FLIPPER'S (已結業)

難得星期一放假，想過一個悠閒的下午，約咗朋友去銅鑼灣flippers 食個Tea，諗住星期一唔使排隊，點知去到都要等10分鐘...🤦🏻‍♀️下午兩點幾都咁多人.....趁排隊嗰陣有時間就睇吓廚房整soufflé pancake 嘅過程， 一陣陣蛋香，望到已經好肚餓期間限定新產品 南瓜焦糖pancake $129睇落好吸引，不過都係鍾意食返綠茶味....我地點咗兩份pancake 士多啤梨藍莓香蕉pancake $119綠茶紅豆pancake $119老實說，可能我對奇蹟pancake期望比較高， 的確食落空氣咁非常充足，但質地太過moist....如果要同日本其他空氣pancake比較，我覺得呢個爭少少.... 影相賣相就無得輸， 份量十足，味道alright! 但如果要排多過十分鐘，就要考慮考慮🤔

身為souffle pancake控，今日終於得閒黎朝聖平日早上11點45分到，見到門外都有大約8個人等位，但原來好快就有位入，等左大約20分鐘--由於覺得食原味係最可以睇得出一間pancake店既功力咁所以緊係叫完美試一試-鬆餅外表好似好似偏濕，令我食前都擔心會唔會太濕潤唔好食點個一切開一咬落去，疑慮全消好食呀！暫時係我香港心目中既第一，蛋味唔算太重得黎成件鬆餅都好香好可口，最重要既係口感唔會太濕又唔會太乾，剛剛口！雖然佢唔係十分厚，但食完兩塊都飽飽地佢既cream夠滑但我略嫌偏甜，如果可以好似日本某d pancake店用ricotta cheese打成cream就更加完美了-友人係榛子迷，咁就叫左個榛子朱古力pancake-上面既cream太甜了一齊食既話破壞哂成個pancake既味道，唯有唔點cream食奉勸大家真心想食出鬆餅既味道，就真係千奇唔好食呢隻味我諗士多啤梨味應該都唔錯-等位真係唔耐 走既時候大約下午兩點都係得6-8個人等緊，應該20分鐘就有位但落完order等個pancake後起碼等左半小時下次都會想再黎食原味pancake

Heard that this souffle pancake restaurant originated from Japan and has been in Hong Kong for over 1 year, but still has high popularity.  Their fluffy pancake is so delicious and the cream is not too sweet.  Very nice and spacious place.  The only bad part is the waiting.  I arrived around 6pm and over 30 people were waiting in line.  You have to be patience for this restaurant.

假日下午茶黎到銅鑼灣flipper’s, 排左成個鐘隊終於都入到去。店內得好少位。一坐低就order一人一款唔同嘅pancake每款嘅貌相都相當靚，第一時間當然要一齊相機食先。味道方面都相當唔錯喔，食第一啖已經有種食過翻層味嘅感覺。pancake雖然厚身，但查實口感非常軟，又好香蛋味，同喺日本食過嘅一樣呀可惜嘅係原來一碟嘅份量都幾多，作為下午茶一人一份實在係太飽喇，有成三大塊，建議大家唔大食嘅，都係share食，比較無咁滯

約左朋友去 CWB 食越南菜, 但放工早的 .... 又未夠鐘食晚飯, 所以朋友們黎左食 pancake! 佢地 5 點幾去到, 排左半小時才入座。佢地依然比我地早 10 分鐘入座, 所以已經 order 左 drinks, 同埋一客 pancake 兩份 share!因為要預留肚空間食晚餐, 我地都係選擇一杯 drink 加一客 pancake 啦! 要自己出去買餐的。朋友們的 pancake 先上, 很香很鬆軟, 也很吸睛!沒多久, 我們的 pancake 也來了, 兩個人 share 剛好!Pancake 是即叫即整的, 雖算美味但價錢偏貴。所以如果要我排一個鐘去食這 pancake, 我一定不會去呀。是否值得等待一個鐘, 純屬個人喜好吧 (不喜勿插)!😆

呢間由日本傳過黎既名牌鬆餅已經一段日子，但人氣依然不減，每次都大排長龍，weekend仲起碼等一個鐘，但食過一次念念不忘，所以今日又去朝聖，今次叫左原味同 Hazelnut, 原味一向有保證，等左15分鐘，熱辣辣香噴噴送到，點知一切落去，同上次好唔同，軟得好緊要，好難切，入口即溶，無左口感，有啲失望，但鬆餅依然充滿濃濃蛋香， cream香滑，希望佢地可以 keep番個水準，話哂都係香港最好食既 souffle pancake 頭幾位咖

之前係日本食過好有空氣感既 pancakes ，好回味，朋友介紹香港都有得食，咁就一定要來試下啦！平日收工過到去都差唔多7點，已經勁多人排緊隊！😧 個半鐘一定走唔甩！終於到我哋啦！Menu 只有英文，pancake 每款都有相睇，唔識英文都識揀，但嘢飲就無辦法啦！見到有人食緊香印提子 pancake 我老公即刻決定要呢個，不過唔好彩已經賣曬！最後揀左香蕉 pancake，而我就揀左士多啤梨 pancake ，安排左位俾你自己行去 Cashier 落單，攞左牌號就有人送餐。由於製造需時，所以都等左超過半個鐘。另外仲 order 左兩杯嘢飲嘢飲好快到左，即刻試飲下Green tea latte 好普通無特別仲唔夠熱！Oreo cookie frappe 都唔錯但偏甜！可一試！終於等到啦！期待已久！榛子朱古力焦糖香蕉班戟 $119焦糖燒到卜卜脆...讚！！朱古力醬帶少許苦，中和咗pancake嘅腬士多啤梨藍莓香蕉班戟 $119士多啤梨同藍莓都偏酸，連埋pancake 一齊食就唔錯，但整體來講味道相當唔錯，而pancake 亦好有空氣感相當的蛋香味，但今次人均消費過$150，大家可以衡量下，兩

有時喺香港好想懷念喺日本時候食嘅pancake, 可以搵到同日本味道一模一樣嘅真係少之又少。我同朋友試咗咁多間終於搵到銅鑼灣無論幾時都咁多人排隊嘅最好味pancake.第一次去呢度食嘅一定推薦佢原味，呢度每人最少低消一樣野，飲品或者pancake都得。我哋幾個人食咗一份原味一份士多啤梨，見到佢最近有出南瓜味，不過總係感覺怪怪地所以冇食到。呢個真係全港最好食，暫時未搵到替代品。水果都幾好食，士多啤梨好香、而且份量都幾多。

星期六突然想同朋友食Pancake, 即刻諗到Flipper's!足足等左45mins，排刑去廁所門口,終於入得!入到去要搭台, 無咁方便傾計, 環境ok啦,預左食完就走。比較Bills, 佢嘅pancake比較空氣感重, 食完唔heavy, 絕對一個人食得哂我叫嘅係原味, 附送syrup, 唔會太甜整體食左30mins就走, 因為真係唔適合傾計但味道就幾好嘅最好平日來食好啲

Flipper’s 既抹茶紅豆pancake ($119) 好好彩星期五夜晚去排咗20分鐘就有得食😍 flippers 既pancake暫時係我食過最好食，原味仲正🤤 好食過幸福pancake! 空氣感重得黎入面都好滑好soft，蛋味夠哂重入餘，點少少cream仲正😭😭好食到癲咗線既原味pancake !!空氣感好足，蛋味奶味都好香🤤最驚喜係呢個cream係好滑入口即溶，再加埋係pancake度食到隱約既咸味。好食到升上天😻

一直都想試依間pancake同其他有咩分別，但無奈一開店那長長的人龍排實在令我嚇怕。今次剛好路過，見到無人排隊，就算食飽飯也決定入去一試。原來佢係自己去收銀落單，佢會比個號碼你放係枱面。我地嗌左 原味班戟 hkd 99，士多啤梨藍莓香蕉班戟 hkd 119  同 凍抺茶牛奶拿鐵 hkd 39由於佢地係即叫即整，所以都預左要等，反正的我地又吾太餓，係等之間傾計都係吾錯既時間。大約20分鐘度 ，原味pancake首先出場，賣相好吸引，好香既蛋味。一食落口，好有空氣感，再加上乳酪忌廉一齊，完美配答。比我試我一定會試原味，雖然簡簡單單，最可以分別到佢本身的蛋香。至於 士多啤梨藍莓香蕉班莓 ，其實食落同原味無分別，只係裝飾上多左3類生果係旁。但係佢最特別係個cream，有啲楓糖既味道，可惜生果有啲帶酸。飲品方面我地嗌左杯抺茶牛奶拿鐵，幾濃既綠茶粉沖製作而成，但未算太特別！整體上，食依個Pancake會覺得好幸福，食落好空氣感，的確好香蛋味，也同時好掛住日本的幸福pancake。順帶一提，當日可能接近關門時份，店員送了3個外帶的pancake pie給我們品嘗，又食又拎的感覺！

其實都係抱著黎試下日本過江龍黎到香港整嘅梳乎厘班戟係水準如何嘅心態黎 又見到呢間好似普遍評語不太差嘛😛 但我食之前都冇咩勁高期望因爲不竟前幾個月先喺日本日日食呢啲超高質嘅梳乎厘pancake🤣有比較有擔心都正常😆😆不過食完可以同大家講 呢間真係做得唔錯喔 可以一試😚-✏️原味班戟 ($99)原味係真心正 個pancake幾fluffy 做到梳乎厘cake應要有嘅空氣感 份量都幾大 而且蛋香十足😚面頭嘅cream食落係有甜甜嘅焦糖味 而且係個人偏好啲較輕盈嘅質感 整體味道真心唔錯-✏️綠茶紅豆班戟 ($119)抹茶控見到有抹茶嘅選擇都會忍唔著要叫黎試😛但相對之下 呢個就有少少失望🤔其實佢嘅pancake同樣係同原味一樣做得幾出色不過呢個味道嘅特色-抹茶就比較遜色抹茶味係來自於佢淋左喺面嘅抹茶醬同抹茶忌廉 不過抹茶味並唔太濃烈☹️而白色嗰款忌廉亦唔係頭先原味嗰隻帶焦糖香嘅忌廉 真係好普通嘅cream黎😧紅豆蓉嘅份量雖然多 不過佢嘅紅豆蓉嘅甜味係比較糖水嘅感覺 而且係凍嘅 我覺得整體來講一般般🤥

是日放工，同朋友子去搵好野食。行朗豪坊就見到呢間鬆餅店，就入左去食。佢鬆餅好特別，有咸有甜。以前淨係食過甜。所以我地最後叫左兩個甜，一個咸原味同埋哈蜜瓜味，每碟都有三舊鬆餅。望落去以為會好飽好濟。點知唔係，入口即溶，好似食空氣咁，但又甜甜地。點埋雪糕更好食。而哈蜜瓜味就係多左水果同埋雪糕轉左味，基本上同原味係冇咩太大分別。比較特別係，佢既哈蜜瓜係冇去皮架！！！三文魚牛油果鬆餅（唔記得確切個名）。呢款比較特別！鬆餅個感覺好似食緊熱香餅咁。而佢有菜有三文魚再加醬，就好似沙律。佢呢款好值得一試！我地仲叫左一杯珍珠奶茶，珍珠奶茶就同飲品店既冇咩太大分別。

一直好期待嘅Soufflé pancake，前幾日終於食到。雖然見到條人龍好長，但總覺得為咗食好嘢排耐少少都好正常。成碟甜品最impressive係d 士多啤梨，好甜但係toppings (i.e. 士多啤梨、藍莓、cream)嘅擺碟略為求其，好凌亂咁喺pancake中間主角pancake係好軟熟，但係就好似食緊氣泡咁，冇乜口感可言。總括尼講，我覺得呢間餐廳嘅名氣有d被過份吹捧。不過如果鐘意食甜品嘅人都可以一試，畢竟都唔係難食，只係對我尼講排咁耐隊，但又唔係想像中嘅水準，有d唔值得。

今日有朋友去開銅鑼灣，佢話想食Flippers🍽🍽 ，既然佢話等定位，我收工嘅時候過去就有得食，我當然唔會拒絕啦🤩🤩🤩，因為依間鋪頭長期都排長龍。但因為我哋之後仲諗住去食飯，所以我哋兩個人只係叫咗一個榛子朱古力焦糖香蕉班戟🥞同埋一杯野飲☕️落咗單之後等左差唔多半個鐘個班戟先送到黎，有啲慢，唔怪得之咁多人等位🧐🧐食落口嘅時候真係好鬆軟好香蛋味好食，配埋個棒子醬真係覺得好滿足好好味🤤🤤唯一問題就係好肥同埋好多時候都好多人排隊，所以應該唔會成日黎食