E Molto Buono (已結業)

自從身邊多咗一隻小魔怪之後，逢係大時大節的日子 ，都再沒有我和老公二人單獨相處的時光。就嚟便到情人節了， 在正日出外慶祝一定很貴，同時原來老公一早已問準奶奶，這天夜晚將寶寶交給奶奶照顧，提早幾天去慶祝，浪漫地享受我們單獨而動人的時光。其實如果開心的話，天天也是情人節。這晚他便帶我來到銅鑼灣的E Molto Buono， 從電梯一出，沿光猛的走廊直入到黑暗的角落，昏暗的室內佈置令人心情沉寂，餐廳空間面積不大，基本一眼便看清，室內大概有25至30座位，全以黑色主調的餐枱座椅，非常簡約沉實。每枱都燃點了小蠟燭， 充滿浪漫情調，論氣氛無疑適合情侶兩人浪漫用膳的好地方。自家製麵包配廚師特色麵包醬 點好餐後，員工就速遞了自家製麵包配廚師特色麵包醬，並用上厚厚餐巾包圍着以保其溫。員工還逐一介紹各款麵包鹹甜的先後食法。三款麵包分別有墨汁芝麻包、意大利香草包和芝士脆脆。墨汁芝麻包外脆內軟、香草包軟熟芳香，兩款用來醮點自家製特色醬確實一流；至於芝士脆脆鹹香脆口，齋食已經夠美味。自家製特色醬，一款已經覺得細心還要送上兩款自家醬實在夠創意。兩款特色醬在分別是有香草茄子醬、辣肉腸南瓜醬，前者芳香甜美，後者微辣夠

銅鑼灣既鬧市，原來都有浪漫情調既法國餐廳，燈光柔和， 面向繁華銅鑼灣嘅街景， 享受美酒佳餚時，別有一番風味。 餐桌位置夠闊落舒適，食物餐酒一齊上都唔會覺得好狹窄。餐前麵包已經好吸引。分為三款，蜜汁芝麻包，意大利香草包同埋芝士脆脆。麵包質地有硬有軟， 各具特色。而且三款醬料口味獨特，尤其係個南瓜肉腸醬, 增加咗麵包嘅味道層次。 有餐包當然 唔少得餐湯啦。左邊嘅係煙燻巴馬火腿車厘茄忌廉湯， 呢個湯比普通蕃茄湯更有特色。 因為用咗車厘茄嚟淆製，所以比番茄湯更加甜。再配合咗巴馬火腿嘅鹹香，確係唔錯。 右邊嘅為龍蝦濃湯， 呢度嘅濃湯濃旭得黎唔會覺過火，鹹度適中，可以慢慢細嚐龍蝦嘅味道。 Starter： 左邊嘅係西班牙紅蝦刺身薄片，啖啖鮮蝦味， 口感有啲似啫哩。雖然好薄， 但蝦味鮮味濃郁， 值得推介。 右邊嘅係法式油封鴨腿塔， 鴨肉嫩滑鹹香出眾，食完之後夠晒開胃。 黎到當然亦唔少得品嚐一下法國嘅生蠔啦， 三款分別係 Pinky, Krystal, Ancelin Special. 三款嘅海水味濃度，口感，蠔鮮味不一。唯一一樣嘅就係非常鮮味。 個人最喜歡Krystal, 口感更爽脆，濃味適中。 法

現今街頭咁多人，想搵一間寧靜而又可以慢慢嘆嘅餐廳兩個人慶祝，可以話有一定困難，但好多謝您嘅悉心安排，帶左我嚟高級Fine Dining 餐廳，享受到浪漫式長跑晚宴。揀好嘢食後，waiter看嚟送上熱哄哄嘅麵包，再配搭多種不同味道嘅醬料點包，很有特式，配上特意落order嘅士多啤梨果汁，很有fresh的感覺。 其後輪到海鮮宴上場，先係就到個人超級like嘅生蠔，waiter好細心咁講降我地落order嘅蠔有咩分別同埋食嘅前後次序，但嗰一刻當然只係目光專注晌蠔身上，最記得佢地話由淡味開始食至濃味，的確跟次序食海水味越嚟越重，但亦食得出新鮮嘅甜味。 食過生蠔再有西班牙紅蝦刺身薄片，當初我見到呢個名以為係紅蝦一隻隻咁嘅刺身，好似平時日本刺身咁，但上碟一下的確令人好surpise，平平一層薄裡透色，刺身一路食一路諗究竟廚師係點整到咁，伴埋碟旁嘅醬嚟食，成為好難忘嘅初次體驗。湯本身想揀龍蝦濃湯，不過正正因為煙燻兩個字而轉軚，事關感覺晌湯入面出現煙燻味好特別，的確飲落好似食緊煙燻肉類，但湯嘅蕃茄味又好出，一碗湯有兩種享受，好特別。焗阿拉斯加蟹腳相對都好出色，先係蟹腳好大隻，肉身好厚，入口啖啖肉，蟹肉

周年紀念這個重要日子，得到他給我安排一餐法國菜，真係開心到爆，呢間法國餐廳位置上雖然唔係晌銅鑼灣中心點，不過勝在有佈置同裝飾搭夠，入到嚟已好有情調先嚟頭盤，頭盤油封鴨腿，初初驚呢個頭盤好油，好快食飽，不過份量啱啱好之餘，廚師都好細心配上其他配料，中和鴨腿嘅油膩，但又無蓋過鴨腿本身啲味道，可見廚師嘅細心湯我揀咗煙燻巴馬火腿蕃茄湯，蕃茄湯同煙燻味都好濃，加埋湯上碟時好夠熱，very gd 之後嘅配搭可以話一濃一淡味，濃嘅係講緊香煎鵝肝，先睇鵝肝嘅厚道已經非常滿足，每一啖入口都有濃厚嘅鵝肝味，另外再一次睇到廚師嘅細心，配上提子中和濃味，值得一讚至於淡啲口味嘅係講緊焗智利海鱸魚，雖然睇落好似好乾身，但其實肉汁足夠，魚亦夠滑身，魚面上面配上豆蓉，估唔到兩樣嘢都幾match👍🏻👍🏻👍🏻最重要係佢地知道我地慶祝周年紀念，好細心咁甜品上面加上恭賀字句，令呢一晚過得更難忘。

每年也會悉心安排老爸的生日，必定會自製禮物，又會兩父女撐枱腳浪漫一番，但卻很少見我如何跟老媽慶祝.....的確很少跟她浪漫。她從沒有怨言，皆因她並不知道我為老爸的安排。話雖如此，其實我一直耿耿於懷，今年也要好好跟她慶祝，希望她有驚喜。還記得上年跟老爸來到這間餐廳慶祝，老爸非常難忘，讚嘆不已。餐廳沒有改變，給我一種熟悉的感覺。燈光柔和，每枱點了小蠟燭，滿有情調，絕對是情侶來燭光晚餐的好地方，但我今晚是跟老媽來。慢慢細看餐牌，設計清晰簡約，六道菜 dinner set價格為$758和$788，視乎所揀選的主菜。******************************慶祝生日當然要飲返杯盡興一下，但我倆都不勝酒力，店員推介甜甜地的Bikini ($98)，以Peach Liqueur、Mango Juice、Orange Juice和Grenadine調製而成，跟Fruit Punch 有些相似，賣相好夏日。帶微微的酒香，充滿果汁的香甜，易於入口，正合我倆心意。******************************點好菜式後便送來自家製麵包配廚師特色麵包醬 Homemade Bre

一班朋友仔齊齊去試法國餐，真係感受到咩係享受！3小時慢慢嘆，每道菜都有來歷，兼且色香味俱全，讚！今次仲食咗好多海鮮，勁開心！首先以幾隻新鮮甜美生蠔做頭盤已經無得輸，侍應姐姐教我哋先食嘅係清甜啲嘅品種，再食啲海水味重啲嘅，我個人就喜歡重口味，後面食嗰兩隻味道濃郁又有口感，正！不過頭盤佢又點止蠔，西班牙紅蝦刺身薄片印象都好深，上碟已經好有驚喜，因為係正正方方型擺盤架！刺身好甜美之餘，又有芒果莎莎同芥末蛋黃醬配襯，好有層次！食完冷盤飲返個熱湯先，龍蝦湯好足料好杰身，香味好濃，正！大海美味，除咗龍蝦同生蠔之外，點少得蟹！今次品嚐咗焗阿拉斯加蟹腳，我直情會用蟹扒去形容，因為size真係好大！成條蟹肉拉出嚟慢慢嘆，啲蟹肉又嫩又鮮味，一絕！不過都鐘意重口味口嘅我，梗係感覺有啲失落，呢個時候就有一份慢煮法國鴨胸上桌喇！啲鴨嘅咸香好似凝聚晒喺呢一件鴨胸到咁，肌紋又好緊緻，啖啖都係濃香，每口都咬到肉汁！真係非常之滿足呀！

老婆生日當然要隆重其事，想吃 Fine Dinning 又唔想太拘謹，所以就一早訂左LEE間好有情調GE意法私房菜館比個驚喜佢！Set Dinner 有齊頭盤，湯，Entrée，主菜同甜品，菜式選擇多而且價錢合理侍者奉上香噴噴的麵包盤，三款麵包有墨魚包，香草包同芝士薄脆配撘唔同GE特色抺醬。餐前麵包好緊要，因為可以試到餐廳GE水準！暖烘烘GE麵包非常鬆軟，塗上香草茄子醬，辣肉腸南瓜醬或者點醋都非常好食！Starter係法式油封鴨腿塔，擺盤賣相精緻Confit慢煮過GE鴨腿肉好軟嫩鮮味，充滿鴨的油脂香，所以頂層加左醃蘿蔔片，鴨肉拌洋蔥蕃茄，色彩繽紛之餘中和左膩感，係相當清新開胃GE組合餐湯係煙燻巴馬火腿車厘茄忌廉湯，入口茄香湧滿整個口腔，撈勻拌湯一齊享用，會將 Parma Ham 的甘香慢慢滲岀，層次更加豐富！Entrée係焗阿拉斯加蟹腳，無諗過咁大隻啖啖肉！上面加左咸蛋荷蘭醬，惹味又鮮味主菜上之前就吃個番石榴雪葩，味道清甜好refreshing！主菜環節係紐西蘭深海海螯蝦意大利麵，都幾大隻，成個mini版龍蝦咁，不過肉質就比龍蝦細嫩D甜美D！甜品送上，侍者係盤上寫上Happy Birt

剛岀trip回港，和女友找了一間有情調的餐廳慶祝一番。E Molto Buono 鄰近銅鑼灣時代廣場，地點旺中帶靜，餐廳地方不大，一進去就先看到吧枱，環境浪漫店員先送上餐前麵包，有三款分別是墨魚包，香草包和芝士脆脆，配搭的抹醬非常特別，是自家製的香草茄子醬和辣肉腸南瓜醬。麵包本身已經非常鬆軟美味，再加上抹醬絕對是綿上添花，兩款都很美味！逢星期三都有Special Menu～見到這個餐有生蠔吃，所以也點了一個試試～店員很細心介紹每款生蠔，由淡至濃吃起，分別是Pinky、Krystal 和Ancelin Speciale，蠔身肥美味道富層次，帶點海水咸鮮味，非常新鮮這個餐可配白酒或 Prosecco，因為Main Course 也點了海鮮，所以就選了白酒～Daily Soup 點了龍蝦濃湯，這個湯不得了！非常濃郁鮮甜，每一口都是龍蝦的精華吃完濃味的東西，在上主菜前店員先送上蕃石榴雪葩清清味蕾，很喜歡這個體貼的小心思，菜與菜之間細緻有序主菜是焗智利海鱸魚，佐以蘆筍、粟米仔、蕃茄、蘿蔔等配菜，魚身下面舖了一層白豆蓉這條深海鮮料理後肉身仍保持肉質鮮嫩如玉，口感嫩滑清甜，非常滋味！甜品是伯爵茶奶凍

好耐冇食過fine dining ，又唔想去連鎖既餐廳，係openrice 揾左好耐就揾到依間小店，就同咗朋友去呢間好多人都鍾意食嘅西餐舖頭。餐廳位置都算就腳，一出地鐵行五分鐘就入到去雖然舖頭細細，但裝修比我既感覺係高級既餐廳，好適合同朋友黎打卡。黎到食既部分，依間餐廳提供既選擇頗多，未黎野食之前送餐包，餐包一d都唔hea😂 有芝麻味既面包，仲有多士，配埋香草茄子醬同辣肉腸南瓜醬，有清新同火辣辣既感覺！我同友人都好期待之後既菜。頭盤係紅蝦刺身薄片，師傅刀工非常之好，每一片厚度都差不多，晶瑩剔透，食落去爽口，味道鮮甜，係一個好既嘗試。另一頭盤係鴨腿塔，鴨腿切成細細粒，連埋面包一齊食，好滋味。餐湯係龍蝦湯同巴馬火腿車厘茄忌廉湯，兩個湯做得相當出色，龍蝦湯好鮮同濃郁既龍蝦味，而忌廉湯上面塊巴馬火腿同車厘茄既酸味配合適中。小食係焗蟹腳同煎鵝肝，估佢唔到係竟然用咸蛋黃焗蟹腳！創新得黎個味道好特別，蟹腳有咸蛋黃既香，配本身既鮮甜，下次可以再戰。 鵝肝方面，食入口好滑，一d腥味都冇，仲好甘香添！食主菜前仲有野食架！ 侍應上左杯番石榴雪芭，我本身以為，點解未食主菜就上甜品？原來係為左比我地清一清喉嚨！

今晚老友相約替我慶祝生日, 特意揀了這間法國菜餐廳，可以慢慢嘆！餐廳內環境和氣氛較浪漫, 餐廳面積不大, 坐近窗邊可以看到天橋上繁忙的車來車往。飲品就分非酒精同無酒精兩份menu。這裡有些比較特別無酒精飲品, 都是從意大利或法國入口。我選擇了白提子汁，是由酒廠用白提子提煉而成， 琥珀的顏色，很濃烈蜜棗香味 。麵包有三款 墨魚包、芝士餅同埋香草包, 配上三款醬, 醬汁有香草醬, 辣肉醬， 橄欖油加黑醋， 個人比較喜歡橄欖油醮黑醋的吃法。 所有麵包烘得暖暖，非常之好味。套餐不包生蠔，老友是蠔狂，点可以不吃。 順次吃法Pinky: 肉質爽口，味道清甜。第2款是Ancelin special: 味道清淡creamy點，海水味比較濃。最後一款是Gillardeau: 肉質結實，有脆口感覺，質感非常不錯，味道很鮮甜，是帶有細膩和層次，最初是海水味，蠔味，最後是淡淡榛子味。👍紅蝦刺身片: 紅蝦片薄身，蝦片上有不同的香草 ，每啖配不同香草，啖啖口味都不同，加上碟邊還有其它醬汁，所以多重口味。煙燻火腿蕃茄湯: —啖湯配一口咸香火腿，味道複雜😋。香煎鵝肝:  鵝肝煎得外脆內軟，配多士及西柚肉，可吸走油份，

法國人的浪漫有時會另人喘不過氣，有時又另人陶醉不已！比喻一頓法國餐，往往是三四個小時，慢活慢活....繁忙的香港人簡直喘息不過來。但一眾女士又覺得鄕鄕我我的共渡三四小時有多幸福呢！對我而言享受慢活的浪漫簡中是件好事。今晚美酒與生蠔人生一大樂事。來自南澳的一杯白酒，那帶酸的味引發我的胃口。生蠔買一送一當然不會放過, 平均四十多元一隻好抵食。今晚點的全是法國來的品種，是我最鐘愛的。首先是Pinky，肉質比較爽口，厚肉有質感。第2款是Ancelin special、味道清淡一點，帶有海水的鹹香。最後一款是Gillardeau，有淡淡的楱果香，細膩有層次，鮮甜美味。自家製麵包配以自家製的香草茄子醬和辣肉腸南瓜醬，新奇又好味。Starter法式油封鴨腿塔鴨腿肉混合了蕃茄，紅洋蔥，蘿蔔鹹菜和芝麻醬，味道濃厚，層次豐富。Soup龍蝦濃湯精華所在，綿滑濃郁，飲後鮮味餘韻悠長。Entree焗阿拉斯加蟹腳絲絲蟹肉鮮甜無比，採用了荷蘭醬烤焗帶出鮮味，完全沒有蓋過原鮮。Main Courses燴澳洲和牛面頰軟腍的肉質無需費力，牛味香濃。配以牛肝菌茸更添味蕾上的享受。Dessert芒果吉士拿破崙精緻的一小塊吉士

今晚同好姊妹慶生，搵到呢間意法私房菜，menu 睇落好吸引好正宗，仲要帶有蠔吧，可以食埋生蠔，今晚要食豪d! 先點飲品，我揀左法國白提汁，係白酒廠用嘅白提子造成，飲落好幼滑好香甜。生蠔叫左每款2隻，因為買一送一，折左都係40幾蚊1隻，分別叫左pinky, krystal, ancelin special, gillardeau, 我覺得最正係ancelin special, 蠔身好爽好厚肉，一食有一陣海水咸鮮味，食落非常鮮甜，after taste 好甘香，鮮味長留不散，值得一試。餐包係自家制，好鬆軟，個皮仲脆脆地，配獨創嘅香草茄子汁同辣肉腸南瓜醬，食餐前飽都變左一種享受。前菜我揀左法式油封鴨腿塔，制作油封鴨腿好考功架，呢度做食味道非常好，保持到肉質嫩滑，鴨肉咸香，配上蕃茄他他，中和油膩感。龍蝦湯，好香濃，飲得出落足料，如果可以嘅話，我想加個白飯跟住黎個香煎鵝肝，鵝肝厚切，兩邊煎脆，帶海鹽胡椒調味，內裡嫩滑juicy, 鵝肝味濃郁，真係會愈食愈開心！非常邪惡！餐廳細心安排左蕃石榴雪芭，清一清味蕾，飽左8成，終於食到主菜，我揀左燴澳洲和牛牛面頰，上枱份量好有睇頭。一切開見到燴到肉質已經

新一年的好開始，當然要食餐好的為自己打打氣，碰巧朋友也回港，二人相約來了個小聚。回到銅鑼灣的E Molto，這是第二次來了，其實它一直是喜愛的店，因為食物的味道和水準都很好。今天終於找到機會encore了。朋友愛吃蠔，所以選了有生蠔的set dinner menu，我則選了一貫的set dinner menu。喜歡這裏的餐包，除了桌上提供的橄欖油外，3種自家製的包，配3種醬。我最愛辣肉腸南瓜醬，因為微辣又甜甜地，好開胃。朋友就愛香草茄子醬和黑醋。3款生蠔依次序是Lambert、Krystal及Ancelin special。味道由淡到濃，蠔肉新鮮爽脆又飽滿，不配白酒配cocktail，同樣好味。 我的Starter是西班牙紅蝦刺身薄片。長方形的一塊，顏色繽紛，賣相很靚。醬料是一旁的小顆粒，分別是芒果、辣椒香蒜及wasabi，入口酸酸甜甜微辣。 我喜歡龍蝦湯還是上次般濃郁，朋友就愛巴馬火腿忌廉湯，因為較清。過場來了個焗阿拉斯加蟹腳，上面鋪了咸蛋黃醬，所以入口甘香。 過場來了個小小雪葩，清新香甜。這也是我喜歡這裏的原因，每個細節位都做得周到。主菜是紐西蘭海螯蝦意粉和澳洲神戶牛肉眼扒。蝦，烱