FLIPPER'S (已結業)

Flippers 開左咁耐，聽就聽過好多次，食就真係未食過！見今日得閒出銅鑼灣，一於博下可唔可以唔使排隊都有得食。去到都有大概十個人排隊。等左半粒鐘度就有得入去喇！入到去就明點解要等！因為佢地唔會要客人逼住坐，就算我地兩個人去都有張四人枱坐。呢度點餐係去counter點既，食完就可以拍拍屁股走人。第一次食當然係揀原味啦！心諗使唔使成舊水咁貴。雖然同事們同我地講要等二十分鐘，但一眨眼已經有得食！份量都好大下，好彩叫一份兩個人share，如果自己一個人食應該飽到癲。見到個pancake白雪雪咁，連糖漿都冇，會唔會淡茂茂咁呢？原來白色果pat係焦糖味既cream(?)黎既！好香呀！急不及待食一啖pancake，好有蛋香，軟綿綿得黎好實在，唔會好似食空氣咁！底同面亦煎得好有焦香味！完全係比預期中好食好多呀呀呀呀呀！叫左杯Flipper’s punch同埋royal milk tea。本身諗住呢種日本餐廳d野飲應該都係溝過水咁淡，但點知兩杯都好夠味好好飲！鋪頭同事服務好好，講解亦都清晰！如果唔多人排隊而自己又有時間真係可以坐好耐架！希望每次encore都唔使排隊就正喇！

已經是第二次來flippers.次次都係排隊無攞籌，大概要等一個鐘左右上次食原味，今次食士多啤梨 友人食焦糖香蕉。我覺得佢食落空氣感得黎，係有蛋香，亦都因為外層有煎過而有蛋皮的香氣與口感。友人對比起日本食過的Grxm, 覺得別人較有空氣感，食落更似有還無，但蛋香還是這裡勝一籌。看棺喜歡哪種，自行嚐試便知。雖然唔甜，但我們另外還叫了西瓜汁及lemonade 完成美好的下午茶配置。不過呢度服務唔差，飲完杯水都好快有人fill, 都唔使客人舉手。

Flipper’s估唔到咁hit咗咁耐都重要排1個鐘多啲 可能我星期六去啦 不過又真係幾好味！梳乎厘pancake好輕盈既感覺 口感好正😆😆士多啤梨都好甜 一人一份都會飽肚!相影靚相同打下卡就一流喇 係銅鑼灣希慎都幾方便易揾！

難得同朋友出銅鑼灣行街, 當然要嚟試吓傳說中嘅奇蹟之班戟喇! 等咗大概30分鐘終於到我哋喇! 我哋三個人分別叫咗3款pancake 同3款口味嘅珍珠奶茶!原味班戟 $99 ~ Pancake 好軟綿綿 , 幾鬆軟,入口即溶好似食咗空氣咁 幾有蛋香! Cream 好軟滑士多啤梨藍莓香蕉班戟 $119 ~ 士多啤梨,藍莓同香蕉都新鮮鮮甜, 鮮菓有助中和一下Crean 同pancake, 食完都唔覺漏榛子朱古力香蕉班戟 $119 ~ 香蕉面有層脆脆的蕉糖, 多咗果仁碎有啲口! 朱古力醬甜度適中, 食晒三件pancake都唔覺漏!苿香珍珠奶茶 $26 ~幾有苿莉香芒果珍珠奶茶 $26 ~ 芒果味都ok , 味道唔假珍珠奶茶 $26 ~ 珍珠尚算煙靭, 但珍珠份量就少咗啲！

我知我知...呢間鋪頭梗係食梳乎厘pancake，連早餐都未食啦我點會食甜品先呢～所以揀咗呢個pancake配Bacon同埋蛋，pancake 個未到完全唔似喺麥當勞或者係屋企自己用pancake粉咁樣嘅味，有陣小麥粉嘅味係度，就算唔落糖漿你都會食到少少嘅甜味，有厚度既pancake yummy，而煙肉不是那種美式煎到好乾身個種而是仲有肉汁～蛋緊係半熟蛋，整體來說調味適中唔會太淡唔會太咸，最有heart 係配菜啦有酸紫椰菜伴碟唔想太膩～

以前已經嚟過食佢嘅香蕉朱古力榛子pancake今次試吓佢嘅綠茶紅豆味照樣係超級鬆軟 好香雞蛋味佢嘅鬆軟唔似出面嗰啲好似食緊蛋白咁或者咬落好似膠膠地咁佢係真係入口即溶嗰種好好味嘅texture🤤🤤每次你都係一樣水準一樣咁好食而且成件事係好香 你係食得出啲食材好新鮮真係排隊排咁耐都覺得抵 我男朋友本身係嗰啲唔鍾意等咁耐嘅人 佢食完都係咁話好好食 自己主動話要再嚟😹你係完全食呢個覺得無可挑剔唔知可以再點好食啲完美 唔好出街邊食啲垃圾 嗰啲完全整唔到個水準 食依間！

因為上次經過想食， 但因為佢9點半last order, 嗰時已經9點仲排緊長龍， 所以前日食完飯見時間尚早， 專登過去排隊等試個pancake. 去到已經排到洗手間門口位置， 不過排既時間都唔算太耐，大約半個鐘就入得喇。 入到侍應同我地講睇完meun, 去cashier買就得。 我就叫左個士多啤梨藍莓香蕉pancake, 同埋Flipper's punch. 買完佢問我係咪兩個人， 我諗佢意思係一人至少要買一樣啦。買完等左一陣先黎個punch, 個味酸酸地， 面頭仲有d新鮮生果口粒， 我覺得幾好飲。 之後黎埋個pancake， 我覺得pancake應該要襯佢熱食先好味， 所以我只係影左一張相就開動喇。 我都唔算放左好耐呀，但係佢只係少少暖。 切落去又唔係梳乎里嗰個感覺, 食落似食紙包蛋糕。 不過d生果都好新鮮， 而且佢個份量， 如果一人一份既話，應該可以當正餐食， 因為食完已經好飽，但以一個甜品要百幾蚊黎講， 真係覺得佢唔值呢個價錢。

曰本flipper襲港 點可以錯過🙊🤤避開之前一開幕果陣人流 而家先潮聖 。6點幾等 等左半個鐘就冇得食啦！同朋友叫左2個 。1個原味 1個香蕉榛子焦糖朱古力 。2個食完真係好似冇食咁 一陣風😂😂好soft 。總之原味真係冇得輸👍🏻👍🏻👍🏻🤤🤤🤤如果價錢方面可以平D 咁就very good!!!

近排日本梳乎厘班戟大熱，為食既我當然要去試下！可能早去既關係，等左一陣就入得。點左士多啤梨藍莓香蕉班戟同榛子朱古力焦糖香蕉班戟。士多啤梨藍莓香蕉班戟顏色鮮豔，賣相好靚。梳乎厘班戟好鬆軟好滑，入口即溶，而且有好香既蛋味，超好食！士多啤梨好大粒好甜，啲cream好新鮮好滑，一啲都唔膩。將班戟士多啤梨同cream一齊食，好夾，味道一流！榛子朱古力焦糖香蕉班戟賣相冇士多啤梨藍莓香蕉班戟咁靚，但佢既焦糖香蕉唔錯。焦糖片好脆，加埋軟熟既香蕉，一脆一軟，好有口感。仲有榛子cream同果仁碎，令口感更豐富。個人覺得士多啤梨藍莓香蕉班戟比較好食。唔好以為食梳乎厘班戟好似好左陣風咁，唔覺唔覺食晒成碟，都會好飽肚。價錢方面，覺得貴左啲，但都值得一試。

今日同友人收得早諗住去會一會傳說中奇蹟之pancake希望唔使排咁耐果然⋯⋯⋯⋯都係要排接近一個鐘同我預期差唔多一步一步行近門真係好激動餐牌款式唔多，有咸有甜仲有個期間限定邪惡朱古力我地就係衝住個朱古力而黎，點知⋯⋯售罄所以唯有叫左綠茶紅豆同焦糖香蕉先黎個綠茶紅豆：pancake好鬆好似梳乎里咁輕飄飄，但好濃蛋味有普通cream同綠茶cream打孖上，好滑紅豆就比較普通無咩驚喜再黎榛子朱古力焦糖香蕉：半條香蕉上面有一層焦糖（呢個要加分）一樣係榛子同朱古力cream打孖上，好濃朱古力味，加埋落個pancake到好夾，又滑又鬆好似食緊陣有味既風咁整體係唔錯，但遺憾既係挑戰期間限定失敗，有啲失望

見到好多人Instagram 都食，於是老婆都係咁話要試要食（明明食完飯已經好飽），於是就去希慎試啦，去到時發現要排隊，又好彩有櫈坐，可以消化下😂等左大概15-20分鐘左右，就入得去啦選擇唔多，價錢都幾貴，叫個普通版試試就算了一上檯，賣相又真係幾唔錯，外形飽滿香氣撲鼻，仲會動L咁震😂堆醬就係Puff既餡黎，可惜太少醬口乾乾叫杯凍檸茶，茶底較濁，檸檬唔夠清新，Pacific Coffee優勝好多。或者我應該叫咖啡試先正確😂？味道雖然尚好，但埋單都唔平，個人認為試一次就夠。

今日dayoff...好難得可以約到朋友去銅鑼灣行街街👭一路都想食衣間既pancake 好好好耐啦⋯⋯但係諗到要排隊都驚驚！點知今日經過見到只係排十幾個⋯咁好既機會緊係排！隊！啦！等左一陣好快就有位啦，個環境都幾舒服，需要佢係間it 入面，但係都唔覺得好似一路食一路俾人望住咁既😅得左咁耐終於到我既pancake出場啦！佢真係即叫即製架！所以心急既朋友真係要忍耐下啦！個pancake好好食，outlook彈下陣下咁好得意，佢既蛋味同奶味都好香，配搭得好好！好食過tst k11果間n 倍👍🏻

平日5:45嚟到等左半個鐘就可以入，都係等左15分鐘就有得食。每人最低消費一個item，嘢飲都係二十幾起跳，價錢合理可以同朋友share!本身想食奇蹟朱古力pancake但係賣晒，所以就要左一個士多啤梨pancake同埋焦糖榛子朱古力pancake。珍珠奶茶＄26，奶茶味都OK，但係唔好expect啲珍珠會好煙韌😂😂pancake輪着上枱外貌睇同日本嗰間幸pancake好似！！加分！pancake好鬆軟，好好味，不過同幸pancake 就比較濕，爭少少蛋香，不過係香港黎講已經好高質👍🏿😋士多啤梨嗰個唔會太漏，而焦糖榛子嗰個其實都係兩pat cream😆，而唔係朱古力醬，所以唔會太滯。👍🏿👍🏿總括嚟講，如果你係鍾意食日本既幸pancake嘅話呢一個都做到九成似，而且可以同朋友share唔使一人一碟，除番開都唔算貴呀

每次經過FLIPPER’S都會聞到香香既Pancake味🥞重有門口長長既人龍，一直都好想試😋😋，排左一個鐘到先有得入座，但試完佢個pancake你會覺得呢一個鐘係值得等既😋😋-嗌左呢個榛子焦糖香蕉Pancake，榛子cream同充滿蛋香軟棉棉既Pancake好夾！又唔會太甜cover左pancake既味😍-重嗌左一杯珍珠奶茶同一杯茉香奶茶，茉香奶茶味道出色👅食完發現兩個人嗌一份pancake好似唔多夠喉，下次一定要再黎食！一人一份🥞😋😋

開咗gram之後人龍明顯減少左🙆🏻‍♀️即係都我出動嘅時候喇 不過係平日嘅下午茶時間都排咗45分鐘😭再等多20分鐘到pancake就終於登場啦🥞✨pancake份量啱啱好同朋友share 影咗一陣相都未塌落黎👍🏻不過要排咁耐隊就唔係咁值得啦～