Espuma (H8) (已易手) 新餐厅

其實平日真係好少出尖沙咀食飯🙈難得今日佳人有約, 雖然下雨天, 但都無損我出街嘅心情😎厚福街H8個座有好多野食, 今次就去咗2樓ESPUMA😇我試過灣仔個間好好食, 今次又試下尖咀呢間先😊餐廳感覺好柔和好舒服, 枱與枱之間有足夠距離, 完全唔迫!😝試下個至尊海鮮西班牙飯+慢煮花椒口水牛面頰+招牌水果茶💕先黎個招牌水果茶先, 下面有個小火爐熱住佢, 咁就唔會凍😍 水果茶裡面有蘋果,橙, 火龍果等等, 味道少少甜, 好解渴😆慢煮花椒口水牛面頰好出色! 水牛面頰同牛展口感好相似, 個汁醬有少少花椒但唔係好辣😍 但最意外係牛面頰下面個個配菜, 就算現場睇, 我都覺得佢係蕃茄! 😜😜😜原來西瓜呀! 估唔到西瓜配牛面頰係可以咁夾架! 真係要試下❤️❤️❤️至尊海鮮西班牙飯 份量足夠兩個人食, 上面佈滿海鮮好足料😎有蜆, 青口, 帶子, 魷魚, 辣肉腸, 大蝦 (真係大蝦呀! 成隻手咁大架!)👍👍👍西班牙飯會有少少硬係正常架, 唔係未熟, 放心! 😊個飯好煙靭好好食!

餐廳環境雖然唔夠中環果間個外境咁正，性在尖沙咀係朋友放工既中間點，service同野食都唔錯，pama ham pizza值得一提，料好足又夠脆底，好味!! 我地一行四人叫既係三人餐加甜品，如果叫太多食唔到甜品就好可惜，蜂蜜窩夫係可以一試，份量都好夠飽!!

在open rice 看到這餐廳很多好評，所以今晚訂了枱。點了用恒生咭簽賬就免加一的二人晚餐。第一道是南瓜湯配蒜蓉包，湯又濃又滑，包很脆，份量少少的，剛剛好，很精美。接着是沙律和雞翼，有火箭菜和車厘茄，新鮮爽脆，雞翼有些特别的香草味，配甜甜且微辣的汁很特別。主菜是大蝦欖油扁意粉，蝦很新鮮，煎得也金黃，可惜意粉的油就多了一點。另一主菜是肉眼，五成熟，煎得外脆內嫩，剛剛好！可惜塊扒頗多筋。驚喜是伴碟的番薯蓉。我朋友說為了這番薯蓉，她一定會再來。此時雖然已很滿足，但沒理由不加錢點半份這裡出名的窩夫。餐加十五蚊可轉拉花咖啡，又靚又香甜，不用加糖，果然是以咖啡起家的餐廳！半份窩夫已夠二人食了，很多新鮮水果，還有雪糕和蜜糖。窩夫好鬆脆！好好味呀，好彩有叫。吃罷，我倆決定要再來試其他菜式呢！

同朋友慶祝生日，於是朋友book左位帶我嚟咗呢間西式餐廳～其實佢主要食西班牙菜位於尖沙咀非常方便成間餐廳裝修好靚，仲有啲波波拎嚟影相，打卡咁岩我地三個人叫左兩個主食，一個小食同一個甜品，埋單每人$3xx，都唔平我地叫左個帶子嘅小食，帶子幾鮮，個汁都幾開胃，不過原來黃色個啲係汁唔係蛋/芝士😹另外叫左個類似招牌菜嘅西班牙海鮮飯，本身寫明係二人分，不過我諗兩個人都唔會食得晒！有好多海鮮，例如蝦、青口、魷魚等等，好好味，唯獨啲蝦有少少「梅」我地叫左個一口雲吞，比較似fusion菜最後嚟個甜品—牛油果窩夫，但個人認為個汁有少少怪....但連埋雪糕真係好好味

平日晚上，在餐廳十分熱鬧，十分肚餓， 一坐低見到set menu 二話不說，就點佢！前菜有凱撒沙律和小食併盤開胃先食蕃茄醬配黑白芝麻吞拿魚卷，焦糖單骨雞翼甜甜地都好好味，雜菌撻配上一個脆皮，呢份前菜都好豐富。餐湯係蘑菇忌廉湯，味道濃郁，分量十足，配上蒜蓉包，都已經有一半飽作為牛魔王，當然要點返份安格斯牛排！我喜歡5成熟， 平常很多餐廳都會overcooked，很驚訝！ 呢度真係比到五成 真是很難得！ 牛排本身肉質不錯，牛味濃郁， 再配上青胡椒汁味道已很好，如果下次黎，我應該會要求汁另上， 這樣高質的牛排簡單最美味香草醬忌廉大蜆意大利麵，忌廉汁不會太膩，配上香草汁，帶點清新，加上大蜆鮮甜，整個意大利麵配搭出色！把所有食物吃清光，真係十分滿足！Set menu 包括一杯飲品，炎炎夏日就是要點杯有氣酒降一降暑呢。雖然好飽，但係甜品係另一個胃！餐牌另加$68 可配上鮮雜果麻糬窩夫黎Espuma又點可以唔食甜品呢？！香脆的窩夫，配上水果和雪糕，還是一如以往的好味道，每次黎espuma, 水準保持咁好，每一道菜式都不會令人失望。雖然餐廳好忙碌，但係服務員都能夠保持着笑容，而且細心，例如：食完前菜有

Dinner with friends日期：2019-05-06時段：Dinner 8:00餐廳位於尖沙咀厚福街8號H8 2樓环境与卫生：餐廳環境坐得幾舒服，空間感都算足，衛生都ok。食物：西班牙海鮮飯、凱撒沙律和招牌水果茶。西班牙海鮮飯：呢道菜沒期待中味道那麼正，海鮮希望更入味些。凱撒沙律：健康簡單的美食。招牌水果茶：水果淡淡的甜味，淡淡的茶香~服務：服務態度好，店員臉上常有笑容。 消費有些貴啦。下次有機會試下其他菜！

約了朋友在尖沙咀，早到了，在tea time 找間餐廳邊食邊等，醒起這間西班牙餐廳，便來試試。一來到發現到處都是汽球，初初以為是裝飾，原來是下午茶set 會有汽球，影相一流，下次約朋友試下。因為一陣約了朋友晚餐，所以只點了兩款小食。🌈花朝展翅 初初以為是普通雞翼，卻發現廚房很細心將雞翼切開兩半，貼心的服務，雞翼燒得剛好，配上不太甜的honey sauce，十分吸引。🌈花樣的年華看到名字應該猜不到是什麼，我想是迎接春天的menu吧。賣相一流，煎帶子上有泡菜，加上芒果和蕃茄粒，fusion又開胃，新鮮感十足！帶子厚身鮮甜，配上粟米汁，有另一番風味。驚喜的是芒果粒和蕃茄粒，芒果粒好鮮甜新鮮，如果多一點芒果粒會更好！😂下次來要試下主菜，見旁邊除了汽球tea set還有西班牙炒飯都好吸引！

很久沒有來過吃飯，今晚又想到這裡，便早點來到。可能時間尚早又不是繁忙時間，所以不算太多人。看到餐牌上有二人餐$468，便點了一個。凱撒沙律🥗，先吃點蔬菜🥬類，才開始今晚豐富的晚餐，就感覺健康。精選小食拼盤，焦糖單骨雞翼、雜菌撻、黑白芝麻吞拿魚卷。焦糖單骨雞翼，廚師剪開了雞翼，方便進食，不過燒乾了些，如果焗烤短些時間更好。雜菌撻，外皮酥脆，有點似甜筒外皮。黑白芝麻吞拿魚卷，蕃茄蓉的鮮甜味，令吞拿魚不會單調。是日餐湯，南瓜濃湯，味道鮮甜，濃度十分高，是我最愛喝的味道。香草醬忌廉大蜆意大利麵，大蜆味道鮮甜，香草醬加忌廉是一個新嘗試，不過效果不錯。烤安格斯肉眼牛扒配青胡椒汁，肉眼扒外皮焦香，內𥚃保持肉汁，還帶點血水，果然做到五成熟的要求。凍咖啡，咖啡味道十足，可以自己調整甜度和鮮奶份量。

春夏來了～開始喜歡充滿清新甜蜜感的菜式☺️ Espuma推出了春日菜單，充滿春天氣息的菜式令人眼前一亮😋。特別喜歡新菜式西班牙果酒醉蜆和蝦醬櫻花鮮蝦意大利麵，前者白蜆份量不少，帶有淡淡果酒香氣又不失鮮味🥰 後者蝦醬味道濃厚，配上大大隻鮮蝦和彈牙意粉惹味十足～。甜品方面依然是招牌窩夫最好吃，烏龍茶窩夫配上玫瑰醬汁口感鬆軟甜蜜♥️ 飲品花晨月夕上枱時散著乾冰氣仙氣十足✨ 是帶酒味的香桃荔枝梳打，酸酸甜甜的味道，正好配合春夏主題😊

成日覺得西餐好似唔岩大夥人一齊食🙈因爲長枱傾計唔方便，食夥都唔方便，但我任性，唔想成日多人就只揀中菜🤣唔方便就唔方便啦，反正就係想食😌😌叫左個六人餐唔洗諗😌😌有南瓜餐湯，呢個幾好飲😊香濃南瓜味～有蒜蓉包，硬左啲之餘蒜蓉味都唔重，一般般喇～三式拼盤，我只係食左單骨雞翼，單骨食得方便，蜜糖味雞翼實無死👍🏻其餘兩款朋友都話好食既😆沙津，顏色豐富☺️好多料又fresh👍🏻唔錯青口，幾大粒，無沙，都ok巴馬風乾火腿磨菇薄餅，呢個幾好食👍🏻👍🏻薄底有芝士香，邊位又脆，唔錯既😆三文魚，我好鍾意食三文魚☺️下面唔知係咪蕃薯蓉，我覺得好好味🥰🥰三文魚有些少鞋都乾身，但要讚讚旁邊有少少蔬菜豆類唔錯👍🏻寵裡雞作飯😌😌個名好特別所以記住左，雞好嫩滑，有肉汁，味道賣相都好，唔洗點醬都有味😆重頭戲六人份量西班牙海鮮飯😊好大兜😂😂六隻大虎蝦，其他都係少量青口魷魚呀蜆呀之類，味道ok la你當佢焗飯咁食喇～另外再散叫蝦醬櫻花鮮蝦意大利麵，意大利麵軟硬度係我鍾意既，可能因為落左蝦醬，味道濃左少少😌但都可以既蟹肉盧荀蛋餅，幾厚身又熱辣辣，雖然蟹肉唔多，但我覺得幾好食🤣🤣

黑洞有大半年無黎過開餐原來轉左春日限定餐目😯🌸From Bloom to Seed🌸-🥗春日牛油果蝦沙律（$128）呢到既沙律出名夠足料大份🤗蝦 牛油果 芒果 蕃茄仔 麵包粒 芝士粉全部都係黑洞中意食既配料💕值得一讚沙律醬吾多 食落無咁肥😬-🥞流心軟芝士麻糬厚鬆餅（$128）必試推介‼️超級好食💯留意番要30分鐘時間準備⚠️新鮮即焗厚鬆餅超大個 一切開就有流心效果😍芝士味好輕 食落完全吾膩胃😗鬆餅邊位仲脆脆地🤤雖然大份 但兩個人分黎食easy job👻-🌹玫瑰烏龍茶（$42）玫瑰茶味清香 適合想飲清茶既朋友仔☺️-☕️貴妃荔枝新茉莉茶（$42）荔枝味濃 但相對比較甜🙊

我一直都係Espuma嘅忠實粉絲， 今日同朋友來到尖沙咀嘅《Espuma》食晚飯。 今次我哋叫咗《XO醬煮活青口配白酒忌廉汁$128》，份量正常， 有十幾隻肥美青口， 青囗非常優質， 肥美飽滿， 鮮甜無比。青口配上白酒忌廉汁，清香撲鼻， 再加上香滑忌廉汁， 青囗變得更加嫩滑多汁， 好食。 仲有配上脆卜卜的蒜蓉包 ，沾上香滑忌廉汁， 非常惹味， 超正！ 相機食先嘅《籠裡雞作飯 $318》， 未食已經覺得好吸引， 廚師用咗一個雀籠蓋住一食物上枱， 好有心思，超特別！ 一打開就見到原隻走地燒雞，相機食完後，店員才斬件上枱， 非常方便體貼。 外皮又香又脆嘅籠裡雞， 肉質嫩滑， 雞味十足， 配上柚子醬， 又特別又好食， 層次仲增加不少添！ 我見到好多balloon， 好靚！ 原來用來裝飾的， 下次試吓佢嘅靚靚下午茶先！

我第一次食西班牙菜就係去左呢間餐廳，印象中H8呢幢大廈等lift都幾耐。好彩餐廳喺2樓，行樓睇上去就當餐前熱身吧。睇左陣menu，好似樣樣都想試，最後揀左呢幾款。特式粟米薄脆配上牛油果醬，蕃茄粒，粟米薄脆要多點醬先好味。春日牛油果蝦沙律牛油果同大蝦沙律超match。秘製香脆咸豬手本身想叫安格斯肉眼牛扒，但朋友話不如試下咸豬手。2個人食都幾大份，豬手嘅皮好脆，肉質唔太乾，酸菜好開胃，個人喜歡唔點醬，夠哂原汁原味。招牌鮮雜果麻糬窩夫配雪糕其實今次係慶祝朋友生日，我喺book檯嘅時候留訂個Birthday Msg，只叫甜品就可以啦，甜品都係叫左半份，大家都已經好飽。

約咗中環返工嘅朋友仔，一齊High Tea咁岩我哋兩個都鍾意食甜品，上網見到哩間餐廳裝修同甜品都好靚～就決定嚟試下佢我哋無食晏晝，就即接嚟食甜品，所以一口氣Order咗 2個甜品1) Berry Blue Waffle 藍莓窩夫配雪糕(full) 同 2) Lava Diva 流心軟芝士麻糬厚鬆餅1) Berry Blue Waffle 藍莓窩夫配雪糕 （full) 個中文譯名可能譯得唔係咁岩，佢其實Toppings好多，有士多啤梨，紅莓同藍莓。您可以揀2個口味嘅雪糕，窩夫同雪糕之間有紫薯蓉～紫薯蓉好滑，唔會有一粒粒粉嘅感覺 窩夫好鬆脆，佢仲有一個macaroon 嘅甜筒做裝飾 雪糕，紫薯蓉，窩夫同一時間係個口入面，個感覺好豐富，令您食到唔會覺得覺口好乾2) Lava Diva 流心軟芝士麻糬厚鬆餅可能大家叫既時候要留意下, 因為佢係需要比較長嘅時間去製作哩個甜品真係可以做到流心嘅效果，唔似其他餐廳得個名 。流心效果好出色 ，一小刀個芝士醬就已經流出嚟 但係佢食唔出芝士味，只係好普通牛油味

見到最近Espuma出左春季新Menu，睇見各項菜式好特別，賣相亦都幾吸引，於是趁放假來左食飯。蝦醬櫻花鮮蝦意大利麵呢道意粉好特別，除左有櫻花蝦外，仲有好多蝦乾，櫻花蝦同蝦乾都煎香過，食落香脆可口，個醬係鹹鹹地嘅蝦醬，成個意粉嘅配搭好有新意，食落有股鹹香味，配菜方面仲有好爽口嘅翠玉瓜！朝思慕想個人超級鍾意嘅甜品！各式嘅果仁、脆片鋪滿係粉紅色嘅法式士多啤梨Mousse周邊，脆片下面係酸甜嘅乳酪。士多啤梨Mousse非常軟滑，將底下嘅乳酪同脆片攪勻再加埋奶凍一齊食，每啖都有好多樣化嘅口感，咬碎左嘅果仁同脆片與Creamy嘅乳酪互相融合，配以士多啤梨奶凍嘅香甜，味道好正！招牌雜果冰沙冰沙好大杯，冰沙嘅質感一啲都唔稀，啖啖都係冰沙，同埋溫度好夠凍，春夏季飲真係好適合，鮮果味十分濃郁，酸酸地，好Fresh，完全無落左糖漿個種甜膩味道！Espuma係我好中意嘅餐廳，菜式整體上比其他餐廳特別，而且配搭好有新意，水準幾高！