FLIPPER'S

因為上次經過想食， 但因為佢9點半last order, 嗰時已經9點仲排緊長龍， 所以前日食完飯見時間尚早， 專登過去排隊等試個pancake. 去到已經排到洗手間門口位置， 不過排既時間都唔算太耐，大約半個鐘就入得喇。 入到侍應同我地講睇完meun, 去cashier買就得。
我就叫左個士多啤梨藍莓香蕉pancake, 同埋Flipper's punch. 買完佢問我係咪兩個人， 我諗佢意思係一人至少要買一樣啦。
買完等左一陣先黎個punch, 個味酸酸地， 面頭仲有d新鮮生果口粒， 我覺得幾好飲。
之後黎埋個pancake， 我覺得pancake應該要襯佢熱食先好味， 所以我只係影左一張相就開動喇。 我都唔算放左好耐呀，但係佢只係少少暖。 切落去又唔係梳乎里嗰個感覺, 食落似食紙包蛋糕。 不過d生果都好新鮮， 而且佢個份量， 如果一人一份既話，應該可以當正餐食， 因為食完已經好飽，但以一個甜品要百幾蚊黎講， 真係覺得佢唔值呢個價錢。