Day and Nite by Master Kama (已結業)

亞囝今月part time有點微薄收入，毫不吝嗇請我去食好嘢，感覺有點喎心。如果唔係年青人帶路，我嚟啲老人家跟本唔識去潮人潮地旺角搵食。Jungle Fever是推介飲料，綠悠悠的賣相，好清新感覺。味道清涼清甜，還有新鮮奇異果粒粒，好味。白酒煮藍青口，火喉剛好，靑口嫩滑，鮮味突出。創新創意的吉列牛排配忌廉咖哩撈烏冬，完全冇諗過可以咁煮法。烏冬彈牙有口感，咖哩味好突出，撈起忌廉増加滑溜感覺。半生半熟的吉列牛排，肉質軟熟，幾惹味。自家製雪糕有梳打味和檸檬味，香滑。我比較喜歡檸檬味夠突出。

之前食過銅鑼灣店，得知旺角有分店，又要去試下。主打龍蝦，對於海鮮控的我格外醒神。店員推介了近期推出的新飲品'Magic Fairy', 有熱情果汁，青蘋果汁和潮興會變色的蝶豆花混合而成。賣相好靓。味道清新清淡。既然專呈為龍蝦而來，先來一個龍蝦茶碗蒸。有一塊爽口彈牙的龍蝦肉。蒸蛋尚算滑溜，熱辣辣，好味。再來意式龍蝦海鮮薄餅，龍蝦頭只作裝飾。不過薄餅餡料並不欺場，有龍蝦肉之外還有數款海鮮類。餅底是薄脆減輕了飽滯感。口感非常豐富，但如果芝士再多些少更好了。最後一客三款迷你甜品，有抹茶布甸，朱古力棉花糖和apple Crumble。 我就嚐試了apple Crumble, 味道稍為甜了一點，但有蘋果香，整體也不錯。

食過銅鑼灣分店，我覺得旺角分店做得更出色。位於波鞋街附近樓上鋪，地下有個招牌所以都好易搵。叫咗吉列牛扒配蘋果忌廉咖喱烏冬，呢個係旺角分店限定嘅。當然同韓國或者日本食到嘅冇得比，但係都比我想像中好食，牛扒無過熟，肉味香濃，不過上菜嘅時候牛扒只係微暖，最後嗰幾塊食嘅時候已經凍左。咖喱烏冬就不過不失啦。另外叫咗一個南瓜濃湯配豬頸肉燉飯。佢係用石鍋上嘅。本身係有啲南瓜湯喺度一直滾緊，好快啲飯就吸收晒啲湯，反而我覺得如果好似南瓜湯飯都會幾好食。整體來講食物質素唔錯，而且服務都幾好不停為我哋加水。不過冷氣真係好凍，就算店員熄咗其中一部冷氣都仲係凍到起晒雞皮。

星期一七點左右同朋友黎, 人唔太多, 唔太嘈餐牌都好有心思雖然呢度龍蝦比較出名 但餐牌嘅其他食物都好吸引 所以我地都係隨心叫左啲野食呢杯Unicorn Dream 睇餐牌覺得好靚 係波子汽水提子味 好似兒時嘅唧唧冰加奶咁 又唔會太甜好期待配龍蝦汁嘅雞翼 都幾好味 但$78四隻 又唔太值呢個價錢奇怪地我同朋友都好想食粟米 所以叫左好普通嘅焗牛油粟米 雖然唔太特別 但好香牛油味 上面仲有層芝士 最後我地好飽好飽都忍唔住食晒最後黎嘅吉列牛扒配忌廉咖喱撈烏冬真係好好味 肉質鮮美 外脆內軟 烏冬creamy 令人好滿足!

今天用手機程式提早預約了餐廳，故享有優惠。店員一開始便説如果有龍蝦或蟹的字眼都不可以享有有關優惠，為了吃得抵食點，便去除所有龍蝦及蟹菜式。餐廳以龍蝦為主打，要找其他菜式亦有點難道呢！最後選擇了虎蝦意粉。竟然有5隻蝦🦐🦐🦐🦐🦐，且有番茄粒，加了檸檬汁，是不錯的選擇。另外，選擇了一個拼盤，拼盤有2隻雞翼，2粒章魚丸，3隻餃子，3塊簿餅，2條年糕棒，1小籃薯條，少許菜。份量倆個人食剛剛好，不會太膩。由於是樓上鋪，而且比較早，所以店內不是很多人，不會很吵。

朋友之前說過想試旺角這間Day and Nite by Master Kama晚餐，可是因為這是一間很愛歡迎的店，所以如果沒預早訂位，walk in的話會有排等! 於是朋友這晚一早訂好位，用餐時間只得一個半時間，相當緊湊，我們二話不說，大家你選一樣我選一樣，點菜了!我選了最愛的海鮮，包括蟹、烤蒜蓉牛油龍蝦，朋友選了章魚燒、馬糞海膽茶漬飯等等。這張Tea Menu很可愛吧! 好友點了蘋果茶，茶杯茶具好精緻好可愛啊!天氣熱，我還是喝杯凍飲，這是青蘋果味的特飲，透心涼呀蟹的海鮮宴好豐富，小小的紙火鍋盛載不了所有海鮮，隻蟹好大隻好厚肉，一次放不完，要分幾次淥呀!海鮮當然好鮮味，海鮮煮出來的火鍋湯底更鮮甜，一人喝一口，超滿足!平時在街頭我也很喜歡跟朋友買小丸子吃，所以這次也點了章魚燒，味道不錯，不過章魚粒不算太多=P馬糞海膽茶漬飯，海膽都蓋得滿滿的，完全遮掩了飯呀! 可以這樣大口大口吃海膽，好幸福呀呀呀!烤蒜蓉牛油龍蝦，配上薯條，對我來說，薯條更吸引，哈哈! 當然龍蝦也好好味啦! 這是半份的龍蝦，用蒜蓉牛油烤，好香整體來說，這間餐廳的食物質素真的不錯，難怪咁受歡迎啦! 不過也許因為多客人，所以用

本身book左7位9pm提早到左因有一友人唔嚟9點零嘅時候改左得返6位但最後等左半個中仲係冇位明明book左但又冇位最尾決定去第2度食太差了如果walkin要等就冇所謂但如果bk左都要等就應該唔好俾人bk了

間舖都唔太難搵嘅，有侍應長期企喺到但入到去就太細，如果多過4個人就坐到好逼咁今次無叫岀名嘅龍蝦餐，叫咗青口、龍蝦pizza同牛油果沙律呢個牛油果沙律認真麻麻！啲娃娃菜好似無洗過就放落去，而且味道都好怪，得陣醋味！個青口叫咗白酒忌廉味，但一啲都唔濃味，好似白烚咁，得個香字！但個pizza就幾好食嘅！好足料而且味道唔錯，真係有龍蝦肉嘅！

今晚一行三人到呢間餐廳食飯，我先不講食物質素，服務態度真的差到不可接受！我book了枱準時到達，但等了好久都冇枱！之後個店員問我有張2人枱座不座住先，咁我上去睇下座唔座到先算！上到去，我見到有2張雙人枱，所以問他們可否拍埋給我們座？但店員說下面有客等緊，加張圓櫈給你們座多個人在雙人枱可能嗎？但我本人有點肥，點座都係好迫，所以再要求他們拍埋2張雙人枱給我！之後個店員好晦氣咁話拍俾我們，拍枱時好大力咁拍到板板聲！我真係唔明，3個人座4人枱有錯嗎？駛唔駛咁對我們呀😡😡😡

這天去完大埔慈山寺參觀，很宏偉的觀音像，完成參觀後朋友說去旺角吃飯吧！於是找來了這間旺角的餐廳。餐廳名頗有玄味，含有kama的字眼，不知食物水準如何？海鮮意粉味道不錯，頗為惹味,不過以百多元來說，份量似乎過少了。雜錦拼盤,有不同的小食，如餃子、薯條、章魚燒等，不過不失。大阪燒正正常常。這個沙律味道非常奇怪，好似脆片加些水果加雜菜大兜亂，是什麼一回事？四人平均每人付了$190，這個質素性價比挺低，希望餐廳可提高質素吧！

很少到旺角用餐，但聽朋友說有間日式西餐廳的食物很不錯，所以就同朋友決定去試下啦！沒想到7點到達餐廳已經有很多人，而且訂座人數也不少呢⋯⋯幸好有預先訂位呢！佈置以藍色海洋風為主、環境舒適，適合跟好朋友相聚呢～餐廳的食物選擇也滿多的！The  Holy  Crab·Two Set $588 @六小缽很精緻，有蝦、蜆肉、枝豆、蛋等...The  Holy  Crab·Two Set $588 @芝士蟹肉釀蟹蓋好好味、啖啖蟹肉配上味道較淡的芝士更能突顯蟹肉鮮味！The  Holy  Crab·Two Set $588 @王樣·鱈場蟹海鮮紙火鍋第一次用紙火鍋，既擔心之餘也覺得好新奇先將鱈場蟹放到火鍋，等蟹味出來之後...湯底會變得很鮮甜～而且蟹肉超級多又甜～除了有蟹之外，火鍋料還有蔬菜、魚糕、蝦、蜆等等的～份量足夠3人食呢！The  Holy  Crab·Two Set $588 @蟹の雑炊我最喜歡這個飯了，很日式好像飯仔一樣軟綿～味道有好濃郁的蟹肉鮮味！食到停唔到口！The  Holy  Crab·Two 還有甜品呢！馬糞海膽茶漬飯 $158朋友最喜歡的海膽飯烤蒜蓉牛油龍蝦 $228呃Like

MK早前開左間day and night by MASTER KAMA, 聽同事講d海鮮唔錯，今晚同同事放工就黎食個飯。我地見個signature lobster set都好似幾多野食，就試下佢。不過同事同我都好肚餓，所以再叫多左個雞翼同茶碗蒸。炸雞翼有4件，仲附上一個汁，顏色有點似龍蝦汁但味道又有d似洋蔥汁，不過配埋雞翼都幾夾，但略嫌雞翼炸得乾左少少。至於茶碗蒸都唔錯，好滑有蛋香，入面仲有龍蝦粒，增添鮮味。個lobster set我最鍾意都係個lobster roll，牛油味令個麵包更香甜，而且哄得岩岩好金黃色，睇落都好吸引，侍應仲叫我地要淋上個salad sauce，我個人覺得同個龍蝦好夾，少少酸酸地更開胃。個龍蝦石鍋海鮮湯烏冬我都覺得唔錯，湯好濃郁，掛晒係個麵上面，幾鮮甜，好大碗，食完即刻飽晒。我仲叫左個pier and lychee cider，好fresh少少甜，好岩女仔飲！

昨晚和朋友去了位於旺角山東街50號的Day and Nite by Master Kama，試過無訂位最終摸門丁，所以我們已經提早一星期前訂位，去到已經很多人。店員提我們只有一個半小時，我們當然爭取時間點餐。我們點了蟹宴，章魚燒，馬糞海膽茶漬飯，烤蒜蓉牛油龍蝦，小國王蘋果茶和雪糕等蟹宴果然夠份量和精緻，當中的六小缽包括了蟹肉玉子燒，蟹子日式凍豆腐，虎蝦配芒果慕斯，柚子醋海藻沙律，酸辣羅勒海蜆，海鹽枝豆。主角還有鱈魚大蟹，蟹厚肉，好大隻，起碼要分三次才能放在紙火煱裡煮。還有芝士蟹肉釀蟹蓋。馬糞海膽茶漬飯，有四排海膽，食得好滿足。烤蒜蓉牛油龍蝦，原來龍蝦只有半隻，如果全隻上就更抵食小國王蘋果茶，裡面真的有蘋果粒架，好清香的清蘋果味。章魚燒內裡章魚肉能夠多粒Ｄ就更好味了。總結：Day and Nite by Master Kama確實是近日人氣大熱的食店，食物賣相也稍為精緻，但如果份量能更足一點，比人感覺更抵食，可吸引更多人氣啊。

好耐無食過一間好味到食我想大讚的餐廳，Day and Nite by Master Kama真心係好味，而且除左味道之外，連擺盤方面都唔錯，放上IG呃like一流，不過同場見到有好多情侶黎之外，都有D係兩個男人黎食，所以可見呢間野質素係唔錯，男女老少都通殺~有設計過的餐牌，小心思處處可見。先叫左一杯獨角獸，一見到咁糖果色的飲品已經少女心大爆發，拎起相機不停影，粉紅同粉藍色真係好吸引！入口有D似乳酸，但又比乳酸甜，仲有濃郁奶味。見到好多人都叫龍蝦SET，我地又跟風叫一份試下，呢個係其中一部份，拎上檯時非常霸氣，望住個盤真係每一個位都好吸引，左邊睇起有薯條、龍蝦包、燒龍蝦、沙律，豐富度100分。一黎就梗係食左個龍蝦包先，大大隻，大概就有3-4個拳頭size，個包係輕輕烘過的排包，入口有陣甜味，非常鬆軟，而入面就塞左好多龍蝦肉同埋少少醬汁，一咬落去滿足到不得了，有彈牙龍蝦，又有軟綿綿包，用料十足。睇下，真係有好多龍蝦肉架！之後仲有半隻燒龍蝦，先講我最愛的蝦頭，好多濃郁的蝦膏，啜個時每啖都好鮮味，至於蝦肉當然都唔差，彈牙到非常誇張，食完覺得夠飽唔夠喉，好想ENCORE再叫多隻龍蝦自食XD再黎就

一去到接待處 侍應就話有限時 入座起計個半小時佢分兩層 入到去d座位都幾逼 不過環境都可以叫左個玉子 都幾好食 入面有啖啖的蟹肉 同外面煙熏個d玉子爭唔幾叫左個海鮮烏冬 侍應話要快d食 唔係就會好咸 影完相已經即刻食 都係有點咸咸的 味道尚算可以呢個好像係必嗌 個龍蝦都算多肉 但味道不是太夠 多士都可以 薯條炸得夠脆喔 4個人分就不是好夠 價錢都唔便黎多個簿餅 個皮夠脆 不過冇乜肉 得芝士佢賣相一般 但食落都唔錯ge 哈哈 佢d野飲好靚 好夢幻吖！而且都好飲！