Darci by Aldou (已結業)

今日去咗食呢間位於元朗幾出名嘅西餐廳 出名在於佢有任食凍海鮮 不過今日腸胃有啲麻麻地 所以都係食住普通西餐先閒日夜晚嚟到已經好full 只剩外面嘅餐枱 仲可以有陣陣微風 感覺更加清幽叫咗個$428嘅二人餐 價錢已經包咗餐包 前菜 主菜同埋飲品 西餐嚟講好抵食 新年流流攞個好意頭 梗係要食新年撈起 其實係三色手撕雞柚子醋沙律 手撕雞一啲都唔乾 加上新鮮嘅沙律菜 分外清新 配上柚子醋有啲和風嘅感覺 勁開胃香草寶雲酥羊西冷配香草芥末籽汁 羊架就食得多羊西冷就未試過 所以非常吸引我 上面加上麵包糠同香草等一齊去焗 口感鬆脆而且好香濃嘅牛油味 加上羊西冷羊味十足 非常啱我口味 不過肉質比較鞋口同韌

因方便同是住新界的朋友下班約食飯，故挑了元朗一間都蠻近西鐵站的餐廳試試。台不是很大，所以到時裡頭已坐滿了人，剛好天氣不錯便決定坐餐廳外抖抖新鮮空氣。外邊其實都挺寬闊，都不錯。而且沒什特人聊天倒是很方便，比想像好哈。最終決定了叫二人餐，因兩個女也不是很能吃，所以就選了沒那麼膩的青口。$428兩人份，以西餐來說價值合理。餐湯是南瓜忌廉湯，很香濃清甜，又不會太膩。餐前包挺特別，麵包質感較實不會發得鬆，很有口感。青口還蠻多的，用白汁煮所以有點奶香，不會有腥臭味。之後是香煎北海道帶子蝦汁意大利麵。帶子挺大大個一件很厚身有肉。意大利很有咬感，蝦汁濃，尚算不錯。德國豬手配菠蘿片。豬手火喉控制得不錯，保有肉汁不會乾身。蜜糖烤汁蠻香濃惹味，襯托得不錯。餐還有餐飲，有花茶可挑，蠻多選擇的。

小妹住喺黃埔區，適逢星期六搵男朋友所以就去咗元朗度睇戲經過鳳攸南街， 發現一家環境，外觀都唔錯嘅西餐廳，所以好奇就走入去望下啦有一種小清新嘅感覺，餐廳佈置雖然看似簡單，但係好有情調食物款式都十分之多元化，結合咗西方同埋泰國嘅菜式 我哋嗌咗兩個主菜 同兩杯嘢飲歐洲8安士西冷牛扒聽人講話食牛扒最好就係5成熟，所以就嗌咗五成熟喇配上特別嘅薯蓉， 上菜嘅時候店員會介紹下呢一個餸， 牛扒唔靭，味道唔錯五成熟啱啱好，佢配嘅薯蓉好特別㗎，唔係一般嘅 薯蓉 我哋切開嚟嘅時候佢薯皮都炸到脆卜卜可以包埋入口一齊食，感覺好鬆軟好似少少餅乾嘅感覺香草寶雲酥羊西冷，配香草芥末籽醬聽到呢個名都覺得好新鮮所以一定要嗌嚟食啦，呢個 羊冷 好特別佢個面係用 麵包糠冚住，好香口， 佢四塊肉都係有唔同嘅生熟度容易切開， 食落去啲羊肉唔騷㗎啱曬兩個人嗌兩份主食啱啱好，可以試到人哋嘅嘢藍戀花藍莓梳打一杯甘夢幻嘅嘢飲，唔係間間西餐廳都有㗎佢用藍莓再配合 薄荷 調製而成，味道 啱曬少女心咸檸啤，呢個應該算係而家最新潮嘅啤酒，佢鹹嘅同埋檸檬嘅味道好重酒嘅比例比較少我知道元朗向來都有好多隱世嘅西餐廳兩個人埋單都好平 500蚊都唔使有機

生日月朋友們紛紛邀約飯局，想唔重複菜式或風味，淨係諗食咩已經頭痛😜今次由朋友E揀，呢度睇落又唔錯喎，地點又方便我倆。見佢新年套餐都幾吸引，$268指定海鮮任食+主菜+餐湯我哋又鍾意食海產類，Ok 啦😋主菜揀咗西京醬燒比目魚伴磯煮鮑魚仲有香燒鰻魚玉子燒漢堡伴薯條是日餐湯係鮮打椰菜花忌廉湯，清新好味又有新鮮感。個餐包都好好食嘩，海鮮冷盤陣容鼎盛有生蠔、龍蝦、紅蟹、南非熟蝦、花甲、海花螺、藍青口、日本珍珠帶子生蠔唔算肥美，勝在creamy夠鮮味，紅蟹肥美有膏，肉質實得得，好鮮甜龍蝦雖然細細隻，超鮮甜，肉地爽彈，正到呢龍蝦頭也不能錯過！西京醬燒比目魚魚皮煎得香脆，魚肉嫩滑有油脂香磯煮鮑魚新鮮好味好開心好滿足嘅一餐朋友E嘅香燒鰻魚玉子燒漢堡配薯條佢話好食，不過份量太大，食曬啲鰻魚會膩喎。

朋友帶我去元朗尋食， 到了西鐡站附近嘅西餐廳 （Darci by Aldou）食晚飯！餐廳設有outdoor坐位， 仲以木製傢俬為主調， 好有郊外氣息， 好舒服！我地叫咗 《set dinner for 2》 $428， 包咗餐湯、餐包、沙律、主菜 & 餐飲， 抵啦！ 餐包係熱辣辣嘅薄餅， 點上橄欖油同醋汁，味道酸酸甜甜， 又好食又開胃！ 餐湯係磨菇湯， 香噴噴嘅磨菇， 香味四散，味道香濃，口感香滑， 真的不錯。先上《三色手撕雞柚子柚子醋沙律》，沙律菜十分新鮮， 口感好爽囗， 配上黑醋作調味， 味道酸酸甜甜， 使我食肉大增 。《香煎北海道刺身帶子龍蝦汁意粉》， 帶子囗非常優質， 好鮮甜，而且十分肥美， 帶子好大呀！ 鮮甜無比， 意粉亦煮得煙韌，爽口彈牙， 掛上香濃嘅龍蝦汁， 好正！ 主菜係《蜜糖焗德國豬手配鮮菠蘿片》， 份量好勁呀， 豬手大大隻， 好厚肉呀！ 外皮十分香脆， 帶有蜜糖脆味， 切開豬手十分juicy， 好食到不得了！ 正！ 配上幾片菠蘿， 菠蘿香甜多汁， 好好食呀！ 可以Encore 幾片菠蘿就好啦！ 朋友食完豬手想飲番杯熱野， 叫咗杯四季青鐵金香， 而我又對菠蘿念念不忘

一行三人食開年飯，由於新年食中餐已經食到厭晒，今次就揀咗西餐🍹🍹係鳳攸南街出名多好嘢食😬😬第一次嚟呢間Dario 裝修好華麗好溫馨😍😍朋友都跟我讚我揀得好😆😆每人叫咗個set dinner 加$28有嘢飲同餐包，湯🥣！呢度個餐包好特別1熱辣辣好軟😋😋，配上黑醋欖油，有別於一般的西餐😬餐飲仲可以揀其他花茶，不過我就鍾愛凍🍋茶啦干瑤柱蟹肉蘆筍意大利飯 $138。非常足料，蟹肉鋪滿成隻碟，而且飯底鮮甜仲好creamy添👍香煎北海道刺身帶子龍蝦汁意粉 $158龍蝦味勁濃，意粉硬度適中，由於帶子是刺身級，所以特別鮮甜外脆內軟😑呢隻蜜糖焗德國豬手配燒鮮菠蘿片就啱晒送啤酒啦🍹 一啲都唔乾，而且肉嘅質地好林，點上芥辣好惹味，啖啖肉仲好大隻添菠蘿片燒得好香好甜👍綜觀來講環境一流，店員都好細心，嘢食中上，定價都算親民，有下次😉

今晚試過澳洲8安士西冷牛排，略為遜色。肉質比較韌。薯蓉夠味道上碟擺設可以更靚。南瓜忌廉湯好味道夠creamy芝士海鮮火鍋好味道，但蝦不夠新鮮。餐廳內部佈置簡單，環境舒適的。但抽風系統要多加改善。地方擺設雅緻，侍應生有禮貌。

我們的紀念日係平日，就係屋企附近食西餐sweet sweet 💞💞環境好靚靚呀今日凍凍地 波士頓龍蝦海鮮暖意芝士火鍋 好fit 呀😍二人餐🥰🥰頭盤好養眼😍😍龍蝦好大只，幾爽口，仲有海水味架😆😆海螺🐚鮮鮮，大大粒，有4粒，加芝士好特別，另一風味芝士西蘭花🥦是常識吧！Main course 大大隻豬手，好稔好多膠質，養顏呀😎😎配上燒菠蘿片，好甜干瑤柱蟹肉露荀意大利飯 —-超級多蟹肉呀! 蟹肉好鬼多又鮮甜，飯底加左干瑤柱整，甜甜地，合我胃口😜😜餐湯係蘑菇忌廉湯，香濃好飲，仲有餐飲，差D食吾曬，但咁好味，一定吾可以浪費😂😂

又係時候食個別緻晚餐，撐下枱腳，今次搵左呢間元朗西餐廳，喺西鐵站行過去都幾方便。店面雖然唔係咁大，但絕對坐得舒服，感覺仲幾溫馨，啱哂情侶/閏蜜嚟食個飯 傾下計。我哋叫左個2人set dinner，餐湯係南瓜忌廉湯，好滑好濃郁，配埋熱辣辣又鬆軟嘅彼德包，包亦都可以選擇點黑醋&橄欖油，味道都好襯椰汁香茅煮藍青口同一般西餐廳嘅煮法唔同，呢度用左椰汁+香茅去煮，味道好特別，帶點泰式風情，亦冇諗過原來青口都可以有咁樣的味道，十分驚喜！干瑤柱蟹肉意大利飯蟹肉份量都幾多，口感豐富，份量二人食剛剛好香草寶雲酥羊西冷香草麵包糠包圍住羊肉，焗出黎好香好嫩滑，配埋芥末汁味道更豐富好食！羊肉亦夠羶味餐飲我叫左玫瑰黃金桂，散發出玫瑰茶香

元朗好多嘢食，嚟元朗唔一定要幫襯連鎖食店，有地膽帶路介紹我試呢間隱世小店餐廳環境氣氛溫馨浪漫又帶點窩心是日餐湯餐湯是雜菌忌廉湯配彼得包，忌廉湯菇味香濃，質感濃稠幼滑；彼得包蘸上橄欖油和黑醋同食特別開胃熱溶芝士薯格薯格炸得金黃脆口，配搭半溶芝士同食超邪惡沙樂美腸希臘芝士水欖香醋沙律沙樂美腸的鹹香配巴馬火腿的油潤，加上濃味的希臘羊奶芝士和黑醋，另整整個沙律味道很豐富脆巴馬火腿藍芝士合桃忌廉意大利飯藍芝士味道濃郁，忌廉意大利飯煮得香滑軟糯，再將脆巴馬火腿整碎同香脆合桃同食更可口香煎北海道刺身帶子龍蝦汁意粉帶子兩面煎封中間仍然軟滑彈牙，配埋龍蝦醬汁煮的意粉同食更加鮮甜蜜糖焗德國豬手配燒鮮菠蘿片豬手外皮烤得香脆帶蜜糖甜香，而肉質扎實帶點鹹香，但份量頗大，所以配搭燒菠蘿同食可解點膩，菠蘿經過燒製更顯鮮甜

元朗近年發展蓬勃，多個大型屋苑臨立並開始引入大型連所餐廳，仿佛去到那裡都看到相同餐廳吃到同樣味道，媽媽與我霎時厭倦了那一式一樣的味道，便決定逛商場後到附近出名多小型餐廳的雞地覓食！離商場不遠便找到一間精緻西餐廳細小的正門，黑色的門框，旁邊放著綠色植物，2顆光猛的射燈照射在前方，有小清新的感覺。戶外還放置了一張4人檯可供吸煙者或攜帶寵物人士用膳甫進後感覺又有所不同，餐廳以黑、白和灰色為主，昏暗的燈光及花、草及乾花的襯托下又多添一份溫暖窩心感除了2款晚餐套餐及海鮮任食套餐外，還可單點主菜加$28配餐湯及餐飲。我倆選擇了後者，因為可以不受限制地點選自己喜歡的菜式是日餐湯為番茄湯，番茄濃度十分高，見碗邊已知其濃郁程度。整碗為番茄蓉，明顯吃到番茄皮及番茄籽，味道亦帶果酸，非常足料及開胃之餐湯彼得包(又稱口袋包)近年開始在港普及，除了中空可以夾餡吃外，鬆軟的質感還可以用作製作小型薄餅餅底，但彼得包作餐包並配油醋確實第一次品嚐，為味道單調及質地乾身的它增添了順滑與開胃感大排檔的避風塘炒蝦都熟悉不而，但選用縞蝦並在西餐廳可以品嚐到確實既新奇又感到意外。服務員一再強調可以整隻蝦連殻進食，縞蝦被炸後果然非

食厭連鎖食肆所以最近晚餐時間行完形點就去左小店林立嘅鳳攸南街搵食經過成堆中菜館最後搵到間西餐小店價錢唔貴就決定試試餐廳唔大但係環境氣氛浪漫而且座位寬敞舒適餐湯是日餐湯係雜菌忌廉湯，質感綿稠而且菌香濃郁餐包餐包幾特別係款中東嘅口袋麵包叫彼得包，微暖鬆軟配搭黑醋同橄欖油微酸開胃沙樂美腸希臘芝士水欖香醋沙律巴馬火腿油潤而沙樂美腸咸香，加上希臘嘅菲達芝士用綿羊奶製味道濃烈，配搭溫和嘅香醋沙律感覺清新熱溶芝士薯格份量好多而且薯格熱辣通透配搭芝士半溶惹味脆巴馬火腿藍芝士合桃忌廉意大利飯藍芝士味突出加上忌廉順滑而且意大利飯口感軟糯，配搭合桃香脆同埋巴馬火腿薄脆壓碎拌飯層次豐富香煎北海道刺身帶子龍蝦汁意粉北海道刺身帶子肥大肉厚，即使經過高溫煎封但中間肉質依然軟嫩緊緻，配搭龍蝦醬汁更加鮮甜蜜糖焗德國豬手配燒鮮菠蘿片蜜糖豬手豬皮甜脆煙韌，肉質緊實肉汁豐富邊沿稍微焦香，配搭燒菠蘿片香甜消膩

今晚歡迎新同事加入公司，因為大家都開始年紀大，就決定唔食任食，食西餐。誰不知，依個係一個非常錯嘅決定我們一行11個人，openrice 訂位系統無11人的選擇，所以就打電話預約。問了訂位係咪有生蠔送，服務員答係，於是就訂咗11位！因為人多預先比了$500訂。到咗當日服務員竟然話無得送生蠔，因為我地唔係經openrice 訂位。我們當時覺得受騙了！我們叫了每人一份main course,加了$28升級做套餐。套餐多了湯及飲品。飲品只限一般檸茶檸水茶包飲品，如果要特飲就要再加錢（我覺得合理），但咖啡及朱古力類就要再加$12..... 我覺得有點貴。食完main course....完全唔飽，份量實在係太少。最後比錢，好彩有check單，當初比咗訂金$500，服務員完全無計入去！竟然要提先話...係喎。今晚餐飯真令人失望🙍🏽

元朗一向都好多食店，但係有清新感既西餐廳就唔太多。經過 Draci by Aldou 個門口就被俾佢吸引住，門口D木椅，加埋裝飾，充滿清新感。叫咗個二人餐，首先上既係餐湯，好滑，甜甜地好好飲。椰汁香茅煮青口，好香椰汁味，青口都好鮮甜。蜜糖焗德國豬手 配 燒鮮菠蘿片，平時食豬手都係配酸菜多，估唔到加埋燒菠蘿伴碟，可以咁match 解油膩。豬手好厚肉，肉質又夠淋，好好味。干瑤柱蟹肉露荀意大利飯，好多蟹肉。四季青鐵觀音，食完豬手飲返杯荼，nice!

經過鳳攸南街，見到有間小店，原來係荔枝角Ulyssa by Aldou 既分店。餐廳內簡單佈置，坐得幾舒適。點咗個$428既二人套餐，包括一頭盤、兩份餐湯、一個主食、一個主菜及兩杯飲品，都幾豐富。首先上既南瓜餐湯，入口好細滑。頭盤係椰汁香茅煮青口。主食係蜜糖焗德國豬手 配 燒鮮菠蘿片，咸豬手外皮有少少蜜糖去烤， 所以有D甜味同脆口， 肉質嫩滑又多汁， 拌碟嘅燒菠蘿超級甜， 食少少豬手中途清口解膩唔錯。干瑤柱蟹肉露荀意大利飯，好多蟹肉。玫瑰黃金桂