Flames (黃埔天地)

营业中

休息中

黃埔雖然有唔少地舖餐廳，但係好多都係小店，相反環境優美嘅西餐選擇較少。今次食呢間都近地鐵，見到環境幾靚，雖然個位置唔係太起眼，但係都算係方便。同其他西餐廳一樣，選擇都係有Pizza、沙律、肉類、甜品、意粉等等。我同朋友兩個，俾牛扒吸引，點左安格斯牛扒，五成熟，係紐西蘭嘅肉眼扒嚟嘅。另一款係美國嘅西冷扒，但個人鍾意肉眼扒所以揀咗肉眼扒。再配埋薯蓉，豐富。有啲薯條，薯條份量比想像中多，外皮好鬆脆，入邊保留到溫度，趁熱食更加好味。朋友就點咗燒春雞，燒春雞份量都好大，有兩隻，一人一隻啱啱好，滿足。佢有唔同嘅醬汁。個薯條係跟雞嘅。如果唔夠其實可以嗌黑松露薯條，當小食，只不過我哋夠啦。本身想食埋甜品，放左出黎見款式幾多，但趕時間關係最後都冇食到。成餐飯一個主菜加一杯嘢飲，大概$300一個人，價錢算合理

一早去咗黃埔開會，開完會已經係食晏時間，肚仔餓，要醫肚，不過唔熟悉呢頭，行吓行吓見到呢間餐廳，食西餐，座位闊落，似乎幾啱呢日嘅胃口同需要，咁就決定入去試吓😆叫咗 $298 嘅「12安士 紐西蘭🇳🇿 安格斯肉眼扒🥩配焗蔬菜 NZ ANGUS RIB EYE STEAK」，加 $48要「是日餐湯」😋「是日餐湯」先上，係「粟米🌽忌廉湯」，熱辣辣好 creamy, 仲食到啲打碎咗嘅粟米蓉🌽，好飲😆。「12安士 紐西蘭🇳🇿 安格斯肉眼扒🥩」大大塊牛扒肉質都幾 lean 不過咬落軟熟仲頗 juicy，又幾好牛味😋，叫咗七成熟，廚師👨‍🍳控制生熟程度好好😋；仲有焗紅蘿蔔🥕、薯仔🥔、翠玉瓜 做配菜，都做得好美味😋

呢間係黃埔裝修別樹一格，好有feel既感覺，今日同朋友黎試食餐牌選擇幾多，搞到我哋樣樣都想試§12安士紐西蘭安格斯肉眼扒配忌廉薯蓉（$298） 叫左5成熟 賣相相當精緻，牛扒切開入面仲好粉嫩，味道無令人失望，牛味香濃，鮮嫩多汁😋😋 另外個忌廉薯蓉相當creamy同細滑，入口化，配牛肉更添風味避風塘雞翼（$88）雞翼炸到卜卜脆，加埋避風塘粉香香辣辣夠惹味可口蟹肉巴馬臣芝士脆脆蕃茄忌廉汁通粉（$138）長通粉唔會煮得過熟，口感仲好煙韌，又入晒味。蟹肉幾均勻咁沾滿晒啲長通粉，加埋芝空、蕃茄同香草，味道夠晒豐富😋

呢間西餐廳觀塘鰂魚涌都有。一路都想試，但係就唔啱時間。今日見到黃埔花園有分店，過嚟試一試。呢間餐廳經OpenRice訂位有折。Menu同其他分店一樣。有折扣相對來講性價比高。👍今日叫咗三個餐：8安士紐西蘭肉眼扒、鮮蝦香草蕃茄忌廉汁扁意粉、鮮蝦香草醬薄餅三個餐的食物質素唔錯，口感豐富。😋😋😋餐廳的C座位很舒服，沒有擠迫的感覺。😊😊😊值得再試.

今日係星期三特登去AEON行吓街掃貨，順便同老公撐吓枱腳食個靚飯😍見到呢間西餐廳環境幾浪漫，燈光暗暗的，幾有情調，所以就入去試吓♥️燒春雞配薯條 $238燒春雞大大隻𩸆得入味，而且有辣醬同茄汁俾選擇～薯條質地比較粗外脆內軟～係我終於食咗薯條質地👍大蝦三文魚子扁意粉$148呢個配搭好新鮮喺其他餐廳未試過，所以一見到就覺得好吸引！大蝦大大隻，肉質爽口，三文魚子份量亦唔少！而且比較鮮甜，值得一試👍是日餐湯$48南瓜忌廉湯，香濃南瓜味，湯身較滑！烤野菜$48由於平時都出街食嘢，比較少嗌菜食，所以今日特登嗌咗個烤野菜，全部瓜菜都係用牛油燒過～有薯仔，胡蘿蔔同翠玉瓜！

行開黃埔見到有一間大落地玻璃窗可以望到街景的餐廳，加上淺木為主嘅裝修吸引感覺非常舒服，餐廳外邊的餐牌都好吸引，就入去試吓！燒大蝦三文魚籽龍蝦汁扁意粉一碟大約有兩隻大蝦🍤啖啖肉新鮮爽口，再加上龍蝦汁做醬汁，鮮味十足，三文魚子亦增加口感，扁意粉掛上醬汁精華，每一啖都食得非常滋味。是日餐湯粟米忌廉湯，香濃幼滑，飲落暖笠笠。芝士肉醬焗玉米片賣相七彩繽紛好吸引，芝士做到拉絲效果味道濃郁，配料加入新鮮蕃茄、青瓜、紫洋蔥及肉醬，鹹鹹香香，配搭玉米片一齊食鹹鹹香香，食多幾塊都唔覺得好油膩。最後飲埋杯冰涼嘅檸檬茶，呢一餐好滿足😋

黃埔算係一個美食天堂，很多唔同類型嘅食肆選擇，交通也方便，今日嚟到Flames，估唔到午巿高朋滿座，Weekday Set Lunch 包一杯餐茶，我點了一份鮮蝦香草蕃茄忌廉扁意粉，若只看賣相的話很一般，但食落味道出奇地好，蕃茄汁煮得濃稠適中，啖啖茄蓉，蝦亦爽甜，友人點了一份照燒汁梅頭扒配薯條火，唔嚡之餘仲好juicy，配以燒汁烤制簡真一流，薯條一般，略嫌份量少了點，男士可能唔夠飽，餐飲分別點了凍檸茶及latte(點配特濃咖啡需另加$18)，個人不建議加錢配咖啡，口感麻麻，咖啡味淡，奶亦不香滑。

🐻記得第一次食尼間餐廳好有好感，之後都念念不忘 ☺️ 之前睇iswim仲見到有一個場景係尼度拍啊(唔知大家知唔知邊個場景呢😏) 今次兩個人去食，決定叫個set dinner 🍽️ 因為性價比很高呢✨⁡🐻の試食‼️✨SET FOR TWO $398 ⁡今次🐻飲到既南瓜湯都係一樣咁creamy咁開胃 🎃 非常推介要湯❗️另外，肉眼扒配忌廉薯蓉今次都係滿滿肉汁但有少少鞋，好在薯蓉救番唔少分 😌 炸魚薯條都多人推介，果然無失望，炸魚夠曬脆又唔會太厚粉 🐟🍟 最正係跟餐有cake，仲可以飲品買一送一添🥂 ⁡

平時會去黃埔約fd周圍搵下野食，原來泊車係黃埔天地廣場好抵，消費滿一百就有一個鐘免費，今次就揀咗黃埔天地既Flames，最鐘意呢間既梳化位夠闊落！側邊有啲綠色植物環境同朋友傾計都唔錯！ 夠哂chill! 我地點咗12安士紐西蘭安格斯肉眼扒配忌廉薯蓉，牛扒叫咗5成熟，啲肉厚身中間淺淺粉紅，食落juicy，少許韌！埋個薯蓉已經好飽！呢個份量一個女仔完全食唔哂！ 最後點咗個蘑菇黑松露Pizza，平時出街比較少見呢款pizza, 嚟到已經聞到一陣陣既黑松露味，佢最特別係有新鮮黑松露一片片，配埋芝士同忌廉，十分夾！ 薄餅底口感好香脆！

每日食西餐牛扒，意粉，薯條都唔會厭嘅我，每區總會發掘下有邊間西餐廳好食，位於黃埔嘅Flames ，作為街坊一早已經朝聖過幾次，覺得質素非常唔錯尤其係牛扒，所以暫時喺紅磡食西餐，一定會去返呢度，這裏環境優雅，燈光帶點昏暗，幾有情調，兩個人或者三五知己食飯傾偈都係好嘅選擇👍🏻👍🏻🥩▪️12安士紐西蘭安格斯肉眼扒配忌廉薯蓉 $ 298每次必食，厚切肉眼扒，好香嘅燒烤味，我哋點咗5成熟，牛扒外層焦香，肉嘅中間部份仍然帶點粉嫩，仲有少少肥膏，好夠淋，每次都係咁高質素，牛扒愛好者絕不能錯過，另外忌廉薯蓉亦非常香滑，好食🍝▪️燒大蝦三文魚籽龍蝦汁扁意粉 $ 148濃厚嘅意粉醬醬汁，有濃濃既忌廉龍蝦汁味道，包圍着每一條軟硬適中嘅扁意粉，配合新鮮嘅三文魚籽，非常鮮味，兩隻燒大蝦爽口彈牙，非常好食嘅一款意粉🍟▪️黑松露薯條 $ 48這裏的黑松露薯條，黑松露非常慷慨，超級香松露味，調味適中，配合炸得香脆嘅粗薯條，超正，配牛扒係最佳拍檔🍹▪️Peach Dirty Lemonade $ 88以伏特加為基調配合蜜桃果溶，青檸，檸檬汁，Cocktail 當中酒味都算濃，但幾容易入口，配合返其他水果嘅味道，非常唔錯🥂▪️Ho

考完試梗係要慶祝下🍻，呢間之前都有食過，覺得食物同環境都唔差👍，所以決定再黎。🐏紅酒燴羊膝配忌廉薯蓉燒蔬菜（$268）🍷唔係間間餐廳都食到羊膝，所以如果有我都會叫嚟試吓。羊膝炆到肉質軟腍☺️，香噴噴嘅紅酒汁減少左羊嘅羶味，加埋香綿幼滑嘅薯蓉，好食到停唔到口😍。🍝蟹肉巴馬臣芝士脆脆蕃茄忌廉汁通粉（$138）🦀忌廉汁creamy，帶有蕃茄嘅酸酸甜甜😋所以完全唔漏，多汁得嚟啲汁食得住啲通粉，巴馬臣芝士脆脆完全係一個highlight，脆脆嘅口感今到口感層次昇華💯。🐥香辣炸雞（$78）🍗傾計就會口㾗想有嘢咬下，所以就叫左個小食。炸雞一啖一嚿，唔洗切，非常方便😜，佢嘅脆漿唔厚，帶微酸，雖然話係香辣，但係一啲都唔辣，覺得唔夠酸仲可以唧埋佢嚿檸檬🍋，好開胃😁。🍹Peach Dirty Lemonade （$88）🍹慶祝點少得飲酒，之前飲過flames幾正，不過諗住試吓新嘢，就叫咗叫杯Peach Dirty Lemonade。有好多果肉/jelly，香甜濃郁，酒精絕對高過啤酒🤪🍹Tropical punch （$68）🍹係一杯適合打卡嘅mocktail，多種水果放埋一齊，層次感好高，充滿夏日嘅感覺。🏠環

和太座在黃埔天地悠閒逛商埸，正在找歇息輕食地方，看到街上這品牌西餐廳，門外有午市套餐推介，决定坐下看看😀落地玻璃窗令店内光度足，感覺開揚舒適😀决定捨套餐而點自選菜單，看中有廚師推介的:12安士紐西蘭安格斯肉眼扒配燒蔬菜，又點了相信十分填肚的主食:紅酒燴牛面肉草菇扁意粉安格斯肉眼扒烤至四成熟，牛肉入口嫩滑而又有咬感，不需沾醬汁亦味美，配菜有 烤意大利青瓜，薯仔， 甘筍，配搭得恰當😋紅酒燴牛面肉草菇扁意粉，醬汁味道濃郁，牛面肉肉質佳又爽口，炆得啱火度，扁意粉軟硬適中有咬口，伴燴 牛面肉醬汁甘香😋😋滿足的一頓西餐👏

今天工作特別有挑戰性，好彩之前約定朋友到黃埔《Flames》吃過痛快，呢餐可以慢慢食慢慢傾。座位好闊落，有少量卡位，落地玻璃望到門外街景，好舒服。店員友善招待，樂意為客人解答餐牌上問題，餐牌是中英對照的，仲可以學埋不同食物嘅英文名稱。是日餐湯-忌廉粟米湯~粟米味道香濃，夠香滑；香草蒜蓉包~脆卜卜香噴噴，蒜蓉味好夠，上面加了芝士粉特別好味；紅酒燴羊膝配忌廉薯蓉燒蔬菜～平時食羊肉成日好擔心啲羊會太過羶，不過呢度完全冇呢個問題！肉質夠嫩滑，輕輕紅酒味啱啱好，伴碟啲薯蓉也美味；紅酒燴牛面肉草菇扁意粉~牛面肉好夠淋，紅酒味比羊膝更重，扁意粉食落夠爽口，條條掛滿香濃醬汁；自家製蛋糕~餐廳提供兩款蛋糕，我哋點了朱古力味，蛋糕食落甜甜的，應該係榛子味，配合脆脆餅底， 朋友都食到舐舐脷。食完仲可以慢慢傾慢慢講，今晚仲俾我發現餐廳可以提供生日歌，見到隔離枱有朋友們為自己慶祝生日，好開心啊！

Flames (黃埔天地) (紅磡)紅磡黃埔花園2期錦桃苑地下G10B號舖菠蘿汁$38菠蘿汁🍍鮮甜美味，好香，夠冰凍。好好飲，👍👍👍檸檬茶$28🍋檸檬茶，茶色深，茶味香濃，滑口，夠清新，🧊冰凍可口🍹🍹🍹紅酒燴羊膝配忌廉薯蓉燒蔬菜$268紅酒🍷燴羊膝配忌廉🍠薯蓉燒蔬菜🥬，大大舊唧紅酒燴羊膝，羊膝燴得好冧滑，好有紅酒🍷香味，薯蓉幼滑，配埋几種蔬菜🥬配搭好好，一啲都唔肥膩，超好食😋😋😋燒大蝦三文魚子龍蝦汁扁意粉$148🍝 我從未食過咁好食嘅燒大蝦🍤三文魚子，龍蝦汁扁意粉🍝香噴噴，燒大蝦🍤肉爽滑，三文魚子大大粒，新鮮，鮮甜，唔腥，扁意粉🍝煮得煙靭咬口， 好夠師傅，配香濃龍蝦汁，好味到不得了，🥳🥳🥳自家製士多啤梨蛋糕🍰 $68飯後食返件，自家製士多啤梨🍓芝士蛋糕🍰，製作夠精細，幼滑，香甜，芝士香濃，餅底脆，正😄大滿足。

久違的和朋友一聚，當然要找間環境氣氛都適合聊天的餐廳慢慢詳談啦。朋友在網上找來這間flames,有好幾間分店的，為了方便朋友，就選了黃埔的分店。是雲石面的枱，最適合拍食物照。先來個蔬菜做頭盤，有薯仔、紅蘿蔔和脆肉瓜，牛油的香味洋溢在整碟蔬菜，薯仔連皮燒更香口，紅蘿蔔是點爽甜的，脆肉瓜當然是甜脆的，保留蔬菜應有的風味。本人一般不太喜歡吃長通粉，但這個例外，因為汁底做得非常濃厚，而且每條長通粉都掛滿了汁🤤通粉軟硬度適中，芝士味非常濃烈，亦有淡淡的蕃茄香，加上蟹肉配搭得天衣無縫。一份有兩隻虎蝦，開了邊非常易拆肉，不用整糟糠手，只用刀叉亦能輕易取出。燒大蝦的調味不多，只要少許鹽就能帶出蝦的鮮味。底下的薯條帶皮焗得香脆，配上茄汁令人停不了口。我們選了五成熟的牛扒，格仔網紋燒得意外地漂亮🤩，厚厚的牛扒肉汁滿滿的🤤而且五成熟剛剛好，肉質非常軟嫩，我們都吃得津津有味呢😋最後配上甜品作完美的句號，今天的蛋糕有兩款可選，士多啤梨或藍莓，我們選了藍莓蛋糕，一份有兩件，芝士蛋糕是焗的那種，上面淋上藍莓醬，奶香味濃，甜度亦剛好。