Fifty Fifty (已結業)

    難得星期一外子放假，所以就出城覓食。原本諗住好好記錄，寫好食評，以作開首。誰知發生了動魄驚心的小事(是矛盾的～事是小，但嚇左一餐)，乜都忘記了⋯⋯    中午12點到逹餐廳，因為未到午膳時間，所以人並不多，直入。計埋我倆，2隻手數哂。    第1次到Fifty Fifty，環境不錯，位子算是寬敞，而且乾淨企理，侍應們都好友善。    點了2個Lunch Set，我覺得價錢算是合理，有選擇，即使係最平的餐，也不錯。餐湯是蘑菇湯，味道尚可，但不夠濃郁，而且唔夠熱，感覺差點。2個意粉的分量夠，味道其實是不錯的，但有少許乾，多少少汁或者加回唔少分。飲品是香芋Latte ＆咖啡，不過不失。    我地食到1點幾LunchTime，開始有上班族幫襯，所以我諗如果想去Hea，都要睇住時段喇～

好耐之前經過已經見到呢度開咗間新嘅西餐廳，同長沙灣其他嘅地方好唔同，餐廳環境好大而且感覺非常之舒服好有格調。而且餐牌上面勁多選擇，價錢長沙灣區入邊亦都非常合理，今晚就同朋友兩個人去食下啦。環境真係好大，晚市時間周圍都坐滿好多，等左一陣我哋就入去。先上左一份fiftyfifty燒黑松露大蘑菇，上面嘅芝士好夠味，而且蘑菇覺得啱啱好亦都唔會好乾。 到我期待嘅豬手啦，分量幾大，無論係調味同埋製作過程，佢嘅味道都好正而且啲肉亦都唔會好乾，會有着豬手嘅肉汁，係調味上面真係好鍾意。焗香草牛油翡翠螺非常新鮮鮮甜，仲有油同埋香草焗過之後仲會有淡淡的滋味，螺肉嘅口感啱啱好，唔會太熟亦都唔會太生，亦都唔會有苦澀嘅味道，真係非常唔錯。意大利雲吞(雞油菌雲吞)整得幾好啊，忌廉味配埋入邊會有芝士雞油菌亦都好香！另外我哋叫咗杯玫瑰奶茶，呢度唔似出邊咁樣只係落幾塊玫瑰花就當係玫瑰奶茶佢入邊除咗有奶粉之外仲會有好濃烈嘅玫瑰味！長沙灣餐廳來講呢度真係算唔錯，有時唔使走咁遠，喺樓下自己可以搵到好嘅嘢食真係開心。

長沙灣一向多街坊feel 既餐廳住長沙灣附近反而好少會約朋友係呢區食估唔到朋友約食飯揀左呢間fifty fifty 試偶爾經過呢間餐廳都比佢門面吸引幾靚同埋有格調 同附近既餐廳style 好唔同XD星期五一行6人黎dinner7點幾到差唔多full 哂 估唔到咁熱鬧😯好彩朋友有book 位！ 食到一半望出去都依然見到有人等位餐廳裝潢幾有格調👍🏻👍🏻不過一入去就覺得好嘈 好應聲 略嫌美中不足menu design 都好靚Set dinner 有餐湯+野飲，價錢都ok!揀左D 餐北海道帶子意大利飯賣相唔係特別吸引，但一送上來味道好香果然食落味道濃郁，煮得好好食！有驚喜！熱朱古力賣相唔錯 味道偏黑朱古力 微苦但個人幾中意 起碼比出面偏甜/唔夠濃味的好餐湯味道都好濃 整體食物質素有驚喜而且大部分賣相都顯出心思 朋友叫的飲品（野食冇影相，但佢地都話好味！）另外值得一讚係呢度侍應服務都好好雖然人多好忙 但感覺都好有耐性同有禮貌希望keep 住水準！！值得再黎～

今日提早收工去深水埗一齊同同事買玩具俾學生玩！雖則係knockoff但學生都好開心，三十文蚊玩具換來無數歡樂！外國朋友好少去深水埗，樣樣野都好新奇，行到搵野食。咁就搵留西餐啦，坐低食個包飲杯茶。見到個下午茶餐牌，嘩嘩嘩，超平同其他區d價錢真係差幾條街，哈哈，30幾蚊都有個粉！小食都好多選擇！呢度裝修都好特別，工業raw水泥風格，黑白啡係主調架上有個紙盒既收音機speaker好搞笑！叫左個燒牛肉牛角包，細細個但好多件牛肉，要抵讚，而且好認真俾貨，連埋沙律一齊上架！黑松露薯條超正，我同朋友酒吧都會叫！呢間黑松露醬好正，松露味濃郁，薯條夠脆，食完一條又一條呀！小食拼盤可能有小小overdone所以顏色啡左幾度不過味道okay架，特別係炸蝦超長架All Day Breakfast好吸引，用呢個紅格仔紙上，好懷舊feel呢個蛋夠滑，早餐上既牛扒係全熟，菇juicy!水果茶入邊有橙粒、檸檬粒、同埋菠蘿粒，飲落去清新舒服。CappuccinoCreamy,甜度剛口！

裝修都幾好，但冷氣真係唔係好夠，見到話有手工意粉就即刻入去，點知話今日沒，套餐甜品又買晒，整體真係有D失望餐湯： 飮得出係用攪拌機打架，但沒乜味道，不過都幾滑，都ok燒西班牙伊比利黑毛豬架配萍果茸汁： 味道較淡，肉質不錯，但唔夠香，好彩嗰萍果醬救返D味道，有肉汁，配菜：薯仔沒乜特別較淡味，另外嗰D好似食緊咕嚕肉嘅配菜咁嘅味，酸甜味美國安格斯牛朳： 普通，味道好淡，沒乜肉汁飲品： 加錢轉特飲，咖啡唔香，較甜

夜晚約左朋友食飯，餐廳係朋友揀的，佢話之前食過覺得好食可以再encore!餐廳裝飾得幾靚，係呢區黎講算係環境唔錯的餐廳。首先叫左個小食拼盤，有炸魷魚圈、炸蠔、炸蝦及雞亦，外面脆裡面多汁，好食！燒大啡菇，用左芝士黑松露同什菌做餡料，燒得好香燒豬鞍，肉質嫩滑，一啲都唔「鞋」，配埋個甜甜地的焦糖醬汁，開胃又唔膩。黑松露什菌露荀闊條面，份量好大！個汁又creamy又香濃，有驚喜

誇張一點講句，個豬鞍架勁正，多汁，又唔硬，食落去又唔覺得乾，就算掛住傾計放凍左，一d都唔難食，仍然keep住咁好食，大讚！生蠔勁鮮甜，鵝肝勁好味，價錢又掋，仲可以包場玩，真係一家大細，扮拖勝地！老板娘仲好好人請我食左個岩鹽朱古力芝土蛋糕，個蛋糕勁正再不得不讚既係每一個員工都好好笑容，態度又好親切服務態度一流，全程感覺係舒服，真係有家既感覺，聽老板娘講，最近仲有埋酒牌，真係可以約埋35知已談天說地

長沙灣多左好多有質素的餐廳，上次去食串燒經過，bookmark左呢間Fifty Fifty。個logo design得唔錯。Vintage的裝修很有格調。Dinner set 都包daily soup & $20 以下的drinks。Daily soup 大蒜薯蓉湯，食得出偷freshly made，味道幾特別，而且有特色，唔再係羅宋湯和忌廉湯。炭燒阿根廷天使粉紅蝦意大利飯($118)，貨源問題，轉左比西非紅魔蝦更優秀。 蝦有蝦膏，食得出有質量的，意大利米很有嚼勁，飯有點蝦的味道，非常不錯。Risotto份量都幾大份，有大量的mushroom，cp值極高。燒豬鞍架配熱情果焦糖汁($168)Roasted pork rack 8成熟，厚切的豬鞍肉質扎實，配果味的passionfruit caramel sauce 非常夾，互相揮映，side有翠肉瓜和烤薯仔，好足料！餐飲coke。Flat white 加$8，拉花很漂亮，只有熱的，咖啡味沒有很重，好啱夜晚飲。另有Popcorn coffee 幾有特色，下次可以試下。跟餐加$10 是日蛋糕，紅苺芝士蛋糕加焦糖，cheese味道濃厚而不腻，帶

平時好少入長沙灣食嘢今次係因為朋友介紹嘅關係所以特登入嚟食呢間餐廳，一入到黎呢間餐廳十分之有特色，簡單又有格調，行歐美風！侍應服務都十分之好，呢度嘅人流唔算太多所以等待嘅時間都唔使甘耐！我哋最期待嘅食物，價錢一啲都唔貴，我仲覺得物超所值添！最鍾意就係食佢嘅牛扒！十分之香口！飲品方面，似係提子梳打味，漸變色黎既！好新穎！！住喺長沙灣嘅居民十分之有口福，得閑經過呢間Cafe嘅話可以入去試吓架！！！如果係慶祝活動，或者係同男朋友一齊既話，呢到十分之岩呀！！氣氛好好～～～～～～最重要係唔貴同埋質素好丫嘛！！

長沙灣沒有大型商場，有不同菜式嘅地鋪食店同男朋友係長沙灣行左個幾鐘，天氣太熱，就係附近搵左間地鋪cafe飲杯野，順便食埋晚飯先走呢間cafe算有驚喜😃五點幾嚟到又未到晚市，未算多人，環境舒服，可以靜靜地咁食個飯裝修以木為主題，擺設簡單又有格調岩曬情侶或一班朋友嚟聚下，飲番杯如果有多啲沙發位😆咁就正啦晚市有Dinner Set😁Set嘅價錢以食西餐嚟講算係平民價set dinner 跟埋餐湯同飲品都唔洗二百蚊，認真抵👍🏻👍🏻今日廚房特別推介燒豬手配蘋果醋汁既然係大廚推介就嚟番份試下豬手燒得十分之香脆，內裡肉質鮮味配菜可選白飯、意粉或薯菜自己比較喜歡食西餐配薯菜，配菜份量適中，薯條有咁上下厚度，外脆內軟用三色椒同翠玉瓜做配菜配搭新鮮😻另一個set叫左羊肉自己同男朋友食西餐偏愛吃羊肉羊架份量唔少，而且羊架肥瘦適中，燒得岩岩好，食落唔覺得太so連飲品都有驚喜❤❤蝶戀有啲似巨峰提子梳打，漸變色的岩曬嚟打卡📸總結：店員服務態度很好💁🏻環境十分好，喜歡靜靜地咁休閒過一個下午食物有質素，而且價錢合理又平民

我爸是在長沙灣上班的，今日下班做乖女去找他晚餐，得悉附近開了家新的西餐廳，當然帶爸爸一起去吃~內裡的裝修設計簡潔得來又有特色，有著悠閒的感覺。餐點選擇種類繁多，爸爸說他很肚餓，所以就點兩個晚餐再加兩道小吃，我很樂意奉陪，進入大胃王模式今天的餐湯是大蒜薯蓉湯，非忌廉湯的感覺特別。它的蒜味不算太重，真的有薯蓉吃到！爸要點這個鵝肝醬多士，醬是店家自家製的冷點。鵝肝醬無論切開還是入口都像牛油，非常軟滑又入口即溶，整個口腔都是鵝油香，配香草多士吃好夾意菜當然不能缺少意大利雲吞！這是用雞油菌和豆蓉作餡料的素食雲吞，味道卻相當香濃，還有creamy醬汁，雜菌和芝士碎點綴，味道層次豐富，是高水準之作特意分開來看，皮算薄。晚餐的主菜之一是燒豬鞍，一上菜就看到豬鞍上燒烤的格紋美觀，也超級大的一件！配菜用了香脆的薯角和烤蔬菜，全部都想吃掉~豬鞍切下去好軟熟，肉質比想像中還要嫩滑，入口也一點也不粗糙或結實，軟軟的好驚喜因為市面上能做到豬鞍全熟卻不靭的真的不多。這搭配的是熱情果焦糖汁，味道酸中帶甜頗清新，跟豬肉好夾，比常用的蘋果蓉醬汁更有誠意最後的主菜是黑松露鮮露荀忌廉汁寬條麵，其實跟意大利雲吞好相似不同的是它

今日黎長沙灣揾個朋友，跟住為左揾個地方好好坐低傾下偈，就費事走出我mk揾野食，一上openrice就見到呢邊有多左幾間新嘅舖頭，於是就去左簡下有邊間好食，行行下見到呢間舖就簡左呢度開飯喇。芝士脆片一開始就緊係叫個小食先喇，呢個芝士脆片都真係幾特別，入口有濃濃的芝士咸味，唔洗加入任何嘅醬料，都好惹味，而且呢個芝士脆片入面係有好幾種芝士，唔可以睇小架。炒意粉入口夠晒乾身，加埋佢本身嘅配料，唔需要任何嘅調味都已經好令人驚喜，我本身都鐘意硬身嘅炒意粉，餐廳呢個就岩晒我喇。士多啤梨窩夫餐廳嘅士多啤梨窩夫係即叫即整！窩夫上枱時非常工整，入口脆身唔會軟淋淋，味道又夠平均。今次嘅體驗都算幾好，下次有機會都要再黎先得

今日幫朋友慶祝,之前聽朋友講過餐廳，不過無咩時間去試，今日終於去到食喇。一入去都令人覺得都幾大，地方俾人感覺都算寬敞。仲要望埋個街景，真係幾舒服架意式雲吞呢個絕對值得讚下架，雲吞內裡餡料夠豐富，感覺好鮮味，而且醬汁都真係唔錯，兩者非常配合。香煎魔鬼魚你無睇錯呢度嘅魔鬼魚真係好睇又好食，魚肉都幾嫩身，夠有晒熱，又唔會太醬汁藍芝士意大利飯呢度嘅西餐真係幾豐富下，都算係咩都有啲新意，就連用藍芝士整嘅意大利飯都有，食左咁多其他野緊係要食番啲主食中和下喇，餐廳整到都幾濃味下，又唔會太咸，啖啖都有藍芝士嘅香味估唔到呢間深水埗都唔錯喎，真係令人幾意外，下次都要同其他人黎先得。

轉眼又到星期一 , Green Monday 就是要食素 , 我是食肉獸 , 但都有責任去跟風的 , 不是潮流問題 , 而是作為一個地球人實在有責任去保護地球保護環境 ~Dinner set menu ~ 晚餐包一杯 $ 20 以下的飲品及餐湯 ~ 餐湯 : 當天的餐湯是南瓜忌廉湯 , 湯的質地算不上過稀 , 味道清甜滿有南瓜味 , 還算不錯 ~ 黑松露鮮蘆筍忌廉汁闊條麵 : 蘆筍清甜爽口 , 咬落無渣 , 闊條麵煙靭又富彈性 , 配上黑松露醬和輕柔的忌廉汁味道還算不錯 , 只略嫌忌廉汁不夠多 , 撈勻之後 , 闊條麵亦未能完全可以掛汁 , 整體來說是味道清新 ~ 凍齋啡 : 啡味夠香但酸度偏高 , 中規中矩 ~本篇完 ~

門口一望入去已經好有格調，見平日冇咩人就入去試吓～入到去好凍，店員都好有禮貌，好親切幫我地較細啲冷氣！本身想食麵左叫C餐，但係沽清...所以叫咗D餐個湯其實都可以...但好重薑味，所以我自己一般般！個小食拼盤樣樣都好好食，有魷魚圈，炸生蠔，雞翼，炸蝦條！呢個燒西冷牛扒雖然$198...但係都幾厚同燒得好味！呢個飯我真係食唔到好鹹！好彩叫咗個小食拼盤咋！好後悔無叫其他麵食～兩杯沙冰都好好飲同埋我見到下午茶餐單都好抵，下次會再嚟試下！