Deep Sea Oyster & Steak

营业中

休息中

鎮店之寶：炭燒厚切牛舌芯（必食原因）呢度嘅牛舌顛覆你認知！師傅專挑「舌心」最嫩部位，厚切到成1.5cm厚，上枱仲「滋滋」噴煙！外層燒到微焦脆口，咬落去「噗吱」爆肉汁，裏面軟嫩到似食和牛，仲帶淡淡炭香，牛魔王食完都忍不住「嘩」一聲！獨門秘技贏晒全港 慢煮鎖嫩：先慢煮，肉質鬆化唔黐牙 雙重炙燒：荔枝木炭烤+火焰槍逼油香，脆皮效果MAX魔鬼醬汁：自家熬黑蒜燒汁，鹹甜交織超惹味純食原味：感受濃郁牛脂香點海鹽wasabi：瞬間變身日式風味配炸蒜片：脆上加脆，邪惡度爆燈真實食評「平時怕牛舌韌？呢度嫩到似吞拿魚腩！」、「為咗佢專登過海三次，隔籬枱見我哋食到嘩嘩聲跟住追單」

Deep Sea Oyster & Steak在尖沙咀的 Deep Sea Oyster & Steak，這次的用餐經歷讓我印象深刻。餐廳的裝潢典雅，營造出輕鬆舒適的氛圍，非常適合與朋友聚會或慶祝特別日子。首先，點了生蠔，鮮美的口感讓人驚豔。搭配檸檬和醬汁，增添了清新的風味，讓每一口都充滿海洋的鮮味。接著是燒海蝦，肉質鮮嫩，烤得恰到好處，簡單的檸檬點綴，使得味道更加清新。飲品方面，我選擇了桂花雪梨茶，他們使用既杯，既美觀又清涼，非常適合夏季享用。隨後的牛排，7成熟，肉質鮮嫩多汁，搭配特製醬汁，讓整道菜更具層次感。每一口都讓人感受到食材的品質與廚師的用心。總體而言，Deep Sea Oyster & Steak 是一個值得推薦的地方，無論是食物的品質還是環境的舒適度，均令人滿意。這次用餐的總費用為548港元，對於這樣的高品質享受，性價比也相當不錯。下次有機會再訪！

脆炸芝麻雞翼👍🏻👍🏻👍🏻👍🏻 一上枱就聞到勁香，外皮炸到金黃酥脆，灑滿芝麻，咬落去「咔嚓」一聲，肉汁鎖得好好，蘸少少檸檬汁更加開胃，必點小食！ 日本黑豚五花腩串👍🏻👍🏻燒得啱啱好，肥瘦均勻，油脂香口但唔膩，表面微微焦脆，加咗少少照燒汁，甜甜哋好惹味，配杯啤酒簡直一流！ 燒雞泡魚乾👍🏻👍🏻👍🏻係我嘅最愛，烤到外脆內軟，咬落去帶少少煙韌，點沙律醬食超夾，出色！西京燒比目魚👍🏻👍🏻👍🏻👍🏻魚肉超級嫩滑，西京味噌醃得入味，甜甜哋帶微微酒香，魚皮燒到微焦，入口即化，高質之選！ 松露蟹膏意粉👍🏻👍🏻👍🏻好有驚喜！意粉煮得岩岩好，蟹膏醬汁濃郁creamy，黑松露香氣撲鼻，每啖都食到蟹肉絲，奢華得嚟唔會太膩，大推！

同朋友去咗佐敦呢間「Deep Sea Oyster & Steak」食晚餐，餐廳環境幾有格調，仲有大玻璃窗睇夜景，氣氛唔錯！🐟 三文魚腩刺身魚腩部位不過不失，ok肥美，份量較少🍞 海膽三文魚他他配多士海膽新鮮冇腥味，三文魚他他調味啱啱好。多士烘得脆身，一啖咬落去，三種口感好夾！🍝 松露蟹膏意粉呢個真心推介！意粉煮得al dente，松露香氣好突出，蟹膏份量慷慨，每條意粉都掛滿醬汁，食到lam lam脷～🍰 法式焦糖馬德蓮貝殼蛋糕新鮮出爐熱辣辣，外脆內軟。焦糖味香濃但唔會太甜🍧 柚子雪芭食完主菜清清味蕾，柚子味好清新，酸酸甜甜好開胃。質地好幼滑，唔會有冰粒感。環境：最正係個大玻璃窗，可以望到成個佐敦夜景。燈光偏暗，枱與枱之間有足夠空間，傾計唔怕比人聽到。服務：侍應好有禮貌，會細心介紹菜式。上菜速度都幾快，唔使等好耐。總括：食物質素高，環境舒服，價錢合理。特別推介松露蟹膏意粉同海膽他他，一定會再encore！如果想搵間有氣氛又唔會太嘈嘅餐廳，呢度係唔錯嘅選擇～⏰ 建議預早book窗邊位

今次同朋友第一次食呢間餐廳，整體感覺幾好，食物質素對得住價錢，環境同服務都令人滿意。先講串燒類，燒牛舌心串確實有驚喜。牛舌厚切得恰到好處，炭火控制得幾好，外層微焦香脆，內裡保持到juicy口感。加少少岩鹽同檸檬汁，簡單調味已經帶出牛舌嘅鮮味，食落完全唔韌，值得encore。日本黑豚五花腩串肥瘦比例剛好，炭燒後油脂溶化得幾均勻，配埋甜甜地嘅日式燒汁，食落香口得嚟唔會太膩。脆炸芝麻雞翼炸得夠脆口，芝麻份量適中唔會過多，咬落去"咔嚓"聲好治癒。雞肉保持到嫩滑，證明油溫控制得宜，唔會食到成口油，作為佐酒小食好適合。加拿大斧頭豬扒份量十足，肉質鬆軟唔鞋口，食到冇蓋過豬肉本身嘅鮮味。主菜方面，松露蟹膏意粉確實係招牌之作。蟹膏醬濃郁得嚟唔會過鹹，每條意粉都均勻掛汁，松露香氣突出但唔會搶味。意粉煮得al dente，整體配搭平衡，係會令人想再食嘅菜式。餐廳環境乾淨企理，座位唔會太逼。服務員態度友善，上菜速度合理。價錢方面算係中上價位，但食物質素對得住個價。整體嚟講，呢度嘅食物水準穩定，特別適合三五知己聚餐，或者想食餐好少少嘅時候嚟幫襯。

本身尖沙咀山林道已經係隱世嘅街道😂唔係朋友介紹都唔會知呢度有餐廳。呢間個裝修比足面，雖然空間唔算好大，但係氣氛好好做到Bar Restaurant嘅感覺！呢度嘢食夾雜住西餐同埋日本野，選擇都好多鵝肝多士好推介👍佢個鵝肝好大嚿，煮嘅熟度啱啱好一咬落去啲鵝肝汗同油就充滿口入面，配埋醋醬味道一流😋再嚟就雞肉青醬意粉，佢個青汁醬好濃郁但係食落又唔鹹，值得一讚係意粉嘅軟硬度正正好合我心意，硬得嚟又唔會好生，雞肉調味都係無可挑剔👌最後就係個main羊架，咬落口好Juicy好軟熟🤩半架熟度大約5成，但係就算油脂分泌多，食落都完全吾膻仲帶好香既酥脆味。食到漏嗰陣隔離仲有啲配菜可以中和下，連啲配菜都調味十足真係難得👍

今日夜晚嚟到山林道食飯，揀咗呢間專食生蠔嘅餐廳🚀我哋帶咗一個set😝沙律都幾新鮮！必食oyster~ 幾大隻，鮮甜有海水味🥰之後上咗餐湯，係即整嘅蘑菇湯，非常濃郁😁仲有煎大蝦🍤 好新鮮又彈牙，蝦膏必食！主角梗係食牛啦！好大塊牛扒，熟到剛剛好，咬落去juicy~食哂好飽😝Pesto chicken pasta: 唔會太濃，都幾彈牙！Grapefruit soda : super refreshing 😬#hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies

呢間餐廳環境唔錯，好有格調，海洋風裝修，坐得舒服又有氣氛。首先，我地叫咗個松葉蟹肉沙津，蟹肉鮮甜，沙津菜新鮮，清爽開胃。仲有個燒牛舌心串，牛舌燒得好入味，口感軟嫩，咬落去啖啖肉香。而佢個美國安格斯肉眼 (七成)，煎得啱啱好，外層焦香，肥瘦參半，咬落去肥油爆發出濃郁嘅牛味，鍾意食肥油嘅人就真係啱哂。仲有鵝肝多士，鵝肝煎得外脆內軟，配多士一齊食層次好豐富。另外松露蟹膏意粉嘅松露香同蟹膏味融合，意粉掛滿醬汁，每啖都滋味十足。最後就係個蘆筍炒鮑魚，鮑魚爽口彈牙，蘆筍清甜，好好味。佢地每樣食物嘅擺盤都好靚，睇得出係用心制作。9:30pm.後仲有7折優惠，性價比幾高，服務員亦經常會過嚟加水換碟。總括嚟講，呢間餐廳不論環境，食物質素同服務態度都唔錯，下次可以試吓其他菜式。

隱世高質樓上西餐廳，裝修時尚，環境寧靜舒適，主打一系列意粉、扒類、魚生、及多款來自各地的的生蠔。螺片賣相吸引，中火慢炒夠乾身，好厚肉，肉質夠彈牙，充滿牛油香。比目魚肉質細緻多汁，香氣十足，西京漬後，帶有甜甜鹹鹹的味道，入口即化，滑溜甘甜，美味可口。拉麵材料豐富，海蝦、蟹柳，鮮味十足，湯底鮮甜，咸度適中，濃郁滋味。青醬的香氣很獨特，散發著淡淡的香草、橄欖和蒜香味，配雞肉十分適合，意粉掛汁，口感煙韌。

今日同朋友行完街 見到幾多好評既餐廳，於是入咗去試～叫左-青口份量幾多 2個人食岩岩好 調味恰當 唔會太咸 好食！我地仲加20蚊薯條，抵食又炸得岩岩好-必試牛舌👍3大舊都幾厚身，燒得岩岩好 咬落去好juicy 仲要見到啲肉好嫩 唔會過火侯-薄切牛呢個包住啲蒜好香，加埋個醬酸酸地 好開胃-玫瑰花茶呢個真係成朵玫瑰花好足料，勁香玫瑰味，唔錯-桂花雪梨茶好香桂花同埋雪梨味飲落好清新，飲完個喉嚨好舒服😽兩個女仔食啱啱好，環境又清靜，好適合gathering

約朋友尖沙咀食飯，食尼食去都係日本菜韓菜台灣菜，今次搵左間樓上西餐，餐廳仲有宵夜時段平日可能少啲人，我地7點上尼，唔算full兩個人叫左個set燒雞泡魚乾散叫左雞泡魚乾，點蛋黃醬食幾好味，唔點都得，佢本身都燒得幾香口，但有少少乾身同硬生蠔因為唔食生蠔嘅關係，全部比晒朋友食，不過望落脹卜卜煎脆皮鵝肝下面個toast好脆！鵝肝入口即溶，一咬麵包吸晒啲汁！！！深海海鮮拉麵有拉麵食幾特別湯底好香濃，一尼就飲左幾啖，麵係直身幼拉麵，不過我本身鍾意食硬身少少嘅麵，依個稍為淋左啲，不過整體都ok紅桑莓紐約芝士蛋糕Um……依個冇乜特別，就係普通New York cheese cake面頭加咗紅桑莓，同出面cheese cake差唔多

見到有唔錯嘅食評諗住黎試下，但係言過其實：1） 其實間舖頭好細，坐得耐有點侷促的感覺，舖頭唔夠人做野serve客；2）Order左斧頭扒、肉眼扒同埋煎帶子，believe it or not，竟然等左一個鐘先上第一碟煎帶子，完全已經冇mood。幸好塊斧頭扒都算唔錯！3）Cocktail 簡直係disaster，叫左杯Deep Sea，真係想問下佢地自己有冇飲過，夠膽收98蚊一杯，真係唔想客回頭？4）舖頭主要似係sell oyster同刺身，咁我覺得價錢環境比較下，真係食buffet會開心好多。希望你哋舖頭睇到留言真係提升上餐時間、食物價錢同埋自己試下杯野飲。明明我嚟同朋友慶祝生日，到最後朋友都話唔想食佢嘅蛋糕想離開，唔係又唔知等幾耐。

今日放工約左朋友，佢話想食蠔，search左一陣見到依間餐廳有蠔就上尼試試上到嚟唔算好多人，環境氣氛都唔錯，黃昏尼到應該仲會睇到日落，坐得幾舒服，我哋兩個人叫咗一個set餐湯係三文魚湯飲落唔會好重味精，幾鮮，不過飲嘅時候要小心啲骨迷你刺身拼盤油甘魚 象拔蚌 甜蝦刺身食落唔會好腥，象拔蚌幾爽口美國西班牙生蠔西班牙比較Creamy，口感幾爽，一啲都唔腥，幾有質素安格斯肉眼（7成熟）大大塊rib eye，面頭仲有炸蒜，鍾意食蒜嘅朋友唔可以錯過！好惹味好香口，rib eye好多汁，唔韌薯角唔同普通出面果啲淋左嘅薯角，依到嘅薯角好脆，唔知係咪即炸呢牛舌心牛舌心係另叫，唔係set雖然牛舌比較厚身，但口感唔韌，易咬，又唔油膩，唔會一咬就擠晒啲油出尼，燒得幾香口

餐廳係山林道既樓上舖～環境寧靜清幽 好岩同朋友黎吹下水傾下計😋可以望住店員沖野飲 整野食 體驗好好😍黎得呢度當然要試佢地既生蠔啦～都算多選擇🤩最後叫左兩款😋😋西班牙Eternia $50/1隻海水味重！！好鮮甜～口感creamy不過唔算好厚身法國Gillardeau $90/隻被譽為生蠔界中的勞斯萊斯😍蠔肉比其他品種肥美香甜且帶淡淡既榛果香😋蠔味食落好有層次～必試串燒叫左牛舌芯（右）同豬腩肉（左）兩款都調味得岩岩好 唔會搶過食材既鮮味 食落好Juicy肉汁豐富😋美國prime牛小排 $308我地叫左5成熟😍肉汁豐富唔會過韌～咬落牛肉味香濃 另外好欣賞佢配埋炸蒜片，層次口感都更豐富松葉蟹膏意粉 $158醬汁好濃郁🤩意粉熟度剛好～食落煙靭而且超掛汁～啖啖都係蟹肉同蟹膏～好滿足！！整體食物質素唔錯 絕對可以再黎🥰如果侍應可以再主動啲接待客人體驗會更好❤️

這是一道結合了新鮮海鮮和優質牛肉的豪華晚餐套餐。主要包括:1. **生蠔 4 隻** - 新鮮肥美的生蠔,可以直接生食或搭配檸檬汁享用,帶來海洋鮮甜的滋味。2. **美國安格斯肉眼 (七成熟)** - 精選的優質牛肉部位,經過適當烹調後保持多汁鮮嫩的口感。3. **配菜** - 包括什菜沙律和迷你刺身拼盤,為餐點增添清新的口感。 - 還有鵝肝多士,為餐點增添奢華的風味。4. **湯品** - 附送是日餐湯 2 碗,為整個用餐體驗增添溫暖。整個套餐呈現出海陸並重的豐富滋味,無論是生蠔還是牛扒,都能帶來極佳的用餐體驗。搭配餐湯和配菜,更是讓這頓晚餐更加完整。對於喜愛海鮮和高級牛排的食客而言,這個生蠔牛扒套餐無疑是一個絕佳的選擇。在用餐過程中,您可以慢慢品味每一道菜品,享受這份美味佳餚。