Fifty Fifty (已結業)

係長沙灣呢個小區，大多數都係中餐館或者茶餐廳，係本區食左咁多年，終於有一間開揚、舒服的西餐廳。萬聖節前夕經過，見到門口都佈置左南瓜的裝飾，滿有氣氛，所以就入去食左個"light" tea。餐廳內裝潢都很光猛，牆上歐美清新的裝飾，再加上木造的枱凳，感覺十分乾淨企理。而且有好多四人枱，非常闊落，幾適合家庭同朋友聚會。香煎鵝肝配焦糖蘋果忌廉汁 ($88)由於鵝隻屬家禽類，大多數鵝肝都會有點兒騷味。所以呢間餐廳實在十分聰明，佢地將一片片酸酸甜甜的蘋果整到有焦糖面，甜味將鵝肝的腥味辟走，而果酸同黑醋則中和左鵝肝的油膩。而且，鵝肝的外層煎得非常香脆，內裏非常細膩滑潤，入口即溶。雖然鵝肝的品種不是頂級，但烹調方法和調味都非常出色呢。 蜜糖單骨雞翼 ($38)雞翼都拆成單骨，令人更加容易方便食。雞翼都烤得十分香口乾身，面頭灑上一點點蜜糖，不會過甜或過膩，而且淋上了黑白芝麻，令外層更香脆。 榛子咖啡 ($28) 咖啡都非常濃郁香滑，咖啡和奶的比例剛剛好，熱度很適中，榛子的味道也很香氣撲鼻，咖啡不苦不酸，是我喜歡的咖啡。薄脆朱古力 ($32) 本來想點茉莉水果茶的，但店員說賣完了，所以他們推介我們喝這杯凍

兩口子鍾意周圍食好西今晚黎到長沙灣呢間新開嘅西餐廳～一入到去，餐廳嘅環境幾有文青Feel幾岩三五知己談下心，飲杯嘢或者摸下酒杯底🥂🍻可惜明天要番工，唔係嘅，我都飲番2杯～想試佢D手工啤😉晚餐其實幾多選擇，有套餐/散叫，有不少小食。我地就叫左2個餐，加個小食。餐湯係雜菇湯，味道幾濃，口感一般。Risotto控的至愛燒香茅天使粉紅蝦意大利飯第一時間試下個飯，一入口，個口感一流呀！飯嘅軟硬程度都幾正宗呀，飯嘅中間硬度幾好。我相信係配合香港人嘅口味之餘，堅持意大利飯本身嘅煮法都好重要。我大愛呀！香茅蝦幾特別。至於個白汁，同菇飯超配合，我食完仲想encore。但梗要留肚啦～另外嘅主菜，燒羊架配鯷魚醬芥末籽白酒汁。呢個真心正咼五成熟嘅羊架，剛剛好～不油膩不羶～剛剛熟嘅羊，配上呢個汁，實在畫龍點睛。個汁真心幾得，芥末嘅少少辣味中又帶點甜甜地，幾夾咼！再來小食，焗香草牛油翡翠螺。呢個都有少少驚喜，個螺爽口之餘都幾甜。性價比高！食飽飽，就試埋佢個必飲嘅沙冰- 特濃朱古力沙冰。身為朱古力按嘅佢，都幾滿意～夠濃但又唔太甜！食西餐又點少得個甜品呀！$10加件是日蛋糕，唔係唔嗌呀？熱情果芒果芝士玻璃朱古力蛋糕全

今日做完義工 獨個兒去搵下野食，獎勵下自己！ 見到呢間新開嘅餐廳dinner set 唔貴，就冒險心態地去試試啦！呢個二人餐幾抵，30oz 可惜我得一個人Dinner set有湯、飲品，加$10有蛋糕今日嘅湯係黑松露雜菌湯，估唔到$108嘅餐都飲到呢款湯 而唔係忌廉湯有好多雜菌碎粒，濃郁嘅雜菌味！芝士菠菜意大利雲吞賣相好吸引，其實我都係第一次食，皮薄，餡係一粒芝士，個湯汁好creamy, 好好味！！飲品我加錢轉左手工啤酒，芒果口味，店員話呢款特別d 係罐裝。飲落有少少芒果味，但唔重，層次單一，但甜甜地岩女士飲。今日嘅蛋糕係伯爵茶芝士蛋糕，好厚實濃郁嘅cream cheese, 其實唔錯的。份量適中。另外叫左個蜜糖雞翼，單骨，份量都幾多，蜜糖味好似食緊BBQ燒雞翼咁，不過脆口 嘅附上dinner set 餐排呢餐好滿足！ 店員服務好好

今個週六朝早做完facial就約埋朋友個附近食野先呢間新開既西餐小店都幾多人食，同埋啲set都唔貴啵，於是就同朋友仔拎飛等左一陣，決定試試先Lunch set全部係一百蚊內，包左餐湯餐飲，仲唔洗加一添我同朋友分别要左個Set F跟意粉HKd$78同Set H跟薯菜HKd$88，打算share一齊食首先黎既餐湯係南瓜薯蓉湯，飲落都幾順滑，暖笠笠肉眼扒雖然係薄切，但食落唔嚡口又唔會韌，味道都唔差另一主菜既鱈魚柳外層煎得香脆，魚肉嫩滑唔醒！當中既意粉仲煮得岩岩好，唔會因為煮得過熟而變到淋之之朋友加左HKd$18要左杯凍既玫瑰水果茶，而我就加左HKd$8要左杯熱既鮮奶香芋好中意呢杯鮮奶香芋呀，香芋味濃而唔假，又唔會淨係得死甜，加上表層奶泡順滑，飲完成個人暖晒跟餐加HKd$10就可以有件cake~~我地呢啲嗜甜既女生當然唔會放過啦今日既cake係紅莓芝士蛋糕估唔到跟餐既cake都咁有質素，紅莓既酸同濃郁既芝士，兩者平衡得剛好佢地既蛋糕令我地咁有驚喜，所以我地之後再嗌左份“精選甜品”HKd$30一齊食添！當日既精選甜品係tiramisu，同樣無令我地失望，酒香同咖啡既配合，加上幼滑既cheese

病咗兩個禮拜，見好番啲， 今晚終於可以同老公出去行下街同食飯。先去黃金商場買新 game，再行咗陣玩具鋪之後，就係附近間西餐食晚餐。餐廳大門採用落地玻璃，好開揚。而入面每一檯嘅枱同凳都唔一樣，好特別。套餐都有八款選擇，包是日餐湯同一杯$20以下嘅飲品。但如果想傳特飲，補番差價就可以。今日是日餐湯係雜菜湯，內有細細粒雜菜，味道香甜很開胃。晚餐C $108 黑松露牛肝菌意大利雲吞 黑松露份量同樣相當慷慨。呢個係素食菜式。上枱時，黑松露香氣撲鼻，意大利雲吞份量好多，一啖一粒唔經唔覺已食曬。特別鍾意個汁，好 creamy，最正係食曬都唔覺膩。+ $18 熱玫瑰花水果茶啱啱先病好，唔可以飲凍嘢，所以點左個水果茶。 茶裏面放有菠蘿粒同橙粒，茶味濃度啱啱好，飲落味道甘甜有果香，好清新。晚餐D $118 煎北海道日本帶子意大利飯帶子煎到好金黃，邊邊脆脆地，咬落嫩滑多汁，意大利飯再加入大量蘑菇，口感豐富。飯粒軟硬適中，好 creamy。 + $18 焦糖咖啡沙冰沙冰係用咖啡做成嘅冰沙， 咖啡味濃，唔會因為冰粒融化，而令咖啡變淡，好飲。Menu: 

今日好姊妹帶我黎長沙灣既咖啡小店☕️雖然平時都會經過附近 但又好少留意到呢間咖啡店*咖啡小店☕️位於長沙灣 距離地鐵站好近但大家留意返 係A2出口 事關去錯出口就會行好遠架喇*環境方面：店內以黑色牆身做主調 四周掛滿吊燈同相架 感覺好有格調雖然係小店 但室內環境完全冇擠逼岩哂同姊妹黎吹水閒聊下*食物方面：1. All day breakfast 有牛扒、滑蛋、麵包、大菇、蕃茄碟底仲襯左一張紅色牛油紙簡直係相機食先呀*2. 鴨脾薯菜可以自由配搭意粉、飯、薯菜醬汁帶少少甜味 幾特別*3. 蜜糖單骨雞翼好濃既蜜糖味 入口香甜而且單腳好方便入口*4. 沙冰飲品強烈推介沙冰飲品啖啖果肉 絕對冇人工既甜品反而有香甜既水果味必試呀

今日和朋友出左深水埗行街，朋友上網睇到話想試fifty fifty 咁我地就book左8:30，我地差唔多時間就深水埗行過去門口都好顯眼，都很容易搵到入到去都好full好彩有訂枱先睇下餐牌，都有好多不同既食品選擇咁我地就點了一個晚餐和兩樣小食1）fifty fifty 小食拼盤包括了單骨雞翼、炸蝦、炸蠔、魷魚圈2）黑松露薯條百吃不厭既黑松露配薯條3）晚餐G包括餐湯、主菜、餐飲餐湯是普通的雜菜湯，味道不錯燒澳洲豬鞍架配蜜糖芥末汁豬鞍的味道很好，唔會好乾身，好冧味道剛剛好配上芥末汁更突顯其味道餐飲熱奶茶另外加配既熱玫瑰奶茶，味道很細滑，香濃的奶茶配上玫瑰花味非常搭配

同同事兩個去長沙灣搵食， 今次揾到間近東京街東沙島街嘅西餐廳， 經過多次就選左去試下囉。門面黑色為主調，裝修同罷設有心思，內裡四方坐位以四人枱為主，除左食物外還有特別嘅手工啤酒呀。男侍應非常有禮貌，笑容滿面好有Heart咁安排坐位同推介飲品同食物 手工啤酒Menu 主打生果味KWAK麥味 (Draft) $45 麥味濃 帶甜 順喉 男女佳而小食拼盤 2人份 $68 (有2人份or 4人份) 有虾，生蠔，尤魚同單骨蜜糖雞亦用黎送酒唔錯 不過炸生蠔有d失望 一口咬落去 生蠔還凍 同炸漿散 其他一般不過不失 主菜係碳燒牛柳煎鵝肝配砵酒汁 $168驚喜之作~~賣相靚， 鵝肝煎得外脆內嫩， 牛柳order左三成，粉紅嫩滑無渣，砵酒汁出奇夾味。薯蓉同翠肉瓜伴碟亦好好味 晚餐 B $88 跟餐還有餐湯 可以不提燒春雞配巴黎牛油汁 半隻春雞 個汁最惹味 有點葡汁牛油香味 大量配菜 燒薯仔同翠玉瓜 本身春雞醃得好夠味 用晚餐價 $18 就轉到特飲~ 情迷橘子即係橙芒果沙冰 好fresh唔太甜 有橙粒粒 yummy

情侶相處的時間越長，越容易忽略了「浪漫」這一詞，今天想回味浪漫氣氛，特登揀左呢間Fifty Fifty，地段方便，環境舒適，服務一流！見到有半打法國皇室生蠔配一杯白酒$198，好吸引啊！生蠔白酒可以好浪漫！生蠔十分大隻及肥美，入口海水味夠重，蠔的鮮甜味在齒頰中翻滾，半打實在不夠！白酒沒有半點苦味，有點點微酸，約10度左右，聞上去有點兒果香味，又易入口！白酒不但令生蠔更鮮，少少的酒精會令人更易放鬆！餐湯 - 南瓜湯，香濃的南瓜及忌廉味，用了少少香草吊味，不錯！芝士菠菜意大利雲吞餐$108 - 第一感覺係賣相滿分，我倆都喜歡素食，用了忌廉汁煮意大利雲吞，本以為會很膩，實際又不會。意大利雲吞的芝士菠菜餡好特別，食完想再食！套餐加$10就可以有的紅莓芝士餅，的確好好味，淡淡紅莓配在芝士餅入面，perfect match!

長沙灣呢區係近年開得越嚟越多食肆，但係高質既西餐真係比較少，難得聽聞最近開左間唔貴又好食既西餐廳，就當然要一試~南瓜忌廉湯，我就鍾意飲冇咁傑嘅忌廉湯， 呢度就啱曬我~非常香濃嘅南瓜味~蜜糖單骨雞翼，將雞翼整成單骨，真係非常方便客人食用，恰到好處地灑上芝麻同埋蜜糖醬汁，真係食到停唔到口~溫泉蛋脆煙肉忌廉意大利麵， 份量好大，撈埋溫泉蛋一齊食用效果更佳~烤啡菇，兩舊大大隻嘅啡菇，仲有極香既黑松露醬~慢煮三文魚配檸檬牛油汁， 三文魚肉非常香軟，微酸但係富有牛油香味嘅醬汁亦非常出色~美味甜品~

聽朋友講在深水埗開左間西餐，新開左兩個月，所以黎試下。我同老公訂左8點食晚飯，Menu有好多選擇，仲有是日推介，日日唔同款架！我地叫左半打法國皇室生蠔送一杯白酒或紅酒、Fifty fifty大磨菇、Dinner set 煎羊架配薄荷燒汁、煎鵝肝牛柳配紅酒汁、綠茶鮮奶。食物好快就黎哂，影相都黎唔切😅講返食物味道，跟餐的蒜香薯蓉湯好香，食到有薯蓉味，稀杰到剛好。生蠔好新鮮大隻，比較salty,不過已切好，一啜就食到。大磨菇要推介，夠多汁，芝士夾黑松露 的味道剛剛好。羊架和牛柳都是要五成的，切落去似3-4成，不過有鎖得住肉汁，又唔濃，紅酒汁和薄荷燒汁都好夾D肉，調得唔錯，鵝肝都大塊，只是個心不夠熱。綠茶鮮奶上面加左Cream,所以滑上加滑，綠茶味重，啱哂喜歡綠茶的朋友。服務員好有禮、細心、又有笑容，環境好舒適，有不同款式的枱和櫈的配搭，配上音樂，感覺好輕鬆。我會再幫親架，因為手工啤同意粉都未試呀！😋😋

同朋友食西餐一入到去我覺得個環境幾舒服環境又大 又寬敞 人流都多仲叫左杯香芋特飲 我覺得好好飲呀 ‘上面仲有CREAM^^ 個人最喜歡既特飲之一叫左個炸薯條 配埋醬一齊食 咁無熱氣芝士薯條 ﹗價錢又抵食 都幾平 黑松露意大利野菌飯 套餐仲送埋南瓜忌 湯都幾好食呀 黑松露濃度OK~ 幾香份量又足 味道幾香口 兩個人SHARE都唔錯架 仲叫左個烤雞 呢碟雞真係值得一試 我個人覺得好好食估佢唔到 好特別一D都唔乾 肉質唔錯 幾滑有咬口配埋少少薯條加瓜 好MATCH 甜品好好食 味道唔錯 又平 個餐加少少錢就得啦整體 價錢又唔貴 幾好食 同朋友仔食 唔錯既餐廳

約朋友好少會約係長沙灣，多數都係d就腳點例如旺角尖沙咀，今次大家都住長沙灣，終於都可以約係屋企附近😌我地揀左一間cafe, Fifty Fifty, 長沙灣地鐵站行過去大約10分鐘，由於我地約閒日，都諗住唔使book枱，點知入到去我地好好彩坐左最後一張兩位枱😳 server哥哥話呢排好多訂枱，最好打黎book左先🤔 餐廳唔算好大，但都坐到40人左右，去到七點半都未到又真係full曬。餐廳內都牆上都有唔少玩味裝飾，感覺舒服。好似次次食cafe都會嗌truffle fries😂🍟，無辦法，真係好中意食薯條😛 呢到既truffle fries不過不失啦，個醬都有黑松露味，份量對兩個女仔黎講岩岩去，但如果大堆人去就一定唔夠食。係咪大部份既女仔都中意食黑松露，叫完truffle fries都唔夠，仲要嗌多個黑松露帶子天使麵🤣 本身expect佢會係忌廉汁會有d膩個種，點知上枱時幾surprise，係炒意粉，但又唔會太乾，味道都調得唔錯，本身都落左少少菇菌去炒，但如果可以落多dd同大粒d會仲開心，因為帶子只有兩粒，食落會有少少乏味😂 不過重申，係好食既。仲叫左個dinner set 波菜雲呑，食

樓底幾高,都幾舒服 !入到去都好多客人,我相信應該會好食。 朋友先叫咗一個,侍應介紹 蘋果手造啤酒, 但招紙印住係apple cider ,雖然係咁,但味道都係好清新,好啱女士們飲 還有其他口味芒果.....。 我上食評做功課research 見好多食家都係叫大蘑菇還有豬鞍架, 咁我都照跟,叫咗每樣一客。 蘑菇, 價錢實惠$38 味道比我想像中正,一入口好多汁好滑。 還叫了自製鵝肝多士 建議大家上枱之後等數分鐘先食 ,因為一上枱即時食鵝肝未去到適合溫度, 有點兒硬, 過咗幾分鐘之後,再食先至係good timing食出好香口,好甘! 一般risotto好多餐廳都整到好鹹,芝士味冚過曬啲飯, 呢一客就冇咁嘅問題發生。最令我回味的就是豬鞍架, 燒之前應該慢煮過,所以肉汁好多質地亦都畀平時 一般的燒豬架滑嫩好多, 雖然呢間餐廳, 食物價錢不是太貴,但相比起嚟講豬架價錢就特別高,我相信呢啲就係師傅嘅功夫錢, 值回票價, 不妨一試。

成日同老公係旺角食到悶悶地，就去左隔離既長沙灣一出地鐵行5分鐘就見到外形係落地玻璃既工業風格既西餐廳吸引.門口已經擺左本menu，一見到餐牌見到價錢同種類都吸引就急不及待行左入去，甘d waiter 都好有禮貌甘招呼左我地坐by the window 可以望下街景perfect. 仲有牆上都有壁畫仲有開放式既水吧。首先餐湯是忌廉湯，味道尚可，唯夠熱可取。以60多元一個set黎計，燒春雞性價比高，份量足。蜜糖燒汁相當入味及雞肉很鮮嫩多汁。伴碟豆角份量多，新鮮爽脆。招牌芝士翡翠螺最好味，螺肉肥美、不太韌、口感好。意粉配料多、份量厚，忌廉味道尚可，意粉夠乾身，質感好。二人份量酥炸拼盤有雞翼、蠔、長蝦及魷魚圈啲啲骰骰，一口一件不太膩，伴以原塊香草醬及他他醬，配搭好。驚喜係榛子咖啡，榛子味濃郁，香味中和咖啡的苦澀，口感絲滑，飲後口腔有餘香。檸檬芝士蛋糕配拖肥醬，甜味十足，檸檬的清新味道配以拖肥醬的糖香，完美組合,可以一大班朋友去。題外話中意飲酒既朋友，果度有紅酒之餘仲有手工beer,認真唔錯，係一個談天說地享受既好地方