Darci by Aldou (已結業)

元朗食晚餐，有野西餐幾出名，一於同肥仔試下啦。椰菜花烟肉薯仔忌廉湯非一般的忌廉湯，味道好濃郁，焑肉令忌廉湯更加香濃。三色手撕雞柚子醋沙律有火腿絲、手斯雞、蕃茄、蘿白絲！柚子醋令成個沙律都好清新，甜甜蜜蜜的，好開胃。香煎北海道刺身帶子龍蝦汁意粉$158帶子真係好新鮮，煎得個外皮好香，咬落去好鮮甜，意粉煮得軟硬適中，帶點爽口，龍蝦汁堅係香濃！推介澳洲8安士西冷扒伴芝士焗薯蓉$158西冷點了七成熟，廚師煮得剛剛好，咬落去好juicy，肉味香濃，芝士薯蓉吃落不會好濟。整體上都好好味，環境都非常好，下次會再黎食

西餐最緊要係坐得舒服同夠relax,元朗呢間西餐滿足到我，而且野食唔錯！仲有好聽嘅英文歌呢。叫左2人餐，好夠飽嘅份量！湯野飲頭盤主菜同意粉。頭盤煙肉薯蓉餅，三大舊！炸粉唔會厚重。好欣賞羽衣甘藍沙律。帶子龍蝦汁意粉有濃濃龍蝦香，意粉彈牙好咬！入味好吃。帶子好大哦！比目魚鮑魚配紫薯，估唔到個魚最搶戲，魚皮上魚油香料係完美混合，好脆。紫薯容令到我地勁飽足Aldou元朗有2間，呢間雞地方便易搵，下次去荔枝角分店再食！

上星期與朋友經過鳳攸南街，發現一間環境外觀不錯嘅西餐廳，把心一橫便走入去嘗試。後來先知，呢間野係元朗同荔枝角都有唔同名既分店。（ALDOU & ULYSSA)餐廳佈置雖看似簡單，但甚有情調。當晚我們選擇門外的位置，環境清幽寧靜食物款式十分多元化，結合西方和泰國菜式。我哋點咗個個$388套餐，前菜包括煙三文魚凱撒沙律、兩份餐湯。主菜我哋加錢點咗帶子北寄貝墨汁意大利飯同埋蜜糖焗德國豬手配燒鮮菠蘿片，最後我哋加錢點咗一杯Green Tea Latte 同埋一杯芒果乳酪沙冰。等咗冇耐就先奉上餐湯：南瓜湯。 令人出乎意料之外是即使普通一客餐湯，亦能反映廚師的細緻、花心機裝飾擺盤。餐湯入口盡是濃郁的南瓜味，值得推介。緊接是平時鮮有機會食到嘅彼德包。彼德包搭配油醋汁，熱哄哄、 酸酸地，令人開胃同精神為之一振。煙三文魚凱撒沙律：沙津汁味道適中、蔬菜新鮮清爽。最讓人期待係晚餐兩個主菜。 蜜糖焗德國豬手配鮮菠蘿片份量十足、絕無欺場。豬手外層塗上蜜糖，味道分外香甜和脆口，肉質鮮嫩，容易切割，兩個人食份量十足。最令我們驚喜的是拌碟的鮮菠蘿片，既甜且多汁。另一個主食係帶子北寄貝墨魚汁意大利飯。 同樣，廚師細心裝

特登情人節book檯嚟食，都係揀餐廳果陣睇到menu 好似幾吸引咁。落單果陣特登叫咗慢煮鵝肝牛扒，等左個幾鐘終於有，但係嚟到係變左龍蝦！上菜員淨係講左句 冇晒鵝肝啦！就走左。茶記都會落單果陣講冇啦，有乜理由係到到上菜一刻先話俾人知轉左？勁失望！塊牛扒仲要勁柴！

今日陪媽咪拜完年順路逛下街， 在形點逛完就想順便食埋飯先回家。於是上網搜下有咩食，但又唔想去啲連鎖餐廳，最後決定落地，走去附近嘅鳳攸南街，估唔到形點附近有間環境外觀都很不錯嘅西餐廳喎。餐廳內裡都係簡單佈置，我地坐係一邊梳化位，擺放了認得係Ikea嘅cushion, 好有home feel, 舒適自在。晚餐以套餐為主， 我地點左二人套餐， 包括一頭盤、兩份餐湯、一主食、一主菜及兩杯飲品，都幾豐富。我特意加錢點了手工啤酒，因為要配等下嘅主菜。點好菜，有幾耐就奉上餐湯， 餐湯是南瓜湯，入口好細滑但唔覺有用忌廉或牛奶去增加細滑感，啖啖都是滿滿濃厚嘅南瓜味，非常好飲，是整份套餐嘅點睛位。頭盤我選了冬陰功煮大蜆，份量都幾足，有十幾廿隻，大蜆煮得好香好夠味， 無沙又鮮甜。我偷飲左啖湯，冬陰功湯微辣惹味，覺得可以用黎煮個米粉囉😝。主菜今晚唔鋸扒，我揀左原隻德國咸豬手，愛啤酒嘅我對德國豬手真係冇乜抵抗力！先前落單時店員就話餐廳只提供手工啤酒，還因應我喜好介紹我揀邊款，佢地有本地手工啤酒，是少爺啤，不過我平時自己都有買，所以想試啲少買嘅，最後揀左Scotland 嘅Innis & Gunn, 有rum酒味

今日同屋企人黎來左地鐵站附近一間西餐廳食野，我地叫左一個二人套餐：前菜係冬陰功蜆，味道都不錯。另外叫左個巴馬火腿牛肝菌意粉，意粉偏乾身，個汁好大蘑菇味，幾好味。而主菜係歐洲8安士西冷牛扒，我地唔鍾意咁生，所以叫左七成熟，配上薯角，味道都唔錯，牛扒唔韌。另外跟餐有2個餐湯2個飲品！二人餐嘅份量唔算好多。之後我地仲加點左一個主菜，香燒比目魚。喱個個魚好滑，個皮脆而且肉嫩，幾juicy 。總體都唔算！如果份量更多更正！

初四三人行 訂8點鐘 準時有位點咗3個$228指定海鮮🦞任食餐諗任淨係食到一轉海鮮盤 點知差不多食完時 侍應自動同我哋講上多盤加咗磯煮飽魚 味道口感都好好 鮮味送咗3隻蠔 新鮮但味淡海鮮盤 整體不過不失 西冷5成熟 生熟剛剛好 而冬蔭功蟹肉海鮮飯有驚喜 超香椰奶味 辣辣地幾野味 份量剛剛好

依間西餐原來同元朗劇院個邊係同一間，兩間風格一致，鋪頭座位不多，有張長檯可以坐到6-8個人。有需要可提早book位晚市有最低消費130一位，經常有手工啤酒或者生啤特價，間中更有海鮮放題任食，近期仲有朱古力火鍋，價錢不貴，不過只有1430-1630有。餐包依舊出色，有咬口。而餐湯係雜菜湯，好多料比較清淡。3個女仔，叫左個2人餐再加1個羊架。dinner set $388，前菜有兩款，叫左冬蔭公煮鮮蜆，味道不俗，偏辣，蜆亦都好新鮮大大隻而同樣係冬蔭公蟹肉意大利飯，份量岩岩好，夠creamy，飯亦都軟硬適中，而蟹肉分量都唔少而豬手係真好大隻，旁邊燒菠蘿真係又甜又多汁，同埋啲配菜都好好味，好抵食而羊架叫左7成熟，岩岩好，羊味唔重亦冇酥味坐得舒服，不過燈光可以光小小就好

如果有入開元朗覓食🥢相信呢間餐廳都係其中一間check list嘅餐廳🥳今晚約左閨蜜共聚晚餐🍽一入餐廳全院滿座😄好彩唔洗等好耐就到我地啦😉今晚點左appetiser🐚「羅勒白酒忌廉煮青口」白酒忌廉汁香濃令青口食落帶一份濃郁味道😙亦無遮蓋左青口嘅鮮味😌主菜點左香草鴨胸🦆拼珍寶虎蝦🦐配香芒汁🥭鴨胸有兩大塊✌🏻唔係平時煙燻果隻😳係新鮮架所以口感亦鮮嫩彈牙😎肉汁亦相當豐富珍寶虎蝦有拳頭咁大👊🏻廚師亦細心將蝦腸去除👨🏻‍🍳加分虎蝦肉爽口😚配上香芒汁食落帶點清新感微微甜最底有薯蓉🥔加入黑松露🍄令薯蓉食落更香味無窮

元朗-Darci by Aldou：泰式無骨鳳爪(hk$58)、泰式冬陰公蟹肉意大利飯（$128），羊架（$258）+$28轉餐（湯+餐飲），+10%-ALDOU係在元朗有兩間，一間在新圖書館條街叫Aldou cafe，一間在雞地就是Darci by Aldou，正正是元朗既一頭一尾， 聽聞荔枝角仲有一間叫ULYSSA，不過呢間就未試過。今次食既係Aldou by Darci，店子小小但環境舒服，燈光柔和，aldou出品一向唔錯，無黎一段時間，今次再臨發現侍應換了，style唔同左，餐牌也多了幾款泰式fusion菜，就試下啦。-先來是微暖彼得包和南瓜忌廉湯。-前菜泰式無骨鳳爪，$58但好大份，分量充足，泰式醬汁撈埋西式沙律菜，fusion感重，清新開胃。-冬陰公蟹肉意大利飯，蟹肉都幾多，仲有蟹子，所以口感豐富，冬陰公味適中，帶少少少少少辣，加點青檸更香。呢道飯有新鮮感，不過我都係鍾意darci既普通西式意粉/意大利飯多點哈哈。-今晚既主角係羊架，肉質柔軟，火喉控制不錯。最特別的是它的配菜，煙肉菠菜和粟米糕。配菜薯蓉或薯仔就食得多，粟米糕係第一次見，兩邊煎得香脆，入面有微小的顆粒感，幾特

今日咁岩入元朗食晚飯，行過見到依間西餐裝潢好靚，燈光柔和，幾文青幾有情調，決定入去試試Dinner Set 選擇都幾多，有飯/意粉，鋸扒/豬手等等，價錢唔算貴。最後決定試下個2人餐。簡左冬陰公煮鮮蜆，蟹肉冬陰公意大利飯，同埋蜜糖焗德國豬手配燒鮮菠蘿。依個餐仲包左2個餐湯同飲品。今日餐湯係雜菜湯，清清地都唔錯。原來仲有餐包架，依個薄餅熱辣辣食幾正，個汁小小酸酸地幾好味。冬陰公煮鮮蜆唔錯，冬陰公陣味同d蜆幾夾，幾入味同埋d蜆肉好大粒呀👍🏻蟹肉冬陰公意大利飯蟹肉份量都算多呀，冬陰公既意大利飯都幾fresh,食完唔會好濟，唔錯唔錯。份量就唔算好大份，不過2個人share都岩岩好。登登登登，主菜黎啦，蜜糖焗德國豬手配鮮菠蘿，個豬手焗得幾好味，配埋個鮮菠蘿，菠蘿好甜好多汁，推介推介👍🏻🤤會再encore的

ALDOU元朗有兩間，一間係雞地，另外一間喺元朗劇院附近。元朗劇院嗰間因為近屋企所以經常晏晝都會去食lunch，而雞地呢間以前返學好近學校又近西鐵站，所以夜晚經常食，就嚟變咗飯堂嗱。兩間鋪頭嘅裝修都超級鍾意，令人覺得好舒服好放鬆，好有外國嗰種cafe嘅味道。雖然鋪頭係雞地，而且亦都唔算大但係佢哋啲座位都唔會擺到好迫，令人坐得好舒服。而且佢哋有一張大枱可以坐到八至10個人，多啲人嚟食都可以一齊坐唔使分開。呢度嘅dinner set 有288同528，可以揀一個前菜，一個意粉，同埋一個主菜。另外仲跟埋湯同埋飲品，另外其他特色飲品就要另外加錢。連支裝手工啤酒同埋紅酒白酒都有。二呢排仲多咗朱古力火鍋任食，都係+38或者$48一位。另外仲有個食海鮮嘅套餐都好抵， $228可以有指定海鮮任食應該仲可以揀多一個主菜，主菜有得揀意大利飯、意粉、連鴨胸鱸魚同埋西蘭牛扒都有不過就限咗時90分鐘。以價錢黎計呢個set都好抵！不過今日想食熱野天氣凍，所以我哋都係揀咗晚餐set。首先嚟咗餐湯同埋麵包，呢度嘅包同其他西餐廳有啲唔同，個口感好似食緊印度薄餅，非常有咬口。而餐湯亦都不過不失，最近食幾次都係呢個湯冬陰公

上星期5 約女友去食飯，梗係要揾返間似樣d既餐廳，上次經過darci見幾有情調，又多人等位，於是早幾日book定檯，同女友食返餐好既！我book檯時選擇左坐門外既位置，我哋準時去到，經理已經留定張門口檯俾我哋！餐廳環境真係唔錯，鋪頭內外加埋大約有10 多張檯，所以經常有食客喺門外等候入坐！個感覺有d似去左曼谷一d高級西餐小店，皆因餐牌內夾雜不少泰式食品！落單完成後，先嚟到既係平時好少食得到既彼德包！ 熱辣辣配上油醋汁送到，酸酸地幾開胃！跟餐有湯送，今晚既湯係磨菇湯，本來以為無咩特別，飲啖先知有點點松露香味，幾醒神！跟住到前菜部份！我哋揀左個泰式無骨鳳爪，份量頗多，賣相吸引，有點酸酸辣辣既香味，聞到都流晒口水了！ 雞腳幾爽口！酸辣味好徹底入晒d肉度，好有泰國當地餐廳既水準！炸洋葱圈都好快送到嚟！ 賣相唔錯，炸得金黃香脆，重點入面既洋葱都幾爽甜！我叫左杯泰式奶茶，味道同喺泰國飲嗰d都好似，茶味香濃，奶茶都幾滑，唯一唔同既係，唔會勁甜，啱晒香港人口味！等左一陣主菜好快都出場！先嚟到既係蟹肉冬蔭功意大利飯，賣相好出色，香甜既蟹肉滿滿鋪在飯面，仲有好有咬口既蟹籽粒撈埋一齊食！口感唔錯！至於飯既味

問住係元朗既朋友有咩餐廳介紹佢就介紹左呢一間西餐廳比我Yoho行過黎都唔算耐！過埋條小河就好快到喇~餐廳唔算好大附近都好多食市但係呢一間明顯特別多人~所以我地都要等一等先有....就算2人都會比4人位置你所以空間好足夠亦都唔會聽到附近D人講咩~不過就會做少好多生意但作為客人好滿意呢個安排!!一開始已經比個巧克力火鍋吸引.......但係忍住!食完正餐先!首先我地點左一個凱撒沙律係我最鐘意食既生菜同埋有芝士粉條同煙三文魚好好味份量都好多好似食極都有咁~主菜方面點左香蒜辣味蜆意粉同香草鴨胸配芒果汁~餐湯都好大碗夠熱夠濃一D都唔hea~都幾多人點香蒜辣味蜆意粉!果然冇令我失望見到d蜆已經好喜出望外覺得要加分因為平時食開既蜆意粉多數都只係好細隻/沙白但係呢到既蜆係好大隻而且好厚肉食落仲好新鮮有鮮味!加上蜆既數量都唔少架意粉唔好以為得好少食食下其實都幾多!至於香草虎蝦鴨胸配芒果汁虎蝦都大隻鴨胸朋友話都唔錯~食落唔臭配埋芒果汁佢話都幾果癮幾好味架飲品我就點左玫瑰黃金桂平時都好少飲茶加玫瑰花估唔到效果幾好加上唔係用茶葉碎所以茶味特別出!就算沖左幾次依然有回甘~飲開茶既你一定會明呢個小舉動有幾重要加分

經朋友介紹元朗有間西餐廳幾好食於是就去試下，行落鳳群街果邊就見到有間門口幾靚又有outdoor坐位嘅餐廳應該就是這間吧。我地7點半到嘅時候。。嘩！差唔多滿坐了連outdoor都坐滿 好彩入面還有2張枱姐，餐廳雖然不大但裝修很有心思有用咗花嘅主題環境舒適。我地點了個輕量級2人set dinner因為有個重量級喺有個海鮮盤 指定海鮮仲可以任食添haha..下次再試。2人餐有3樣主菜可選跟餐湯同一個類似中東包嘅餐包很特別。點了冬陰功煮鮮蜆 帶子北寄貝墨汁意大利飯同澳洲西冷扒，餐飲叫咗玫瑰茶 同一杯乳酸梳打特飲。先來冬陰功煮蜆，大大隻飽滿嘅蜆肉加上多種香料煮成嘅冬陰功醬汁 食一啖已經停唔到口了。剛好食完蜆後就到我們叫了5成熟嘅8安士西冷扒上菜，大大舊厚厚肉身嘅牛扒完全唔韌點上燒汁份外美味，還配有香口脆脆嘅薯角 (個人喜愛薯角多過薯條)。最後個意大利飯都到了，北寄貝同表面煎過嘅新鮮帶子的確鮮甜，意大利飯好似平時不同比較大粒用墨汁煮食到我地個咀都烏卒卒 呢個飯好美味。食到飽飽地飲番杯熱嘅玫瑰黃金桂茶清清腸胃同杯乳酸梳打零舍醒神。 我覺得餐廳食物美味之外仲好抵食，下次要試埋個海鮮盤盤先。