Flames (黃埔天地)

营业中

休息中

黃埔朋友話最近黃埔天地開了間新餐廳, FLAMES, 每次行過門口都好多人,  價錢看來合理,  食物也多款式.   剛好放工無事做,   特別約佢一齊去試試. 餐廳裝修得好西化.   有大型水吧.開放式廚房.   光潔亮麗.餐廳落地玻璃窗,  座位舒適, 我哋坐低之後,  店員就好有禮貌為我哋遞上餐牌, 同埋給我地水啊, 重叫我哋慢慢看餐牌.  店員很有禮貌,  有外藉同本地人,  可以招呼不同國籍客人.首先我們點了飲品,  叫咗兩杯 Beer,  SUNTORY, 好清涼. 頭盤:   吞拿魚車厘茄沙律  Seared Tuna Salad 好健康清爽.    車厘茄新鮮清甜,   夠爽脆. 吞拿魚外皮有少少燒焦.   內裡保持新鮮刺身的味道.   做得好好,   加上伴有橄欖油,   口感香滑健康.主菜:  紅酒燴羊膝配忌廉薯蓉燒蔬菜 Lamb  Shank.擺碟靚.   色香味俱全,  羊膝份量足,   薯蓉加忌廉,  味道濃郁有鮮奶味, 烤蔬菜剛好, 吾會太硬. 羊膝肉質腍滑, 輕輕一切即骨肉分離, 不會吃得狼狽.  咬落啖啖肉汁.   羊膝用紅酒香草調味, 辟走羊肉臊味,

入琴黎呢琴既第一印象，已經覺得呢度好乾淨好企理，服務員都好用心接待。我哋叫咗兩份主菜，都係好有水準。黑松露蘑菇芝士薄餅面包部分已經好出色，十分柔軟，亦唔會過乾或過濕，同出面食到既好唔同。配料方面用咗幾種芝士配搭而成，所以好香濃芝士味，加黑松露同磨菇，十分惹味，令人食完一塊又一塊脆皮乳豬西蘭花苗配黃薑蕃茄飯呢個菜式十分有驚喜，乳豬外皮烤到好香好脆，但係肉質依然好Juicy。豬肉輕輕調左味，味道剛剛好。黃薑蕃茄飯亦都唔係配角，蕃茄味好香，飯做到粒粒分明，加埋乳豬上面嘅油脂，真係超級好味。最後仲叫左烤雜菜。原本想食埋甜品但最後都太飽啦，唯有下次再試啦！

之前看過其他人推薦FLAMES這間西餐廳，原以為只得牛頭角、觀塘及鰂魚涌三間分店，經過發現原來紅磡亦有分店當然要把握機會，趁未正式進入晚市繁忙時間搶先一試。透過門外落地玻璃已經可見店內環境寬敞開揚，裝修簡約而型格時尚，設計以黑白為主，大部分座位均為圓桌卡位，空間感十足。香辣炸雞 ($78) 用上去骨雞髀肉醃得入味，炸皮輕薄香脆而肉質保持嫩滑多汁，本身已帶微辣再蘸上是拉差辣椒醬辣度更高，值得一提的是加入檸檬汁酸香清爽更能中和油膩感。8安士紐西蘭肉眼扒燒大蝦配薯條 ($288) 最驚喜莫過於燒大蝦，蝦肉結實爽彈毫不帶雪味。肉眼扒脂肪比例平均，點了五成熟中心位置保持粉嫩，而薯條亦炸得香脆。燒大蝦三文魚籽龍蝦汁扁意粉 ($148) 軟硬適中口感煙韌，龍蝦汁酸酸甜甜並不會過分稠膩，而燒大蝦則與肉眼扒所配一樣鮮美。Mango Tea ($38) 芒果味道香甜濃郁配以綠茶茶底清新自然。

黃埔出名餐廳多，不論係日式港式都選擇豐富，依間餐廳裝飾風格比較低調，望落都幾多氣氛都唔錯，每張餐桌都有焦點打燈，令食物睇落更加sharp同吸引。半熟吞拿魚車厘茄沙律配青檸薄荷汁 $138 🥗🍅半熟吞拿魚睇落有啲似威靈頓牛扒，內面顏色呈粉紅色，口感煙韌，味道香夠肥美。呢個沙律用咗兩種唔同嘅車厘茄，橙色車厘茄味道冇咁酸，比較甜一啲，而且有比較維他命A以及類胡蘿蔔素，不過沙律菜同薄荷汁既味道就比想像中少。12安士紐西蘭安格斯肉眼扒配忌廉薯蓉 $298 🥩我哋揀咗medium rare五成熟嘅肉眼扒，上菜時已經聞到牛排既香味，切開中間睇到肉理細緻。肉眼即係牛脊前半部份，因為活動少，所以肉質嫩得黎又Juicy。另外配咗一個蒜蓉汁同幼滑如絲既忌廉薯蓉，為呢個扒餐錦上添花。新鮮黑松露蘑菇扁意粉 $148 🍝除左前菜同主食，我地揀左個素食既意粉，素食都都唔一定係清淡，意粉既忌廉汁有非常香濃既奶味，外觀睇落都好creamy，再配搭埋黑松露醬汁，味道，依隻扁意粉都比較索汁，所以食落爽身彈牙，撈埋粒粒蘑菇口感真係一流～

本人一直有到此餐廳lunch，食物品質一直不錯。因昨日公司lunch meeting所以點了外賣。外賣只有單點，這個也很正常。我們叫了凱撒沙律、¼雞配沙律、意粉及炸魚薯條，主要想分享是凱撒沙律$78及¼雞配沙律$108的份量，飯盒size只有手板size 。作為一間良心餐廳應該以正常餐盒size給客人。至於¼雞只係一隻細雞脾。懇請餐廳review 一下，如想留住客人，應該要用正常餐盒才合理。

今晚和友人到黃埔逛逛，一出地鐵站對面街轉角位就見到一間落地玻璃望入去好有氛圍感的餐廳。於是，便入去食個晚餐。小食方面，避風塘雞翼香脆，炒料味道一流，完全是避風塘的味道，雞翼外脆皮內鮮嫩多汁，再沾上避風塘的炒料，味道風味又地道。主食方面，12安士紐西蘭安格斯肉眼排配薯條，肉眼排厚厚的肉排，切落去肉汁擠出來，香噴噴的牛肉鮮味，咬上口仲有餘溫，而且肉汁全部鎖係肉入面，爽滑滋滋入味。薯條炸得香脆，香口脆脆，好食到要和朋友爭住搶來食。燒大蝦三文魚籽龍蝦汁扁意粉，大蝦鮮甜爽口，完全是新鮮嘅大蝦，加上龍蝦汁，扁意粉的味道沾上大蝦、龍蝦汁和三文魚籽的結合下，鮮味重之餘香氣撲鼻，吃上口是一啖啖的滿足。飲品方面，食牛排一定要配上白酒，和牛排的口感配上，來個回甘。奶昔方面，選擇了nuts bout tella 甜甜的，為一整天畫上完滿的感嘆號！甜品方面，自己製的蘋果派和芝士蛋糕 都非常有水準，滿滿的Cream 配焦糖和巧克力醬，配搭得都非常好。

同朋友六點零係黃埔整完頭髮，心情大好坐左成日好肚餓，想坐得舒服d又食得好d，揀左附近呢間「Flames」，個位比較入，但其實距離地鐵站好近，幾分鐘就到😎落地玻璃好光猛，坐位舒適，環境乾淨衛生有套餐亦有散點，薄餅、意粉、扒、沙律、小食都有蒜蓉包好脆口又好夠味，芝士蒜蓉味都非常濃郁紅酒燴牛面肉草菇扁意粉牛面肉好嫩滑，意粉爽彈，醬汁沾滿每一條意粉海鮮香草茄醬薄餅▶️呢個薄餅真心勁正，睇住廚師即叫即整即焗▶️拉絲邪惡芝士個餅底好好食，外脆內軟；平時食d pizza個底好油，呢個係唔會，好乾爽，一d油膩感都無！▶️醬汁唔會好濃，唔會搶曬d咩，好清晰食到煙三文魚香味、芝士味炸魚薯條▶️粗薯條無得輸▶️全部即點即整，上枱熱焫焫炸魚好juicy，好嫩滑，一d 都唔乾唔鞋點既食物大家一致都好滿意，好高質素，食得好滿足

Happy Friday 返娘家，晚飯順便喺黃埔食，而家隻船附近好多新潮西餐廳，Flames 是其中一間我喜歡的，浪漫感覺的西餐，店員很多都是外籍人士和後生仔，充滿活力，所以晚上通常都滿座，人氣高企。餐牌一眼睇晒，簡約設計，唔驚會有選擇困難症，海鮮、肉類、意粉、薄餅、甜品🍮飲品都有不錯的選擇。Flames 品牌餐廳，還有其他姊妹店，落戶黃埔地鐵站附近，真的很方便。我們今晚坐在半圓型梳化的雲石枱，裝修舒服，暗燈光好有格調。MUNCHIES香辣炸雞 $78炸雞份量十足，炸得焦香樸鼻，肉質鮮嫩，味道濃郁，口感脆脆甘香，外皮層比較香，咬落去入面好柔軟，肉質軟滑多汁，好有層次感，配上醬汁非常滋味！SEAFOOD炸魚薯條配他他醬 $148主菜選了一個炸魚薯條，魚炸得剛剛好，魚肉多汁，脆口度適中，他他醬味濃烈，令人想一食再食！薯條更加係愛不釋手，香脆炸薯條非常脆口，令人一條接一條吃不停， 超香味，蘸茄汁岩岩好唔會太鹹，份量好大好滿足。PIZZA意式辣肉腸薄餅 $158餐廳的意大利辣肉腸醬是真辣的，微辣味道吃起來很刺激，辣沙樂美腸帶鹹香，俄勒岡葉，聖馬札諾番茄，馬蘇里拉芝士。辣肉腸pizza 就好似h

揾食推介 ෆ 𝑭𝒍𝒂𝒎𝒆𝒔 ෆ呢間餐廳係無意中睇到 我去嘅係黃埔分店 餐廳職員好友善🙌 入座安排咗張舒服嘅梳化位畀我哋🙇‍♀️我哋點咗兩個主菜 ₁ 招牌春雞 ² 牛排配虎蝦💁‍♀️首先講下個春雞先 調味有少少煙燻辣味🌶 唔係太濃 但係絕對夠哂味 適合唔太重口味嘅你 驚喜在於肉質鮮嫩唔乾💧 冇好鞋口個種質感 🍟跟餐嘅薯條非常足料 有少少香料喺面 好怕食到成口油嘅薯條 但呢個冇 值得推薦😋💁‍♀️我本身唔食牛 聽阿丁講 十分入面佢都畀八分 扒帶好香嘅烤牛味 唔韌 食得出係有質素嘅牛扒 而且大蝦新鮮 夠彈牙 薯條就一樣 夠曬大份又香脆埋單四百令蚊💰 性價比幾高 而且分店位置方便 大家可以去試下✨️🔉 係openrice訂座唔同時段仲有折扣𝑭𝒍𝒂𝒎𝒆𝒔黃埔花園2期錦桃苑地下G10B號觀塘海濱道77號海濱匯1樓2號觀塘鴻圖道51號保華企業中心地下1號鰂魚涌海灣街25號海灣大廈地下A2號

今天剛好找尋到這家餐廳，抱著一試的心態來到黃埔。Weekday lunch 有肉，有pasta，有pizza選擇。附送茶，咖啡加錢，湯或甜品加錢。 我們叫了一個夏威夷pizza，一個扁意粉，和燒雞Pizza 上枱，切開也見到冒煙，熱辣辣來吃很是滋味。扁意粉味道香濃，鮮蝦大大一隻，非常好吃，啖啖肉。燒雞肉嫩而皮脆，side dish 既薯條非常好吃。Cp 值🌕🌕🌕🌕🌑環境 🌕🌕🌕🌗🌑卡座舒適食物 🌕🌕🌕🌗🌑Lunch set 好抵食👍🏻

一早打咗去book定枱諗住同屋企人食飯點知當日被餐廳職員話已經full house 同埋話我地係system 自己取消咗booking 。。。但明明我哋冇click過任何cancel booking 既掣！有向佢地解釋清楚我地冇取消過booking , 但佢地態度勁差！話係我哋問題！完全不能接受！咁樣臨時取消客人張枱 再老屈個客 ，搞到臨急臨忙要即刻搵其他餐廳同屋企人食！ 由好期待餐飯變為極之失望！

來黃埔找吃，實在太多選擇，是日決定食西餐! 餐牌brunch menu都好多選擇，包1杯飲品。散叫加side dish (沙律，湯，甜品)同brunch一樣，但價錢貴左一截，於是揀左三個brunch加$要沙律。 鮮蝦香草薄餅$118😋， 薄餅皮脆好有味。炸魚薯條配他他醬$128，炸得很好，外脆裡面啲魚肉仍juicy👍，薯條係粗個款連皮，有嚼頭。8安士紐西蘭肉眼扒配燒菜，要medium，火喉適中，肉質都可以，只是有少許根，份量足，燒菜帶點煙熏味，能接受否，好個人。沙律加$15，份量用料喜出望外，少許三文魚和新鮮沙律菜。 甜品得三款，賣相一般，所以叫左一件試下(🤪忘記拍照)。餐飲大大杯，凍飲不用加$，但咖啡就要加$18。整體食物美味，價格一般。人客唔算多，我地埋單時，發現原來食左3個鐘🤣 Flame位於大街的角舖，店內冇厠所，要外出過馬路去商場廁，有點不方便。

今日來到黃埔行完海旁，緊係食埋晚餐先歸家☺️ 我揀了配合今晚浪漫既感覺食西餐♥️「忌廉粟米湯」濃濃的粟米，好想一口按一口🤩「燒大蝦三文魚籽龍蝦汁扁意粉」外貌已是好靚，大蝦煎香至金黃，咬口爽脆，扁意粉好creamy 軟硬度剛好🤩 yummy「脆皮乳豬西蘭花苗配黃薑蕃茄飯」半隻迷你豬😊 好脆口外皮，肉質鮮嫩，（等15分鐘制作都值👍🏻）配上黃薑飯，比較乾身☺️「黑松露薯條」粗薯條，絕對是我最愛😍 新鮮炸出更令我停唔到口😋備註：🔺以英文下單為主 （easy☝🏻👌🏿)🔺環境舒適，大玻璃向街，與朋友聊天舒服

本身想食壽司郎，去到已經截左龍派飛，見到對面有間西餐好似唔錯就入左去試下。 一入去見到餐廳以OPEN KITCHEN設計，一邊為熱葷出餐區，另一邊為水吧及甜品。餐廳MENU精簡，一頁就睇哂，食物種類唔算多，但某幾款都比較特別，出面唔係成日見到。 SOUP OF THE DAY:今日供應既係粟米湯，飲落順口，飲得出粒粒粟米，配上黑椒為晚餐打開序幕～FFC(香辣炸雞)，炸雞以雞球裹上炸粉炸，炸粉本身有調味，帶咸辣，雞肉亦醃得入味，自己調製的CAJUN MAYO帶酸辣，紅椒味比較出，沾上檸檬汁及醬汁食十分開胃。卜卜脆小食為前菜或送啤酒一流。 蒜蓉包：用上薄包搽上牛油及蒜蓉後焗脆再灑上芝士粉而成，食落脆口，牛油味較出。 大蝦三文魚籽龍蝦汁意粉：意粉AL DENTE，扁意粉十分掛汁，龍蝦汁帶蕃茄味及蝦既甜味。大蝦經烤製而成，食落帶碳烤味，配上三文魚籽食，意粉配上三文魚籽食好FRESH . NDUYA(辣肉腸PIZZA): NDUYA為意大利一種橢圓形的辣肉腸，比平時食開既PEPPERONI辣同咸，PIZZA麵團焗到條邊小小燶，食落香口。PIZZA鋪上茄醬、MOZZARELLA芝士、NDUJA及沙

夏天時而持續多天大雨，時而大放晴天，最適合和朋友小酌兩杯，聊聊天釋放煩躁的心情。之前經過這家餐廳看到氣氛不錯，所以今晚特意前來用餐。我們來的時間比較早，但已經坐了不少人。12安士紐西蘭安格斯肉眼扒配忌廉薯蓉肉眼扒坑紋整齊，肉質細膩軟嫩，入口有香醇的牛肉香味。我們點的是七成熟，成熟度恰好，切開仍然看到少許粉嫩的顏色。另外忌廉薯蓉也非常好吃，入口軟滑creamy，忍不住一口接一口，還嫌份量不夠呢。燒大蝦三文魚籽龍蝦汁扁意粉意粉上桌的時候熱騰騰的，兩大隻燒大蝦肉質彈牙，新鮮而且有少許蝦膏。濃郁的龍蝦汁是意粉的精粹，配上酸酸甜甜的蕃茄汁，既不會過膩也不會太酸。LYCHEE SPLASH夏日天氣實在是太熱了，我點了一杯冰凍可口的LYCHEE SPLASH。甜甜的荔枝味中，搭配了白葡萄汁的清新，解口渴之餘也不會太甜膩。WIKI WAKI WOO朋友在菜單的推薦飲品中選了其中一杯，一下口即嘗到Vodka和Rum等多種混合而成的味道，伴隨著一點橙汁和菠蘿汁的甜味，中和了酒的苦澀味。不太會喝酒的我小嘗一口就夠啦。當然餐廳的氣氛很好，確實很多人都點了酒和朋友開心暢飲。