○de▽ 鯛白湯らーめん

营业中

休息中

見到其他人介紹呢間大阪過江龍拉麵店，咁啱又喺中環，就去試試～拉麵店收9點，我同朋友8點幾先到，侍應話得返鯛白湯拉麵，但正好正好係我地想食嗰款！🤩同喺日本既拉麵店一樣，要先喺門口揀選拉麵，俾埋$先入去。付款方式有八達通同信用卡，好方便～🍜鯛白湯拉麵（$138）🍜拉麵煙韌有咬口！但我地最鍾意既係個湯底！好鮮味，好似好多魚既精華喺入面咁，就咁飲又唔會太鹹，忍唔住飲晒！🤤🤤碗邊既黃色醬係柚子，應該可按自己口味撈入湯底～我就鍾意就咁飲，所以用唔晒～

明天便是長假期的尾聲大家這數天去了那兒玩呢？可惜復活節車爸爸要返工！但早在三月頭他放了數天假我們其中一天便走到中環，吃我期待已久的○de▽ 鯛白湯らーめん Maru De Sankaku！餐廳門面以白色牆身配落地玻璃裝潢內裡則以上木系作主題，在簡約中散發著陣陣日式風情！！星期六的下午三時多來到人龍比我想像中短！只是拉麵店座位有限所以也等了半小時才可入座！到差不多有位的時候客人須在門口的自助點餐機中選餐及付款，溫馨提示這兒只收Visa、Master和八達通三款電子付費，大家記得預備好否則便會像我見到兩位少女要增值再回來！！餐牌選擇不多只有三款招牌拉麵，包括是鯛魚白湯拉麵、鯛魚清湯拉麵及鯛魚沾麵，另外還有三款小食及一款蓋飯。我們被安排坐於吧檯能一目了然的看到師傅製作過程，我覺得這兒比坐小檯更具風味！甫坐下看見檯面已安排了口罩套、獨立包裝濕毛巾、一次性圍裙，成個配套也十分貼心令我印象甚佳呢！！我們除點了拉麵外還加上一客日式炸雞 ，一客有三大件炸得金黃的炸雞，外皮不算薄透但口感香脆不油香，內裏肉質挺嫩而且多汁沾上咖喱粉吃更加芳香迷人！車爸爸選了賣相清新的鯛魚清湯拉麵，呷一口清澈不濁的湯頭味道鮮

兩位同事加埋我都因為OT, 攪到放假前夕要8:30pm 先收工， 橫掂收咁夜， 同事就諗起日頭成日想食，但又大排長龍的日本拉麵人氣店。我地差唔多8:45pm 先到，都重要排多3張枱，人氣店果然唔同d, 門口有位侍應妹妹話9點係last order, 幾驚無得食， 好在佢話照比我地入，係最後一枱客， 門口有部點餐機，點好哂，比完錢先入內， 咁就可以慳返好多點菜同埋單時間，呢個一讚。本來今次想食沾麵， 但因為太夜關係，已經賣哂，唯有下次啦。 點餐機好簡單，因為得3款麵揀，白湯，清湯同沾麵。 咁我地3個都係要鯛魚白湯， 再share炸雞，同炸魚皮。 拉麵送到後， 有位廚師講解，碗上面黃色的係咩黎。 原來係柚子磨成的粉粒，可以中和返個白湯，怕客人覺得個湯太濃味， 我係湯王，就先飲頭啖湯。 我就覺得味道o岩哂我， 唔算太濃， 魚湯好香，好勁魚香味， 拉麵似中華麵，唔太林，勁好味。 鯛魚肉多到食極都未完，食到好攰。真心好食，值得排長龍。炸魚皮脆到似薯片，不過得一塊收$48, Cp值就差dd, 雖然係好好味， 最後係炸雞，雞肉勁多肉汁，雞皮炸到卜卜脆。 又係食極都唔會停。價錢一樣$48， 得3舊。

⌇ o d e 鯛 白 湯 鯛白湯拉麵 ( $ 1 3 8 ) 鮮鯛魚配上貝類熬製以成既濃湯 鯛魚湯鮮甜濃郁 再加埋碗邊嘅柚子蓉 酸甜清新 再加上一粒粒既鯛魚 更有層次 而配料方面有薄切叉燒 入口嫩滑！鯛魚沾麵 ( $ 1 4 8 ) 沾麵用上粗扁型嘅拉麵 口感煙韌比較似刀削麵 湯底非常濃郁 不過味道偏鹹 魚嘅鮮味亦冇咁突出！炸鯛魚皮 ( $ 4 8 )應該係食過最貴既炸魚皮 清脆爽口 一咬落去就知道係新鮮炸 唔會有平時出面食炸魚皮嘅嗰種油膱味 將炸魚皮浸入魚湯 再加上松露醬 鮮味十足！日式炸雞 ( $ 4 8 )「日本唐揚協會」認可既炸雞 外皮質黃金香脆 入面肉質依然嫩滑多汁 再沾上咖喱粉 口感豐富 別具風味！○de▽ 鯛白湯らーめん🍜中環鴨巴甸街13號地舖

呢間我食過幾次，仲記得第一次食覺得好好味！可以話係食過最好味既拉麵！同埋佢係魚湯，食落勁濃厚又唔會腥！個樣又睇落勁fancy! 同一般既拉麵店擺盤都完全唔同，真係一間食完一定會記得既拉麵店！不過可能食得密，今次食已經無左第一次果種感覺，今次叫左個炸雞，係配咖喱粉，有點兒奇怪...個雞又炸得有啲乾，個皮硬到有少少刮咀，本身個雞又無乜味，只靠沾咖喱粉調味咁🧐所以大家黎呢到都係主要食拉麵就足夠啦😂推薦！

今次終於食咗啦除咗貴冇其他毛病魚湯係好飲嘅 配上咗少少柚子味嘅調味個人覺得都幾特別但你問我會唔會再返嚟食我自己未必會因為始終$140一碗拉麵真係太貴 加隻糖心蛋都要額外加錢

一嘗期待已久既鯛魚湯拉麵🍜點左一個鯛白湯 一個鯛清湯兩個都真係各有各好因為本人好鍾意飲濃魚湯，所以好滿意飲得出佢絕對真材實料，唔係落味精鯛白湯 除咗有鯛魚，仲有其他貝類海鮮味道比較濃郁，有一小撮柚子味嘅醬個人覺得唔加佢好味啲😅但同行朋友覺得加左別有一番風味鯛魚肉同叉燒份量都唔少😋叉燒嫩滑，魚肉就略嫌鞋咗少少鯛清湯 就係用鯛魚熬製而成附送兩塊炸鯛魚片，好厚身完整一塊味道同平時雲吞麵店食嘅炸魚皮差唔多但佢個湯真係好清，冇咁鹹湯嘅份量唔多，起初好擔心唔夠，但其實係夠，差不多飲晒😋

今日同事想食拉麵, 就諗起一間喺中環鴨巴甸街經常大排長龍的人氣拉麵店 " Maru De Sankaku". 呢間拉麵店門口裝修得好有日本Feel. 排隊等入去時, 都可以打返張靚卡. 大約等左15分鐘, 終於可以坐低. 餐牌選擇唔多.  只有3款招牌拉麵，分別係: 鯛魚白湯拉麵、鯛魚清湯拉麵、鯛魚沾麵.  我就點左個$138的鯛魚白湯拉麵. 話明主打係鯛魚湯, 當然試下頭啖湯啦.  飲左第一啖, 個反應就得一個, 就係好味道不得了. 湯味香甜, 魚香撲鼻, 只飲碗湯都值回票價. 拉麵細滑, 爽而煙韌. 叉燒又軟又有肉味.  真係值得推介. 中環咁多拉麵店, 呢間真係無得輸, 唔怪得日日排長龍啦. 

週末特別喜愛在中上環出沒, 有一次在鴨巴甸街附近上aerial yoga class時發現斜坡上的餐廳都十分吸引, 其中○de▽ 鯛白湯らーめん一直是bucket list之一！❤️.我們選擇了平日晚上到店希望可以避開人龍! 進店前先點餐, 原來每碗拉麵都有quota, 我們成功搶到最後一碗限定鯛沾麵🍀另外再點了鯛白湯、炸魚皮及炸雞小食🐟🐣先評論擺碟, 鯛沾麵以金碗及乾冰🧊華麗登場, 麵種可形容為拉麵與白布烏冬之間, 口感豐富, 條條分明爽口; 而魚湯內有魚肉、豬肉粒及洋蔥粒, 味道濃郁而不腥👍🏻唯一一樣也是大部分沾麵的通病, 就是麵冷湯熱, 當麵條浸入湯底會更整體變得不溫不熱, 所以個人偏好湯拉麵! 🍜

呢間同之前介紹過嘅座銀係同一間公司㗎，兩間舖頭其實相隔幾十步咋😂兩間店舖派嘅口罩收納紙袋係一樣樣，印咗兩個牌子嘅Logo。🔸鯛沾麵🍜湯底唔錯，魚味濃郁，不過最出色係麵條，類似刀削麵，口感彈牙而係掛湯能力非常好。一上枱碗底嘅乾冰就會不停出煙，感覺好夢幻😂 不過碗底嘅麵條比較凍，沾麵食到最後就凍晒，冇熱辣辣食味道咁濃郁啦🥲🔸鯛白湯拉麵🍜湯底唔錯，碗邊嘅柚子醬係畫龍點睛，令到魚湯嘅鮮味更加突出！不過麵條比較淋，口感差啲啦🥲🤔同座銀比較，由最好味開始排嘅話：雞拉➡️魚沾➡️魚拉➡️雞沾

聽左朋友話呢間個湯係super yummy，正到停唔到口，所以決定黎試下！本身預左試沾麵，點知賣晒！夜晚只限量10碗！一啖試左個湯先，好正好濃郁。我見師傅係先煲好魚湯再用機器打至起泡，令到口感更加豐富濃郁！雖然佢濃但原全唔heavy!!有令你一啖接一啖咁飲，我覺得配埋柚子醬更鮮味，after taste 有refresh嘅感覺再講講麵，粗幼適中，麵量唔算好多，所以完全無食濟嘅感覺，份量我覺得係perfect，但男朋友就覺得唔夠飽🤣叉燒都好食！係薄叉燒，但無乾硬柴，所以湯同面同肉都咁正真係無得頂仲有跟少少魚肉啊！魚皮好薄，同平時食嘅口感會有少少唔同，但係個人覺得浸湯好食過配佢個汁

以往便曾到此用膳過一次，其出色的味道令作為拉麵迷的我念念不忘，於是便趁着今天午間的空檔時間，一個人再次來到這裡午餐，順道一嚐其他口味的質素。餐廳裝潢用上白色外牆，並加入落地玻璃元素，簡約的設計已散發著陣陣貴氣。內裡則用上木系主題，配搭柔和黃調吊燈，予人感覺溫馨放鬆。而且餐廳有著一項特色之處，就是用餐前需用 Visa、Master、八達通此三款付款方式先結帳，然後才可內進用膳。鯛白湯拉麵湯底是使用鯛魚和貝類熬製，並加入忌廉打作泡狀而成，飲用時濃稠鮮甜，富有魚香，絲毫沒有腥味，而且師傅更特意灑上紅色的柚子粉末，並於碗邊加入柚子蓉調味，兩款用料是為達到解膩以及緩和湯底濃厚感的果效，其味道酸甜清新，為拉麵增添層次。麵條選用蛋黃直麵，口感柔韌彈滑，掛湯力高。配料方面有鯛魚粒、叉燒、筍，魚肉細顆軟嫩，鮮味十足。叉燒是薄切的，入口軟腍嫩滑，肉味香濃。筍粒有心思地切成圓狀，咀嚼時幼嫩清爽，細緻香甜。日式炸雞炸雞一碟三件，每件皆大塊飽滿，其外皮金黃厚身，口感香酥爽脆，內裏肉質新鮮香嫩，雞味出眾，沾上香氣撲鼻的咖喱粉同食，令炸雞多一份辛辣芳香，別具風味。總結而言，餐廳裝潢簡潔貴氣，環境感覺溫馨舒適，菜餚皆

平時翻工lunch time經過見到好多人排隊都無機會試，情人節早起身出去行下然後見到人小小就排左陣，終於食到大阪過江龍「鯛魚拉麵」🍜入去收到waiter送既🌹好surprise好sweet🥰鯛白湯 ($138)個湯底係打到起泡既白湯加鯛魚碎，不過味道無我想像中咁濃郁。吸引唔到本身超鐘意食魚既我😞配柚子蓉令到碗麵既味道有小小層次感。而拉麵、叉燒同其他配料就正常發揮，無咩特別。反而鯛沾麵 ($148)有小驚喜😮用乾冰效果保持麵既韌性。拉麵用左粗扁形既麵，同刀削麵有小小似，口感煙韌💛我好滿意，唯一小失望係食到一半，個湯已經凍晒😖不過沾麵既湯比我預期好味，所以我都食晒🥳

［中環］〇de▽鯛白湯らーめん .鯛清湯🍜食剩指數:0/100清湯第一啖已經好重魚味味道好鮮好香一啲都唔腥配料有叉燒、鯛魚肉、荀、炸鯛魚皮叉燒係薄切幾軟身嫩滑鯛魚肉係碎碎地真材實料荀就一塊圓形一塊三角形可能係跟佢logo?最正係炸鯛魚皮同平時既炸魚皮唔同好香脆同食到新鮮炸吸左魚湯食好正鯛清湯仲附有一小碟蠔醬可以增加鮮味令整個湯底更有層次感.鯛白湯🍜食剩指數:5/100鯛白湯湯底都算幾濃厚打成泡後口感幾順同清湯一樣有一塊薄切叉燒同埋有唔少鯛魚肉碎旁邊有柚子蓉食到一半加埋再fresh啲不過佢無炸魚皮配搭個人比較推薦清湯.兩碗都係138$其實都算幾貴不過佢又真係幾好食同埋提提大家佢無得俾cash

上次去「天海」吃天婦羅的時候，意外發現她的旁邊有一所大排長龍的拉麵店。翻查網上資料，原來她是一所大阪過江龍，主打以鯛魚為湯底的拉麵。好啦！當思鄉病發的時候，就是出發吃鯛魚麵之時。根據上回的觀察，週日晚上的人龍是超級長（而且聞說拉麵是限量發售，賣完就關門）所以小妹今次選了平日正午到達，果然人龍尚未出現。店前有1部自動點餐機，當小妹想買票的時候，店員就來出手幫忙，順便輕輕介紹menu上的3款麵食，小妹作為濃味怪和貪新鮮的代表，當然是限定的鯛沾麵吧！被安排坐吧檯，那就可以一邊覺著師傅煮麵，一邊等吃。上檯了！又是1個IG-able的餐點，又是一個善用乾冰來營造夢幻效果的餐點。先講湯底。總的來說味道麵頗濃的，而且有微微的黏著嘴巴的感覺（可能是混合雞白湯的緣故）不過好像喝不到魚味，湯內亦只能找到兩三顆肉粒大小的鯛魚粒。再講麵條。是粗粗的波浪麵，掛湯的能力都不錯，不過如果麵條可以再厚一點點說會更有質感。最後是價錢。雖然沒有加一服務費，但吃這碗沾麵要$148元（拉麵則是$138元），好像有點貴。可能你們會問，吃完之後要瘋狂喝水嘛？還好啦！吃完麵後，小妹去了銀行，又去了剪髮，之後再需要去donki買瓶茶