Deep Sea Oyster & Steak

营业中

休息中

這次我們來到了一家以生蠔和刺為主嘅餐廳。作為一個海鮮控，我對這裡的菜單充滿期待。今天我們品嚐了來自不同國家的生蠔，包括法國、西班牙和日本的生蠔。首先，讓我們來評價一下法國生蠔。法國生蠔肉質柔軟，味道清甜，且口感豐富，非常適合生吃。其次，西班牙生蠔的口感較為韌性，但味道較濃郁，且帶有一點點的鹹味，讓人回味無窮。最後，日本生蠔的特點在於其肉質鮮嫩，口感較爽滑，且味道清新，沒有太多的腥味。接下來，我們點哋都叫咗幾款刺身，每一種都有其獨特的風味和口感。這裡的刺身新鮮度非常高，每一塊都散發著海洋的鮮味，且切得非常精細。每一口都能嚐到魚肉的鮮美，絕對是一個海鮮愛好者的天堂。其他串燒和串燒都不過不失！甜品一定要點朱古力雪糕、雜莓同蕉糖味蛋糕🍰都好美味又吾太甜總體而言，這家餐廳的生蠔和刺身都是非常出色的。不同國家的生蠔各具特色，而刺身的新鮮度和切割技術也非常優秀。如果您是一個海鮮控，那麼這裡絕對值得一試。🌟

同朋友喺尖沙咀行完街後，上網見到呢間餐廳嘅食評唔錯，就入黎試吓，果然冇令我失望。餐廳內環境幾好，裝修以墨綠色為主，有高級餐廳嘅氣氛。餐牌內有幾個套餐，但我同朋友共3個人都想試多啲小食，就冇叫套餐而散叫食物。首先小食試左 牛油煎帶子 同 鐵板南非鮑魚兩樣海鮮都非常新鮮，亦煮得好淋，海鮮味亦唔會俾調味料蓋過，好高質！西京燒比目魚 亦好出色燒得剛剛好，仍有水份。我最鍾意食燒烤味嘅比目魚再加上沙律醬。 燒原隻日本魷魚 嘅份量就多到嚇親我hahaaa 我本身最怕食燒魷魚，因為通常都好乾好咸，但呢個燒魷魚就完全唔同，份量仲多到最後食唔晒。燒牛舌心串 同 燒雞肉棒 我要俾100分！牛舌又大塊又厚切，燒得好香。呢度嘅燒雞肉棒係冇雞蛋架，但仍然好好味。呢間餐飯嘅燒烤真係做得唔錯最後仲叫左 美國安格斯肉眼。 叫7成煮得剛剛好，入口好多肉汁，牛扒本身牛味亦重，來貨應該唔係cheap嘢。加上蒜片一流整體嚟講，邊間餐廳定質素好好，尤其係燒物，我都會推介朋友再嚟啊！

尖沙咀山林道有間專食生蠔牛扒西日餐廳，鄰近港鐵站，地點好方便，網上訂座仲有七折添。女職員話套餐幾抵食就叫左個 🐚深海精選套餐 $438🥣 餐湯三文魚湯 + 🥗 日式沙律個湯都幾清甜，但如果冇魚骨就更加好 😊🦪 新鮮生蠔2隻味道由淡到濃，先食左邊美國珍珠蠔，蠔身較肥美豐盈，甜度平均，好creamy。再食右邊法國凱撒，海水鹹味散發，口感帶爽，好新鮮。👏🏻🦐 阿根廷紅蝦紅蝦鮮甜爽口，蝦味好濃。👍🏻🐑 澳洲草飼羊架有4件，羊肉呈粉紅色，肉質鮮嫩，熟度剛好，味道一啲都唔羶。薯角炸得好香脆，減肥嘅我食完一件又一件。🙈🤣🍹 番石榴特飲番石榴味道清新又消膩，唔會太甜。味道：4.2/5賣相：3.8/5環境：4/5性價比：4/5🏠 Deep Sea Oyster & Steak📍 尖沙咀山林道38號銀座38 13樓A號舖☎️ 35654594

睇演唱會之前黎山林道食晚飯☺️☺️☺️冇book 位walk in 入到去燈光有d暗但環境都唔錯☺️☺️☺️叫左2隻生蠔叫staff介紹 想食creamy d 既個人唔鍾意加太多調味落生蠔可能係平價既關係 冇乜特別🙊叫左豬扒 同 薄牛薄牛好好食 🥰加埋蒜片 好想食多幾件不過佢係小食定前菜所以得好少份量🥲因為得我一個人飲酒 所以叫左一杯house wine 白酒配生蠔酸酸地 都幾襯海鮮朋友叫左三文魚刺身 不過不失好少西餐廳可以叫埋刺身 可以食幾款野都唔錯

山林道銀座開左好多新餐廳 朋友想食西餐 就揀左呢間試下呢到既西餐主打 生蠔 、海鮮仲有鐵板、串燒兩個人叫左雜菜沙律 叫左個沙律菜做前菜 本新沙律就好fresh 配埋佢個醬汁 酸酸甜甜好開胃青醬雞肉意粉 意粉除左青醬 仲加左菇同番茄乾一齊炒 味道唔會單調雞肉炒完出黎唔會鞋安格斯牛肉薄燒 牛肉燒得幾嫩 食落唔會蘇 配埋個醬汁 酸酸甜甜唔怕濟香辣蝦蝦炒意粉黎到見到勁多蝦呀 蝦仲要好爽 呢個味道真係辣 怕辣既要留意但辣得黎好惹味 呢到位置唔多 環境又開揚想靜靜地同朋友傾計就岩晒

今日去尖沙咀呢頭行街，見到呢間Deep sea oyster & steak好似幾吸引，就入左去。聽個餐廳名，諗住應該係食西餐嘅，點知除左西餐嘅食物，仲有好多日本料理架喎。啱晒我地呢d咩都想食下嘅人架啦😍我地叫左蟹肉沙津、三文魚味噌湯、燒原隻日本魷魚、松露蟹膏意粉同埋柚子雪芭。我地兩個女仔黎食野，想食得輕盈D😂所以就揀左呢個蟹肉沙津。賣樣好靚，啖啖都有蟹肉😍好好味呀！三文魚味噌湯，個湯好鮮甜，好多三文魚，非常足料。燒原隻日本魷魚，好惹味好彈牙！非常爽口，唔會好靭。松露蟹膏意粉，好香濃嘅松露味呀😍仲有蟹膏嘅鮮味。好好味呀🥰最後緊係要食埋甜品啦！甜品揀左柚子雪芭，清爽唔膩，酸酸甜甜非常醒神。唔會太甜！柚子味好香好清新呀！

一入到嚟，就覺得好浪漫好有格調，好啱同另一半或朋友嚟食下野傾傾計一開始叫咗隻法國蠔prieur $70 （右）主打食蠔既呢間餐廳果然名不虛傳好重海水味 而且唔腥唔臭 好鮮甜 好易入口好滑 令人好想繼續食另一款美國珍珠蠔係大隻啲 蠔身較厚海水味冇咁重 一樣係唔會腥 相對法國既蠔味冇咁重 中意食蠔既大家應該會中意食呢款多啲！松露蟹膏意粉$138好重松露味 而且唔會好乾身 菇同洋蔥份量啱啱好 好中意呢隻意粉唔會好硬or軟好味深海海鮮拉麵$118呢個拉麵好有驚喜首先好多料 好豐富 蝦都啖啖肉而且蟹柳係真係蟹肉個啲 好啖啖肉唔係假個啲蟹柳個湯都好濃郁 好jeng 比美得上出面啲拉麵專門店再encore蠔食過番尋味大家嚟到一定要試下啲蠔 好難得香港食到咁高質既

大家好，呢間餐廳喺佐敦地鐵站啲出口附近好方便，門口好容易搵到招牌，入到去完全係可以享受食生蠔，同埋同啲朋友happy hour, 簡約嘅裝修，整齊嘅酒櫃，清晰嘅價目表，已經唔使講太多，大家盡情去享受，梗係嗌返杯啤酒先啦，由於我老婆唔飲酒，睇吓個Menu原來熱嘢飲都好多選擇，於是佢就試吓桂花雪梨茶，老公嗌咗幾杯杯嘢飲Sapporo ，前菜 由於老公唔識得山野，所以冇嗌生蠔，自己就獨孤一味試吓美國𧐢，嘩真係好新鮮呀，一個字正鵝肝多士，送洒一流，再加埋除渣芝麻雞翼就梗係勁開胃啦，安格斯薄薄一片燒烤牛扒華明同朋友飲酒，又點少得燒雞泡魚乾呢 尤其是老公最鍾意食沙律醬，無論個賣相咬落去嘅質感都非常有水準，喺呢啲咁嘅環境，梗係要食返啲薯條試吓啦，於是就帶咗個松露炸薯條，呢個真係要值得特別一提，啲薯條係即叫即炸真係好好食海獅嘅呢 好似人哋拍食神咁樣真係有種難以形容嘅感覺，最後都覺得實在太好味，所以試埋蒜蓉雞絲意粉意粉，好好味😋買單睇吓張單真係覺得好抵食，所以大家如果想喺佐敦或者尖沙咀附近搵一間可以食好，一定要去呢間餐廳！

今晚與好友共進晚餐，這家位於尖沙咀山林道的樓上餐廳，如果不是朋友的介紹，可能不會想到在這座搵食大樓中會隱藏著這家餐廳。餐廳在門口提供每日特選餐牌，為食客提供更多選擇，餐廳的杯子和水壺都是藍色的，讓食客感受到餐廳的Deep Sea氛圍。我們被美國珍珠蠔和法國蠔所吸引（價錢也是最經濟的！ ），我們決定嘗試這兩種蠔，事實證明我們的選擇是非常明智的，蠔的質量很高，味道鮮美，而且非常新鮮。他們的口感不同，美國珍珠蠔口感清爽，海水味和蠔味相對淡，而法國蠔則相對體型較小，海水味和蠔味都較為濃郁，同樣入口爽口鮮甜！此外，我們還點了安格斯肉眼扒，肉質鮮嫩，內部則保持了肉汁和口感。配搭薯角和沙律菜，而且還有我最喜歡的炸蒜片。總的來說，來Deep Sea Oyster & Steak的話要吃生蠔呀，不會讓你失望！

慶祝結婚35周年，老公揀選咗一間好有情調嘅餐廳，喺尖沙咀銀座38。柔和燈光，別緻高貴裝飾，整齊排列於窗邊的深綠色古典卡位，透過大片玻璃望出街外風景，特別優雅。 享受二人燭光晚餐前，女侍應端上用藍色杯盛載的清水，感覺好浪漫，完美配合餐廳的名字，有意思。先有雜菜沙律，由於蔬菜夠新鮮，配埋酸酸甜甜嘅汁，好清新醒胃。跟住嘅三文魚味噌湯，裏面嘅大蒜及三文魚熬出嚟嘅湯，味道濃郁，充滿住日式風情，好正。再嚟就要品嘗兩款生蠔，分別有美國珍珠蠔及西班牙生蠔，各有風味，總之就係新鮮，咬幾口，鮮甜美味，好容易就滑入喉嚨內，爽呀！再有迷你刺身拼盤，蝦肉質地軟滑，帶有鮮味，海螺片及帶子亦不遑多讓。另一個鵝肝多士，煎得甘香，入口即溶，上面嘅醬汁好配合香甜鵝肝及脆身多士，一流！而深海海鮮拉麵就真材實料，有大蝦、蟹鉗肉、冬菇及大量蔥花，拉麵幼身嫩滑，鮮味湯底，格外好味。主菜係加拿大斧頭豬扒，賣相漂亮，豬扒煎得啱啱好，份量又夠大，肉質酥香豐盈，有咬口，配菜仲有炸香蒜片、翠玉瓜，其中即炸嘅薯角，味道好特別，香甜粉糯，令人愛不釋手。餐飲亦同樣出色，椰子水有淡淡清甜椰子味，解渴消滯透心涼，好好飲；石榴特飲就有獨特石榴清香味，

想搵一間地點適中、有情調、夠舒適寧靜，可以盡情傾偈及chill 吓嘅餐廳，Deep Sea Oyster & Steak 一定合乎以上條件。今晚同朋友都想食蠔，叫咗西班牙生蠔及美國珍珠蠔，朋友話西班牙生蠔雖然夠大隻好肉，又有甜味，但比較起來，朋友覺得美國珍珠蠔雖然細隻啲，但肉質爽脆，鮮味較重，好食啲。叫咗燒牛舌心串，由於醃得入味，燒得夠香，非常爽口滑溜。再有日式燒全隻魷魚，即叫即燒，香噴噴，入口感覺鮮味爆發，有脆口，有軟滑，而且切好一圈圈或細細塊，一路傾偈，一路放入口，方便易食。餐廳仲可以預訂活海鮮，又有日式炸物及刺身，套餐及扒類，非常多元化，客人多選擇，自然再光臨。

突然想食蠔揾左間西餐專門店，即開新鮮既蠔質素比較有保證，仲有來自不同海岸的品種。雖然buffet一個價錢就可以任食蠔，不過沖走海水食唔到原汁原味。餐廳位於尖沙咀黃金地區，但因為位於樓上舖，人流不太密集不用急住交枱，用餐體驗比地舖舒服。當日有7款蠔來自3個產地，職員serve蠔時介紹邊一款較濃味要最後吃。左手邊美國珍珠蠔屬N2 size，只帶輕輕金屬味。入口滑溜海水味淡，是比較清新利落balance的口感。食蠔新手最容易接受的品種。西班牙蠔比美國，法國，或紐西蘭蠔較少見，食過一次就愛上了它的creamy感。N1 size 單買一隻$60， 平時凍肉舖一整盒出售價除開一隻要$40隻。而入舖食有專人開蠔價錢好合理。Arousa蠔肉大大片又夠厚肉，咬落仲特別爽口，回味滿足感十足。靚蠔一律建議只落檸檬汁，用海鮮醬會蓋過蠔的鮮甜。食蠔唔夠飽既，只要點一份一人餐以上兩隻蠔就免費跟餐。前菜有一份田園沙律及足料三文魚麵豉湯，魚味極濃很有誠意。再來套餐前菜第三味，煎大虎蝦。一人套餐有兩大隻厚肉蝦，說是二人份量不為過。見蝦背一行行紋理就知有幾爽彈。燒熟的大蝦配鹽粒簡單惹味，因為蝦太大隻要出動刀叉分幾口食。另

位於尖沙咀山林道的樓上餐廳，面對附近街道大量食肆的競爭，如非朋友介紹，真的沒想過這裡的搵食大樓中會隠藏著這間實力派的餐廳。日式炸雞 $88這份日式炸雞絕對是全晚的驚喜之作，平凡的賣相，但就是味道出眾取勝，不需要花巧做作。炸雞是熱騰騰的即炸上枱，當我聞到一陣撲鼻而來近似的KFC香氣，加上炸雞脆漿外皮亁身已暗讚其出色的炸功。炸雞外脆而調味恰到好處，而且皮下脂肪不厚，雞肉軟淋多汁， 相信是用雞脾肉製作。若沾上蛋黃醬一起吃，又是另一種美味。這份日式炸雞可算是本人吃過最好的炸雞版本。生蠔這晚點了2份生蠔，分別是美國珍珠蠔同西班牙石蠔。美國珍珠蠔爽口，海水味及蠔味都相算淡口，適合偏好清淡蠔味的朋友。西班牙石蠔則相對體型較大，海水味及蠔味都較為濃，同樣地爽口鮮甜。值得一讚的是這裡的蠔都解凍得十分好，而且上枱時仍然十分冰冷衛生。串燒牛舌芯 個人很怕外邊的串燒牛舌薄切得失去口感與風味，因此我十分欣賞這裡的牛舌芯，因為其厚切得比5元硬幣更厚。加上$50左右的價錢，配上3件的牛舌算是十分抵食。牛舌芯調味偏淡，個人認為可略加多少鹽提味，然而牛舌芯肉汁豐富，肉質雖然軟淋但外層沒有燒到焦香的效果。整體而言是抵食而

今晚難得有朋友請食飯，揀咗一間精緻嘅西餐，地點好方便，佐敦站行幾分鐘就到餐廳佈置得好優雅，坐得好舒服，靜靜地傾偈最適合揀咗個深海精選套餐，先嚟餐湯，今晚係三文魚麵豉湯，其他餐廳好少有咁足料，有魚肉、豆腐卜等，湯味道濃郁，再配上沙律清新一下套餐有兩隻生蠔，分別係西班牙品種同美國珍珠蠔，兩隻都好鮮甜，充滿海水味道，西班牙蠔比較飽滿，啖啖肉，唔需要配任何醬汁都好好食美國珍珠蠔體形比較細，加上檸檬汁同cocktail 汁帶出鮮味另外仲有兩隻牛油燒大蝦，燒得剛剛好，唔會太乾，蝦嘅肉質爽甜主菜就揀咗加拿大斧頭豬扒，賣相好精緻，餐廳已經切好一件件好方便食，而且火候剛剛好，唔會煎到太乾，肉質亦鮮嫩，充滿香濃嘅豬味配菜有薯仔、翠玉瓜、蘿蔔、香菇等等，再配上炸蒜片，為豬扒加上點綴飲品揀咗番石榴特飲，味道好清新，唔會太甜，每一啖都充滿番石榴味道，好香亦有消膩作用要讚一讚餐廳嘅服務員好友善，禮貌超級好，亦為我哋介紹食物嘅特色，令成餐飯都食得好開心

因疫症和國內封關，轉眼已有三年，得知恢復通關，相約在上海的好友來港共聚。在同事的推介下，到尖東食肆林立的山林道，其中至高的銀座商廈有私房菜風格的 Deep Sea Oyster&Steak西餐廳。餐廳裝潢充滿歐陸風情，光線柔和，感覺舒適。松露雜菌湯是我至愛，味道香滑松露味濃郁。廚師精心挑選食材，炮製的澳洲羊架入口肉嫩汁多，秘製紅酒喬頭及醃製蘿蔔的配搭，我最欣賞紅酒奄喬頭，很有特色。鵝肝多士，入口即溶的嫩滑鹅肝配搭脆口多士，感覺是舌尖上的享受。日式安格斯牛肉稻庭烏冬，富有特色是軟滑幼嫩烏冬吸收鮮嫩牛肉的精華湯，配上半隻溫泉蛋，錦上添花 ，令這一碗平凡烏冬， 即時提高昇華 。整體這晚餐令大家都感覺溫馨和滿足！