影片
更多
2017-10-28
89 浏览
約朋友好少會約係長沙灣，多數都係d就腳點例如旺角尖沙咀，今次大家都住長沙灣，終於都可以約係屋企附近😌我地揀左一間cafe, Fifty Fifty, 長沙灣地鐵站行過去大約10分鐘，由於我地約閒日，都諗住唔使book枱，點知入到去我地好好彩坐左最後一張兩位枱😳 server哥哥話呢排好多訂枱，最好打黎book左先🤔 餐廳唔算好大，但都坐到40人左右，去到七點半都未到又真係full曬。餐廳內都牆上都有唔少玩味裝飾，感覺舒服。好似次次食cafe都會嗌truffle fries😂🍟，無辦法，真係好中意食薯條😛 呢到既truffle fries不過不失啦，個醬都有黑松露味，份量對兩個女仔黎講岩岩去，但如果大堆人去就一定唔夠食。係咪大部份既女仔都中意食黑松露，叫完truffle fries都唔夠，仲要嗌多個黑松露帶子天使麵🤣 本身expect佢會係忌廉汁會有d膩個種，點知上枱時幾surprise，係炒意粉，但又唔會太乾，味道都調得唔錯，本身都落左少少菇菌去炒，但如果可以落多dd同大粒d會仲開心，因為帶子只有兩粒，食落會有少少乏味😂 不過重申，係好食既。仲叫左個dinner set 波菜雲呑，食
我地揀左一間cafe, Fifty Fifty, 長沙灣地鐵站行過去大約10分鐘，由於我地約閒日，都諗住唔使book枱，點知入到去我地好好彩坐左最後一張兩位枱😳 server哥哥話呢排好多訂枱，最好打黎book左先🤔 餐廳唔算好大，但都坐到40人左右，去到七點半都未到又真係full曬。
餐廳內都牆上都有唔少玩味裝飾，感覺舒服。
好似次次食cafe都會嗌truffle fries😂🍟，無辦法，真係好中意食薯條😛 呢到既truffle fries不過不失啦，個醬都有黑松露味，份量對兩個女仔黎講岩岩去，但如果大堆人去就一定唔夠食。
Truffle fries
$48
19 浏览
0 赞好
0 留言
係咪大部份既女仔都中意食黑松露，叫完truffle fries都唔夠，仲要嗌多個黑松露帶子天使麵🤣 本身expect佢會係忌廉汁會有d膩個種，點知上枱時幾surprise，係炒意粉，但又唔會太乾，味道都調得唔錯，本身都落左少少菇菌去炒，但如果可以落多dd同大粒d會仲開心，因為帶子只有兩粒，食落會有少少乏味😂 不過重申，係好食既。
黑松露帶子天使麵
$98
17 浏览
1 赞好
0 留言
仲叫左個dinner set 波菜雲呑，食開既意大利雲呑都係一片片扁既，呢到既意式雲呑係一粒既，呢個就真係忌廉汁底啦，都做得幾好唔會太膩，可惜既係雲呑口厨麻麻，咬落去比較粉，食唔到餡。
波菜忌廉意大利雲呑
$108
16 浏览
0 赞好
0 留言
見到呢杯野飲個名蝶戀花茶幾得意，就嗌左杯黎試下，一上枱都覺得佢好靚，一飲原來有汽既🤦🏻♀️ 未飲過花茶係有汽🤷🏻♀️ 味道正正常常，好似七喜咁😂
蝶戀花茶
$32
28 浏览
0 赞好
0 留言
最後我地叫左個甜品，浸沒咖啡雪糕，個名係咪好得意呢？右手邊個杯係雲喱拿雪糕加底有果味蛋糕(質感似硬身cheesecake)左手邊個杯係好香濃既咖啡，食法好簡單，就係將咖啡逐少逐少倒入雪糕，直至調岩你中意既咖啡濃度。味道都幾好幾特別，配埋有果香味既蛋糕底味道幾夾。
浸沒咖啡雪糕
$50
12 浏览
0 赞好
0 留言
話說我地叫甜品個時，佢收走枱面食完既碟個陣，我就多口同店員講個雲呑唔太好味口感太粉，店員好驚雅好肉緊咁話個雲呑平時好多人讚好味，可能無貨換左供應商，會同廚房講下。其實我講黎純粹係反映下意見，點知店員好好咁再行來講唔好意思，擺低左兩件cake話請我地食，我地都話唔使不過佢已經擺低左，搞到我地有少少唔好意思，不過佢既態度好值得讚，睇得出真係為左餐廳好，會聽客人既意見去改善👍🏻
講翻見蛋糕先，係朱古力芝士味，口感係硬身cheesecake既口感，咪睇佢樣貌平平，又真係幾好食，好香朱古力味，入面仲有粒粒朱古力🍫😋店員話呢到既cake係自制既，成日都會轉，下次黎就未必係呢個味🤗
是日蛋糕 (chocolate cheese)
13 浏览
0 赞好
0 留言
總括黎講，fifty fifty既食物都唔錯，環境又舒服，店員服務同老闆做生意既態度又好，值得大家黎支持一下，記得book枱喔
Mocha
19 浏览
0 赞好
0 留言
张贴
