FLIPPER'S (已結業)

是日放工，同朋友子去搵好野食。行朗豪坊就見到呢間鬆餅店，就入左去食。佢鬆餅好特別，有咸有甜。以前淨係食過甜。所以我地最後叫左兩個甜，一個咸原味同埋哈蜜瓜味，每碟都有三舊鬆餅。望落去以為會好飽好濟。點知唔係，入口即溶，好似食空氣咁，但又甜甜地。點埋雪糕更好食。而哈蜜瓜味就係多左水果同埋雪糕轉左味，基本上同原味係冇咩太大分別。比較特別係，佢既哈蜜瓜係冇去皮架！！！三文魚牛油果鬆餅（唔記得確切個名）。呢款比較特別！鬆餅個感覺好似食緊熱香餅咁。而佢有菜有三文魚再加醬，就好似沙律。佢呢款好值得一試！我地仲叫左一杯珍珠奶茶，珍珠奶茶就同飲品店既冇咩太大分別。