Flames (黃埔天地)

营业中

休息中

黃埔區有好多唔同類型既食肆，但係呢一間環境清靜氣氛一流嘅西餐就吸引咗我裝修設計好特別，夜晚人流都多，但係坐得好舒服店員會好細心係枱面放好晒餐具同埋Menu，仲要好整齊咁樣排列，俾你一眼睇得出自己想要睇啲咩食物主菜嘅類型都好多，我哋決定肉、意粉同Pizza各一，每樣都滿足晒自己葡式香辣燒春雞配薯條好細心咁樣將隻雞切好咗半邊嚟燒，外皮色澤金黃，薯條份量好多，條條都切得好均勻雞嘅外皮好香脆，一切落去嘅時候聲音清脆，雞肉嘅肉汁流曬出嚟，做到外皮乾身但係依然鎖到肉汁係內層雞肉好鮮嫩，即使去到雞胸嘅位置都唔會好鞋，少少香辣粉點綴咗雞肉嘅味道薯條嘅厚薄程度適中，啖啖肉，有茄汁同埋辣汁點 ，好好咁襯托左成道菜紅酒燴牛面肉草菇扁意粉餐廳揀咗牛嘅呢個部份做意粉都有少少特別，平時喺出面好少聽，牛肉嘅份量好多！牛肉炆到好淋，入口即化，而且完全冇筋，一啲都唔痴牙，醬汁好好咁樣融入咗係意粉入邊，索晒醬汁，入口嘅層次係酸甜嘅醬汁，再襯托返少少草菇，令到意粉清新左海鮮香草茄醬薄餅一上碟已經好吸引，每一件壽司都有大大塊嘅三文魚喺面，海鮮愛好者已經即刻想放入口Pizza嘅海鮮俾得好大方，有三文魚、大蝦、魷魚，而且係每一件

唔住黃埔既人，其實有d難發現呢間係路邊角落既餐廳，不過今次繼續發掘HK各式各樣既餐廳既時候，就搵到Flames啦，順帶一提，黃埔泊車都幾抵，消費$200就可以免費兩小時，平日晚揸車去食都抵呀。▫️Shelter Chicken Wings $88除左有好多避風塘既蒜粒，仲有好多麵包糠碎脆脆，包圍住成碟雞翼，我會忍唔住想食哂d脆脆，因為真係好惹味▫️Surf N Turf $288Rib Eye Steak煎得好靚，有筋既部份但一d都唔靭，肉質好林，加上有種炭燒香，唔係燒焦那種唔討好既味道，而係好香既炭燒味道，感受到廚師好俾心機煎▫️Parma Ham Caesar $118所有菜都好新鮮，食肉之餘都要叫番碟沙律菜來平衡一下▫️Flames Lemonada $68試下呢度既Signature drink 啦，原來係士多啤梨加檸檬梳打呀，一睇就知係新鮮打出黎，仲飲到士多啤梨籽同埋檸檬粒

今個月第二次來到Flames，真的會對這間餐廳有着想食的慾望。平日來到， 6:00已經滿座，幸好有訂位，不然就白行一趟。個人認為食物質素好，服務員態度亦是重點，餐廳每一位都非常有禮貌，而且非常主動，當中亦有外籍服務員，格調十足。前菜先來一個1/2kg白酒青口伴脆炸薯條，青口非常鮮味，口感嫩，白酒加上洋蔥，香氣十足，半kg二人輕鬆K.O.炸薯條非常香脆，高質，無論點茄汁或是青口白汁都10分惹味最近天氣非常炎熱，飲品當然不可缺少。 Butterfly dreams用上蝶豆花的知識，造型吸引，以菠蘿汁為主調，清新解渴Tropical punch 似雜果賓治，多種果汁混合，非常有夏日感覺，未到比Butterfly Dreams甜，果汁味比較重主菜點了辣肉腸薄餅，餅底非常鬆軟，少許燶邊帶點香脆，少少辣味吃得非常過癮Orange roughy 橙色鯛魚，口感非常厚實，油脂豐富，跟鱈魚有點相近，用照燒汁烹調反而更顯魚鮮味，推介

再一次光臨flames, 西餐廳黎講算高質，格調都唔錯，岩晒同朋友敍舊或者閒聊。NZ Rib Eye Steak $1788安士幾有份量，叫左5成熟，色澤嫩紅，肉質一啲都唔鞋同唔un，配煎香既薯菜都好飽肚。pan fried sole fish fillet $138魚柳口感幾嫩滑，同黑松露忌廉醬配搭好match，啖啖香氣。truffle fries +$48薯條熱辣辣，口感外脆內軟，黑松露相當足料夠香濃，食完晒都唔太膩。

Flames這個品牌的餐廳，數年前我曾去過九龍灣的分店，印象不錯。這一晚來到黃埔，正是晚飯時候，就在這間 Flames的黃埔分店吃一頓西餐。餐廳環境不俗，情調迷人，多位侍應都不是中國人，讓我差點以為自己已經可以遠離香港，在外國用餐。先點了兩杯 Mocktail，分別是橘紅色的 Flame Lemonada（$68）和青綠色的 Cucumber Lemonade（$68）。 Flame Lemonada是太太的，雖然已是少甜版本，味道仍然偏甜了點，不過濃郁的水果味仍是討好的味道，也甚解渴。我的 Cucumber Lemonade同樣是少甜版本，味道來得比 Flame Lemonada 更加清新，青瓜與檸檬的組合，解渴怡神，效果甚佳。「紅酒燴牛面肉草菇扁意粉」（$128）非常好，濃稠好味的牛肉醬汁與大小不一，軟腍得根本不用咀嚼的牛面肉，加上少許草菇，與略為腍身的扁意粉混成一體後，每口舀起來都是令人滿意的豐富味道，這扁意粉絕對令我喜出望外。「12安士紐西蘭肉眼扒配忌廉薯蓉」（$298）也不錯，12安士的肉眼牛扒，既厚身又大件，五成熟的牛扒肉質十分軟熟，輕而易舉地便可以用刀切開，裡面仍封存著肉

今天返黃埔娘家，又忍不住去食樓下的Flames。坦白說Flames真的有種魔力，會令你一想再去。是日平日，竟然full Booking，幸好一早拜託家人訂了位，可見餐廳的人氣程度餐廳餐牌比較簡約，但無論海鮮、肉類、意粉或薄餅都有選擇。飲品點了一個butterfly dreams ,用上蝶豆花，造型非常吸睛，果汁味非常濃，炎炎夏日非常需要他另外一杯Tropical punch,味道類近fruit punch,同樣非常清新解渴！食飯總需要一杯飲品在旁前菜點了半kg的白汁青口，半kg份量都非常多，青口吸了所有醬汁精華，而且口感爽甜，真的會令人吃不停口！伴碟油香脆炸薯條，非常脆口，又是令人一根接一根，吃不停另外點了辣肉腸pizza，Pizza皮薄之餘亦非常鬆軟，邊緣位置口感則較脆口，辣肉腸微辣略帶鹹香，老公一人吃了大半個🤣Orange roughy 又稱「長壽魚」，口感有點像鱈魚，油脂同樣豐富，肉質比較厚實，不會易散，用上照燒汁烹調特別惹味，但卻保留魚的鮮味，當晚我最喜愛的一道菜色就是他❤️

黃埔食肆林立，朋友提議嚟呢間，而家搭地鐵好方便餐廳裝修得新派舒服，入門口幾張半圓梳化同雲石枱，好有格調呢度唔少選擇，分小食，主菜，意粉，沙律，pizza等等。叫咗兩個主菜，12安士紐西蘭安格斯肉眼扒配忌廉薯蓉 $298牛扒放在深色木板上，好靚仔一切之下，肉質嫩滑，我哋鍾意食七成熟，仍保持多汁，香濃牛味又不會太肥膩。紐西蘭牛扒 出名低脂，低卡路里，健康之選。 忌廉薯蓉也相當綿滑蟹肉巴馬臣芝士脆脆番茄忌廉汁通粉 $138滿滿的蟹肉和芝士，鋪滿在忌廉汁長通粉上面，相當足料，味道很夾飲品有cocktail，mocktail，奶昔， 果汁，咖啡或茶等等。揀咗Strawberry Lover $68呢杯mocktail, 裏面有士多啤梨蓉，好香士多啤梨味Lychee tea $38呢杯雖然裏面冇荔枝，但係荔枝味非常之出，好清新這裏的侍應，不論國籍，都非常友善。在這與友人輕輕鬆鬆共聚，非常滿意，餐後還可逛逛附近的商店和百貨公司

收工後同朋友去chill下食下好西 餐廳環境一流 位置都好方便我地叫左一份8oz 紐西蘭肉眼扒燒大蝦配薯條牛扒肉質有咬口 grilled味比較特出 大蝦係虎蝦 燒得比較乾身比較容易剝殼 味道正常未去到好驚訝反而薯條就做得好出色 鹹香酥脆 另外係燒大蝦三文魚籽龍蝦汁扁意粉意粉水準頗高 加入三文魚籽瞬間日式左 龍蝦汁感覺上冇咩龍蝦味 反而蒜香中帶點creamy ，個人很喜歡呢另外就係飲品 朋友叫了杯flames lemonada 味道酸酸甜甜 好fresh 夏日瞬間變得清涼而我叫了杯普通的檸茶 美好嘅一日就咁完結

隨著黃埔站既開通，陸續有唔同優質餐廳進著。我同女友睇中呢間西餐廳Flames得到唔少正評。所以今晚就揀呢度食二人晚餐。隨即揭開黃埔搵食之旅既序章。🔥萄式香辣燒春雞配薯條($238)先來一板燒春雞，上面有薯條及醬汁，隻雞的份量夠大！同女友可分享，外皮燒得香脆。切開時見到全熟厚肉。配以辣椒醬食落相當不錯。🔥燒大蝦三文魚籽龍蝦汁扁意粉($148)大蝦兩隻，入口彈牙又啖啖肉，龍蝦汁扁意粉意粉爽口彈牙，醬汁夠濃，酸甜又開胃。🔥大火箭菜薄餅($158)薄批夠香脆，每批上面有一大塊夠咸既巴馬火腿。配搭下面既芝士同蕃茄，使成份parma成更高嘅層次。📎餐廳大部分職員需以英語溝通📎另收加一服務費個人黎睇相當滿意!

今日想去黃埔玩，經Openrice搵到呢間餐廳勁多好評，訂位仲有七五折優惠。點知黎到仲有一個更優惠嘅優惠，原來假日叫一份Holiday Brunch就送一份兒童餐。最後買二送二勁抵。黑松露卡邦尼扁意粉 ＄108可以話係食過最好食嘅Carbonara，無懸念。意粉硬度剛好，忌廉味勁重，好香黑松露味，煙肉、雜菌、洋蔥嘅配搭，整體真係好好味。葡式燒雞扒漢堡配薯條 ＄128非常澎湃嘅一份漢堡，雞扒大到突番出黎，好吸引。漢堡仲有番茄、生菜等配料。將佢解體，雞扒有辣味，有肉汁，可惜麵包略為乾身。薯條都係非常多，新鮮炸起，脆到不得了。迷你炸魚薯條配他他醬迷你？真係迷你？一大碟你話係正常Size我都信。兩大件魚柳炸得香脆，粉漿唔厚，配上偏酸嘅他他醬，好味。番茄肉醬扁意粉 呢份就合理Size嘅迷你意粉，但味道相當不錯。番茄味濃，肉醬亦相當多。兒童餐一份原價＄68，一個迷你主菜加一個雪糕。細細碗兩個小雲呢拿雪糕球，口感較為黏身，唔似一般平價雪糕，有驚喜。食物賣相，味道都係非常好，單叫一份Brunch一百零蚊，跟飲品已算非常合理。而家仲送多兩份兒童餐，就真係抵到離晒譜。一定會Encore！

/ /- 𝘍𝘭𝘢𝘮𝘦𝘴 𝘪𝘯 𝘞𝘩𝘢𝘮𝘱𝘰𝘢 -黃埔異國風情西餐廳🍴今日同朋友嚟開黃埔呢頭附近見到呢間西餐廳想試好耐㗎啦(⁎⁍̴̛ᴗ⁍̴̛⁎)環境好別緻，梳化位都好舒服😌香草紅酒汁燴牛肉面配忌廉薯蓉燒蔬菜🥬牛肉面真係超有驚喜，整得好腍好入味食落淡淡紅酒味道，肉質嫩滑🍷忌廉薯蓉都好滑，好香口！意式辣肉腸薄餅🍕薄餅即叫即烤，熱辣辣！餅邊烤到有啲燶邊，食落更加脆口好足料，配埋辣肉腸鹹味十足蟹肉巴馬臣芝士脆脆蕃茄忌廉通粉🍝呢個係我最愛呀😙😙超濃郁嘅芝士🧀蟹肉份量都好多～長通粉中間仲夾住好多醬汁，食落超juicy📍 Flames (黃埔天地) (紅磡)紅磡黃埔花園2期錦桃苑地下G10B號舖#黃埔美食 #紅磡美食 #香港美食 #黃埔西餐廳 #西餐廳 #薄餅控

落大雨最好就係搵個舒適而又有特色的餐廳享受下美食！剛好泊好車經過路面有間情調不錯的西餐廳🍴去到西餐廳必食的西冷牛排🥩12安士的美國🇺🇸安格斯西冷牛扒燒蔬菜🥬$298燒過的菜好新鮮，西冷牛扒要5成熟，肉質嫩多汁，厚切啖啖肉質好味😋再配上一杯紅酒🍷更加好！不過今次叫左特飲，flames lagoon $88有我喜歡的藍色色彩再加上檸檬🍋片，用火一燒，真有情調啊！新鮮黑松露蘑菇薄餅$158好細心的擺設，用個架墊高個pizza,方便攞起入口，一片片的新鮮黑松露好少見，仲係份量都多，咬上不但濃濃的味道仲有口感，不過的配答！

好友搬到黃埔住了，今天探訪新居後再帶我到附近的"黃埔天地時尚坊"一帶逛逛，發覺這區交通方便鄰近有港鐵站大型購物中心，美食……一站式消閒及娛樂設施等 。 她再帶我到一間超受街坊歡迎的西餐廳晚餐。 這間"Flames"是在時尚坊第二期地舖，坐下不久食客若潮水般入座相當人氣！ 落地玻璃座位舒服開揚，職員親切友善招呼。 好友表示她喜歡光顧這間店因為有服務有味道收費合理。由她發辦點了飲品·~一杯茶 和 一杯 Punch12oz紐西蘭肉眼扒 配 蔬菜 $ 298份量十足，燒得焦香樸鼻上面網紋 清晰可見。切開呈現誘人粉紅顔色……肉質鮮嫩味道濃郁軟滑多汁，配上燒汁表面脆脆甘香的，非常滋味！伴菜也相當鮮甜。Beef Cheek Linguine $128牛面頰肉扁意粉大小不一的牛肉口感似燉煮肉般鬆化，入口即溶。醬汁豐富惹味，包住每條柔韌Q彈的扁麵條。好味！English Breakfast $ 38Tropical Punch $ 68賣相漂亮帶微微Run酒香味又有熱情果，杧果，檸檬……等。口味清新充滿果香！Blueberry Cheesecak $ 68自家製香濃幼滑芝士餅，甜度適中。

3個女仔夜晚去左呢間餐廳食晚飯3個人叫左個4人套餐有4個主菜 4杯飲品 4個蛋糕仔甜品 仲有3個沙律+1個湯頭盤黎講 餐廳既沙律好夠料 如果沙律同湯 2揀1 一定推薦食沙律個pizza黎到既時候好熱好新鮮 應該係餐廳手工整既pizza炸魚薯條比較厚粉 但薯條好多好新鮮 好脆炸雞薯條隻雞唔大 同埋比較乾 但配左一個辣既醬汁 幾有新鮮感 薯條亦都不過不失最有特色係呢個意粉 有魚子 隻蝦彈牙 極度推薦套餐飲品 買一送一

這天晚上約了朋友到紅磡吃晚餐，我們決定吃Flames。這餐廳在全港有很多分店，看起來很有名。店面：附近很暗，所以影得不是很清晰，大家將就著看就可以。餐廳裡人山人海，全場滿座，看來很受歡迎。我們等了一會，終於被安排坐在舒服的卡座上。燈光昏暗，很有氣氛。設備齊全，有吧枱，又有甜品櫃。餐單印刷精美，中英對照：時間不早，不想吃太多，怕晚上難消化。最後我們決定選2道主菜和每人1杯飲品。脆皮乳豬西蘭花苗配黃薑蕃茄飯 $298超級大份，如果只有兩個人而又會再點其他食物的話，就要慎重。只吃這道菜，已足夠喂飽2個人。乳豬皮燒得香脆，咬下去脆卜卜的。裡面的肉又嫩又軟，底下還有西蘭花苗和黃薑蕃茄飯。一道菜下來，有齊飯、菜和肉，大滿足！燒大蝦三文魚籽龍蝦汁扁意粉 $148剛才的乳豬偏中式，這道扁意粉就偏西式。很少見加龍蝦汁去煮的意粉，通常都是加cream、蕃茄汁或黑椒汁去煮。三文魚籽很彈牙，咬下去有汁咇出來，一點點鮮和鹹味跟意粉很合襯。Cranberry juice $48本來其中一杯我們想點橙汁，但因為太受歡迎，已經賣曬了，所以我們兩個都選了cranberry juice。酸酸甜甜很開胃，又不會搶了其他食物