咁食一半就點頭先 clam 嗰個 sauce，天作之合呀 😋【Langoustines from Scandinavian】第一次食來自北歐地區嘅海螯蝦，都燒得唔錯比起一般嘅蝦長身啲，個殻都硬啲不過開哂邊食就可以輕易保持到儀態啦 😌【US Lobster】龍蝦勁多膏！一大羹龍蝦膏咁食，極