影片
更多
2019-02-21
207 浏览
位於灣仔合和對面的QRE選擇都幾多, 初次蹈足QRE係去高層的酒吧, 貪佢少人又有氣氛; 呢間hEat亦然, 鋪面好大, 空間闊落, 裝潢以灰黑+木為主, 天花又以大麻繩點綴, 摩登得黎帶點海洋氣色, 燈光微暗但又唔會影響影相! 第一印象甚佳, 對食物亦好有期待為慶祝特別日子當然要試新野試好野, menu雖然短短幾頁但好多都要靜雞雞查字典先識 XD 又可以學新野啦! StarterSeasonal Clams + Oysters (Chef Selection): 生蠔係法國Fin de Claire, 上網見到話係" 為人所知的法國蠔, 它擁有修長的薄殼, 肉色帶淺,爽口質感", 每人試一隻, 但無乜特別既感覺, 不腥小甜, 肉質不大但也不實/爽脆, 可能因為淨係食一隻所以好似陣風咁飄過左反而大蜆好好食, 本來見到用lemongrass+chili以為會好似泰式/越式大蜆咁, 清清既汁帶點香辣, 但原來同想像既大相徑庭- lemongrass味好淡, 唔會搶晒大蜆D鮮甜而且又帶出D清新既感覺~ 辣椒可以話完全唔辣,只有少少好似pepper咁既辣度, 不過由於汁係忌廉底, 唔辣反而可以
為慶祝特別日子當然要試新野試好野, menu雖然短短幾頁但好多都要靜雞雞查字典先識 XD 又可以學新野啦!
7 浏览
0 赞好
0 留言
Starter
Seasonal Clams + Oysters (Chef Selection): 生蠔係法國Fin de Claire, 上網見到話係" 為人所知的法國蠔, 它擁有修長的薄殼, 肉色帶淺,爽口質感", 每人試一隻, 但無乜特別既感覺, 不腥小甜, 肉質不大但也不實/爽脆, 可能因為淨係食一隻所以好似陣風咁飄過左反而大蜆好好食, 本來見到用lemongrass+chili以為會好似泰式/越式大蜆咁, 清清既汁帶點香辣, 但原來同想像既大相徑庭- lemongrass味好淡, 唔會搶晒大蜆D鮮甜而且又帶出D清新既感覺~ 辣椒可以話完全唔辣,只有少少好似pepper咁既辣度, 不過由於汁係忌廉底, 唔辣反而可以點住法包吸晒黎食, 如果唔係留肚食肉一不小心又會叫多份法包點汁 (ps. 蒜蓉法包帶點生蒜味, 好香, 而且係好有'趙'口既包!)
海蟄蝦
6 浏览
0 赞好
0 留言
Fresh from the Sea
Langoustines:原本完全唔識既字, 但今次打後一定會認住佢, 因為真係好好食! 中文叫挪威海螯蝦 (或者北歐?), 岩岩開始望落好似普通海蝦, 但仔細望望佢有兩隻大鉗、頭部特別大、殼亦比普通海蝦硬好多, 而且殼紋紅白相間好靚! 對半開攞去燒, 蝦腸清得好乾淨, 基本上好似無多餘調味但食落已經非常鮮甜, 肉質軟綿, 有幾隻仲有紅色膏添!!
15 浏览
0 赞好
0 留言
熟成牛: 試左個初班既30日熟成 (Prime CAB Striploin), 一定一定要趁熱食! 粉粉嫩嫩非常靚, 聽聞熟成既原理係用肉本身既enzyme分解D纖維, 所以會比較軟嫩, 牛味都會比較濃郁; 果然, 第一啖既感覺係煙燻既BBQ味, 隨後既牛味好出, 連脂肪既部分都帶點煙燻香味, 一不小心又連脂肪都食埋! 太邪惡了, 唔怪之得食左3/4件就飽... (250g都夠晒2個人食)
唯一不足既係杯裝酒既選擇比較少, 得3隻, 其餘既就係好貴既成支bottle order... 由於只係想解解酒癮再配搭下個牛肉, 所以叫左杯最平既紅酒@Portugal, 味道偏酸但正好解膩, 又唔錯喎!
Side dish 既小薯仔/炒菜如其話係grill, 不如話更似中式既炒菜, 更加埋花椒孜然既香料, fusion得黎又不陌生
非常滿足既一餐, 但要人破費了
张贴
