○de▽ 鯛白湯らーめん

营业中

休息中

最近天氣少少涼，最啱食個暖笠笠既拉麵~ 所以黎到呢間專食鯛白湯拉麵既<○de▽ 鯛白湯らーめん>。今次揀左<鯛沾麵><鯛白湯>同<炸鯛魚皮>~一望到個沾麵個下真係嘩嘩聲🤩 重要唔係得個樣~ 魚湯好濃，湯入面有完全無骨既魚肉碎，叉燒粒，食得出有啲柚子味～ 而個麵係粗扁麵，冷上，掛湯力強，同個魚湯好夾~而<鯛白湯>對比起<鯛沾麵>，就顯得無咁濃，因為魚蓉同叉燒都無混入湯中。碗邊黃色既醬係柚子醬，畀大家因應自己口味加入湯中~而<炸鯛魚皮>就唔算太驚喜~不過可以沾下魚湯食都幾唔錯

講左咁耐 終於食到你啦😆·🍜鯛白湯（$138）一早睇中呢碗白湯拉麵😍唔洗諗即點🤣濃濃魚香，好吸引！湯底用上鯛魚及貝類熬製，再加入忌廉飲落creamy👍🏻但我唔太喜歡湯底有好多魚肉碎🥸叉燒比較薄身...麻麻地😀好似除左湯底之外，其他都一般般🙃·🌬鯛沾麵（$148）朋友點的.好有排場😂d煙勁到唔打個卡都對唔住師傅🤪試左一啖..冷麵熱湯，口感不俗，但我都係鍾意鯛白湯湯底多啲☺️·🥚櫻木煙熏糖芯蛋（$15）蛋魔表示很可以👌🏻😋·📍 〇de▽鯛白湯らーめん中環鴨巴甸街13號地舖

呢一間拉麵店每一次經過中環都見佢超級多人排隊，今日特登早少少嚟試一試，因為佢哋有一個鯛沾麵係限定，想試嘅朋友就必須要早啲嚟啦！排隊嘅時候佢哋都非常之貼心，會為排隊人士送上飲品或者糖🥰入面座位唔算多，但係個時間亦都唔算太長，因為你哋食完嘅話佢哋就會即刻收咗你哋啲碟，基本上已無形壓力迫地走😅而我今次就叫咗去食嘅鯛沾麵同埋白湯，沾麵就好適合打卡，上碟嗰陣時會有乾冰喺個碗底，影出嚟個效果非常之靚。而個味道方面，個沾麵湯唔算好濃，亦唔會有魚腥味，加入佢哋嘅炸蒜同埋青檸入去個湯度，食落會有少少清新，有另一番風味，佢哋個麵亦唔係傳統嘅拉麵，係好似刀削麵咁嘅質料，同埋個粗度。而店員都極力推介佢哋嘅白湯，個白湯嘅湯底好清甜，相對會比較鹹，佢哋亦都會附送柚子醬，加入左柚子醬係個湯底入邊令成個湯底嘅感覺完全唔同晒，變得更加清新！個人比較鍾意呢一個拉麵😌最後，我亦都嗌左佢哋嘅糖心蛋同埋日式炸雞。糖心蛋都做得好唔錯，中間都仲係流心。個炸雞都炸得好香同埋好脆，$48總共有三舊🥰如果你覺得個雞唔夠味嘅話亦都係加入佢哋附送嘅咖喱粉！

次次黎都好多人排隊放棄左... 今次終於食到，5點鐘左右黎到可以直接入座🥰/鯛白湯拉麵 $138/湯底好濃郁，打成泡狀之後飲落特別creamy，食得出魚嘅鮮味，雖然我唔怕魚腥味，但係我都係覺得有少少腥味🤔如果覺得湯底太濃可以加埋旁邊嘅柚子蓉中和一下，食落有另一番風味，味道清新一啲！但係個人覺得食曬成碗麵再飲埋啲湯真係會好膩🙈/鯛清湯拉麵 $138/個人鍾意黎個清湯拉麵多啲🥰唔好睇佢湯底咁清以為味道會淡左，佢嘅濃郁程度一定唔比鯛白湯少👍🏻我覺得魚嘅鮮甜反而更加突出，完全唔腥！兩塊炸魚皮好脆口，浸左湯底再食一樣好食🐟 面頭嘅鯛魚粒都係精粹黎，燒過嘅鯛魚好香，比起塊叉燒更加好食🤣整體黎講，記得唔好係lunch hour 黎🙈極力推介鯛清湯拉麵🍜👍🏻

黎自日本大阪嘅 〇de▽鯛白湯らーめん，以鯛魚湯拉麵店聞名，喺中環店開咗香港分店。基本上同日本店一樣主打3️⃣款招牌拉麵：鯛魚白湯拉麵、鯛魚清湯拉麵、鯛魚沾麵。每日只賣150碗麵，鯛魚沾麵更加係限定，小妹都係去第2次先食到🍜 招牌鯛清湯拉麵湯底用真鯛魚慢火熬2個鐘，味道清得黎有魚香，鮮甜而不腥😍。拉麵條偏幼身，軟硬適中。拉麵配薄切日式叉燒，肉質幾嫩滑，不過得一片肉略嫌份量太少。湯入面有唔少鯛魚肉粒，比較少魚湯拉麵會加配魚肉，加分！魚肉好滑，連湯一齊食，會令人一啖接一啖😋。一定要講嘅係拉麵配嘅香脆鯛魚皮，魚皮夠厚身而且炸得香脆，好好食，令整碗拉麵增添了不少，係唔可以冇咗嘅配角！ （為食小tips: 如果單叫一片要$48，所以想試魚皮嘅朋友可以叫呢個招牌拉麵，一次過滿足曬2個願望！） 🍜鯛魚白湯拉麵湯底經8小時熬製形成濃厚鯛白湯，小妹見到師傅將白湯打泡先加麵。味道比清湯濃多咗份奶香，有香滑感但唔會覺得油膩。欣賞佢好細心咁係碗邊配上柚子醬，同白湯拉麵一齊食，會有唔同嘅味道，有種清新嘅感覺。 🍜鯛魚沾麵金色大碗上枱個時仲有乾冰煙效，真係有令人嘩！一聲嘅霸氣🤩~~沾麵嘅麵條同湯拉麵唔同，粗d同有波波

中環在7月新開的日本大阪拉麵店 為人氣拉麵店座銀的姊妹店💁🏻‍♀️Bookmark多時 終於有機會去食座銀以雞白湯聞名 Maru De Sankaku則以鯛魚湯作賣點🐟即使開店已有半年但人氣依舊高企11點開店 12點左右到訪都要等超過30分鐘但店家十分暖心 大冷天時更為等待的客人送上煮溫的維他奶同熱水❤️.招牌拉麵有三款 包括鯛魚白湯拉麵、鯛魚清湯拉麵、鯛魚沾麵今次試了限定的沾麵同白湯🙌🏻.🔸鯛魚白湯拉麵 $138🔸湯底為濃厚鯛白湯 用了鯛魚加貝類去熬製 另外加上忌廉打至起泡湯內仲含有不少鯛魚碎 魚味十分濃郁略微食到少少魚腥味 但整體並不影響碗邊放有柚子蓉 可自己隨意加入調味大家可以先嘗魚湯 及後再酌量加入少少柚子蓉 會減少油膩感 食落更加清香同更具層次👍🏻麵條偏幼 但質感相當煙韌拉麵仲配有一塊薄切叉燒 肉質十分出色個人覺得比起座銀更加嫩滑🥰.🔸鯛魚沾麵 $148🔸呢碗鯛魚沾麵絕對係霸氣打卡之選上枱一刻眾人手機已經準備好 碗底放上乾冰 散出陣陣白煙 十分震撼麵身比起一般拉麵粗 感覺有啲似刀削麵 掛湯力更好 👌🏻沾麵湯底比起白湯更濃稠 同時亦無白湯的魚味濃烈 注意返沾麵係無薄切叉燒架 食肉獸

因為怕好多人排隊，我地6點就到左，可能因為係平日，店內只有兩位客人。我地先喺門口的販賣機買票再入座，但溏心蛋到晚市已經賣哂。先出場的係鯛白湯拉麵，見到湯底奶白色，已經好想飲啖。果然不負所望，有香濃的魚香，唔會腥，就算平日怕魚腥味的我都覺得鮮甜好味，麵條係幼身麵條，湯汁都算可以掛麵，碗邊有一抹柚子蓉，食麵時加一點，層次更豐富。沾麵一出場個氣勢已經贏哂，但論湯底，我覺得鯛白湯稍勝，因為魚鮮味比較突出，反而沾麵湯底似普通魚介沾麵湯底，至於麵條就用上粗身麵，但並冇咬勁。

Central/又到拉麵集郵嘅時間👻中午過去 排咗半個鐘左右 好耐冇為拉麵排過隊了鯛白湯($138)拉麵嚟講價錢十分進取 好彩係有質素嘅我試咗兩啖湯同麵only 冇食叉燒湯頭奶白色 鮮甜唔腥 旁邊配咗少少柚子醬 比你撈落個湯到令到佢清新啲我反而鍾意未撈之前嗰種濃厚嘅味多啲🤧麵質口感正常 配埋魚肉同洋蔥一齊好食整體覺得鮮味係食到 但可以鹹啲鯛沾麵($148)用乾冰凍住啲麵 出埸十分打卡able當然唔係得個樣 咁做令麵keep住凍啲 浸落熱湯到食更加正宗 口感更佳沾麵湯用咗鯛魚同雞一齊煲 十分濃厚夠味入面仲有啲筍絲 魚肉同叉燒粒同樣地比咗炸洋蔥同青桔比你fresh翻碗湯呢碗就反而落咗冇咁濟 少酸好食好多麵條有別於一般沾麵 有啲似台灣關廟麵麵質都彈牙但由於佢比較扁薄 痴埋一嚿麵餅夾得有啲辛苦...同個湯都幾夾 但個人都係鍾意傳統嗰隻麵多啲日式炸雞($48)Menu到寫係「日本唐揚協會」認可 所以比佢吸引咗😀係幾出色嘅唐揚炸雞嚟嘅 炸皮唔厚 雞肉嫩滑夠入味 鎖到肉汁隔離個咖哩粉係純咖哩味 冇再有鹹味所以點完唔會太鹹 只會多咗香味 幾好嘅但就咁食好食啲o(^▽^)o/整體8.5/10 我同男朋友

一直都想試吓呢一間日本拉麵，好多食評都講到佢天上有，地下無咁樣。排隊嘅長龍無論乜嘢時候都係咁長嘅。今日放假，特登出嚟排隊，去試吓呢一間日本拉麵。12:05到，但前面都已經有10個人，即係話差唔多要等五張枱。等嘅時候，侍應會俾個餐牌你，叫你落定餐，同埋俾定錢。12:45， 終於可以入閘。我哋叫咗個鯛清湯同埋鯛白湯各一碗。老實講個湯真係幾好味，白湯夠濃郁，中間食到一啲好似魚蓉嘅感覺，清湯亦夠鮮。清湯配埋一個蠔仔醬，撈埋d麵一齊食，感覺有驚喜。好食係好食，不過d份量真係少到連我呢個雞仔胃嘅女生都食唔飽......麵嘅份量，我估只有我拳頭咁大個到，叉燒亦好似紙咁薄⋯⋯連我都食唔飽，何況大少呢🤦‍♀️碗麵嚟嘅時候，見到咁少，已經即刻同大少講，我估我哋要買定麪包做下午茶......老實講如果要排40分鐘，先食到一碗食唔飽嘅麵，我會覺得可以有其他選擇⋯⋯

又一間日本過江龍拉麵😂當日六點經過冇人等 就入咗去食店員話俾我哋聽已經冇晒鯛白湯得返鯛清湯雖然想食白湯多啲但係都算啦 試吓清湯先佢哋係喺店舖出邊俾咗錢先 然後先入去用餐當時淨係收卡 唔收現金不過唔知而家佢哋會唔會改咗.鯛清湯 $138.拉麵上枱嘅時候 成個present都幾靚店員都有好用心咁介紹款拉麵同埋醬汁見到得清湯有魚皮塊魚皮夠脆加埋佢個蠔油係幾好味特別要講下佢個蠔油真係好重蠔味重有食到蠔粒👍🏻除咗個蠔油之外有一塊肉 幾塊筍同埋少少魚肉但湯底有啲越食越鹹 同埋有少少溜最尾個麵都食唔晒....整體感覺行高檔路線但食物唔覺得超級特別同佢價錢唔成正比 有少少唔抵如果唔係特別想試嘅話就唔需要去...😐

大阪過江龍Maru de Sankaku 鯛白湯らーめん○de▽，主打「鯛魚拉麵」，三款招牌拉麵，包括鯛魚白湯拉麵、鯛魚清湯拉麵 及 鯛魚沾麵。同SumiYa 炭家屬一個集團。鯛清湯，清淡而欠了一點魚味，可能熬製了得，有點像出前一丁湯粉用開水煮。鯛白湯，濃郁白魚湯，沒有腥味，適合喜愛濃郁豬⻣湯人士。炸鯛魚皮，乾身脆卜卜，不腥香口，一整塊生炸到位，惟一塊價錢太貴。拉麵麵身軟硬適中，辛辣麵的口感但幼細點。份量大小作為夜宵最好，或者晚膳後過一過拉麵癮。2人光顧，點餐如下：鯛清湯鯛白湯炸鯛魚皮加一後，合共HK$324。

7月得知中環近上環呢間日本大阪拉麵店抵港，即刻衝咗去食以鯛魚湯拉麵為主，本身想食最天然嘅清湯，但6點去到已經無晒！3款招牌拉麵，包括鯛魚白湯拉麵、鯛魚清湯拉麵、鯛魚沾麵所以得2款可以揀鯛魚白湯拉麵  $138 價錢偏貴，但以質素嚟講的確有其價值白湯湯底係濃厚鯛白湯，魚香撲鼻，上枱一刻絕對要先打吓卡！鮮甜魚湯+彈牙拉麵都真係無得輸，拉麵偏幼身，煙韌，掛湯配料有塊薄切叉燒，入口滑嫩湯底魚味極濃郁，味道鮮甜，碗底有唔少鯛魚肉碎，鯛魚白湯可以飲埋櫻木煙燻溏心蛋 軟嫩滑溜，味道特別蛋黃流心，邊緣煮得較熟，煙燻味令整體有別於平時嘅溏心蛋鯛魚沾麵 $148 上枱一刻極霸氣，縷縷輕煙由碗內散發，視覺效果一流！麵身呈波浪紋，感覺似刀削麵沾麵湯底好濃稠，味道偏鹹，但就欠缺魚味，比白湯魚味更輕配料有叉燒粒、筍，叉燒較少，筍入口幾爽甜食完沾麵，沾汁可再加湯，湯底無咁鹹，略有鮮甜味，同平時一樣一飲而盡不過，沾麵雖貴啲，但拉麵比沾麵更出色

今日12:15去排，前面有10個人，等左40分鐘終於入到去食。我叫左鯛白湯，第一啖湯飲落去，有d濁，帶點魚腥。第二啖開始食到d 橙片、檸檬皮類似既味道。拉麵上面有鯛魚肉碎，有燒烤過係香既不過量好少，好快溶左落個湯，叉燒係好普通既叉燒，無特別。整體食唔出魚鮮味，都唔值得比$150去食。有d伏，唔推薦。

這間大阪的人氣鯛魚湯拉麵店，早在今年五月已在香港開了分店，但開幕初期人頭湧湧，還是待熱情冷卻一點再試吧。這裡主打三款拉麵，包括招牌的鯛魚清湯拉麵、魚味最濃的鯛魚白湯拉麵及近年流行的鯛魚沾麵。現時已不用輪隊，只須在設於門口的電子螢幕落單，選擇好吃什麼，付款後便可加進入店內等候；我等了差不多10分鐘便上菜，都算快手。鯛魚湯拉麵～據悉食材大多由日本直送，碗內有一片薄切的滑叉燒、爽脆的竹荀、還有不少鯛魚肉，聽說白湯底經多小時慢火熬製而成，難怪香氣撲鼻、魚味濃厚鮮甜，如吃不得太濃，可加入旁邊的柚子醬調配出適合自己的味道，麵質煙韌有咬口，只是魚肉有點過熟，叉燒又太薄，有點兒扣了分。一隻櫻花煙木燻蛋～蛋黃色澤亮麗，軟嫩滑溜，帶微微煙燻香，好吃。$138 一碗拉麵值不值就見仁見智，但不夠飽就是一定的了。○de▽ 鯛白湯らーめん地址: 中環鴨巴甸街13號地舖電話: 23463889

以前喺日本工作，又身為一個拉麵控嘅我，以前一年起碼都食到一百碗左右拉麵。依家唔使出差，又冇得去日本玩，真係好掛住日本嘅拉麵味道。嗰日一個人行開Soho睇吓有乜買，見到一間有啲人排隊嘅拉麵舖頭，拉麵控嘅我，當然要去門口睇一睇啦。天氣涼快又口寡寡又一個人嘅我，呢個時候我絕對需要一啲濃味嘅衝擊！門口睇到個餐牌就第一時間選定咗一個比較濃味嘅魚白湯拉麵！可能係因為天氣涼爽同埋平日嘅關係，所以冇乜人排隊排咗唔使四個字就入咗去啦。入到去侍應好好禮貌，坐低起吧枱之後，侍應亦都送上水同濕巾，呢個時候我就心諗，唔錯，扮到下日本水準呀！開始有啲期待個拉麵！等咗5分鐘左右，拉麵終於嚟到喇！我當然第一時間就飲啖湯先啦。匙羹撈上嚟一下，好香嘅魚湯香味，湯濃唔太鹹，入口好夠熱，唔混濁，湯厚身夠甜，香港來講算難得！麵條爽彈滑，質感剛剛好，麵條亦都掛到湯，香港來講真係難得！到魚肉啦，我自己覺得啲鯛魚有啲啲鞋身，同比較肉細，肉嘅面積可以大少少同埋可以要滑啲啲吧？不過呢，食鯛魚就唔係食佢滑嘅！都係同一句啦，香港來講真係難得！食完，飲完杯水，出咗門口，行咗一個圈。我仲記得個麵，記得個味道！依間嘢係值得返兜！值得推介！日本拉麵