Day and Nite by Master Kama (已結業)

假期的下午，在網上遊走，見到這間主打龍蝦和蟹的西餐廳，來個 late afternoon tea。今次無食最受歡迎的龍蝦和蟹菜式，試了小食的 share set，仲有吉列牛扒烏冬，水準唔錯。有機會還要再來試多幾款。

經過旺角附近買野，餓餓地，想搵間西餐食，用EATIGO SEARCH下，見到呢間評價不俗，咪上去試下。下午五點鐘，人流唔會多，大概四五枱客左右。店員服務都不俗，叫左個黑松露意粉同炸魷魚。松露意粉都好足料，味道唔錯，不過漏左少少。另外個炸魷魚就唔夠鮮味，不過自家配既醬汁就幾特別。另外叫左個荔枝梳打，冰就多左少少，所以淡左啲。整體黎講，有埋EATIGO既五折優惠就OK既。不過以正價食，喺旺角就仲有好多唔同選擇。

998四人日式X西式holy crab蟹盛宴🦀🦀🦀🦀份量剛剛好 即使四位女生一同吃也不會太多或太少😉六款前菜 各有特式 味道新鮮 而且擺放的間隔精美😍蟹肉烤面包😋包外脆內軟🤗這個芝士蟹肉釀蟹蓋 有魚子放在旁邊 吃時真是啖啖蟹肉 加上芝士及少許沙津醬 超級正😍這個海鮮拼盤真的很多很多蟹膏😍😍😍但海鮮如蜆就不太新鮮 會有少許沙整餐飯最精髓就是鱈場蟹海鮮紙火鍋😍😋🤗湯底好清 就是昆布味 再先淥海鮮 那整煲湯就充滿了鮮味 再淥埋蔬菜😋😙吸曬所有海鮮湯的精華 非常好吃蟹粥也很美味 不會太咸或太淡 一放入口中會慢慢散發著蟹鮮味😇😇飲品也不錯 但甜度偏高今次是本人第二次光臨 蟹大餐故然好吃 但相比起這餐廳的龍蝦大餐 個人比較認為龍蝦大餐之水準更高及味道更為驚艶🙂

去年來day and nite by master kama吃生日飯有點不愉快，不過今晚與朋友再來，一改之前觀感，職員友善多了，對客人提問都有問必答，值得一讚它的改善。在下單完畢後，我無聊隨處看看，發現龍蝦鉗造型的霓虹燈蠻有型的，加上day and nite by master kama的招牌正好倒影在玻璃窗，挺有風格，並可突顯龍蝦菜式是它的主打。龍蝦是master kama的熱賣菜式，自然地龍蝦也融入小食當中，香脆炸雞翼配龍蝦芝士汁便是其中一款。龍蝦汁與雞翼各自分開上桌，為了保持龍蝦汁的濃郁香氣，一直以小火加熱，讓龍蝦汁鮮美度維持下去。雞翼外皮炸得酥脆無比，亳不油膩，內裡雞肉嫩得很，加上濃厚的芝士絲增援，雞翼酥炸的雞皮沾點龍蝦汁後沒因而軟掉，這方面十分出色。雞翼鹹度也不會太鹹，吃起來非常剛好，雞翼配蝦蝦汁是不錯的組合。Mint-lemonade以新鮮檸檬打成汁，搭配上清爽的薄荷香葉，讓整杯Mint-lemonade充滿清爽的香氣，嫩綠色的Mint-lemonade看起來也心曠神怡起來，酸酸的滋味討人喜歡。我愛透這龍蝦芝士mac n cheese長通粉，鮮香又彈牙的長通粉驚喜萬分。龍蝦

知道Master Kama 出名食海鮮，特別係龍蝦，可惜同行朋友皮膚敏感，唔食得海鮮好彩menu 上都有唔少非海鮮菜式選擇....香炸雞翼配龍蝦芝士汁 雞翼炸到金黃色，上面撒上芝士碎，龍蝦芝士汁以蠟燭熱住 ( 龍蝦汁另上，皮膚敏感的友人可以食)。食之前點一點濃稠嘅醬汁，可以避免炸雞翼嘅脆皮淋晒，龍蝦汁味道濃郁，炸雞翼皮脆肉嬾，好好味黑松露什菌薄餅黑松露同什箘呢個配搭本身都無得輸，不過我就覺得黑松露味道唔夠，如果再多少少會更加香，更有層次。值得一讚嘅係餅底好薄，好鬆脆。三種芝士雞肉薄餅雞肉餡料豐富，多到每食一啖都有雞肉湧出嚟，芝士份量啱啱好，食完唔會話好油膩好滯。由於各種龍蝦菜式都好吸引，嚟到點都至少要嗌翻一樣，最後我哋叫咗個龍蝦玉子燒。呢個真係好好食，非常好食。玉子燒蛋味濃郁，好滑好滑，蛋中亦清晰見到大大舊龍蝦肉，完全冇偷工減料 我自己以及同行朋友對於今次用餐經驗都非常滿意，美中不足係食唔到好多龍蝦菜式，下次會再嚟食過！

位於旺角既DAY AND NITE 近旺角東 由火車站行過去會比較好位置方便易搵 人流多 要等一等先可以上去食^^坐既空間夠舒服 冷氣又足 服務OK~進入店內，墻身顏色以淺藍，白色作為cross over，加上有點暗的燈光和打燈效果，迷人之餘又十分可愛，是情侶們的約會聖地。當然，也十分適合閨蜜們。再看餐具，很文青，很簡潔，相機先吃吧。再來，我們分別點了每日限量的日式龍蝦玉子燒和龍蝦包，季節性的意大利三文魚飯，甜品是mini palette。果然是每日限量的菜式，好好味，玉子燒軟度適中，混合了龍蝦，依舊美味。龍蝦包份量十足，配合醬汁和薯條，好味，好飽。意大利三文飯也好好味，唯獨甜品我覺得甜了小小。畢竟甜度因人而異，每個人都不同，你也一試無仿。他們也很需要我們的意見。

在旺角同好姊妹行左一陣, 剛巧路過呢間餐廳, 於是便登記等位, 等了一會兒, 職員便安排入座。 地方雖然不是很大, 但光線充足, 我們已急不及待便㸃食物。pineapple & mint tea $48有好香菠蘿味, 加上小小薄荷葉, 味道比較清新亦不是很甜, 而且亦有菠蘿肉, 份外香甜。Grapefruit & Passion Fruit Tea $48其實係西柚+熱情果的味道, 顔色層次分別, 搞匀後酸酸甜甜, 醒胃消滯最好不過。而且份量都幾大杯。龍蝦芝士 Mac N Cheese ( Risotte) $208這個龍蝦芝士意大利飯, 未睇佢细细碟, 其實食落都好膩。有很濃厚的龍蝦芝士汁拌飯, 意大利飯粒粒分離, 亦不會太乾身,  有煙靭的口感。 龍蝦和芝士的味道分佈均勻，不會互搶大家的味道。雙重炸薯條 配三種口味醬 $68雙重炸薯條即是厚切薯條和炸蕃薯。厚切薯條就食得多, 炸薯條我第一次食。 估唔到炸蕃薯都好好味, 香脆美味就一定, 炸蕃薯很香甜不用沾醬料亦容易入口。厚切薯條沾上三款不同口味的醬汁，即龍蝦芝士醬, 黑松露芝士醬, 蜜糖芥末醬, 令口感各有不同。而本人比較喜歡黒松露

今日在旺角行街時見到一間日式西餐廳樓下排了十幾人在等位，心諗應該幾好食，就跟大隊拎飛等候入座了，好在今天晚了一點食飯及預訂的不算太多，等了十分鐘左右就可以入座。這餐廳有兩層，雖然坐位不太多但坐位很舒適空間感很足夠，就算帶小朋友來也不用怕容易撞到。坐下後服務員介紹了最近新推介來自北海道的新啤酒，我的朋友眼在發光，睇得出他們很想飲，點了食物再決定飲品，餐牌上品種很多，選了一會點好了等上菜。來自北海道的啤酒到了，即拎起試味，這個味道是一種叫梔子花啤酒，飲落比平常清一點，有小小花香味感覺不錯。主菜上場京風章魚大阪燒，睇到已經覺得好正，木魚响上面飛舞，食落口很香有粒粒章魚很有咬口。龍蝦玉子燒，食到玉子的香甜味道內裡包著龍蝦肉很鮮味。巴馬火腿水牛芝士薄餅，餅皮夠脆可口夾埋菜絲一起吃口感超好。海膽忌廉蟹肉意粉，海膽味道很香，入口每一啖有蟹肉及海膽味道好好味。上枱每一樣食物賣相都很好，真係期待下次同朋友再來大吃一餐！

收工陪朋友去左波鞋街買完鞋，又係食飯既時候，行到山東街見到有間餐廳出面放左餐牌，以日本意大利Fusion菜做主打，食物同飲品都幾特別，睇下覺得都唔錯，就決定食呢間。可能唔係食肆集中地，等左5分鐘左右就有位了。餐廳有兩層，座位唔算多，勝在夠寧靜，行到攰坐下傾偈好舒服！龍蝦玉子燒，上面特別整左有Master Kama字樣，一睇就知係邊間餐廳先食到啦，玉子又香甜又滑，全晚我最喜歡這個。再來海膽忌廉蟹肉意粉，超勁濃海膽味配意粉，多汁好食！Kama石頭濃湯鍋係自由配搭，揀了一輪後決定要(南瓜濃湯飯配流心豚肉卷)，南瓜湯好好味，忍不住一啖接一啖，豚肉炸到脆卜卜好特別，初時睇仲以為係蕃薯添！Peach & Lychee Tea，清新蜜桃加荔枝味，甜甜地又解渴。

是晚約咗好友係旺角晚餐，揀左尼間比較新式嘅日本餐廳。睇介紹以為出地鐵站之後好易搵，但原來都有啲困難。餐廳分兩層，門口侍應話要人齊先入得，仲好似有限時？不過去到樓上，都仲有空位淨。見到menu 有多款小食，心大心細唔知揀咩好，所以我哋決定點拼盤。超級豐盛，基本上每款都有三件，應該係三個人食先啱，因為最後食唔曬😅。炸薯條內有炸蕃薯條，幾特別。薯條都炸得幾脆，幾好味。另外相中三角形嘅薄餅係有內餡，係雞肉加芝士。另外有可以自揀湯底、配菜及麵食嘅石頭鍋。我哋揀咗龍蝦湯烏冬，上枱仲係熱滾滾，正配菜點咗芝心豚肉卷，本身以為好似肥牛卷咁薄薄地，但原來係好厚架😅。雖然凍咗之後有啲硬，其實味道唔算差。飲品方面幾有創意，至少外觀幾吸引，藍色尼杯梳打加咗檸檬汁之後會變咗淡紫色。鐘意影相嘅女仔可以帶埋閏蜜來食飯之餘，又可以影靚相。😉

最近同朋友去西貢食海鮮，我地先喺漁販嗰邊買左啲海鮮再拎去餐廳加工，當餐廳問啲蟹想點整嗰陣，我地不約而同咁叫薑蔥炒。薑蔥炒食落有鑊氣，但可能餐廳「重手咗」，啲薑蔥味遮晒個蟹味，浪費咗隻蟹。我朋友就話不如下次去食蟹火鍋，佢之前喺銅鑼灣Master Kama食過，餐廳主打龍蝦相關菜式，但特別在有一個日式蟹火鍋set，湯底係昆布清湯，完全可以食出鮮味。餐廳裝修幾有格調。首先登場嘅係六小缽，擺咗喺一個分為六格嘅小木盒入面，和風式簡約。六小缽分別有：海鹽枝豆、虎蝦配芒果慕絲、柚子醋海藻沙律、酸辣羅勒海蜆、蟹子日式凍豆腐、蟹肉玉子燒虎蝦配芒果慕絲 - 蝦味道新鮮肉質爽彈，甜甜的鮮芒果醬和蝦肉很匹配，仲有微酸的蕃茄粒增加味道層次。蟹籽日式凍豆腐 - 蟹籽舖滿晒喺冰凍嘅豆腐上面，食落好涼快，蟹籽配豆腐口感特別。柚子醋海藻沙律 - 日本人鐘意食海藻，有抗癌、抗腫瘤功效，唔怪得日本人普遍長命。海藻本身冇乜味道，但配上柚子醋就開胃，咁有益當然要食晒佢~蟹肉玉子燒 - 玉子上面係真蟹肉唔係仿蟹柳嚟，厚厚玉子陣陣蛋香加上鮮蟹肉，一流。酸辣羅勒海蜆 – 蜆足夠鮮甜，不過稍欠酸辣味芝士蟹肉釀蟹蓋 - 伴碟有三文魚子同

星期三晚8點左右係旺角搵食，上網見呢間評價唔錯，就行去睇下使唔使等位啦，好在一黎可即入2人叫左Kama signature lobster set（$458），內有：- 龍蝦包: 呢個我係英國某間出名食龍蝦既餐廳都食過，上次可能期望過高所以覺得一般，也覺得今次呢個好食d，好似連個包都鬆軟d- 烤蒜蓉牛油龍蝦: 係咪我太貪心呢，覺得2個人分半份龍蝦好似少左d，不過味道都ok既- 龍蝦什錦海鮮石鍋湯烏冬: 其實我本來不打算點set既，純粹是為了這烏冬而點，因為這烏冬無得散叫，結果也沒有讓我失望，好味- 薯條: 正常，有需要既可叫waitress給ketchup 另外，點了荔枝啤梨cider（$69）, 3支中得呢支係有貨，感覺甜了點個人覺得若龍蝦什錦海鮮石鍋湯烏冬和流心芝士龍蝦三文治可在晚市散叫會更好，另外下次也想試下龍蝦茶碗蛋

朋友吹雞食飯，三個女仔食乜好? 有人提議食海鮮，咁我就提議食蟹火鍋，之前食過，一直念念不忘。一早睇左OPENRICE，知道做緊優惠，$998就有Holy Crab one 西式蟹宴($538/2位用）同Holy Crab two 日式蟹宴($588/2位用），兩個餐一齊叫就平百幾蚊，都幾抵食。入坐後店員更推介特別優惠 - $910就可以揀兩個海鮮SET，包括Signature Lobster Set/Holy Crab One/Holy Crab Two，如果叫兩個蟹宴，就會平左二百幾，真係好鬼抵，但係我地三個女生食到嗎?!最後都係決定散叫算，兩個蟹宴實食唔晒，海鮮打包又唔好食。大家幾經商量，最終決定叫一個通粉、一個日式蟹宴加一客芝士蟹肉釀蟹蓋，飲品就各自揀。飲品我叫左Pineapple & Mint tea$48，大大杯。入口好大陣新鮮菠蘿嘅香甜味，又有薄荷嘅清新香氣。入面落左大量粒粒菠蘿肉同新鮮薄荷葉，超好飲!龍蝦芝士Mac N Cheese $208，可以揀長通粉或意大利飯，我地揀左長通粉。嚟到比想像中細碟，放喺小淺鍋上面原鍋焗，爆多芝士。面頭有好多芝士碎同粒粒龍蝦肉，蟹鉗位亦有

近年龍蝦包大熱，雖說不上是龍蝦控也有興趣一嘗，聞說 Master Kama 是出名食龍蝦包，於是去了 day and nite by master kama試試看。餐廳顧客很多，連平日晚上也挺full。除了龍蝦菜式，其實也有其他海鮮主題，蟹set 很吸引，不過衝著食龍蝦而來，還是點了它的 signature set 龍蝦匯。先端上半隻蒜蓉牛油烤焗龍蝦及龍蝦包，還有一份薯條。蒜蓉香味滲進了龍蝦，鮮味更突出，而且蝦身連鉗啖啖肉，滋味無比。另一個龍蝦包，厚多士塗上蜜糖及牛油烤得香脆，中間開邊夾了龍蝦肉，吃起來有不同層次。龍蝦海鮮什錦石頭湯烏冬其實是龍蝦湯加上什錦海鮮如青口，魷魚，魚肉等，龍蝦湯鮮味，濃郁厚身但不會過鹹，每條烏冬沾上了龍蝦湯，非常美味。對這頓龍蝦宴非常滿意，下次來要試其他主題菜式。

今天與朋友到旺角逛罷波鞋街，眼前就是人氣海鮮餐廳 Master Kama，累透的我們二話不說即上去開餐~ 法式干邑龍蝦湯，微温的龍蝦湯質感濃稠，啖啖龍蝦的鮮甜味，湯中的龍蝦肉扎實彈牙，配多士及車厘茄吃更能豐富口感，令人垂涎欲滴!香脆炸雞翼配龍蝦芝士汁， 雞翼炸得金黃香脆，雞肉多汁嫩滑，撒上芝士絲及紫菜，再蘸上温熱濃稠的龍蝦醬汁，味道濃郁，香口惹味!意式龍蝦薄餅，賣相吸引，餅皮邊薄脆帶焦香，餅底軟腍煙靭，鋪滿車打芝士/龍蝦肉/鹹香煙肉/茄醬等，餡料豐富，而火箭菜及生菜更添清新滋味，平衡整體油膩感!雙重炸薯條，薯條香脆，南瓜條香甜，伴上三款醬料: 龍蝦醬/黑松露醬/檸檬蛋黃醬，各具特色，龍蝦及黑松露味濃香突出，檸檬蛋黃醬清新滋味，自由配搭，是大家最愛的小食!草莓女孩，茶具組十分別緻可愛，花茶散發出陣陣的草莓果香，酸中帶甜，中和飽滯感，暖胃可口，難怪是該店No.1熱賣果茶!整餐以龍蝦為主，豐盛滋味，蔬菜比例適中，吃後不覺飽滯，口中留有龍蝦餘韻，龍蝦迷定必愛上!