Flames (黃埔天地)

营业中

休息中

最近雖然屯馬線，正式開通，但是開通了幾年的黃埔站，也隱藏了不少美食，今日行完日式超市，嘗試一下特色的小店.這食店環境佈置十分之有氣氛，加上座位十分之舒適，適合朋友的聚會氣氛一流.這個煙三文魚沙律，分量十足加上煙三文魚的鮮味零蔬菜更加開胃.這個牛肉意大利粉，配上自家製的醬汁十分之好味道.到了全晚最精彩的主菜，就是香脆的乳豬，這個乳豬皮十分之香脆，並沒有半點肥膩的感覺，因此可想言之，廚師控制得火候十分之好，皮脆肉嫩.

今晚去到紅磡黃埔經過大船拍個照👫 見到Flames 吸引左我地入去🤩「葡式香辣燒春雞配薯條」原隻燒春雞🐔 配上我最愛的粗薯條🍟❤️❤️「紅酒燴牛面肉草菇扁意粉」牛面肉好淋👍🏻 草菇蓉炒意粉😍「煙三文魚凱撒沙律」沙津菜好新鮮，份量十足多件煙三文魚🐟「Flames Lemonada🍹」好fresh 👍🏻👍🏻內有士多啤梨，青蘋果肉備註：🔺地方適合三五知己聚腳👫👫🔺餐廳行去紅磡碼頭好近，食完浪漫💕下唔錯喔👩‍❤️‍💋‍👨

相約好朋友聚一聚，當然要找一間夠chill的~這餐廳的裝修，環境和氣氛都很西式，食物質素高，價錢合理，所以都座無虛席。Herb Garlic Bread我們選擇蒜蓉包做頭盤，賣相吸引，鋪排又整齊 ，粒粒蒜蓉粒均勻鋪在每塊麵包上，牛油香滑，好好味!Truffle Fries這個絕對推薦，份量多，這是連黑松露醬一起炸的所以每條薯條都沾上黑松露粒，和帶有香濃的黑松露，不用沾茄醬也夠滋味，而且炸得超級香脆，絕對滋味又邪惡!Shelter Chicken Wings西式的避風塘雞翼也特別，雞翼炸得金金黃黃，夠脆口，連炸蒜一拼吃，口感和味道層次都增加小少。Scallop Linguine我也很喜歡這個扁意粉，三大粒帶子和大大粒魚子，魚子為整碟扁意粉提升了味道，不至於很膩的感覺。扁意粉煮得剛好，軟硬適中, 我們兩個人share這碟也不覺得少。Crab Meat Rigatoni蟹肉豐富，夠味和好濃蟹味，通粉醬汁味濃，兩碟意粉食落都非常飽肚。Nuts Bout Tella不得不讚這個milk shake，簡直大愛，雖然非常邪惡，第一次品嚐榛子飲料，沒想過榛子醬也可製成飲料，還有一條榛子朱古力，不會很甜

黃埔區好多美食， 撞啱今日喺嗰邊放工約咗屋企人晚飯。 喺黃埔花園行行吓見到一間裝修幾型格 西餐廳， 印像中其他分店食物唔差， 一於入去開餐。有兩邊落地玻璃， 燈光柔和， 氣氛唔錯 ， 西餐廳有圓桌， 感覺寬闊舒適～🍀🍀香脆魷魚圈$88魷魚好厚身，入囗煙韌有鮮味， 外皮炸漿判炸得比較硬身。燒羊架配蔬菜$2685成熟的羊架， 肉質超嫩， 一囗咬落絕不費勁， 肉汁豐富， 好有羊味但係唔羶， 簡單海鹽令羊架味道更提升～ 喜歡吃羊的屋企人讚不絕口! 蔬菜有茄子，薯仔，紅蘿蔔， 大大件角切，烤過特別香，茄子尤其清甜又juicy， side dish 絕對認真，食材好高質!蟹肉巴馬臣芝士脆脆番茄忌廉汁通粉$138醬汁香濃惹味， 而且啖啖充滿蟹肉， 真材實料！巴馬臣芝士配合番茄味道更有層次。這款通粉較大較厚身， 口感煙煙韌韌而且沾滿醬汁， 非常惹味！雞鹽薯條$48熱辣辣炸起，外脆內軟， 灑上少少調味鹽， 特別香口美味， 吃不停囗😋～

今天跟媽媽出來看傢俬，逛到中午便找地方吃午餐。 黃埔這裡很方便，地鐵一出便到達。這間坐位舒適，看到甜點被吸引了過去。 午餐餐牌 南瓜湯 - 湯底濃郁，也有忌廉的味道，真材實料。凱撒沙律 - 蔬菜新鮮，配上凱撒沙律汁很好吃，份量適中。香煎魚柳配黑松露磨菇忌廉汁燒蔬菜 - 魚煎得剛好，內裡還很juicy，黑松露香氣撲鼻，增加食慾。 鮮蝦香草蕃茄忌廉汁扁意粉 - 鮮蝦夠彈牙，蕃茄配忌廉汁，比平常的蕃茄汁多一個層次，不錯。自家製蛋糕 Red Velvet cake - 這個cake 賣相十分吸引，紅紅的充滿少女心，打咭一流。藍莓芝士蛋糕 - 有淡淡芝士味，味道不會太甜。總括：坐得舒適的西餐廳，下次可以試晚餐。

為咗方便舊同事嘅放工地點，今次揀咗係黃埔同佢哋食飯兼慶生🎂，見呢間餐廳嘅氣氛環境都好似唔錯，仲要係新開張！就一於去試吓佢！😌我哋一行有四人，叫咗一個Family Set $988一齊share食～《Salad of the day》🥗有巴馬火腿、大量火箭菜、苦苣及生菜🥬，配少少巴馬臣芝士，比滿滿沙律醬的沙律更為清新和低卡路里。《1/2kg香草白酒煮青口配著條》🥂🐚🍟這道菜同為starter一道菜，小編覺得非常滿足，齋講份量都已經好抵，四個人每人都可以食到四至五隻，白酒🍶帶出青口嘅鮮甜，果然係貝殼類海鮮嘅絕配😋 《葡式香辣燒春雞配著條》🍗🐥燒春雞係呢度嘅主打菜式之一，外表烤到金黃色，微脆，肉質尚算鮮嫩多汁，但雞胸位始終略鞋，不過以春雞嚟講勝在夠大隻，啖啖肉，加上惹味香辣嘅醬汁，的確值得一試！著條係幼薯條🍟，澆滿BBQ粉，仲要超酥脆！唔洗點茄汁都已經好好味！《12安士安格斯肉眼扒配忌廉薯蓉》🐮🥩🥔安格斯肉眼扒，小編嘅朋友比較怕血淋淋，所以叫7成熟，肉眼扒超級厚身，👨🏼‍🍳大廚將火候拿捏得非常準確，七成熟的牛扒剛好冇血水，而肉質色澤仍保持到嫩嫩嘅粉紅色，入口食得出油花豐富，口感軟腍，肉汁豐富

今天到黃埔花園探朋友，我們先到附近的餐廳午膳，路過郵局隔鄰的Flames，看到餐廳門前的餐牌相當吸引，便入內幫襯。這裏的套餐都是組合式的，在主菜之外可以随意添加菜式，豐儉由人。湯+$15，濃厚南瓜湯，加了忌廉和香草，特別美味。沙律+$15，煙三文魚蔬菜沙律，沙律菜都新鮮爽口。主菜：“葡式香辣燒春雞（半隻）配香草黃薑蕃茄飯”$85，招牌菜，份量頗多，春雞啖啖肉，點些葡式辣醬，伴黃薑蕃茄飯，口感一流，如果飯能夠熱一些更好。“香煎魚柳配黑松露蘑菇忌廉汁燒蔬菜”$128，香脆的魚柳，非常香口，還配上烤得香噴噴的翠玉瓜、甘筍和薯仔，十分惹味。“卡邦尼扁意粉”$88，有鹹火腿粒，芝士味特濃，意粉也爽滑彈牙。所有主菜都附送飲品。甜品：朱古力蛋糕+$35，朱古力味非常濃郁，超甜，喜歡食朱古力的一定非常滿足。這裏的味道比得上高級餐廳，但只是茶餐廳的價錢，真是意外的收穫，難怪坐無虛席了。

之前經過呢間餐廳幾次，一直都想入去試吓，咁啱今日接朋友放工，朋友話想食西餐，我就即刻諗起呢一間。餐廳環境感覺好舒服，而且座位舒適，大部份都係沙發位，有一種可以自己自成一角嘅感覺。餐廳內更有不少植物，增添氣氛。是日餐湯係南瓜湯，味道濃郁，飲落去仲食到少少南瓜蓉，而且餐具非常之靚！蟹肉巴馬臣芝士脆脆蕃茄忌廉汁通粉非常之出色，調味剛剛好，有好多蟹肉，鮮甜美味，配上芝士粉，味道好濃郁，食到停唔到口。照燒汁鱈魚柳配芝麻油燒粟米估唔到份量係咁大份，魚柳肉質嫩滑，忍唔住讚嘅係粟米粒超級甜，加上芝麻油，層次更加豐富。牛油燒蔬菜性價比好高，完全估唔到係有咁多蔬菜，燒得剛剛好，配上牛油，完全唔乾，每一口都食到牛油嘅香味！

又再次嚟朝聖，開業不久，紅磡夜晚食西餐嘅首選，環境好好，坐得舒服，食物質素一如以往高水準，仲有幾張枱係對住條街，啱晒我呢個特殊癖好😂▪️🐖Suckling Pig $298呢個燒乳豬因為佢即刻燒要等30分鐘左右，一上台乳豬皮仲係咋咋聲，個皮仲脆過薯片，肉質好嫩可能因為係小乳豬嘅關係，不用點任何醬汁調味已經好好味，底部就係西班牙炒飯，用嚟送乳豬一流，唯獨不太方便就係乳豬比較難切▪️🐠🍟Fish and Chips $ 148今次試吓呢個炸魚薯條，炸魚肥大肉，炸槳亦調校到啱啱好不會過厚，點埋他他汁，好味薯條係已經調咗味既，正，如果份量多少少更加好😂😂▪️1 for me , 1 for you $98🍹Mojito🥂Sauvignon Blanc$98 兩杯飲品好抵飲，平時單點一杯Mojito都要$88💛

今天出黃埔逛逛日資百貨公司，差不多黃昏時候要揾地方吃晚飯，喜歡西餐的阿女二話不說揀咗《Flames》，她記得上次觀塘分店的食物好美味。店內環境優雅，半月形卡位坐得舒適。是日餐湯~南瓜忌廉湯，口感幼滑。安格斯肉眼扒配忌廉薯蓉(12安士)~肉眼扒的賣相相當吸引，點咗七成熟，切開見到鮮嫩粉紅色，豐富肉汁，牛肉味香濃，食食食，停唔到口，不需沾任何醬汁也非常美味。肉眼扒切開件件烤熟的程度相約，表面烤香鎖住肉汁，廚師烹調技巧一流。忌廉薯蓉香口軟滑。蟹肉巴馬臣芝士脆脆蕃茄忌廉汁通粉~豐富蕃茄忌廉汁配合絲絲蟹肉，粒粒大通粉沾滿芝士蕃茄忌廉醬汁，愈食愈可口。黑松露薯條~這是阿女至愛，黑松露與薯條是一個很美妙的配搭，每條薯條都炸得外脆內軟，熱辣辣脆卜卜，正啊！抹茶芝士蛋糕~淡淡抹茶味的芝士蛋糕為這頓晚餐畫上完美的句號。店員殷勤招待，為客人留下友善的印象。

黃埔最近新開左呢一間西餐廳，一見到就已經馬上急不及待訂咗同屋企人食，餐廳服務真係一流，侍應非常之親切，都晚上七點嘅時候已經逐漸多人，所以想試嘅朋友真係要提早Walk in或者訂咗啦！▫️ 12安士安格斯肉眼扒配忌廉薯蓉安格斯肉眼扒分量十足，我哋叫咗五成熟，剛剛好！牛肉味重，鍾意食牛扒又咬勁嘅人應該會非常之鍾意，調味料冇過重，完全食到牛肉嘅香氣同味道，而且忌廉薯蓉細滑，入口creamy💁🏻‍♀️.▫️香脆魷魚圈分量比我想像中多，魷魚非常之彈牙，完全唔似雪藏魷魚貨色，外脆表皮，真係好蔥味💁🏻‍♀️😍..▫️香草車厘茄蘑菇蕃茄汁扁意粉呢一款係素食意粉嚟嘅，味道清新，茄汁味道偏酸，唔會太過甜😍意粉彈牙有咬勁，誠意之作

上次試咗Dinner ，今次再去食lunch，要注意嘅係lunch冇得book位，只做Walk in，雖然呢間餐廳這開咗冇耐，但我相信食物質素係非常唔錯，因為佢一個Set lunch其實都唔算平，我12:15到已經坐滿一半人，到12:30已經全場爆滿，仲有好多人喺外面等位😎午市嘅Menu好精簡，有五款主菜同埋四款pasta，貴精不貴多，只要好食Lunch Set 包一杯飲品▪️10安士紐西蘭肉眼扒配燒蔬菜 🥩$ 168加 $15 配餐湯（南瓜湯）冇影相睇個樣就知道掂，好香炭燒味，肉燒得啱啱好，牛味好濃同埋好淋，加上有少少肥膏，正，燒蔬菜有薯仔翠玉瓜同埋蘿蔔，加咗少少鹽調味已經好好味💛💛💛💛▪️高級和牛漢堡配薯條 🍔$138加$15配餐湯 （南瓜湯）冇影相漢堡包份量唔係好大，Lunch係啱啱好，蝸牛漢堡扒亦都係好香炭燒味，肉質OK不過有少少乾，配料有厚厚嘅芝士青瓜蕃茄，簡單就係好味，薯條份量真係唔少，同晚市一樣，最鍾意外層炸到有少少焦💛💛💛💛

🐻同家人剛好想去黃埔行逛，晚餐時間當然去試下特別點既餐廳 😌 原本想book尼間餐廳因為都見有不少好評，但網上俾人book曬，唔死心咁walk-in，竟然有4人位 😍 最開心係店員安排左舒服點既圓形特色位俾我哋坐，餐廳環境暗一點，但超有情調呢 😆 要留意店員都是外藉人士，要speak English 呢❗️⁡🐻食後感‼️⁡✨「Set for One」$198 - $228🐻覺得食set點都係最抵食，佢地包沙律/湯 + 主食+甜品 😌 今次試左主菜「12安士安格斯肉眼扒配忌廉薯蓉」同「蟹肉巴馬臣芝士脆脆蕃茄忌廉汁通粉」🥰 ⁡肉眼扒燒得幾靚仔，仲食得出有點炭焦味，不過值得一讚係口感好滑既忌廉薯蓉 🥔 另外通粉用上粗管麵，濃濃既蕃茄忌廉汁配上勁足料既蟹肉，用匙羹食每一啖好開胃又滿足 🍅 另外建議大家試下佢地南瓜湯 🎃 真係好好飲 🥺⁡甜品係佢地既home made cake，🐻揀左「抹茶芝士蛋糕」同「松露朱古力蛋糕」🍰 兩件都很不錯，當然🐻私心推抹茶芝士個款，唔會太甜又有芝味🧀⁡✨「脆皮乳豬配西班牙飯西蘭花苗」$298由於🐻媽熱愛乳豬，所以見到都想order埋俾佢開心下，時間要等耐點，但一上枱見

今日book咗一家食晚餐叫咗個family set 因為見佢咩都有 可以咩都試吓 share黎食1️⃣沙律 🥗都係啲沙律菜 之後有少少芝士碎同火腿 普通正常味2️⃣1/2kg 香草白酒煮青口配薯條🦪都幾多青口 全部好大隻食落好新鮮 肉好淋 味道上真係非常香濃嘅白酒味 少少苦 不過好香🍟薯條都好香脆 凍咗一樣好食 加上佢落咗香粉 已經鹹鹹哋3️⃣蟹肉巴馬臣芝士脆脆蕃茄忌廉汁通粉呢個冇影到 不過賣相非常吸引 成碟橙色咁 佢嘅通粉好特別 係長管形 比較粗身味道超濃蕃茄味 甜甜地 芝士味唔太出 蟹肉份量唔少 通粉先最好食 夠硬身 有咬口 之後中間位置因為空心所以好掛汁超級好食😋4️⃣12安士安格斯肉眼扒配忌廉薯蓉個牛扒超級大件 好厚肉加上佢整得啱啱好 比較生 仲鮮紅色 不過食落就超嫩超淋 冇乜根位 一啲都唔韌 好好味🥩忌廉薯蓉非常滑身 不過就未至於好好食 5️⃣葡式香辣燒春雞配薯條呢個真係誇張 成大隻春雞🍗燒到外皮金黃色 入面肉就微微粉紅色 啱啱好味道都超正😍肉質勁鮮嫩多汁 仲要好厚肉 無論雞髀雞胸位置都一樣咁正 難怪係主打菜 個個都一定叫👍🏻真係唔試唔得 好少可可以燒到完全唔乾另外佢其實本身唔辣 只係個醬微辣

新公司在紅磡，這區食肆林立，連Flame都在黃埔設店。是夜下班和太座到此用膳。各分店餐牌略有不同，是日餐湯南瓜忌廉湯，清甜有奶香，加有細蔥增添香氣。小食香辣炸雞，外脆肉嫩，點上peri peri醬十分惹味。Pasta的蕃茄忌廉汁加入新鮮足料蟹肉，通粉Al Dente，轉瞬清碟。鱈魚柳皮脆肉滑，用上香甜照燒汁，加上烤香的粟米和西蘭花苗，吃不停口。Side Dish烤蔬菜份量十足，種類豐富，簡單用上牛油，補充纖維之選。這裏咖啡有一定水準，飯後來杯Flat White，奶泡綿密，完滿作結。