影片
港铁尖沙咀/尖东站 B2 出口, 步行约4分钟
继续阅读
电话号码
64359313
开饭介绍
供应不同种类的西式多国菜，如意粉，薄饼等，另亦有fusion口味，以提供更多选择。餐厅同时备有免费儿童玩具，适合举行家庭聚会。
继续阅读
营业时间
今日营业
12:00 - 22:00
星期一
18:00 - 22:00
星期二至日
12:00 - 22:00
以上资料只供参考，请与餐厅确认详情
有关奖赏计划
相关文章
服务态度差等咗好耐先可以落单落完单要等好耐先有嘢食中间出去玩玩具啲玩具又坏又污糟个夹公仔机完全冇力水bar唔开灯餐厅环境装修好差唔明点解H8会租呢个相俾佢哋又叫我哋去参加佢嘅会员制之后就话会取消我哋OpenRice 嘅订座纪录
继续阅读
去到尖沙咀带小朋友食饭，就梗系要去啲亲子餐厅啦厚福街一上到去就发现到呢间恐龙餐厅，上边啲布置系全部都恐龙嚟㗎，咁啱有人准备开生日会，佢仲可以免费布置得好靓㗎🥰佢有好多board game ，又有游戏机射篮球都好适合大人玩，当然啦，仲有好多啱小朋友玩嘅游戏嘢食方便都唔使担心，我哋今次嗌咗一个猪手拼盘，有烧大虾，烧菠萝，仲有几款烧肠仔，个猪手个皮好脆啱啱好唔太咸，炸薯角大人小朋友都啱食仲有儿童餐，有个白汁意粉炸鱼薯条，仲有少少生果够晒健康👍🏼佢有好多嘢饮都好特别，可以一路玩一路饮，仲要唔限时真系聚会嘅好地方
继续阅读
前排同几个朋友带埋啲小朋友一齐去咗呢一间餐厅，发现呢度真系有惊喜，店舖入边嘅环境都好大，餐厅以恐龙做主题，有唔同嘅恐龙模型同埋有好多种类嘅玩具，再加上有小朋友啱睇嘅书籍仲有游戏机，直头系开party嘅好地方。餐厅嘅嘢食都几好，我哋嗌咗几样嘢，差唔多都有惊喜，特别系佢个西班牙海鲜饭同埋安格斯意粉，真系加分，其他食物都好唔错，至少我哋食晒冇留底，清碟。仲有悉心照顾小朋友嘅恐龙儿童餐。小朋友食饱之后去咗玩游戏打机，眼见有其他嘅家长成员陪同小朋友一齐睇吓图书，玩吓益智游戏，感觉都好温馨。最重要嘅系，餐厅仲有弹珠机玩，一有小朋友玩𠮶阵时，成班小朋友一齐就拥晒过嚟，玩得好尽兴。个人认为呢度如果要举行家庭聚会的话或者举办小朋友生日会的话，系一个唔错嘅选择，又有啱大人食嘅嘢，亦都有啱小朋友食同玩嘅嘢，真系可以玩足一日。
继续阅读
朋友带我哋去咗尖沙咀一个恐龙主题亲子餐厅，呢度充满惊喜同欢乐！一入到餐厅，哇，成个空间都系恐龙主题，墙上、枱上到处都系恐龙摆设，连餐具都系恐龙造型，超可爱！仲有两只恐龙公仔喺门口同你say hello，超有气氛！小朋友一见到已经兴奋到飞起，大人都忍唔住影相打卡！呢度真是一个亲子天堂！除咗恐龙装饰，餐厅仲有好多玩意：赛车机、篮球机、街机、夹公仔机、弹珠机，样样齐全，满枱都系玩具，小朋友玩到唔舍得走！仲有board game畀大人hea玩，无论大人细路都啱晒！如果想帮小朋友搞生日会，呢度绝对系一个好选择，气氛同设施都好适合！霸王龙小食拼盘 ($148)：炸鸡翼、薯条、洋葱圈一应俱全，外脆内软，适合一班人share！招牌西班牙海鲜饭（细）($188)饭粒吸晒酱汁精华，浓而不腻，份量啱晒2-3人share！夏威夷比萨 ($98)菠萝同火腿嘅经典组合，芝士拉丝好邪恶！不得不提，入面有儿童餐 ($85)有意粉、炸物、水果、蛋糕、宾治同一个超可爱嘅恐龙玩具！啱晒小朋友嘅胃口。今次我哋一行5人点咗唔少饮品同菜式，总消费$844，价钱亲民，食物份量够，味道又唔错，环境又好有特色，玩乐设施仲要多到唔想走！性价比真心唔错！啱晒轻松聚会！「为食恐龙餐厅Mr Dino」真是一个大人细路都玩得开心嘅地方！食物选择多，味道亲民又唔失水准，环境充满童趣，仲有唔少玩乐设施，无论大人定小朋友都玩得开心！绝对系亲子聚会嘅好去处！如果你想揾个地方同屋企人或朋友轻松聚会，又食又玩，呢度真心推介！快啲去同恐龙们一齐开餐啦！🦖
继续阅读
朋友个仔话带我去睇恐龙😵？！原来系恐龙主题亲子西餐厅~🦖恐龙迷千祈唔好错过呀！**食物方面**🍽️ 叫咗霸王龙小食拼盘、夏威夷pizza、安格斯肉眼黑椒意粉、西班牙海鲜饭同恐龙儿童餐，蕃茄肉丸长通粉，样样都够大份！ 👉 **安格斯肉眼黑椒意粉** 意粉好滑，够入味，牛肉嫩口，大人食啱哂～ 👉 **西班牙海鲜饭** 好足料，虾、青口、蚬铺满面，饭底吸满汤汁好正！ 👉 **Pizza** 系薄脆底，芝士拉丝，小朋友抢住食😂 👉 **儿童餐** 用恐龙碟装住，饮品系杂果宾治，仲有恐龙装饰，造型得意，细路仔见到好开心！ 小食拼盘有齐炸鸡粒、鸡翼、薯条、薯角、洋葱圈、鱿鱼圈，咩都试到少少，够哂香口卜卜脆～ **玩乐方面**🦖 一入门口就有两只大恐龙公仔，打卡一流！ 👉 最正系 **弹珠机**，灯光闪闪，小朋友玩到唔肯走～ 👉 仲有 **电子游戏机**，两个小学鸡可以一齐玩唔使争，好多内置游戏，完全唔担心佢哋会闷！ 👉 周围都系恐龙公仔,图书,玩具，连餐具都系恐龙款，细节满分！ **总结** 食物质素OK，玩乐设施够多，仲可以搞生日会，又有埋布置装饰，店员仲好有善，抵赞👍
继续阅读